Wednesday, 29 İyun 2022 22:49
Yeni Azərbaycan Televiziyası
Bakı
İstanbul
Moskva
Azərbaycanda bəzi şəxslərə şərti əmək pensiyası təyinatı aparılacaq

Azərbaycanda bəzi şəxslərə şərti əmək pensiyası təyinatı aparılacaq

Azərbaycanda bəzi şəxslərə şərti əmək pensiyası təyin ediləcək.

YAZTV-nin xəbərinə görə, bununla bağlı Prezident İlham Əliyev "Əmək pensiyaları haqqında" qanuna dəyişiklik edilməsi barədə sənədi imzalayıb.

Dəyişikliklə qanuna 1.0.1-1-ci maddə ilə “şərti əmək pensiyası” anlayışı əlavə edilərək qanunun 20-ci maddəsinin müvafiq maddələrində “almalı olduğu” sözləri “şərti əmək pensiyası” sözləri ilə əvəzlənir.

Bununla da gələcəkdə sözügedən maddədə nəzərdə tutulmuş şəxslərin ailə üzvlərinə təyin olunacaq əmək pensiyasının məbləğinin hesablanması mexanizmini daha da dəqiqləşdirəcək, eləcə də izafi məhkəmə çəkişmələrinin azalmasına nail olunacaq.

Qanuna əlavə edilmiş yeni maddə hər hansı bir kateqoriyadan olan şəxslərin hüquqlarının məhdudlaşdırılması və ya genişləndirilməsini nəzərdə tutmayaraq, sadəcə müvafiq maddələrin hüquqi mənasının aydınlaşdırılmasına və daha asan başa düşülməsinə hesablanıb.

Səhiyyə Nazirliyi yuxu və qida rejimi ilə bağlı sürücülərə müraciət edib

Səhiyyə Nazirliyi yuxu və qida rejimi ilə bağlı sürücülərə müraciət edib

Səhiyyə Nazirliyinin həkimi, ekspert Zakir Quliyev yuxu və qida rejimi ilə bağlı sürücülərə müraciət edib.

Baş Dövlət Yol Polisi İdarəsindən (BDYPİ) YAZTV-yə daxil olan müraciətdə deyilir:

"Avtonəqliyyat vasitələri ilə səfərlərin təhlükəsiz başa çatması sürücülərin keyfiyyətli yuxu alması, doğru qidalanması və təbii ki alkoqollu içkilərdən imtina etməsi ilə birbaşa bağlıdır. DİN-in Baş DYP İdarəsinin bu sahədə apardığı maarifləndirmə işinə töhfə verəcəyinə, eləcə də qeyd olunan amillərin daha ətraflı öyrənilməsinin və vacib məqamların yadda saxlanılaraq təcrübədə tətbiq edilməsinin yol hərəkəti təhlükəsizliyi üçün əhəmiyyətli olacağına inanaraq bəzi tövsiyələri sürücülərin diqqətinə çatdırırıq.

1. Keyfiyətli yuxu.

Hər bir insanın yuxu ehtiyacları və rejimləri fərqli olsa da, əksər böyüklər üçün orta yuxu müddəti 8 saatdır. Keyfiyyətsiz yuxu və ya kifayət qədər yuxu almamaq sonradan həddindən artıq yuxuya səbəb ola bilər ki, bu da diqqətinizin və performansınızın azalmasına bilavasitə təsir göstərən amildir. Nəqliyyat vasitələrinin yuxulu halda idarə olunması isə təbii ki potensial təhlükə mənbəyi olub yol qəzalarının baş verməsini qaçılmaz edir.

2.Sürücülərin qidalanma tərzi.

Gün ərzində istehlak etdiyimiz qidalar və ümumi qidalanma tərzimiz konsentrasiyaya və diqqətə düşündüyümüzdən daha ciddi təsir göstərir. Doğru qidalanmaqla yolları təhlükəsiz qət etmək isə sürücülərin öz əlindədir.

Elmi araşdırmalar göstərir ki, səhər yeməyi konsentrasiyaya və diqqətə əhəmiyyətli dərəcədə təsir göstərən amildir. Səhər yola düşəcək sürücülərin səyahət başlamazdan əvvəl səhər yeməyi yeməsi planlaşdırılan səfərin təhlükəsiz başa çatmasını şərtləndirir. Zülallarla zəngin səhər yeməyi sürücüləri uzun müddət tox saxlayır. Sürücülərin səhər yeməyində pendir, yumurta, çovdar çörəyi, çiy tərəvəz məhsullarının olması tövsiyə edilir. Təzə sıxılmış meyvə şirəsi səhər yeməyi üçün ən uyğun seçim olsa da, sürücü çaydan imtina edə bilmirsə, açıq olması şərti ilə çay da içə bilər.

Sürücünün qidalanmasında ikinci vacib məsələ yeməklər arasındakı vaxt intervalları və yeməklərin sayıdır. Çünki, insan uzun müddət ac qaldıqda qan şəkəri aşağı düşür ki, bu da yorğunluğa, zəifliyə və diqqətin yayınmasına səbəb olur. Yeməklər arasında ideal vaxt intervalı 3 saatdır. Qan şəkərinin balanslaşdırılması üçün sürücülərin əsas yeməkdən əlavə gündə ən azı bir dəfə qəlyanaltı qəbul etməsi də tövsiyə olunur. Qəlyanaltıda meyvələrə, süd məhsullarına, quru çərəzlərə üstünlük verilməlidir. Qidalanma zamanı karbohidratlarla zəngin şirniyyatlardan, yağlı yeməklərdən isə birmənalı imtina edilməlidir. Çünki bu cür qidalar qan şəkərinin sürətlə artıb-azlmasına səbəb olur ki, bu da son nəticədə diqqətin azalmasına, konsentrasiyanın çətinləşməsinə gətirib çıxarır.

3.Spritli içkilər

Spritli içki qəbul edib sükan arxasına keçmənin nə qədər təhlükəli olduğu hamımıza məlumdur. Ancaq təəssüf ki, spirtli içkinin insan orqanizmini uzun müddət tərk etməməsi haqda əksər sürücülərimiz məlumatsızdır. Unutmamalıyıq ki, alkoqollu içkilərin təsiri uzun müddət bədəndə qaldığı üçün bu amil diqqətimizi və iş qabiliyyətimizi əhəmiyyətli dərəcədə azalda bilər. Yol hərəkəti zamanı arzuolunmaz və bədbəxt hadisələrin baş verməməsi üçün sürücülərin səfərə çıxmazdan 24 saat əvvəl spirtli içki qəbul etməsi qəti şəkildə tövsiyə olunmur.

Unutmayın, tələb olunan hər bir qayda bizi həyata bağlayır!"

Hökumət yeni qərar qəbul edib, Azərbaycanda ət ucuzlaşacaq

Hökumət yeni qərar qəbul edib, Azərbaycanda ət ucuzlaşacaq

“Heyvan xəstəliklərinin diaqnostikası və profilaktikası üzrə baytarlıq tədbirlərinin həyata keçirilməsinə nəzarət edilməsi və bu məqsədlə hər bir heyvanı və ya heyvanlar qrupunu müşahidə etməyə imkan verən kənd təsərrüfatı heyvanlarının identikləşdirilməsinin aparılması Qaydası”nda dəyişikliklər edilib.

YAZTV-nin məlumatına görə, bununla bağlı Baş nazir Əli Əsədov qərar imzalayıb.

Dəyişikliyə əsasən, heyvanların identikləşdirilməsi fəaliyyəti sahəsində müasir informasiya-kommunikasiya texnologiyalarından istifadənin genişləndirilməsi ilə yanaşı vahid sənədləşmənin tətbiq edilməsi, heyvan sahiblərinin identikləşdirilmə üçün bir heyvan üçün tələb olunan xərclərinin azaldılması təmin edilb. İdentikləşdirilmənin nəticəsi olaraq yalnız şəhadətnamə veriləcək və baytarlıq pasportunun alınması tələb olunmayacaq.

Əvvəlki qaydalara əsasən hər heyvan və ya heyvan qrupu identikləşdirilməli və identikləşdirilmə nəticəsində heyvan sahibinə “baytarlıq pasportu” və “identikləşdirilmə haqqında şəhadətnamə” verilməli idi. Baytarlıq pasportunun alınmasına görə isə “Dövlət rüsumu haqqında” qanunda 20 manat dövlət rüsumu nəzərdə tutulub.

Dəyişiklik nəticəsində hər bir heyvana görə batarlıq pasportunun alınması zərurəti aradan qalxacaq və nəticə olaraq bununla bağlı “Dövlət rüsumu haqqında” qanunda nəzərdə tutulmuş 20 manat məbləğində dövlət rüsumunun ödənilməsi tələb olunmayacaq. Bu isə öz növbəsində heyvan ətinə çəkilən xərcin azalmasına səbəb olacaqdır.

Hazırda iribuynuzlu heyvanların, atların, dəvələrin ən geci doğulduqdan sonra 4 ay müddətində, donuzlar, qoyun və keçilərin 2 ay müddətində, damazlıq quşların isə 5 aylıq yaşda olduqda nişanlanması aparılmalıdır. Təklif olunan dəyişikliyə əsasən bütün kənd təsərrüfatı heyvanlarının doğulduqdan sonra 1 ay müddətində identikləşdiriləcək.

Atların və dəvələrin identikləşdirilməsi üçün birkalama qulağın daxili səthinə tatuirovka, damazlıq quşların brikalaması isə ayaqlarına halqa vurulmaqla həyata keçirilməsi nəzərdə tutulmuşdur. Dəyişiklik layihəsi ilə atların və dəvələrin birkalanması dərialtına mikroçip yerləşdirilməklə, qrup halında quşların birkalanması isə onların saxlanc yerlərinə birka vurulmaqla həyata keçiriləcək.

Qeyd edək ki, baytarlıq pasportu yalnız heyvan sahibinin istəyinə əsasən ev heyvanlarının xarici ölkəyə aparılması zamanı veriləcək.

Bundan başqa, əldə etdiyimiz məlumata görə, hökumət “Dövlət rüsumu haqqında” və “Baytarlıq haqqında” qanunlarda dəyişiklik edilməsi təklifi ilə çıxış edib. Layihənin qəbul edildikdən sonra bir heyvan üçün çəkilən rüsum xərci 5 manat da azalacaq. Baytarlıq pasportunun ləğvi və nəzərdə tutulan dəyişikliklərdən sonra bir heyvan üçün maliyyə yükü 25 manat azalacaq ki, bu da heyvan ətinin qiymətinin aşağı düşməsinə səbəb olacaq.

Məsələn, 10 kiloqramlıq qoyunun ətinin hər kiloqramı üzrə maya dəyəri 2 manat 50 qəpik aşağı düşür. 15 kiloqramlıq qoyunun ətinin hər kiıoqramı üzrə isə maya dəyəri təqribən 1 manat 66 qəpik azalır.

Bu qərar və dəyişikliklər antiinflyasiya tədbiri kimi ən azı heyvan əti satışında qiymətlərin sabit qalmasına təsir edə bilər.

Pensiyası az olan şəxslərə müavinət təyin olunması barədə qanun imzalanıb

Pensiyası az olan şəxslərə müavinət təyin olunması barədə qanun imzalanıb

Prezident İlham Əliyev “Sosial müavinətlər haqqında” qanununda dəyişiklik edilməsi qanunu imzalayıb.

YAZTV xəbər verir ki, sənədə əsasən, ölkədə şəxsə düşən pensiyanın məbləği onun aldığı, yaxud almalı olduğu sosial müavinətin məbləğindən az olacağı təqdirdə ona müavinət təyin olunacaq.

Qanunun 7-ci maddəsində dövlət qulluqçularına ömürlük müavinət, yaşa görə müavinət, əlilliyə görə müavinət, ailə başçısını itirməyə görə müavinət (7.0.5.1-ci maddə istisna olmaqla), müvafiq icra hakimiyyəti orqanı tərəfindən müəyyən edilmiş bəzi kateqoriya şəxslərə kommunal, nəqliyyat və digər xidmətlərə görə müavinətin təyinatı şərti kimi şəxsin əmək pensiyası hüququnun olmaması göstərilir.

Ailə başçısının kifayət qədər sosial sığorta stajının olması səbəbindən ailə üzvünün ailə başçısını itirməyə görə pensiya hüququ yarandığı halda həmin müavinətin ödənişi dayandırılır. Lakin sözügedən əmək pensiyasının ailə üzvünə düşən hissəsi ona təyin edilmiş, yaxud təyin ediləcək sosial müavinətin məbləğindən aşağı olduğu təqdirdə, onun maddi təminatının aşağı düşməsi ilə nəticələnir. Həmçinin əmək pensiyası təyinatının məqsədinin şəxsin, yaxud ailənin itirilmiş gəlirlərinin kompensasiyası olduğunu nəzərə alaraq, bu halda nəinki ailənin itirilmiş gəlirləri kompensasiya olunmur, əksinə azalır.

Yeni dəyişikliklə şəxsə düşən pensiyanın məbləği onun aldığı, yaxud almalı olduğu sosial müavinətin məbləğindən az olacağı təqdirdə ona müavinət təyin olunacaq.

Sabah Bakıda 32, rayonlarda 35 dərəcə isti olacaq

Sabah Bakıda 32, rayonlarda 35 dərəcə isti olacaq

İyunun 23-ə gözlənilən hava şəraiti açıqlanıb.

Milli Hidrometeorologiya Xidmətindən  verilən məlumata görə, Bakıda və Abşeron yarımadasında hava şəraiti dəyişkən buludlu olacaq, əsasən yağmursuz keçəcək. Lakin gecə və səhər bəzi yerlərdə qısamüddətli yağış yağacağı ehtimalı var. Arabir güclənən şimal-qərb küləyi əsəcək.

Havanın temperaturu Abşeronda gecə 20-24° isti, gündüz 30-34° isti olacaq. Bakıda gecə 20-22° isti, gündüz 30-32° isti olacaq. Atmosfer təzyiqi 748 mm civə sütunundan 756 mm civə sütununa yüksələcək. Nisbi rütubət 60-65 % olacaq.

Azərbaycanın rayonlarında bəzi yerlərdə şimşək çaxacağı, arabir yağış yağacağı gözlənilir. Qərb küləyi ayrı-ayrı yerlərdə arabir güclənəcək.

Havanın temperaturu gecə 18-23° isti, gündüz 30-35° isti, dağlarda gecə 8-13° isti, gündüz 15-20° isti olacaq.

Azərbaycanda baytarlıq pasportunun alınması tələbi ləğv edilib

Azərbaycanda baytarlıq pasportunun alınması tələbi ləğv edilib

Nazirlər Kabinetinin dəyişiklik etdiyi “Heyvan xəstəliklərinin diaqnostikası və profilaktikası üzrə baytarlıq tədbirlərinin həyata keçirilməsinə nəzarət edilməsi və bu məqsədlə hər bir heyvanı və ya heyvanlar qrupunu müşahidə etməyə imkan verən kənd təsərrüfatı heyvanlarının identikləşdirilməsinin aparılması Qaydası”na əsasən, bundan sonra Azərbaycanda baytarlıq pasportunun alınması tələb olunmayacaq.

YAZTV xəbər verir ki, dəyişikliyə əsasən identikləşdirilmənin nəticəsi olaraq yalnız şəhadətnamə veriləcək.

Əvvəlki qaydalara əsasən hər heyvan və yaxud heyvan qrupu identikləşdirilməli və identikləşdirilmə nəticəsində heyvan sahibinə “baytarlıq pasportu” və “identikləşdirilmə haqqında şəhadətnamə” verilməli idi.

Baytarlıq pasportu yalnız heyvan sahibinin istəyinə əsasən və “Yaşayış məntəqələrində it, pişik və ya digər ev heyvanlarının saxlanması Qaydaları”nın 1.5-ci bəndinə əsasən, ev heyvanlarının xarici ölkəyə aparılması zamanı veriləcək.

Xatırladaq ki, Azərbaycanda baytarlıq xidmətləri özəlləşdirilib. Artıq baytarlar Kənd Təsərrüfatı Nazirliyinin Aqrar Xidmətlər Agentliyi ilə xidməti müqavilə əsasında fəaliyyət göstərirlər.

Kürdə suyun səviyyəsi son sutkada 88 sm artıb

Kürdə suyun səviyyəsi son sutkada 88 sm artıb

Kür-Qıraqkəsəmən məntəqəsində suyun səviyyəsi 28 iyun saat 07:00-la müqayisədə 9 sm artıb.

Bu barədə YAZTV-yə Milli Hidrometeorologiya Xidmətindən məlumat verilib.

Bildirilib ki, 28 iyun saat 08:30-a olan məlumata əsasən, Kür-Qıraqkəsəmən məntəqəsində suyun səviyyəsi 28 iyun saat 07:00-la müqayisədə 9 sm artıb, 27 iyun saat 08:00-la müqayisədə isə 88 sm çox olub və su sərfi 810 m3/san olmaqla ongünlük normanın 200 faizini təşkil edib.

Azərbaycan Əfqanıstana başsağlığı verib

Azərbaycan Əfqanıstana başsağlığı verib

Azərbaycan Xarici İşlər Nazirliyi Əfqanıstana başsağlığı verib.

YAZTV xəbər verir ki, bu barədə Xarici İşlər Nazirliyinin tviterində qeyd olunub. .

“Əfqanıstanda baş vermiş dağıdıcı zəlzələ nəticəsində insan tələfatı və dağıntılar bizi dərindən kədərləndirir. Bu faciədə həyatını itirənlərin ailələrinə dərin hüznlə başsağlığı verir və yaralananların tezliklə sağalmasını arzu edirik”, - XİN bildirib.

Xatırladaq ki, Əfqanıstanın Paktika əyalətində baş verən 6 bal gücündə zəlzələ nəticəsində 1 000-dən çox insan həlak olub.

Hökumət yeni qərar qəbul edib, Azərbaycanda ət ucuzlaşacaq

Hökumət yeni qərar qəbul edib, Azərbaycanda ət ucuzlaşacaq

“Heyvan xəstəliklərinin diaqnostikası və profilaktikası üzrə baytarlıq tədbirlərinin həyata keçirilməsinə nəzarət edilməsi və bu məqsədlə hər bir heyvanı və ya heyvanlar qrupunu müşahidə etməyə imkan verən kənd təsərrüfatı heyvanlarının identikləşdirilməsinin aparılması Qaydası”nda dəyişikliklər edilib.

YAZTV-nin məlumatına görə, bununla bağlı Baş nazir Əli Əsədov qərar imzalayıb.

Dəyişikliyə əsasən, heyvanların identikləşdirilməsi fəaliyyəti sahəsində müasir informasiya-kommunikasiya texnologiyalarından istifadənin genişləndirilməsi ilə yanaşı vahid sənədləşmənin tətbiq edilməsi, heyvan sahiblərinin identikləşdirilmə üçün bir heyvan üçün tələb olunan xərclərinin azaldılması təmin edilb. İdentikləşdirilmənin nəticəsi olaraq yalnız şəhadətnamə veriləcək və baytarlıq pasportunun alınması tələb olunmayacaq.

Əvvəlki qaydalara əsasən hər heyvan və ya heyvan qrupu identikləşdirilməli və identikləşdirilmə nəticəsində heyvan sahibinə “baytarlıq pasportu” və “identikləşdirilmə haqqında şəhadətnamə” verilməli idi. Baytarlıq pasportunun alınmasına görə isə “Dövlət rüsumu haqqında” qanunda 20 manat dövlət rüsumu nəzərdə tutulub.

Dəyişiklik nəticəsində hər bir heyvana görə batarlıq pasportunun alınması zərurəti aradan qalxacaq və nəticə olaraq bununla bağlı “Dövlət rüsumu haqqında” qanunda nəzərdə tutulmuş 20 manat məbləğində dövlət rüsumunun ödənilməsi tələb olunmayacaq. Bu isə öz növbəsində heyvan ətinə çəkilən xərcin azalmasına səbəb olacaqdır.

Hazırda iribuynuzlu heyvanların, atların, dəvələrin ən geci doğulduqdan sonra 4 ay müddətində, donuzlar, qoyun və keçilərin 2 ay müddətində, damazlıq quşların isə 5 aylıq yaşda olduqda nişanlanması aparılmalıdır. Təklif olunan dəyişikliyə əsasən bütün kənd təsərrüfatı heyvanlarının doğulduqdan sonra 1 ay müddətində identikləşdiriləcək.

Atların və dəvələrin identikləşdirilməsi üçün birkalama qulağın daxili səthinə tatuirovka, damazlıq quşların brikalaması isə ayaqlarına halqa vurulmaqla həyata keçirilməsi nəzərdə tutulmuşdur. Dəyişiklik layihəsi ilə atların və dəvələrin birkalanması dərialtına mikroçip yerləşdirilməklə, qrup halında quşların birkalanması isə onların saxlanc yerlərinə birka vurulmaqla həyata keçiriləcək.

Qeyd edək ki, baytarlıq pasportu yalnız heyvan sahibinin istəyinə əsasən ev heyvanlarının xarici ölkəyə aparılması zamanı veriləcək.

Bundan başqa, əldə etdiyimiz məlumata görə, hökumət “Dövlət rüsumu haqqında” və “Baytarlıq haqqında” qanunlarda dəyişiklik edilməsi təklifi ilə çıxış edib. Layihənin qəbul edildikdən sonra bir heyvan üçün çəkilən rüsum xərci 5 manat da azalacaq. Baytarlıq pasportunun ləğvi və nəzərdə tutulan dəyişikliklərdən sonra bir heyvan üçün maliyyə yükü 25 manat azalacaq ki, bu da heyvan ətinin qiymətinin aşağı düşməsinə səbəb olacaq.

Məsələn, 10 kiloqramlıq qoyunun ətinin hər kiloqramı üzrə maya dəyəri 2 manat 50 qəpik aşağı düşür. 15 kiloqramlıq qoyunun ətinin hər kiıoqramı üzrə isə maya dəyəri təqribən 1 manat 66 qəpik azalır.

Bu qərar və dəyişikliklər antiinflyasiya tədbiri kimi ən azı heyvan əti satışında qiymətlərin sabit qalmasına təsir edə bilər.

Bu günün hava proqnozu açıqlandı

Bu günün hava proqnozu açıqlandı

Bu gün Bakıda və Abşeron yarımadasında hava şəraiti əsasən yağmursuz keçəcək.

Milli Hidrometeorologiya Xidmətindən  verilən məlumata görə, mülayim şimal-qərb küləyi arabir güclənəcək.

Havanın temperaturu gecə 20-24° isti, gündüz 30-33° isti, Bakıda gecə 22-24° isti, gündüz 30-32° isti olacaq. Atmosfer təzyiqi normadan aşağı 755 mm civə sütunu təşkil edəcək, nisbi rütubət 50-60 % olacaq.

Azərbaycanın rayonlarında əsasən yağmursuz keçəcək, lakin gündüz bəzi şimal və qərb rayonlarında şimşək çaxacağı, qısamüddətli yağış yağacağı gözlənilir. Qərb küləyi ayrı-ayrı yerlərdə arabir güclənəcək. Havanın temperaturu gecə 20-24° isti, gündüz 33-38° isti, dağlarda gecə 7-12° isti, gündüz 15-20° isti olacaq.

"Azərbaycanda meymunçiçəyi virusuna yoluxma qeydə alınmayıb" - RƏSMİ

"Azərbaycanda meymunçiçəyi virusuna yoluxma qeydə alınmayıb" - RƏSMİ

"Bir çox Avropa ölkələrində meymunçiçəyi virusuna yoluxma halları artsa da, Azərbaycanda bu virusa yoluxma halı qeydə alınmayıb".

Bunu Səhiyyə Nazirliyinin Respublika Gigiyena və Epidemiologiya Mərkəzinin baş direktorunun müavini Afaq Əliyeva deyib.

Onun sözlərinə görə, meymunçiçəyi çox nadir rast gəlinən zoonoz virus xəstəliyidir: "İnsan orqanizminə zədələnmiş dəri, tənəffüs yolları, gözlərin, burun və ağzın selikli qişalarından daxil ola bilər. Suçiçəyi və meymunçiçəyi iki fərqli xəstəlikdir, törədiciləri də müxtəlifdir, çünki fərqli viruslardır. Suçiçəyi əsasən hava-damcı yolu ilə yayılır, meymunçiçəyi isə insandan-insana yalnız uzunmüddətli və sıx təmas zamanı ötürülə bilər".

Nazirlik rəsmisi bildirib ki, meymunçiçəyi virusunun əsas əlamətləri üz nahiyəsindən başlayan və qısa müddət ərzində bütün bədənə yayılan qeyri-adi irinli səpgilərdir: "Suçiçəyi ilə müqayisədə meymunçiçəyi virusu zamanı səpgilər daha dərin və həcmli olurlar. Simptomlar arasında əsas fərq meymunçiçəyi virusuna yoluxma zamanı limfa düyünlərinin böyüməsidir (limfoadenopatiya)".

İyunun 24-də müavinət və sosial yardımlar ödəniləcək

İyunun 24-də müavinət və sosial yardımlar ödəniləcək

İyunun 24-də bütün müavinət, təqaüd, kompensasiya və ünvanlı dövlət sosial yardımlarının ödənilməsi nəzərdə tutulub.

YAZTV xəbər verir ki, bu barədə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu məlumat yayıb.