Sunday, 29 Yanvar 2023 15:57
Yeni Azərbaycan Televiziyası
Bakı
İstanbul
Moskva
BMT Təhlükəsizlik Şurası Ukrayna ilə bağlı iclas keçirəcək

BMT Təhlükəsizlik Şurası Ukrayna ilə bağlı iclas keçirəcək

BMT Təhlükəsizlik Şurası yanvarın 13-də Ukrayna ilə bağlı iclas keçirəcək.

YAZTV xəbər verir ki, bu barədə TASS agentliyi məlumat yayıb.

İclasın konkret mövzusu hələlik məlum deyil.

NASA 63 illik binasını sökdü

NASA 63 illik binasını sökdü

Amerika Aeronavtika və Kosmik Tədqiqatlar İdarəsi (NASA), 63 ildir qərargah olaraq istifadə etdiyi binanı partlayıcılarla dağıdıb.

 

YAZTV xəbər verir ki, NASA ABŞ-ın Alabama ştatında istifadə olunmayan binanı partlayıcılarla məhv edib. Nəzarət partlaması nəticəsində bina saniyələr ərzində dağılıb. Bina 63 il NASA tərəfindən qərargah kimi istifadə edilib. Lakin köhnə olduğundan və təmiri baha başa gəldiyindən onun sökülməsinə qərar verilib. Aya ilk insan səyahətini həyata keçirən Saturn 5 raketləri və digər buraxılış qurğuları dağılmış binada layihələndirilib.

Putin Kadırova general-polkovnik rütbəsi verdi

Putin Kadırova general-polkovnik rütbəsi verdi

Rusiya Prezidenti Vladimir Putin Çeçenistan Respublikasının rəhbəri Ramzan Kadırova general-polkovnik rütbəsi verib.

YAZTV xəbər verir ki, bu barədə məlumatı Kadırov öz rəsmi teleqram kanalında paylaşıb.

“Sizinlə daha bir xoş xəbəri bölüşmək istəyirəm. Rusiya Prezidenti mənə general-polkovnik rütbəsi verdi. Vladimir Vladimiroviç bu barədə mənə şəxsən məlumat verdi və məni təbrik etdi”, - deyə Kadırov qeyd edib. 

ABŞ Dövlət Departamenti rəsmi sənədlərdə Türkiyənin adının dəyişdirilməsini təsdiqləyib

ABŞ Dövlət Departamenti rəsmi sənədlərdə Türkiyənin adının dəyişdirilməsini təsdiqləyib

ABŞ rəsmi Ankaranın tələbinə cavab olaraq, rəsmi sənədlərdə Türkiyənin ingiliscə yeni yazısı olan “Turkiye”dən istifadə ediləcək.

YAZTV xəbər verir ki, bu barədə dekabrın 6-da ABŞ Dövlət Departamenti məlumat yayıb.

Dövlət Departamenti yeni rəsmi sənədlərdə Türkiyənin “Turkey” deyil, “Turkiye” yazılması barədə göstəriş verib.

Qeyd edək ki, bu addım Türkiyənin xarici işlər naziri Mövlud Çavuşoğlunun yanvarın sonuna Vaşinqtona planlaşdırılan səfəri ərəfəsində atılıb. Səfər zamanı Ukrayna böhranı, Finlandiya və İsveçin NATO-ya qəbul edilməsi ilə bağlı rəsmi Ankaranın mövqeyi müzakirə olunacaq.

“Rusiya taxıl müqaviləsindən çıxmayıb” - Rusiya XİN

“Rusiya taxıl müqaviləsindən çıxmayıb” - Rusiya XİN

Rusiya taxil müqaviləsi ilə əlaqədar yaxın günlərdə Türkiyə və BMT nümayəndələri ilə danışıqlar aparacaq".

YAZTV Rusiya mediasına istinadən xəbər verir ki, bu barədə jurnalistlərə Rusiya xarici işlər nazirinin müavini Andrey Rudenko məlumat verib.

Onun sözlərinə görə, ölkəsi taxıl müqaviləsinin iştirakçıları kimi Türkiyə və BMT nümayəndələri ilə əlaqə yaradacaq. İlk növbədə, Ukraynadan Rusiyanın Qara dəniz Donanmasına hücumun detallarının araşdırılmasının vacibliyini vurğulayan nazir müavini rəsmi Moskvanın BMT Təhlükəsizlik Şurasının iclasını çağırdığını və orada taxıl müqaviləsinə dair məsələlərin də müzakirə olunacağını deyib.

A.Rudenko qeyd edib ki, Rusiya taxıl müqaviləsindən çıxmayıb, yalnız bu sövdələşmədə iştirakını dayandırıb.

Qazaxıstanda fövqəladə vəziyyət elan edildi

Qazaxıstanda fövqəladə vəziyyət elan edildi

Qazaxıstanın şimalındakı Kostanay vilayətinin hakimiyyət orqanları meşə yanğınları ilə əlaqədar bölgədə fövqəladə vəziyyət elan edib.

 Bu barədə bazar günü vilayət administrasiyasının mətbuat xidməti məlumat yayıb.

Səlahiyyətlilərin məlumatına görə, bölgədən 1800 nəfər təxliyə edilib. "Məktəblərdə 200-ə yaxın insan yaşayır. Bir çoxları təhlükəsiz olduqlarından əmin olaraq evlərinə qayıdıblar, qalanları qohumlarının yanına gedib. 108 binaya ziyan dəyib, onlardan 98-i tamamilə yanıb”, - mətbuat xidmətindən bildirilib.

Fövqəladə Hallar Nazirliyinin son məlumatına görə, tüğyan edən təbii fəlakət nəticəsində bir nəfər ölüb, on nəfər xəsarət alıb. Yanğının əhatə etdiyi ərazi 43 min hektardan çoxdur.

Britaniyada məktəblilərə riyaziyyatın məcburi öyrədilməsi nəzərdə tutulur

Britaniyada məktəblilərə riyaziyyatın məcburi öyrədilməsi nəzərdə tutulur

Böyük Britaniyanın Baş naziri, Mühafizəkarlar Partiyasının sədri Rişi Sunak ictimaiyyət qarşısında çıxış etməyi düşünür.

YAZTV “The Independent” agentliyinə istinadla xəbər verir ki, Böyük Britaniyanın 79-cu Baş naziri ictimaiyyətlə görüşündə ölkəsinin dünyanın ən yaxşı təhsil sistemlərinə rəqib olmasını təmin etməklə bağlı planlarını açıqlayacaq.

Rişi Sunakın təqdim edəcəyi planın əsas istiqaməti təhsil sistemində 18 yaşa qədər olanlar üçün riyaziyyatın bəzi formalarının məcburi öyrənilməsidir. Hazırda daha çox məntiqi biliklərə yer verilməsini vacib hesab edən Baş nazir dünya ölkələrinin əksəriyyətində yalnız 16-19 yaşarası uşaqların riyaziyyata üstünlük verdiyini düşünür.

Vladimir Putin Rusiyanın Turizm Agentliyini ləğv edib

Vladimir Putin Rusiyanın Turizm Agentliyini ləğv edib

Rusiya Prezidenti Vladimir Putin Federal Turizm Agentliyinin (“Rosturizm”) ləğv edilməsinə dair sərəncam imzalayıb.

YAZTV xəbər verir ki, məlumatı TASS yayıb.

Qeyd edək ki, Rusiyanın Turizm Agentliyi 2004-cü ilin noyabrın 18-də yaradılıb. Agentlik bundan əvvəl Rusiya Federasiyası Bədən tərbiyəsi, idman və turizm üzrə dövlət komitəsi adlanırdı.

“Rosturizm”in 67 əməkdaşı olub.

Rusiyalı komandan vəzifəsindən kənarlaşdırıldı

Rusiyalı komandan vəzifəsindən kənarlaşdırıldı

Rusiya Ordusunun Qərb Hərbi Dairəsinin komandanı Aleksandr Juravlyov tutduğu vəzifədən uzaqlaşdırılıb.

YAZTV xəbər verir ki, bu barədə məlumat Rusiyanın vergi ödəyicisinin eyniləşdirmə nömrəsi reyestrində yer alıb.

Reyestrdə kadr rotasiyasının sentyabrın 28-də həyata keçirildiyi əks olunub.

Qərb Hərbi Dairəsinin yeni komandanı isə general-leytenant Roman Berdnikov olub. O, vaxtilə Suriyada Rusiya hərbçiləri qrupuna rəhbərlik edib.

Müdafiə Nazirliyinin saytında Juravlyov hələ də Qərb Hərbi Dairəsinin başçısı kimi qeyd olunur.

Bununla belə, nə A.Juravlyovun vəzifəsindən kənarlaşdırılması, nə də R.Berdnikovun təyinatı ilə bağlı heç bir sərəncam dərc olunmayıb.

Qeyd edək ki, Qərb dairəsinin qoşunları Xarkov vilayətində gedən döyüşlərdə iştirak edirdi. Rusiya hərbi teleqram kanalları isə onları dözümsüzlükdə və mövqelərdən geri çəkilməkdə ittiham edirdilər ki, bu da Rusiya qoşunlarının bölgədəki işğal olunmuş ərazilərin əksəriyyətini itirməsinə səbəb olub.

Xatırladaq ki, Rusiyada hərbi uğursuzluqlara görə məsuliyyət daşıyanların cəzalandırılması çağırışları var. Məsələn, ötən gün Çeçenistanın lideri Ramzan Kadırov Mərkəzi Hərbi Dairənin komandiri general Lapini (Xarkov və Luqansk vilayətlərinin şimalında qoşunlara komandanlıq edir) sərt şəkildə tənqid edib.

Somalidə partlayışlar nəticəsində 15 nəfər ölüb

Somalidə partlayışlar nəticəsində 15 nəfər ölüb

Bu gün Somalinin Mahas şəhərində federal parlament üzvünün ofisi qarşısında iki minalanmış avtomobilin partlaması nəticəsində azı 15 nəfər həlak olub.

YAZTV xəbər verir ki, Somali Guardian informasiya portalının məlumatına görə, ölənlər arasında rəsmi şəxslər də var. Garowe portalı isə partlayışların terrorçu-kamikadzelər tərəfindən törədildiyini bildirib. Hakimiyyət orqanları hadisənin məsuliyyətini “Aş-Şabab” qruplaşmasının üzərinə qoyub.

Mahas şəhəri Somalinin mərkəzi hissəsində, paytaxt Moqadişodan 300 kilometr şimalda yerləşir.

“Aş-Şabab” qruplaşması Somalidə 2004-cü ildə yaradılıb. Qruplaşma 2008-ci ildən mütəmadi olaraq partlayışlar və digər terror aktları törədir. 2010-cu ildə ölkənin geniş ərazilərini nəzarətə götürən “Aş-Şabab” bir il sonra paytaxt Moqadişonu tərk etməyə məcbur olub. Bundan sonra ölkə hökuməti və onun müttəfiqləri ilə mübarizədə partizan müharibəsi taktikasına keçib. Müxtəlif məlumatlara əsasən, qruplaşmanın sıralarında 10 minədək silahlı var.

Rusiya daha 20 hərbçini Ukrayna əsirliyindən geri qaytardı

Rusiya daha 20 hərbçini Ukrayna əsirliyindən geri qaytardı

Rusiya Ukrayna əsirliyində olan daha 20 hərbi qulluqçunu geri qaytarıb.

YAZTV “TASS”a istinadən xəbər verir ki, bu barədə məlumatı Rusiyanın Müdafiə Nazirliyi yayıb. 

“Bu gün danışıqlar prosesinin nəticəsində Kiyev rejiminin nəzarətində olan ərazilərdən 20 rusiyalı hərbçi geri qaytarılıb”, - deyə məlumatda qeyd olunub.

Ərdoğanla Putin Ukrayna müharibəsini müzakirə ediblər

Ərdoğanla Putin Ukrayna müharibəsini müzakirə ediblər

Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında telefon danışığı olub. Telefon danışığında Rusiya-Ukrayna müharibəsi ilə bağlı son hadisələr müzakirə edilib.

Bu barədə Türkiyə mətbuatına istinadən xəbər verir.

Noyabrda başa çatacaq gübrə və taxıl ixracı mexanizminin uzadılmasının ortaq maraq olduğunu bildirən Türkiyə Prezidenti Rusiya gübrəsinin və taxıl məhsullarının fasiləsiz ixracı üzərində işlərin davam etdirildiyini bildirib.

Ərdoğan daha müsbət irəliləyişlərə yol açmaq üçün gərginliyin azaldılması istiqamətində addımların atılmasının lazım olduğunu, Rusiyadan bu prosesi asanlaşdıracaq addımlar atmasının gözlənildiyini bildirib.

Rusiya Prezidentindən danışıqlara şans verilməsini istəyən Ərdoğan bu prosesdə yardımçı rol oynamağa hazır olduqlarını qeyd edib.