Wednesday, 25 May 2022 17:07
Yeni Azərbaycan Televiziyası
Bakı
İstanbul
Moskva
Salyanda qatar kişini vurub

Salyanda qatar kişini vurub

Sayan rayonunda qatar kişini vurub.

YAZTV-nin məlumatına görə, hadisə rayonun Xurşud kəndi ərazisindən keçən hissəsində qeydə alınıb.

Belə ki, hələlik şəxsiyyəti məlum olmayan, təxminən 40 yaşlı kişi dəmir yolun keçərkən qatar onu vurub. Müxtəlif dərəcəli ağır bədən xəsarətləri alan yaralı Salyan Rayon Mərkəzi Xəstəxanasının reanimasiya şöbəsinə yerləşdirilib. Vəziyyətinin ağır olduğu bildirilir.

Faktla bağlı araşdırma aparılır.

Goranboyda 2 avtomobil toqquşub, 4 nəfər xəsarət alıb

Goranboyda 2 avtomobil toqquşub, 4 nəfər xəsarət alıb

Goranboyda 4 nəfərin xəsarət alması ilə nəticələnən yol-nəqliyyat hadisəsi olub.

YAZTV-nin məlumatına görə, hadisə Səfikürd kəndində qeydə alınıb.

"VAZ" və "Mercedes" markalı avtomobillərin toqquşması nəticəsində 1960-cı il təvəllüdlü L.Əliyev, 2006-cı il təvəllüdlü N.Məhhərəmov, 2002-ci il təvəllüdlü R.Kərimov və 1986-cı il təvəllüdlü K.Əsədov xəsarət alıblar.

Yaralılar xəstəxanaya yerləşdirilib.

Faktla bağlı araşdırmalara başlanılıb. (report az)

Çaydan balıqçının meyiti tapıldı

Çaydan balıqçının meyiti tapıldı

Gürcüstanın Marneuli ərazisindən keçən Alget çayında orta yaşlı kişi meyiti tapılıb.

YAZTV gürcü mediasına istinadən xəbər verir ki, meyiti tapılan şəxs balıq ovu ilə məşğul olurmuş.

Sakinlər onun cəsədini aşkar edərək, polisə məlumat veriblər. Daha sonra cəsəd ekspertizaya göndərilib.

Ötən il işğaldan azad edilmiş ərazilərin minalardan təmizlənməsinə xərclənən vəsait açıqlanıb

Ötən il işğaldan azad edilmiş ərazilərin minalardan təmizlənməsinə xərclənən vəsait açıqlanıb

“Ötən il işğaldan azad edilmiş ərazilərin minalardan təmizlənməsinə 98 milyon manata yaxın vəsait xərclənib”.

YAZTV-nin xəbərinə görə, bunu maliyyə naziri Samir Şərifov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “2021-ci ilin dövlət büdcəsinin icrası haqqında” qanun layihəsinin müzakirəsi zamanı deyib.

Onun sözlərinə görə, ötən il 2021-ci ildə dövlət büdcəsindən Azərbaycan Respublikasının işğaldan azad edilmiş ərazilərin partlamamış hərbi sursat və minalardan təmizlənməsi işlərinin yerinə yetirilməsi üçün 105,8 milyon manat (işğaldan azad olunmuş ərazilərin yenidən qurulması və bərpası üzrə xərclərdə 97,6 milyon manat məbləğində vəsait də nəzərə alınmaqla) vəsait xərclənib.

 

 

Gəncədə 152 kq istehlaka yararsız ət aşkarlanıb

Gəncədə 152 kq istehlaka yararsız ət aşkarlanıb

Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin müasir tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.

Bu barədə YAZTV-yə Qida Təhlükəsizliyi Agentliyindən məlumat verilib.

Bildirilib ki, Agentlik müfəttişləri tərəfindən Daxili İşlər Nazirliyinin əməkdaşları birgə Gəncə şəhəri, Z.Əliyeva küçəsində fəaliyyət göstərən, fiziki şəxs Məmmədov Kamran Sədir oğluna məxsus ət məhsullarının satışı məntəqəsinə keçirilmiş baxış zamanı baytarlıq (baytarlıq-sanitariya) ekspertizasından keçməyən, kəskin qoxuya malik, qaralmış, ümumi çəkisi 152 kq mənşəyi məlum olmayan ət aşkarlanıb.

Mənşəyi məlum olmayan ət satış şəbəkəsindən çıxarılaraq saxlanca qoyulub, müayinələrin aparılması üçün götürülən nümunələr Azərbaycan Qida Təhlükəsizliyi İnstitunun müvafiq labaratoriyalarına təqdim edilib. Müayinələr nəticəsində ətin qida təhlükəsizliyi sahəsində texniki normativ sənədlərin tələblərinə uyğun olmadığı, köhnə və ölmüş heyvan əti olduğu müəyyən olunub.

Faktla bağlı qanunvericiliyə uyğun müvafiq tədbirlər görülüb. Araşdırmalar davam edir.

Agentlik bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.

Xaçmazda avtomobillər toqquşub, xəsarət alanlar var

Xaçmazda avtomobillər toqquşub, xəsarət alanlar var

Xaçmaz rayonunda 4 nəfərin xəsarət alması ilə nəticələnən yol-nəqliyyat hadisəsi olub.

YAZTV-nin məlumatına görə, hadisə Nərəcan-Uzunoba avtomobil yolunda baş verib. "Qazel" və BMW markalı avtomobillərin toqquşması nəticəsində 1965-ci il təvəllüdlü Sevda Şükür qızı Xəlilova, 1972-ci il təvəllüdlü Sevda Mürsəl qızı Xəlilova, 1993-cü il təvəllüdlü Qədir Abubəkir oğlu Musayev və 1991-ci il təvəllüdlü Əmrah Qorxmaz oğlu Məcidov müxtəlif xəsarətlər alıblar.

Yaralılar Xaçmaz Rayon Mərkəzi Xəstəxanasına çatdırılıblar.

Hadisənin təfərrüatı araşdırılır. (report az)

Bakıda gənc oğlan yol qəzasında xəsarət alıb

Bakıda gənc oğlan yol qəzasında xəsarət alıb

Bakıda xəsarətlə nəticələnən yol-nəqliyyat hadisəsi baş verib.

YAZTV-nin məlumatına görə, hadisə Xətai rayonunda qeydə alınıb. 2005-ci il təvəllüdlü Mustafayev Nəcməddin Mahir oğlu motosikletlə hərəkətdə olarkən avtomobillə toqquşub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona alın sümüklərinin sınığı diaqnozu qoyulub.

Hadisənin təfərrüatı araşdırılır.

Vətən müharibəsi qazisi intihar etdi

Vətən müharibəsi qazisi intihar etdi

Biləsuvar rayonunda intihar hadisəsi baş verib. YAZTV “Kriminalqafqaz”a istinadən məlumatına görə, hadisə məcburi köçkünlərin Biləsuvar rayonu ərazisində yerləşən 1 saylı Qəsəbəsində qeydə alınıb. Belə ki, Cəbrayıl rayonu Sarıcalar kənd sakini, 1995-ci il təvəllüdlü Əlisahib Məmmədov özünü yaşadığı evin həyətində asaraq intihar edib.

Qeyd edək ki, o, Vətən Müharibəsi qazisi və ailəli olub.

Faktla bağlı araşdırma aparılır.

 

Gəncədə tüfeyli həyat tərzi keçirənlər və dilənçilər saxlanılıb

Gəncədə tüfeyli həyat tərzi keçirənlər və dilənçilər saxlanılıb

Gəncədə tüfeyli həyat tərzi keçirənlər və dilənçilər saxlanılıb.

Daxili İşlər Nazirliyinin Mətbuat Xidmətinin Gəncə regional qrupundan YAZTV-yə verilən məlumata görə, Gəncə Şəhər Baş Polis İdarəsinin 1-ci Polis Şöbəsinin əməkdaşları şəhər ərazisində tüfeyli həyat tərzi keçirən və dilənçiliklə məşğul olaraq vətəndaşların haqlı narazılığına səbəb olan şəxslərlə bağlı profilaktiki tədbir keçirib.

Təbir zamanı ümumilikdə 24 nəfər saxlanılaraq Polis Şöbəsinə gətirilib. Onlarla profilaktiki söhbətlər aparılaraq İnzibati Xətalar Məcəlləsinin müvafiq maddəsi ilə protokol tərtib edilib. Daha sonra saxlanılan şəxslər qeydiyyatda olduqları şəhər və rayonlara göndərilib.

Neftçalanın həbsdə olan sabiq icra başçısının cəzası azaldılıb

Neftçalanın həbsdə olan sabiq icra başçısının cəzası azaldılıb

Neftçala Rayon İcra Hakimiyyətinin (RİH) həbscə olan sabiq başçısı İsmayıl Vəliyevin cəzası 10 ildən 9 il 6 ayadək endirilib.

YAZTV xəbər verir ki, bu barədə qərar Şirvan Apellyasiya Məhkəməsinin hakimi Kamil Bəşirovun sədrliyi ilə keçirilən prosesdə elan edilib.

Qeyd edək ki, İ.Vəliyev və digər şəxsləri Dövlət Təhlükəsizliyi Xidmətinin əməkdaşları tərəfindən 2020-ci ilin fevralında həbs olunub.

İstintaq orqanı tərəfindən onun barəsində Cinayət Məcəlləsinin 179.3.2-ci (külli miqdarda mənimsəmə və ya israf etmə), 308.2-ci (vəzifə səlahiyyətlərindən sui-istifadə - bu Məcəllənin 308.1-ci maddəsi ilə nəzərdə tutulmuş əməllər ağır nəticələrə səbəb olduqda və ya seçkinin (referendumun) nəticələrinə təsir məqsədilə törədildikdə), 311.3.1-ci (qabaqcadan əlbir olan bir qrup şəxs və ya mütəşəkkil dəstə tərəfindən rüşvət alma), 311.3.2-ci (təkrar rüşvət alma), 311.3.3-cü (külli miqdarda rüşvət alma) və 313-cü (vəzifə saxtakarlığı maddəsi ilə ittiham elan edilib.

Biləsuvarda Cəbrayıl sakini intihar edib

Biləsuvarda Cəbrayıl sakini intihar edib

Biləsuvar rayonunda intihar hadisəsi baş verib.

YAZTV xəbər verir ki, hadisə məcburi köçkünlərin Biləsuvar rayonu ərazisində yerləşən 1 saylı Qəsəbədə qeydə alınıb.

Belə ki, qəsəbə sakini, Ə. Məmmədov özünü asaraq intihar edib.

Faktla bağlı araşdırma aparılır.

Qaxda ikimərtəbəli ev YANDI

Qaxda ikimərtəbəli ev YANDI

Qax şəhərində ümumi sahəsi 338 m² (hər mərtəbəsi 169 m²) olan ikimərtəbəli 6 otaq və mansardadan ibarət evin ikinci mərtəbəsində 3 otağın tavanı və mansardasının döşəməsi 60 m² sahədə yanıb.

YAZTV Fövqəladə Hallar Nazirliyinin saytına istinadən xəbər verir ki, evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.