Thursday, 30 İyun 2022 00:03
Yeni Azərbaycan Televiziyası
Bakı
İstanbul
Moskva
Bu gün 35 dərəcə isti olacaq

Bu gün 35 dərəcə isti olacaq

İyunun 12-nə gözlənilən hava şəraiti açıqlanıb.

Milli Hidrometeorologiya Xidmətindən  verilən məlumata görə, Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Cənub küləyi əsəcək.

Havanın temperaturu gecə 18-21° isti, gündüz 25-29° isti, Bakıda gecə 19-21° isti, gündüz 27-29° isti olacaq. Atmosfer təzyiqi 759 mm civə sütununda 755 mm civə sütununa enəcək. Nisbi rütubət 50-60 % olacaq.

Azərbaycanın rayonlarında əsasən yağmursuz olacaq. Lakin gündüz bəzi şimal və qərb rayonlarında şimşək çaxacağı, arabir yağış yağacağı gözlənilir. Şərq küləyi əsəcək.

Havanın temperaturu gecə 16-21° isti, gündüz 30-35° isti, dağlarda gecə 8-13° isti, gündüz 17-22° isti olacaq.

1991-1997-ci illərdə xəsarət alan şəxslərə birdəfəlik ödənişlər üçün 120 milyon manat sərf ediləcək

1991-1997-ci illərdə xəsarət alan şəxslərə birdəfəlik ödənişlər üçün 120 milyon manat sərf ediləcək

1991-1997-ci illərdə müharibədə və cəbhə xəttində xəsarət alan şəxslərə birdəfəlik ödənişlərin ödənilməsi ilə bağlı hazırlıq işləri aparılır.

YAZTV xəbər verir ki, bunu Dövlət Sosial Müdafiə Fondunun (DSMF) sədri Himalay Məmişov postmüharibə dövründə şəhid ailələrinin üzvlərinin və müharibə iştirakçılarının sosial ödənişlərlə təminatı sahəsində aparılan işlərə dair mətbuat konfransında deyib.

O qeyd edib ki, bu islahatın maliyyələşdirilməsinə 120 milyon manat sərf edilməsi nəzərdə tutulur:

"Birdəfəlik ödənişlərin verilməsi ilə bağlı qaydalar hazırlanaraq, yuxarı dövlət orqanlarıma təqdim olunub. Ödənişlərin elektron qaydada həyata keçirilməsi nəzərdə tutulur. Sənədləri sistemə daxil edilməyən şəxslərin məlumatları isə kağız üzərində müraciətlərin həyata keçirilməsi təmin olunacaq, həmin şəxslərə şərait yaradılacaq ki, öz müraciətlərini DSMF-nin yerli bölmələrinə vəya DOST mərkəzlərinə təqdim etsinlər".

Baş Prokurorluq, DTX və DİN 12 il əvvəl baş vermiş ölüm işinin üstünü açıb

Baş Prokurorluq, DTX və DİN 12 il əvvəl baş vermiş ölüm işinin üstünü açıb

Baş Prokurorluq, Daxili İşlər Nazirliyi və Dövlət Təhlükəsizliyi Xidməti tərəfindən əvvəlki illərdən bağlı qalmış cinayətlərin açılması istiqamətində istintaq-əməliyyat tədbirlərinin davam etdirilməsi nəticəsində qeyri-aşkar şəraitdə törədilən növbəti ağır cinayətin üstü açılıb.

YAZTV-nin xəbərinə görə, bu barədə Baş Prokurorluq və DİN-in birgə məlumatında qeyd edilib.

Belə ki, 2010-cu il noyabrın 18-də paytaxt sakini Qürbət Abzərovun kəllə-beyin travması diaqnozu ilə daxil olduğu xəstəxanada 8 gün sonra ölməsi faktına görə Yasamal rayon prokurorluğunda cinayət işi başlanılıb istintaq aparılsa da, cinayəti törətmiş şəxsin müəyyən edilməsi mümkün olmadığından iş üzrə icraat dayandırılıb.

Lakin sonradan cinayət işi təkrar öyrənilməklə istintaqın davam etdirilməsi Baş Prokurorluğun İstintaq idarəsinə həvalə olunub.

Aparılan istintaq hərəkətləri və əməliyyat-axtarış tədbirləri ilə müəyyən edilib ki, 1964-cü il təvəllüdlü Telman Məcidov cəzaçəkmə müəssisəsində olarkən, onunla eyni vaxtda cəza çəkən 1969-cu il təvəllüdlü Qürbət Abzərovun, onun ailə üzvləri barəsində təhqiredici ifadələrə yol verdiyinə görə cəzasını çəkib qurtardıqdan sonra 18 noyabr 2010-cu il tarixdə qisas almaq məqsədilə sonuncu ilə görüşərkən aralarında yaranan mübahisənin gedişində gəzdirdiyi dəmir çəliklə qəsdən bir dəfə baş nahiyəsinə zərbə vuraraq sağlamlığına ağır zərərvurmaya aid xəsarət yetirib, qeyd olunan xəsarətin təsirindən Qürbət Abzərov müalicə olunduğu xəstəxanada ölüb.

Toplanan mötəbər sübutlar əsasında Telman Məcidova Cinayət Məcəlləsinin 126.3-cü (zərərçəkmiş şəxsin ölümünə səbəb olmuş qəsdən sağlamlığa ağır zərər vurma) maddəsi ilə ittiham elan edilərək barəsində həbs qətimkan tədbiri seçilib.

Hazırda cinayət işi üzrə istintaq və əməliyyat tədbirləri davam etdirilir.

Sabahın hava proqnozu açıqlanıb

Sabahın hava proqnozu açıqlanıb

İyunun 12-nə gözlənilən hava şəraiti açıqlanıb.

Milli Hidrometeorologiya Xidmətindən  verilən məlumata görə, Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Cənub küləyi əsəcək.

Havanın temperaturu gecə 18-21° isti, gündüz 25-29° isti, Bakıda gecə 19-21° isti, gündüz 27-29° isti olacaq. Atmosfer təzyiqi 759 mm civə sütununda 755 mm civə sütununa enəcək. Nisbi rütubət 50-60 % olacaq.

Azərbaycanın rayonlarında əsasən yağmursuz olacaq. Lakin gündüz bəzi şimal və qərb rayonlarında şimşək çaxacağı, arabir yağış yağacağı gözlənilir. Şərq küləyi əsəcək.

Havanın temperaturu gecə 16-21° isti, gündüz 30-35° isti, dağlarda gecə 8-13° isti, gündüz 17-22° isti olacaq.

Pekində yeni koronavirus ocağı aşkarlanıb

Pekində yeni koronavirus ocağı aşkarlanıb

Çinin paytaxtı Pekinin şimal-şərqindəki Çaoyan rayonunda yeni koronavirus ocağı aşkar edilib.

YAZTV TASS-a istinadən xəbər verir ki, bu barədə bu gün Pekinin Səhiyyə Komitəsi məlumat yayıb.

Bildirilib ki, yerli barların birində infeksiya ocağı aşkarlanıb, son sutka ərzində bu rayonda 61 nəfərdə COVID-19-a aşkarlanıb.

Nəticədə Çaoyan rayonunda epidemiya tələbləri yenidən sərtləşdirilib, bir çox əyləncə məkanları müvəqqəti bağlanıb. Bundan başqa, son günlər infeksiya mənbəyinin qeydə alındığı ərazidə olan insanlar isə karantinə alınacaq.

Qeyd edək ki, Çaoyan Pekinin ən prestijli rayonlarından biridir. Burada çoxlu sayda əcnəbi yaşayır.

Son üç ildə Azərbaycanda övladlığa verilən uşaqların sayı açıqlanıb

Son üç ildə Azərbaycanda övladlığa verilən uşaqların sayı açıqlanıb

Son üç ildə Azərbaycanda övladlığa verilən uşaqların sayı açıqlanıb.

Bu barədə YAZTV-yə Əmək və Əhalinin Sosial Müdafiəsi Nazirliyindən məlumat verilib.

Bildirilib ki, nazirlik tərəfindən övladlığagötürmə üzrə idarəetmənin həyata keçirildiyi 1 noyabr 2019-cu il tarixindən 248 uşaq övladlığa verilib.

Peyvənd olunanların sayı açıqlanıb

Peyvənd olunanların sayı açıqlanıb

Azərbaycanda son sutkada 1 920 nəfər vaksinasiya olunub.

YAZTV xəbər verir ki, bu barədə Nazirlər Kabineti yanında Operativ Qərargah məlumat yayıb.

Gün ərzində birinci doza vaksinlərin sayı 274, ikinci doza vaksinlərin sayı 240 təşkil edib.

Ölkədə üç və daha çox doza vaksinlərin sayına gəlincə, bu göstərici 1 288-dir. Pozitiv nəticədən sonra buster doza vaksinlərin sayı 118 olub.

Azərbaycanda bu günə qədər vurulan vaksinlərin ümumi sayı 13 743 509, birinci doza peyvəndlərin ümumi sayı 5 350 763, ikinci doza vaksinlərin sayı 4 850 905 təşkil edib. Üç və daha çox doza vaksinlərin sayı 3 294 460, pozitiv nəticədən sonra buster doza vaksinlərin sayı isə 247 381 olub.

Bu gün 33 dərəcə isti olacaq

Bu gün 33 dərəcə isti olacaq

İyunun 11-nə gözlənilən hava şəraiti açıqlanıb.

Milli Hidrometeorologiya Xidmətindən  verilən məlumata görə, Bakıda və Abşeron yarımadasında hava şəraiti dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-şərq küləyi əsəcək.

Havanın temperaturu gecə 18-21° isti, gündüz 26-30° isti, Bakıda gecə 19-21° isti, gündüz 28-30° isti olacaq. Atmosfer təzyiqi norma daxilində 761 mm civə sütunu təşkil edəcək. Nisbi rütubət 50-60 % olacaq.

 

Azərbaycanın rayonlarında bəzi yerlərdə şimşək çaxacağı, arabir yağış yağacağı gözlənilir. Gündüz əksər rayonlarda əsasən yağmursuz. Şərq küləyi əsəcək.

 

Havanın temperaturu gecə 17-21° isti, gündüz 28-33° isti, dağlarda gecə 8-13° isti, gündüz 17-22° isti olacaq.

Bu il XI sinfi 91188 şagird bitirir

Bu il XI sinfi 91188 şagird bitirir

Bu il XI sinfi 91188 şagird bitirir.

Bu barədə YAZTV-yə Təhsil Nazirliyindən məlumat verilib.

Bildirilib ki, 2021-2022-ci tədris ilində respublikanın ümumtəhsil məktəblərinin IX siniflərini 133 422 nəfər, XI siniflərini 91 188 nəfər şagird bitirəcək. IX sinfi bitirənlərdən 61 400 nəfəri qız, 72 022 nəfəri oğlan, XI sinfi bitirənlərdən 42 005 nəfəri qız, 49 183 nəfəri oğlandır.

2021-2022-ci tədris ilində respublika üzrə ümumtəhsil məktəbində fəaliyyət göstərən 5896 məktəbəhazırlıq qrupunu 100 529 nəfər uşaq başa vurub.

Azərbaycanda koronavirusa daha 7 nəfər yoluxub

Azərbaycanda koronavirusa daha 7 nəfər yoluxub

Azərbaycanda koronavirus (COVID-19) infeksiyasına 7 yeni yoluxma faktı qeydə alınıb, 10 nəfər müalicə olunaraq sağalıb.

Nazirlər Kabineti yanında Operativ Qərargahdan  verilən məlumata görə, ölən olmayıb.

İndiyədək ölkədə ümumilikdə 792 870 nəfərin koronavirus infeksiyasına yoluxması faktı müəyyən edilib, onlardan 783 086 nəfər müalicə olunaraq sağalıb, 9 715 nəfər vəfat edib. 69 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 2 468, bu günə qədər isə ümumilikdə 6 921 407 test icra olunub.

AQTA "Belarus toyuqları" ilə bağlı məsələyə aydınlıq gətirib

AQTA "Belarus toyuqları" ilə bağlı məsələyə aydınlıq gətirib

Azərbaycan Respublikası Qida Təhlükəsizliyi Agentliyi (AQTA) "Belarus toyuqları" ilə bağlı məsələyə aydınlıq gətirib.

Agentlikdən YAZTV bildirilib ki, “Yeyinti məhsulları haqqında” qanunun 6-cı maddəsinə əsasən, ölkə ərazisinə idxal olunan bütün qida məhsulları müvafiq qaydada tanınmış və ya müvafiq icra hakimiyyəti orqanı tərəfindən verilmiş qida təhlükəsizliyi (sağlamlıq) sertifikatına malik olmalıdır.

Məlumatda vurğulanıb ki, İdxal olunan yeyinti məhsulunun istehsalçısı qida təhlükəsizliyi qeydiyyatından keçdiyi halda həmin istehsalçının məhsullarına qida təhlükəsizliyi sertifikatı tələb olunmur: "Yeyinti məhsullarına verilən qida təhlükəsizliyi sertifikatının forması və verilmə qaydaları Nazirlər Kabinetinin 302 nömrəli qərarı ilə tənzimlənir. Həmin qərara əsasən, yeyinti məhsulları sertifikatlaşdırılarkən təhlükəsizlik göstəricilərinin müəyyən edilməsi məqsədilə Agentlik tərəfindən ekspertizadan keçirilir, yeyinti məhsullarından nümunələr götürülərək “Uyğunluğun qiymətləndirilməsi sahəsində akkreditasiya haqqında” qanuna uyğun olaraq akkreditasiyadan keçmiş laboratoriyalarda onların sınağı (tədqiqi) aparılır. Eyni zamanda bildiririk ki, Agentlik Ümumdünya Heyvan Sağlamlığı Təşkilatının ümumdünya heyvan sağlamlığı informasiya sistemi vasitəsilə hər gün digər ölkələrdəki epizootik vəziyyəti izləyir. Epizootik vəziyyətindən asılı olaraq, Belarusdan, o cümlədən digər ölkələrdən idxal olunan quşçuluq məhsulları ixrac edən ölkənin aidiyyəti nəzarət orqanları tərəfindən verilən müvafiq sənədlər əsasında idxalına icazə verilir".

"Son günlər bəzi xəbər saytları tərəfindən bazarlarda ucuz qiymətə (3-ü 10-11 manata) toyuq məhsullarının satışı ilə bağlı yayımlanmış məlumata əsasən, agentlik tərəfindən müvafiq monitorinqlər keçirilib. Belə ki, monitorinq çərçivəsində müəyyən edilib ki, Belarus Respublikasından ölkəyə gətirilmiş sözügedən toyuqların ucuz qiymətə satılmasının səbəbi ikinci kateqoriya və yumurtadan kəsilmiş (ana toyuqlar) toyuqların olmasıdır. Buna baxmayaraq, ölkəyə idxal zamanı həmin məhsullar təhlükəsizlik göstəriciləri üzrə (Salmonella, quş qripi və koronavirus) müayinələrə cəlb edilmiş və sınaq nəticələri qanunvericiliyin tələblərinə uyğun olduğu üçün qida təhlükəsizliyi sertifikatı ilə təmin edilib. Eyni zamanda nəzərinizə çatdırırıq ki, sənaye şəraitində yetişdirilməsinə, həmçinin toyuqların üzərində rus dilində “ikinci sort dondurulmuş toyuq” qeyd olunmasına baxmayaraq, “kənd toyuğu” və ya “Belarus kənd toyuğu” adı altında satılması istehlakçılara yanlış məlumat verilməklə onların aldadılmasına səbəb olur. Göstərilənlərə əsasən, həmin şirkətlərdə plandankənar yoxlama aparılıb və sözügedən toyuq məhsullarının ticarət şəbəkələrindən geri çağırılması ilə bağlı “məhdudlaşdırıcı tədbirlərin tətbiqi barədə qərar” qəbul edilib. Geri çağırılmış məhsullarla əlaqədar qanunvericilik çərçivəsində zəruri tədbirlərin görülməsi nəzərdə tutulub. Bundan əlavə, çəkisinin artırılması məqsədilə həmin toyuqlara su vurulması ilə bağlı nəzərinizə çatdırırıq ki, monitorinqlər çərçivəsində ticarət şəbəkələrində satışı həyata keçirilən həmin toyuqlardan nümunələr götürülüb və suyun kütlə payının müəyyən edilməsi məqsədilə laboratoriyaya təqdim edilib. Belə ki, nümunələrin sınaq nəticəsinə əsasən, suyun kütlə payı normativ sənədin tələblərinə uyğun olub", - AQTA-dan qeyd edilib.

Sabahın hava proqnozu açıqlanıb

Sabahın hava proqnozu açıqlanıb

İyunun 11-nə gözlənilən hava şəraiti açıqlanıb.

Milli Hidrometeorologiya Xidmətindən  verilən məlumata görə, Bakıda və Abşeron yarımadasında hava şəraiti dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-şərq küləyi əsəcək.

Havanın temperaturu gecə 18-21° isti, gündüz 26-30° isti, Bakıda gecə 19-21° isti, gündüz 28-30° isti olacaq. Atmosfer təzyiqi norma daxilində 761 mm civə sütunu təşkil edəcək. Nisbi rütubət 50-60 % olacaq.

Azərbaycanın rayonlarında bəzi yerlərdə şimşək çaxacağı, arabir yağış yağacağı gözlənilir. Gündüz əksər rayonlarda əsasən yağmursuz. Şərq küləyi əsəcək.

Havanın temperaturu gecə 17-21° isti, gündüz 28-33° isti, dağlarda gecə 8-13° isti, gündüz 17-22° isti olacaq.