Saturday, 03 Dekabr 2022 20:26
Yeni Azərbaycan Televiziyası
Bakı
İstanbul
Moskva
Azərbaycanda üç yeni radionun açılması üçün müraciət edən qurumların adları məlum olub - SİYAHI

Azərbaycanda üç yeni radionun açılması üçün müraciət edən qurumların adları məlum olub - SİYAHI

Azərbaycanda üç yeni radionun açılması üçün müraciət edən qurumların adları məlum olub.

Bu barədə YAZTV-yə Audiovizual Şuradan məlumat verilib.

Bildirilib ki, avqustun 23-də Audiovizual Şuranın “Media haqqında” qanunun 29.1-ci, 50.1.3-cü, 51-ci və 52-ci maddələrini rəhbər tutaraq ümumölkə yerüstü radio yayımçısı lisenziyasının alınması üçün 13 iyul 2022-ci il tarixdən elan etdiyi 3 müsabiqə üzrə sənəd qəbulu başa çatıb.

1-ci müsabiqə üzrə müsabiqəyə sənəd təqdim etmiş ərizəçilər:

(yayım üçün radiotezliklər: Bakı Teleqüllə Kompleksi – 90.7 MHs, İsmayıllı rayonu “İvanovka” RTYS – 104.5 MHs, Lənkəran rayonu “Lənkəran” RTYS – 89.6 MHs, Şuşa rayonu “Şuşa” RTYS – 98.0 MHs, Zaqatala rayonu “Danaçı” RTYS – 90.9 MHs)
1. “Baku FM” MMC (radio kanalın adı: “Baku Hit FM”)
2. “Retro FM” MMC (radio kanalın adı: “Baku Retro FM”)
3. “NHR” MMC (radio kanalın adı: “Yurd FM”)

2-ci müsabiqə üzrə müsabiqəyə sənəd təqdim etmiş ərizəçilər:

(yayım üçün radiotezliklər: Bakı Teleqüllə Kompleksi – 93.0 MHs, İsmayıllı rayonu “İvanovka” RTYS – 98.8 MHs, Lerik rayonu “Lerik” RTYS – 107.5 MHs, Şuşa rayonu “Şuşa” RTYS – 96.1 MHs, Ağstafa rayonu “Poylu” RTYS – 88.4 MHs)
1. “NHR” MMC (radio kanalın adı: “Yurd FM”)
2. “Retro FM” MMC (radio kanalın adı: “Baku Retro FM”)
3. “Baku FM” MMC (radio kanalın adı: “Baku Hit FM”)

3-cü müsabiqə üzrə müsabiqəyə sənəd təqdim etmiş ərizəçilər:

(yayım üçün radiotezliklər: Bakı Teleqüllə Kompleksi – 93.3 MHs, Ağsu rayonu “Gülüstan” RTYS – 102.1 MHs, Lerik rayonu “Lerik” RTYS – 91.3 MHs, Şuşa rayonu “Şuşa” RTYS – 97.1 MHs, Quba rayonu “Dağlı” RTYS – 93.3 MHs)

1. “Retro FM” MMC (radio kanalın adı: “Baku Retro FM”)
2. “Beat Media” MMC (radio kanalın adı: “Radio Baku”)
3. “Baku FM” MMC (radio kanalın adı: “Baku Hit FM”)
4. “Balans Studiyası” MMC (radio kanalın adı: “Balans Studiyası Radio”)
5. “NHR” MMC (radio kanalın adı: “Yurd FM”)
6. “İNS ÇM” MMC (radio kanalın adı: “İNS ÇM”)
7. “İsti Press” MMC (radio kanalın adı: “İsti Press Radio”)

“Media haqqında” qanunun 52.4-cü maddəsinə əsasən növbəti 10 iş günü müddətində təqdim olunmuş sənədlərə baxılacaq və ərizəçilərin müsabiqəyə (müsabiqələrə) buraxılmaları və ya müsabiqəyə (müsabiqələrə) buraxılmasından imtina edilmələri barədə qərarlar qəbul ediləcək.

Son sutkada nə qədər vaksin vurulub?

Son sutkada nə qədər vaksin vurulub?

Azərbaycanda son sutkada koronavirus (COVID-19) əleyhinə 1 732 vaksin vurulub.

YAZTV” xəbər verir ki, bu barədə Nazirlər Kabineti yanında Operativ Qərargah məlumat yayıb.

Bildirilib ki, bir gündə birinci mərhələ üzrə vaksinasiya olunanların sayı 319, ikinci mərhələ üzrə vaksinasiya olunanların sayı 337, üç və daha çox doza üzrə vaksinasiya olunanların sayı 886, pozitiv nəticədən sonra buster doza üzrə vaksinasiya olunanların sayı 190 nəfərdir.

Bu həftə bütün müavinət, təqaüd, kompensasiya və ünvanlı dövlət sosial yardımları ödəniləcək

Bu həftə bütün müavinət, təqaüd, kompensasiya və ünvanlı dövlət sosial yardımları ödəniləcək

Avqustun 25-də bütün müavinət, təqaüd, kompensasiya və ünvanlı dövlət sosial yardımlarının ödənilməsi nəzərdə tutulub.

Bu barədə  Dövlət Sosial Müdafiə Fondundan məlumat verilib.

Qeyd edək ki, 2022-ci ilin yanvar-iyul ayları ərzində elektron sistem üzərindən 170,9 min pensiya, müavinət, təqaüd təyinatı aparılıb. Onlardan 17206-sı pensiya, 66706-sı müavinət, 87036-sı təqaüd təyinatı olub.

Sabahın hava proqnozu açıqlanıb

Sabahın hava proqnozu açıqlanıb

Bakıda və Abşeron yarımadasında avqustun 25-də hava yağmursuz keçəcək.

Milli Hidrometeorologiya Xidmətindən  verilən məlumata görə, cənub-şərq küləyi əsəcək

Havanın temperaturu gecə 19-24° isti, gündüz 32-36° isti olacaq. Bakıda gecə 19-21° isti, gündüz 33-35° isti olacaq. Atmosfer təzyiqi 762 mm civə sütunu təşkil edəcək. Nisbi rütubət gecə 60-65 %, gündüz 35-40 % olacaq.

Azərbaycanın rayonlarında sabah hava əsasən yağmursuz olacaq. Şərq küləyi bəzi yerlərdə arabir güclənəcək.

Havanın temperaturu gecə 18-23° isti, gündüz 34-38° isti, dağlarda gecə 9-14° isti, gündüz 20-25° isti olacaq.

Ölkədə koronavirusla bağlı statistika

Ölkədə koronavirusla bağlı statistika

Azərbaycanda son sutkada koronavirus infeksiyasına 622 yeni yoluxma faktı qeydə alınıb, 678 nəfər müalicə olunaraq sağalıb və evə buraxılıb.

YAZTV” xəbər verir ki, bu barədə Nazirlər Kabineti yanında Operativ Qərargah məlumat yayıb.

Son sutkada COVID-19-dan 2 nəfər vəfat edib. 

Bu gün hava isti və küləkli olacaq

Bu gün hava isti və küləkli olacaq

Bakıda və Abşeron yarımadasında avqustun 23-də hava yağmursuz keçəcək.

Milli Hidrometeorologiya Xidmətindən  verilən məlumata görə, şimal-şərq küləyi əsəcək.

Havanın temperaturu gecə 20-24° isti, gündüz 33-36° isti olacaq. Bakıda gecə 21-23° isti, gündüz 33-35° isti olacaq. Atmosfer təzyiqi 762 mm civə sütunu təşkil edəcək. Nisbi rütubət gecə 50-55 %, gündüz 30-35 % olacaq.

Azərbaycanın rayonlarında hava əsasən yağmursuz olacaq. Şərq küləyi bəzi yerlərdə arabir güclənəcək.

Havanın temperaturu gecə 19-24° isti, gündüz 33-38° isti, dağlarda gecə 10-15° isti, gündüz 22-27° isti olacaq.

V İslam Həmrəyliyi Oyunlarında ölkəmiz siyasi hədəfinə nail olmadı

V İslam Həmrəyliyi Oyunlarında ölkəmiz siyasi hədəfinə nail olmadı

İslam Həmrəylik Oyunları dörd ildən bir keçirilən beynəlxalq idman tədbiridir. Bu Oyunlarda İslam Əməkdaşlıq Təşkilatına üzv olan ölkələrdən idmançılar iştirak edir. Digər Beynəlxalq təşkilatlar kimi məsələn: MDB-yə üzv dövlətlər arasında keçirilən idman oyunları, BMT-yə üzv dövlətlərin ofisləri arasında keçirilən idman oyunları, TDT-yə üzv dövlətlər arasında keçirilən idman tədbirləri və Pan-Afrika, Pan-Amerika və digər bu tip yarışlar təşkilatdaxili üzv dövlətlər arasında idman vasitəsi ilə əlaqələrin davamlı inkişafını və dövlətlərarası inteqrasiyanı hədəfləyən qlobal idmanın siyasi platformasıdır. 

Bu fikirləri YAZTV-yə açıqlamasında politoloq (Qlobal idman siyasəti üzrə) Pərvin Mehdiyev İslam Həmrəyliyi Oyunları haqqında danışarkən bildirib.

57 dövlətin üzv olduğu təşkilatın ilk İslam Həmrəylik Oyunları 2005-ci ildə Səudiyyə Ərəbistanın Məkkə şəhərində keçirilmişdir. Həmçinin onu da qeyd edim ki, Oyunlarda təşkilata üzv olan ölkələrin qeyri-müsəlman vətəndaşları da iştirak edə bilər. İlk Oyunlara 103 idmançı ilə qatılan Azərbaycan 4 qızıl, 4 gümüş və 7 bürünc (ümumi 15 medal) medalla 8-ci yerdə bərqərar olmuşdu. II İslam Həmrəylik Oyunlarının 2009-cu ildə İranda keçirilməsi planlaşdırılmasına baxmayaraq yaranan fikir ayrılığı səbəbindən ləğv edilmişdi. Növbəti III İslam Həmrəyliyi Oyunları 2013-cü ildə İndoneziyanın Palembanq şəhərində baş tutmuşdu. Bu Oyunlara 53 idmançı ilə qatılan Azərbaycan 6 qızıl, 9 gümüş və 9 bürünc (ümumi 24 medal) medalla yenə 8-ci yerdə bərqərar olmuşdu. 2017-ci il paytaxtımız Bakı şəhərində baş tutan IV İslam Həmrəyliyi Oyunlarında ev sahibi kimi bütün idman proqramlarında iştirak edən ölkəmiz 75 qızıl, 50 gümüş və 37 bürünc (ümumilikdə 162 medal) medalla əyyar üzrə ölkə sıralamasında 1-ci yeri tutmuşdu. Bu yarışda qardaş ölkəmiz Türkiyə qonaq ölkə kimi ən çox iştirakçı ilə yarışlara qatılaraq 71 qızıl, 67 gümüş və 57 bürünc (ümumilikdə 195 medal) medalla əyyar sıralamasında 2-ci yeri, ondan sonra 39 qızıl, 26 gümüş və 33 bürünc (ümumilikdə 98 medal) medalla İran 3-cü yeri və 15 qızıl, 17 gümüş və 31 bürünc (ümumilikdə 63 medal) medalla Özbəkistan 4-cü yeri tutmuşdu. İslam Həmrəyliyi Oyunları tarixində ilk dəfə olaraq, ölkəmiz ən yüksək nəticəni göstərməyə müvəffəq olmuşdu.

Dünyada baş verən kovid-19 pandemiyası ilə əlaqədar olaraq, 2021-ci ildə keçirilməsi planlaşdırılan V İslam Həmrəyliyi Oyunları 2022-ci ilin 9-18 avqust tarixlərində Türkiyənin Konya şəhərində təşkili mümkün olmuşdur. Bu Oyunlarda iştirak edən 56 ölkə arasında 300-dən çox idmançı ilə qatılan Azərbaycan iştirakçı sayına görə ev sahibi Türkiyədən sonra 2-ci, qonaq ölkə kimi 1-i olmuşdur. Bu qədər geniş heyətlə iştirak edən ölkəmizin əsas hədəfi yenədə əyyar sıralamasında birinci olmasaqda ən azından daha yüksək nəticə ilə ölkəmizə qayıtmaq idi. Beləliklə, Oyunların yekununda medal sıralamasında 145 qızıl, 107 gümüş və 89 bürünc (ümumilikdə 341 medal) medalla Türkiyə 1-ci yer, 51 qızıl, 42 gümüş və 65 bürünc (ümumilikdə 158 medal) medalla Özbəkistan 2-ci yer, 39 qızıl, 44 gümüş və 50 bürünc (ümumilikdə 133 medal) medalla İran 3-cü yer və nəhayət 29 qızıl, 36 gümüş və 34 bürünc (ümumilikdə 99 medal) medalla Azərbaycan 4-cü yerdə bərqərar olmuşdur.

Siz necə düşünürsüz Azərbaycanın əldə etdiyi nəticəni yüksək qiymətləndirmək olarmı ?

 

Bilirsiz bir vətəndaş kimi ölkəmiz adına əldə edilən hər bir nəticəni yüksək qiymətləndirirəm. Bir dəfə də olsa bayrağımız fəxri kürsüdə yüksəklərə qalxırsa, himnimiz səsləndirilirsə bu bizim qurur mənbəyimizdir. Bu işdə ən böyük yük meydanda mübarizə aparan idmançılarımızın üzərinə düşür və idman arenasında qələbələrdə onların əziyyəti danılmazdır. Amma siyasi və analitik təhlillər apardığımız zaman adiyatı qurumun elan etdiyi 300 idmançı, onlarla idman jurnalisti, onlarla könüllü azərkeş qrupu və digər rəsmi şəxs və mütəxəssislərin ezam edilməsinə (500 nəfərdən çox heyət) baxdıqda qarşıya qoyulan məqsədin nə olduğu aydın görünürdü. Əsas məqsəd 2017 Bakı İslam Həmrəyliyi Oyunlarında qonaq ölkə olan qardaş Türkiyə kimi Azərbaycanın da Türkiyədə əldə etdiyi nəticənin yəni medal sıralamasında 2-ci yerdə bərqərar olması olmuşdur. Lakin medal sıralamasında 2-ci yerdə Özbəkistan, 3-cü yerdə İranın olması Bakıda keçirilən Oyunlarda İranın 3-cü, Özbəkistanın 4-cü yerdə olması ilə müqayisələndirdikdə qarşıya qoyulan məqsədin təmin olunmadığının şahidi oluruq. Mövcud vəziyyətə uyğun məqsəd və hədəfləri müəyyən edən zaman göründüyü kimi ölkəmizin idman potensialının artırılmasında koneseptual planlama və davamlı inkişafın təmin edilməsi məsələsi aktuallaşır. Hər bir halda idmançılarımızı əldə etdiyi nəticələrlə bağlı təbrik edir onlara qarşıda gələn beynəlxalq yarışlarda müvəffəqiyyətlər arzu edirəm.

Dövlət Ekoloji Ekspertiza Agentliyinin idarəetmə orqanları yaradılacaq

Dövlət Ekoloji Ekspertiza Agentliyinin idarəetmə orqanları yaradılacaq

Prezident İlham Əliyev “Ekologiya və Təbii Sərvətlər Nazirliyinin strukturunun və idarə edilməsinin təkmilləşdirilməsi ilə bağlı tədbirlər haqqında” 16 yanvar 2019-cu il tarixli fərmanında dəyişiklik edib.

YAZTV” xəbər verir ki, dövlət başçısı bununla bağlı yeni fərman imzalayıb.

Fərmana əsasən, nazirliyin tabeliyindəki Dövlət Ekoloji Ekspertiza Agentliyinin nizamnaməsinin təsdiq olunması və nizamnamə fondunun miqdarının müəyyən edilməsi ilə yanaşı, dəyişdirilməsi səlahiyyəti də Prezidentə məxsus olacaq.

Dövlət başçısının qərarı ilə Agentliyin idarəetmə orqanları yaradıla bilər. Dövlət Ekoloji Ekspertiza Agentliyinin Nizamnaməsində edilən dəyişikliyə görə, İdarə Heyəti Agentliyə ümumi rəhbərliyi və nəzarəti həyata keçirir. İdarə Heyəti ekologiya və təbii sərvətlər naziri tərəfindən vəzifəyə təyin və vəzifədən azad edilən İdarə Heyətinin sədri və onun müavini daxil olmaqla 3 üzvdən ibarətdir.

Azərbaycanda son gündə koronavirusa qarşı vaksinasiya qeydə alınmayıb

Azərbaycanda son gündə koronavirusa qarşı vaksinasiya qeydə alınmayıb

Azərbaycanda son gündə koronavirus əleyhinə vaksinasiya qeydə alınmayıb.

Bu barədə YAZTV-yə Nazirlər Kabineti yanında Operativ Qərargahdan bildirilib.

Qeyd edək ki, ölkədə indiyədək vurulan vaksinlərin ümumi sayı 13 848 567 təşkil edir.

Karantin rejiminin müddəti uzadıldı

Karantin rejiminin müddəti uzadıldı

Azərbaycanda karantin rejiminin müddəti uzadılıb.

YAZTV-nin  məlumatına görə, bu barədə Baş nazir Əli Əsədov qərar imzalayıb. 

Qərara əsasən, koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan ərazisində xüsusi karantin rejiminin müddəti 2022-ci il 1 noyabr saat 06:00-dək uzadılıb. 

Sabahın havası açıqlandı

Sabahın havası açıqlandı

Azərbaycanda avqustun 24-də gözlənilən hava şəraiti açıqlanıb.

Milli Hidrometeorologiya Xidmətindən verilən məlumata görə, Bakıda və Abşeron yarımadasında yağmursuz hava müşahidə olunacaq. Cənub-şərq küləyi əsəcək.

Havanın temperaturu gecə 20-24° isti, gündüz 32-35° isti, Bakıda gecə 20-22° isti, gündüz 33-35° isti olacaq. 

Atmosfer təzyiqi 764 mm civə sütunu təşkil edəcək. Nisbi rütubət gecə 50-55 %, gündüz 30-35 % olacaq.

Azərbaycanın rayonlarında əsasən yağmursuz. Şərq küləyi bəzi yerlərdə arabir güclənəcək.

Havanın temperaturu gecə 19-24° isti, gündüz 34-38° isti, dağlarda gecə 10-15° isti, gündüz 20-25° isti olacaq.

Azərbaycanda son sutkada 144 nəfər koronavirusa yoluxub, 8 nəfər ölüb

Azərbaycanda son sutkada 144 nəfər koronavirusa yoluxub, 8 nəfər ölüb

Azərbaycanda koronavirus (COVID-19) infeksiyasına 144 yeni yoluxma faktı qeydə alınıb, 112 nəfər müalicə olunaraq sağalıb.

Nazirlər Kabineti yanında Operativ Qərargahdan  verilən məlumata görə, analiz nümunələri müsbət çıxan 8 nəfər vəfat edib.

İndiyədək ölkədə ümumilikdə 808 713 nəfərin koronavirus infeksiyasına yoluxması faktı müəyyən edilib, onlardan 795 222 nəfər müalicə olunaraq sağalıb, hazırda 3 698 aktiv xəstə var. Bu günə qədər 9 793 nəfər vəfat edib.

Son sutka ərzində yeni yoluxma hallarının müəyyənləşdirilməsi ilə əlaqədar 2 280, bu günə qədər isə ümumilikdə 7 122 716 test icra olunub.