Wednesday, 29 İyun 2022 23:49
Yeni Azərbaycan Televiziyası
Bakı
İstanbul
Moskva
Azərbaycanda daha 26 nəfər koronavirusa yoluxub

Azərbaycanda daha 26 nəfər koronavirusa yoluxub

Azərbaycanda koronavirus (COVID-19) infeksiyasına 26 yeni yoluxma faktı qeydə alınıb, 6 nəfər müalicə olunaraq sağalıb.

Nazirlər Kabineti yanında Operativ Qərargahdan  verilən məlumata görə, bir nəfər ölüb.

İndiyədək ölkədə ümumilikdə 792 985 nəfərin koronavirus infeksiyasına yoluxması faktı müəyyən edilib, onlardan 783 151 nəfər müalicə olunaraq sağalıb, 9 716 nəfər vəfat edib. 118 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 2 189, bu günə qədər isə ümumilikdə 6 936 343 test icra olunub.

Azərbaycanda doğulan əkiz və üçəmlərin sayı açıqlanıb

Azərbaycanda doğulan əkiz və üçəmlərin sayı açıqlanıb

Bu il Azərbaycanda doğulan əkiz və üçəmlərin sayı açıqlanıb.

Dövlət Statistika Komitəsindən YAZTV-yə bildirilib ki, Ədliyyə Nazirliyinin rayon (şəhər) qeydiyyat şöbələri tərəfindən cari ilin yanvar-aprel aylarında ölkə üzrə 40 036 doğulan körpə qeydə alınıb və ötən ilin müvafiq dövrü ilə müqayisədə əhalinin hər 1 000 nəfərinə bu göstərici dəyişməyərək eyni səviyyədə (12,1) qalıb.

Doğulanlar arasında oğlanların xüsusi çəkisi 53,2 faiz, qızların xüsusi çəkisi isə 46,8 faiz olmuşdur. Körpələrdən 1 144-ü əkiz, 60-ı isə üçəm doğulanlardır

Azərbaycanda dövlət qulluqçularının sayı və əməkhaqqıları açıqlanıb

Azərbaycanda dövlət qulluqçularının sayı və əməkhaqqıları açıqlanıb

Azərbaycanda dövlət qulluqçularının sayı və əməkhaqqıları açıqlanıb.

Bu barədə YAZTV-yə Dövlət Statistika Komitəsindən məlumat verilib.

Bildiirlib ki, 2022-ci il yanvarın 1-nə ölkədə dövlət qulluqçularının sayı 26,7 min nəfər olmuşdur ki, onların da 28,0 faizini qadınlar təşkil edir. Dövlət qulluqçularının 6,8 faizi dövlət orqanlarında inzibati vəzifələrin ali - 3-cü təsnifatları, 3,4 faizi 4-cü təsnifatı, 11,6 faizi 5-ci təsnifatı, 8,8 faizi 6-cı təsnifatı, 48,4 faizi 7-ci təsnifatı, 21,0 faizi isə dövlət qulluğunun yardımçı vəzifələri üzrə işləyib.

Dövlət qulluqçularının 7,0 faizi 1 ilədək, 23,1 faizi 1 ildən 5 ilədək, 25,9 faizi 5 ildən 10 ilədək, 17,2 faizi 10 ildən 15 ilədək, 26,8 faizi isə 15 il və daha çox qulluq stajına malikdir.

Dövlət qulluqçularının 2,5 faizini 25 yaşadək, 13,3 faizini 25-29 yaşda, 17,3 faizini 30-34 yaşda, 15,1 faizini 35-39 yaşda, 12,2 faizini 40-44 yaşda, 9,3 faizini 45-49 yaşda, 8,7 faizini 50-54 yaşda, 10,4 faizini 55-59 yaşda, 9,6 faizini 60-64 yaşda, 1,6 faizini 65 və yuxarı yaşda olan şəxslər təşkil edir.

2021-ci ildə dövlət qulluqçularının orta aylıq nominal əməkhaqqı əvvəlki ilə nisbətən 4,8 faiz artaraq 1274,1 manat təşkil edib.

Sabah Bakıda 31, rayonlarda 36 dərəcə isti olacaq

Sabah Bakıda 31, rayonlarda 36 dərəcə isti olacaq

İyunun 19-na gözlənilən hava şəraiti açıqlanıb.

Milli Hidrometeorologiya Xidmətindən  verilən məlumata görə, Bakıda və Abşeron yarımadasında hava şəraiti əsasən yağmursuz keçəcək. Mülayim şimal küləyi əsəcək. Abşeron yarımadasında havanın temperaturu gecə 20-22° isti, gündüz 27-31° isti olacaq. Bakıda gecə 20-22° isti, gündüz 29-31° isti olacaq. Atmosfer təzyiqi 761 mm civə sütunu təşkil edəcək. Nisbi rütubət 50-55 % olacaq.

Azərbaycanın əksər rayonlarında əsasən yağmursuz olacaq. Lakin gündüz bəzi şimal və qərb rayonlarında şimşək çaxacağı, qısamüddətli yağış yağacağı ehtimalı var. Mülayim şərq küləyi əsəcək.

Havanın temperaturu gecə 17-22° isti, gündüz 31-36° isti, dağlarda gecə 8-13° isti, gündüz 17-22° isti olacaq.

Bu il Azərbaycanda 23 748 ölüm halı qeydə alınıb

Bu il Azərbaycanda 23 748 ölüm halı qeydə alınıb

Cari ilin yanvar-aprel ayları ərzində Azərbaycanda 23 748 ölüm halı qeydə alınıb.

Bu barədə YAZTV-yə Statistika Komitəsindən məlumat verilib.

Bildiirlib ki, ötən ilin müvafiq dövrü ilə müqayisədə əhalinin hər 1 000 nəfərinə ölüm səviyyəsi azalaraq 8,0-dan 7,2-yə düşüb.

Sabah Bakıda 31, rayonlarda 36 dərəcə isti olacaq

Sabah Bakıda 31, rayonlarda 36 dərəcə isti olacaq

İyunun 18-nə gözlənilən hava şəraiti açqılanıb.

Milli Hidrometeorologiya Xidmətindən  verilən məlumata görə, Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Lakin gündüz bəzi yerlərdə qısamüddətli yağış yağacağı ehtimalı var. Mülayim şimal-qərb küləyi gecə və səhər arabir güclənəcək.

Havanın temperaturu Abşeron yarımadasında gecə 20-23° isti, gündüz 27-32° isti olacaq. Bakıda gecə 21-23° isti, gündüz 29-31° isti olacaq. Atmosfer təzyiqi 760 mm civə sütunu təşkil edəcək. Nisbi rütubət 50-60 % olacaq.

Azərbaycanın rayonlarında əksər rayonlarda əsasən yağmursuz. Lakin gündüz bəzi şimal və qərb rayonlarında şimşək çaxacağı, arabir yağış yağacağı gözlənilir. Qərb küləyi gecə və səhər arabir güclənəcək.

Havanın temperaturu gecə 18-23° isti, gündüz 31-36° isti, dağlarda gecə 8-13° isti, gündüz 19-24° isti olacaq.

Son beş ayda Azərbaycanda 16,5 milyon maska istehsal edilib

Son beş ayda Azərbaycanda 16,5 milyon maska istehsal edilib

Bu ilin beş ayında Azərbaycanda istehsal olunun tibbi maskaların sayı açıqlanıb.

Dövlət Statistika Komitəsindən YAZTV-yə bildirilib ki, 2022-ci il yanvar-may aylarında 16,5 milyon tibbi maska istehsal edilib.

Azərbaycan əhalisinin sayı açıqlanıb

Azərbaycan əhalisinin sayı açıqlanıb

Azərbaycan əhalisinin sayı açıqlanıb.

Dövlət Statistika Komitəsindən YAZTV-yə bildirilib ki, ölkə əhalisinin sayı ilin əvvəlindən 16812 nəfər və ya 0,2 faiz artaraq 2022-ci il may ayının 1-i vəziyyətinə 10173178 nəfərə çatıb.

Əhalinin ümumi sayının 52,9 faizini şəhər, 47,1 faizini kənd sakinləri təşkil etmiş, kişi və qadınların xüsusi çəkiləri isə eyni olub.

Füzuli Beynəlxalq Hava Limanına direktor təyin edilib

Füzuli Beynəlxalq Hava Limanına direktor təyin edilib

Füzuli Beynəlxalq Hava Limanına direktor təyin edilib.

YAZTV-nin əldə etdiyi məlumata görə, bununla bağlı müvafiq əmr imzalanıb.

Əmrə əsasən, Zaur Qasımov Füzuli Beynəlxalq Hava Limanının direktoru təyin olunub.

Qeyd edək ki, Vətən müharibəsi başa çatandan sonra Füzulidə hava limanının tikintisinə başlanılıb. 2021-ci il yanvarın 14-də aeroportun təməli qoyulub.

2021-ci ilin oktyabr ayının 16-da Füzuli Beynəlxalq Hava Limanına beynəlxalq status verilib. Həmin il oktyabrın 26-da hava limanının rəsmi açılışı olub. Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan açılış mərasimində iştirak ediblər.

Bu il Azərbaycanda 18 506 nikah, 5 043 boşanma halı qeydə alınıb

Bu il Azərbaycanda 18 506 nikah, 5 043 boşanma halı qeydə alınıb

Bu ilin ilk dörd ayında Ədliyyə Nazirliyinin rayon (şəhər) qeydiyyat şöbələri tərəfindən 18506 nikah və 5043 boşanma halları qeydə alınıb.

Bu barədə YAZTV-yə Dövlət Statistika Komitəsindən məlumat verilib.

Bildiirlib ki, ötən ilin müvafiq dövrü ilə müqayisədə əhalinin hər 1000 nəfərinə nikahların sayı 4,5-dən 5,6-ya qədər artmış, boşanmaların sayı isə azalaraq 1,6-dan 1,5-ə düşüb.

Nazir: “Azərbaycana meymunçiçəyinə qarşı peyvəndin gətirilməsinə ehtiyac yoxdur”

Nazir: “Azərbaycana meymunçiçəyinə qarşı peyvəndin gətirilməsinə ehtiyac yoxdur”

“Meymunçiçəyinə qarşı mövcud olan peyvənd yalnız tək-tək Afrika ölkələrində qeydiyyatdan keçib. Hesab edirəm ki, ona görə də həmin peyvəndin kütləvi şəkildə Azərbaycana gətirilməsinə heç ehtiyac da yoxdur”.

Bunu YAZTV-yə açıqlamasında səhiyyə naziri Teymur Musayev bildirib.

Onun sözlərinə görə, Azərbaycanda meymunçiçəyinin geniş şəkildə yayılmasına əsas yoxdur: “Uzun müddətdir ki, əhali planlı şəkildə peyvənd olunur. Digər çiçək növlərinə uyğun olaraq peyvəndlərin meymunçiçəyinə qarşı qarşılıqlı həssaslığı var”.

İsmayıllı rayonunda Tibb İşçilərinin Peşə Bayramı Günü qeyd olunub

İsmayıllı rayonunda Tibb İşçilərinin Peşə Bayramı Günü qeyd olunub

İsmayıllı Rayon Mərkəzi Xəstəxanası Publik Hüquqi Şəxsində “17 İyun Tibb İşçilərinin Peşə Bayramı” ilə əlaqədar tədbir keçirilib. Tədbirdə RİH başçısı Nahid Bağırov və tibb işçiləri iştirak edib. Tədbir iştirakçıları əvvəlcə Ulu Öndər Heydər Əliyevin abidəsini ziyarət edib, önünə gül dəstələri düzüblər.
 
İsmayıllı Rayon Mərkəzi Xəstəxanası Publik Hüquqi Şəxsində davam etdirilən tədbirdə çıxış edən İsmayıllı Rayon İcra Hakimiyyətinin başçısı Nahid Bağırov tibb işçilərini peşə bayramları münasibətilə təbrik edib, onlara çətin və şərəfli işlərində uğurlar arzulayıb. Azərbaycan Respublikasının Prezidenti cənab İlham Əliyevin və Birinci-vitse prezident Mehriban xanım Əliyevanın ölkədə səhiyyə sahəsinə göstərdikləri diqqət və qayğıdan danışaraq qeyd edib ki, son illər Azərbaycan səhiyyəsinin idarə olunması, tibb müəssisələrinin maddi-texniki bazasının gücləndirilməsi, yeni tibbi texnologiyaların tətbiqi və aparılan digər tədbirlər respublikamızda bu sahənin dünyanın qabaqcıl ölkələrinin səviyyəsinə çıxarmağa imkan yaradıb.
Həkimlərin fədakarlığından da danışan rayon rəhbəri vurğulayıb ki, COVID-19 pandemiyası və 44 günlük Vətən müharibəsi dövründə tibb işçiləri öz vəzifə borclarını ləyaqətlə yerinə yetirərək həm ümumbəşəri təhlükə ilə mübarizədə, həm də döyüş bölgəsində böyük fədakarlıq nümunəsi göstəriblər.
 
Rayon rəhbəri həmçinin İsmayıllı Rayon Mərkəzi Xəstəxanası Publik Hüquqi Şəxsin direktoru Vidadi Rəhimovu Prezident İlham Əliyevin 16 iyun 2022-ci il tarixli Sərəncamı ilə “Tərəqqi” medalı ilə təltif olunması münasibətilə təbrik edib.
Çıxış edən tibb işçiləri onlara göstərilən diqqət və qayğıya görə Azərbaycan Respublikasının Prezidenti İlham Əliyevə və Birinci vitse-prezident Mehriban xanım Əliyevaya dərin minnətdarlıqlarını bildiriblər.
Tədbirin sonunda “17 İyun Tibb işçilərinin peşə bayramı” münasibətilə rayonun səhiyyə sahəsində səmərəli fəaliyyətinə görə bir qrup tibb işçisinə Rayon İcra Hakimiyyətinin təşəkkürnaməsi və İsmayıllı Rayon Mərkəzi Xəstəxanası Publik Hüquqi Şəxsin fəxri fərmanları təqdim olunub.