Monday, 29 Noyabr 2021 03:29
Yeni Azərbaycan Televiziyası
Bakı
İstanbul
Moskva
Yağış, qar yağacaq, güclü külək əsəcək, temperatur 5-10 dərəcə enəcək

Yağış, qar yağacaq, güclü külək əsəcək, temperatur 5-10 dərəcə enəcək

Bakıda və Abşeron yarımadasında noyabrın 24-ü günün ikinci yarısından 25-i gündüzədək şimal-qərb küləyinin 15-20 m/s, arabir 23-25 m/s, yarımadanın bəzi yerlərində arabir 28 m/s-dək güclənəcəyi gözlənilir.

Milli Hidrometeorologiya Xidmətindən  verilən məlumata əsasən, havanın temperaturu ötən günlərlə müqayisədə 5-7° enəcək.

Noyabrın 25-i Azərbaycanın rayonlarında şimal-qərb qərb rayonlarından başlayaraq 27-dək bəzi rayonlarda arabir yağış yağacağı gözlənilir. Ayrı-ayrı yerlərdə intensiv olacağı, dağlıq ərazilərdə qar yağacağı ehtimalı var. 24-ü axşamdan 25-i gündüzədək qərb küləyinin arabir 15-20 m/s, bəzi yerlərdə arabir 23-28 m/s-dək güclənəcəyi gözlənilir. Havanın temperaturu ötən günlərlə müqayisədə 5-10° aşağı enəcək. Çaylarda sululuğun artacağı ehtimalı var.

Sabah hava yağmursuz keçəcək, külək əsəcək

Sabah hava yağmursuz keçəcək, külək əsəcək

Noyabrın 23-nə gözlənilən hava proqnozu açıqlanıb.

Milli Hidrometeorologiya Xidmətindən  verilən məlumata əsasən, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Gecə və səhər bəzi yerlərdə zəif duman olacaq. Şimal-qərb küləyi gündüz cənub-qərb küləyi ilə əvəz olunacaq. Havanın temperaturu gecə 6-9° isti, gündüz 11-15° isti, Bakıda gecə 7-9° isti, gündüz 13-15° isti olacaq. Atmosfer təzyiqi 764 mm civə sütunundan 761 mm civə sütununa enəcək. Nisbi rütubət 60-70 % olacaq.

Azərbaycanın rayonlarında hava əsasən yağmursuz keçəcək. Gecə və səhər bəzi yerlərdə duman olacaq. Şərq küləyi əsəcək. Havanın temperaturu gecə 3-8° isti, gündüz 15-19° isti, dağlarda gecə 0-5° şaxta, gündüz 6-11° isti olacaq.

Sabahın hava proqnozu AÇIQLANDI

Sabahın hava proqnozu AÇIQLANDI

Noyabrın 22-ə olan hava proqnozu açıqlanıb.

Milli Hidrometeorologiya Xidmətindən verilən məlumata əsasən, Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim cənub küləyi əsəcək.

Havanın temperaturu gecə 6-10° isti, gündüz 13-16° isti olacaq. Bakıda gecə 8-10° isti, gündüz 14-16° isti olacaq.

 Atmosfer təzyiqi 767 mm civə sütunundan 764 mm civə sütununa enəcək. Nisbi rütubət 60-70 % olacaq.

Tibbi-meteoroloji proqnoz:

Noyabrın 22-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Azərbaycanın rayonlarında:

Hava əsasən yağmursuz keçəcək. Gecə və səhər bəzi yerlərdə duman olacaq. Şərq küləyi əsəcək.

Havanın temperaturu gecə 2-6° isti, gündüz 13-18° isti, dağlarda gecə 0-3° şaxta, gündüz 7-12° isti olacaq.

Bu instituta əlavə səlahiyyət verildi - Əli Əsədovdan QƏRAR

Bu instituta əlavə səlahiyyət verildi - Əli Əsədovdan QƏRAR

Nazirlər Kabinetinin “Doktoranturalar yaradılan Azərbaycan Respublikasının ali təhsil müəssisələrinin, elmi müəssisə və təşkilatların Siyahısı”nın təsdiq edilməsi haqqında” 2010-cu il 14 dekabr tarixli 235 nömrəli və “Baza maliyyələşdirilməsinin subyektləri olan elmi müəssisə və təşkilatların Siyahısı”nın təsdiq edilməsi haqqında” 2017-ci il 21 dekabr tarixli 584 nömrəli qərarlarında dəyişiklik edilib.

YAZTV  xəbər verir ki, bu barədə Baş nazir Əli Əsədov qərar imzalayıb.

Qərara əsasən “Doktoranturalar yaradılan Azərbaycan Respublikasının ali təhsil müəssisələrinin, elmi müəssisə və təşkilatların Siyahısı”na İqtisadi Elmi Tədqiqat İnstitutu da əlavə olunub.

Pfizer vaksininin istifadə müddəti uzadıldı - Rəsmi

Pfizer vaksininin istifadə müddəti uzadıldı - Rəsmi

Pfizer/Biontech preparatının istifadə müddəti 6 aydan 9 aya qədər uzadılıb. 

YAZTV xəbər verir ki, bu haqda Səhiyyə Nazirliyi məlumat yayıb. Qeyd edilib ki, məsələ ilə bağlı Ümumdünya Səhiyyə Təşkilatı Avropa Dərman Agentliyi və ABŞ Qida və Dərman Administrasiyasının rəylərini nəzərə alaraq, COVID-19 əleyhinə vaksinasiyada Pfizer/Biontech preparatından istifadə edən ölkələrə vaksinin istifadə müddətinin uzadılması ilə bağlı aidiyyatlı qurumlara məktub göndərib.

Bununla əlaqədar olaraq hazırda ölkəmizdə istifadə olunan Pfizer/Biontech vaksininin istifadə müddəti 31 dekabr 2021-ci il tarixinədəkdir. 

 

Qeyd edək ki, son günlər Azərbaycanda Pfizer vaksininin istifadə müddətinin bitməsi ilə bağlı məlumat yayılmışdı. 

Bu gün DİM imtahanlar keçirir

Bu gün DİM imtahanlar keçirir

Dövlət İmtahan Mərkəzi (DİM) tərəfindən bu gün Mərkəzin A.Salamzadə 28 ünvanında yerləşən binasında, kompüterlər vasitəsilə dövlət qulluğunda inzibati vəzifələrin A növünə (inzibati rəhbər vəzifələr) aid olan AB və AC qruplarına uyğun olan vəzifələr üzrə test imtahanı və aqrar sığorta fəaliyyəti üzrə müstəqil ekspert sertifikatı almaq istəyən namizədlər üçün test imtahanının birinci mərhələsi keçirilir.

DİM-dən  verilən məlumata görə, aqrar sığorta fəaliyyəti ilə bağlı imtahan saat 10-da, digər imtahan isə saat 11-də başlayıb. Hər iki imtahanın müddəti 3 saatdır. 

İmtahanları DİM-in saytındakı keçid vasitəsilə canlı izləmək mümkündür (imtahan müddətində).

Qeyd edək ki, bu gün, həmçinin kağız daşıyıcılar vasitəsilə peşəkar mühasib sertifikatı almaq istəyən namizədlər üçün imtahanın I mərhələsi də keçirilir.

Azərbaycanda ötən gün vurulan vaksinlərin sayı açıqlanıb

Azərbaycanda ötən gün vurulan vaksinlərin sayı açıqlanıb

Azərbaycanda son sutkada koronavirus (COVID-19) əleyhinə vurulan vaksinlərin sayı açıqlanıb.

Nazirlər Kabineti yanında Operativ Qərargahdan  verilən məlumata görə, ötən gün 61 vaksin vurulub.

Bir gündə birinci mərhələ üzrə vaksinasiya olunanların sayı 3, ikinci mərhələ üzrə vaksinasiya olunanların sayı 10, "buster" doza üzrə vaksinasiya olunanların sayı isə 48 nəfərdir.

Ölkədə vurulan vaksinlərin ümumi sayı 10 292 495, birinci mərhələ üzrə vaksinasiya olunanların ümumi sayı 5 050 605, ikinci mərhələ üzrə vaksinasiya olunanların sayı 4 524 851, "buster" doza üzrə vaksinasiya olunanların sayı isə 717 039 təşkil edir.

ABŞ Azərbaycana daha 30 mina axtaran it hədiyyə edəcək

ABŞ Azərbaycana daha 30 mina axtaran it hədiyyə edəcək

ABŞ Azərbaycana daha 30 mina axtaran it hədiyyə edəcək.

YAZTV xəbər verir ki, bu barədə ABŞ-ın Azərbaycandakı Səfirliyinin məlumatında deyilir.

Məlumatda bildirilir: "Bugünə qədər ABŞ-ın Marşal İrsi İnstitutu 40 xilasedici mina axtaran it hədiyyə etməkdən qürur duyur. İtlər mina və partlayıcı sursatların təmizlənməsi əməliyyatlarına cəlb olunub və 30 milyon kvadratmetrdən çox ərazini təmizləyiblər. Növbəti 1,5 il ərzində ANAMA-ya minatəmizləmə işlərində kömək etmək üçün əlavə xilasedici mina axtaran 30 it hədiyyə ediləcək".

Göyçayda polis xidməti maşınla velosipedçini vurdu

Göyçayda polis xidməti maşınla velosipedçini vurdu

Göyçay rayonunda polis əməkdaşı xidməti avtomobillə velosipedçini vurub.

DİN Mətbuat xidmətindən  verilən məlumata görə, hadisə dünən, noyabrın 20-si gecə saat 22 radələrində baş verib.

Göyçay RPŞ-in əməkdaşı, polis baş serjantı Hüseyin Məmmədov xidmətdə olarkən idarə etdiyi xidməti "Ford" markalı avtomobillə velosipedlə yolu keçən rayon sakini 30 yaşlı Fərid Qurbanovu vurub.

 

Polis əməkdaşı dərhal ona ilkin tibbi yardım göstərsə də, həmin şəxs hadisə yerində vəfat edib.

Faktla bağlı müvafiq araşdırmalar aparılır.

Azərbaycanda son sutkada koronavirusa yoluxanların sayı açıqlanıb

Azərbaycanda son sutkada koronavirusa yoluxanların sayı açıqlanıb

Azərbaycanda koronavirus (COVID-19) infeksiyasına 825 yeni yoluxma faktı qeydə alınıb, 1283 nəfər müalicə olunaraq sağalıb.

Nazirlər Kabineti yanında Operativ Qərargahdan  verilən məlumata görə, analiz nümunələri müsbət çıxan 33 nəfər vəfat edib.

İndiyədək ölkədə ümumilikdə 574 799 nəfərin koronavirus infeksiyasına yoluxması faktı müəyyən edilib, onlardan 539 494 nəfər müalicə olunaraq sağalıb, 7 657 nəfər vəfat edib, aktiv xəstə sayı 27 648 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 6199, ötən müddət ərzində isə ümumilikdə 5 449 379 test aparılıb.

"Milan"ın uğurlu seriyası bitdi

"Milan"ın uğurlu seriyası bitdi

"Milan"ın uğurlu seriyası başa çatıb.

YAZTV xəbər verir ki, A seriyasının son turunda "Fiorentina"ya uduzan (3:4) Stefano Piolinin komandasının məğlubiyyətsizlik seriyasına son qoyulub. Uğurlu seriya 17-ci oyunda bitib. 

 "Milan" son 17 oyunun 14-də qalib gəlmiş, 3-də heç-heçə etmişdi.

Qeyd edək ki, "Milan" hazırda 32 xalla 2-ci pillədə qərarlaşıb.  (qol az)

Bazar gününün HAVA PROQNOZU

Bazar gününün HAVA PROQNOZU

Noyabrın 21-də ölkə ərazisində gözlənilən hava şəraiti açıqlanıb.

Milli Hidrometeorologiya Xidmətindən  verilən məlumata əsasən, Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Gecə və səhər saatlarında yarımadanın bəzi yerlərində zəif duman olacaq. Cənub küləyi gündüz mülayim şimal-qərb küləyi ilə əvəz olunacaq. Havanın temperaturu gecə 6-9° isti, gündüz 12-16° isti, Bakıda gecə 7-9° isti, gündüz 13-15° isti olacaq.

Atmosfer təzyiqi 757 mm civə sütunundan 763 mm civə sütununa yüksələcək.

Nisbi rütubət 60-70 % olacaq

Noyabrın 21-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Azərbaycanın rayonlarında əsasən yağmursuz olacaq. Gecə və səhər bəzi yerlərdə duman olacaq.

Şərq küləyi əsəcək. Havanın temperaturu gecə 3-7° isti, gündüz 12-17° isti, dağlarda gecə 0-4° şaxta, gündüz 6-11° isti olacaq.