Monday, 03 Oktyabr 2022 05:12
Yeni Azərbaycan Televiziyası
Bakı
İstanbul
Moskva
Rusiyalı komandan vəzifəsindən kənarlaşdırıldı

Rusiyalı komandan vəzifəsindən kənarlaşdırıldı

Rusiya Ordusunun Qərb Hərbi Dairəsinin komandanı Aleksandr Juravlyov tutduğu vəzifədən uzaqlaşdırılıb.

YAZTV xəbər verir ki, bu barədə məlumat Rusiyanın vergi ödəyicisinin eyniləşdirmə nömrəsi reyestrində yer alıb.

Reyestrdə kadr rotasiyasının sentyabrın 28-də həyata keçirildiyi əks olunub.

Qərb Hərbi Dairəsinin yeni komandanı isə general-leytenant Roman Berdnikov olub. O, vaxtilə Suriyada Rusiya hərbçiləri qrupuna rəhbərlik edib.

Müdafiə Nazirliyinin saytında Juravlyov hələ də Qərb Hərbi Dairəsinin başçısı kimi qeyd olunur.

Bununla belə, nə A.Juravlyovun vəzifəsindən kənarlaşdırılması, nə də R.Berdnikovun təyinatı ilə bağlı heç bir sərəncam dərc olunmayıb.

Qeyd edək ki, Qərb dairəsinin qoşunları Xarkov vilayətində gedən döyüşlərdə iştirak edirdi. Rusiya hərbi teleqram kanalları isə onları dözümsüzlükdə və mövqelərdən geri çəkilməkdə ittiham edirdilər ki, bu da Rusiya qoşunlarının bölgədəki işğal olunmuş ərazilərin əksəriyyətini itirməsinə səbəb olub.

Xatırladaq ki, Rusiyada hərbi uğursuzluqlara görə məsuliyyət daşıyanların cəzalandırılması çağırışları var. Məsələn, ötən gün Çeçenistanın lideri Ramzan Kadırov Mərkəzi Hərbi Dairənin komandiri general Lapini (Xarkov və Luqansk vilayətlərinin şimalında qoşunlara komandanlıq edir) sərt şəkildə tənqid edib.

Qırğızıstan-Tacikistan sərhədində gərginlik davam edir

Qırğızıstan-Tacikistan sərhədində gərginlik davam edir

Qırğızıstan və Tacikistan arasında sərhəddə vəziyyət gərginləşib.

YAZTV xarici mediaya istinadən xəbər verir ki, hazırda iki ölkə arasında bütün sərhəd boyu döyüşlər gedir.

Qırğızıstanın Sərhəd Xidmətinin məlumatına görə, iki ölkə sərhədçiləri arasında qarşıdurma, hətta əvvəllər vəziyyətin sakit olduğu yerlərdə də qeydə alınıb.

Hadisənin detalları açıqlanmasa da, atışmaların miqyasının böyük olduğu bildirilir.

Bununla yanaşı, 4 qırğız hərbi qulluqçunun yaralandığı da iddia olunur.

Həmçinin Qırğızıstan tərəfi Tacikistanı sərhəddəki münaqişə zamanı tank və digər zirehli texnikadan istifadə etməkdə ittiham edib.

Tacikistanın Sərhəd Xidməti isə öz növbəsində Qırğızıstan tərəfinin hücum etdiyini iddia edir.

Böyük Britaniyanın yeni kralı - Kral III Çarlz

Böyük Britaniyanın yeni kralı - Kral III Çarlz

Xəbər verdiyimiz kimi, Böyük Britaniya kraliçası II Elizabet vəfat edib.

YAZTV” xarici KİV-ə istinadən xəbər verir ki, Böyük Britaniyanın Baş naziri Liz Trass anasının ölümündən sonra kral statusunu alan şahzadə Çarlzın III kral adını götürdüyünü açıqlayıb.

Kraliçanın ölümündən sonra Çarlz qanunla yeni monarx olur. Onun noyabrda 74 yaşı tamam olacaq.

Bundan sonra dövlət himninin sözləri də “God Save the King” olaraq dəyişəcək.

Liz Trass Britaniya xalqını yeni kralın yanında olmağa çağırıb.

Yeni kral ilk bəyanatında II Elizabetin ölümünü onun və bütün ailənin ən böyük kədər anı adlandırıb.

Qeyd edək ki, II Elizabet 1952-ci ildə Çarlzın dörd yaşı olanda kraliça olmaqla ölkə tarixində rekord müddətdə kral taxtında oturub

Ərdoğanla Putin Ukrayna müharibəsini müzakirə ediblər

Ərdoğanla Putin Ukrayna müharibəsini müzakirə ediblər

Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında telefon danışığı olub. Telefon danışığında Rusiya-Ukrayna müharibəsi ilə bağlı son hadisələr müzakirə edilib.

Bu barədə Türkiyə mətbuatına istinadən xəbər verir.

Noyabrda başa çatacaq gübrə və taxıl ixracı mexanizminin uzadılmasının ortaq maraq olduğunu bildirən Türkiyə Prezidenti Rusiya gübrəsinin və taxıl məhsullarının fasiləsiz ixracı üzərində işlərin davam etdirildiyini bildirib.

Ərdoğan daha müsbət irəliləyişlərə yol açmaq üçün gərginliyin azaldılması istiqamətində addımların atılmasının lazım olduğunu, Rusiyadan bu prosesi asanlaşdıracaq addımlar atmasının gözlənildiyini bildirib.

Rusiya Prezidentindən danışıqlara şans verilməsini istəyən Ərdoğan bu prosesdə yardımçı rol oynamağa hazır olduqlarını qeyd edib.

Britaniya himninin sözləri dəyişəcək

Britaniya himninin sözləri dəyişəcək

Britaniyanın dövlət himninin sözləri “God Save the Queen”dən “God Save the King”ə dəyişəcək.

YAZTV” xəbər verir ki, bu barədə “Röyters” məlumat yayıb. 

Həmçinin yeni sikkələr və əskinaslarda yeni kralın başı əks olunacaq. Köhnə sikkələr və əskinaslar tədricən dəyişdirilənə qədər dövriyyədə qalacaq.

Bundan əvvəl Böyük Britaniyanın Baş naziri Liz Trass anasının ölümündən sonra şahzadə Çarlzın Kral III Çarlz adını aldığını açıqlamışdı.

Kraliça dünyasını dəyişdi

Kraliça dünyasını dəyişdi

“Böyük Britaniya kraliçası II Elizabetin həkimləri onun səhhətindən narahatdırlar”.

YAZTV xarici mediaya istinadən xəbər verir ki, bu barədə məlumatı Bukinqem sarayından yayıblar.

“Həkimlər bu gün səhər həyata keçirilən müayinələrdən sonra kraliçanın səhhətindən narahatdırlar və ona həkim nəzarəti altında qalmağı tövsiyə ediblər”, - deyə məlumatda qeyd olunub.

"The Guardian" nəşri II Elizabetin ölüm xəbərini yayıb. Nəşr daha sonra bu məlumatı silib. 

Qeyd edək ki, kraliçanın Şotlandiyada Balmoral qəsrində həkim nəzarətinə götürüldüyü bildirilir. 

Kraliça II Elizabetin London iqamətgahı olan Bukinqen sarayında mühafizəçilərin dəyişdirilməsi mərasimi ləğv edilib. Bu barədə "BBC" məlumat yayıb.

Onun sözlərinə görə, sarayın darvazalarında müvafiq yazı olan lövhə quraşdırılıb. Ləğv səbəbi göstərilmir.

Kraliça 96 yaşında dünyasını dəyişdi. Bu barədə Bukinqem sarayı məlumat yayıb. 

Səfərbərlikdən sonra Rusiyanı tərk edənlərin sayı açıqlandı

Səfərbərlikdən sonra Rusiyanı tərk edənlərin sayı açıqlandı

Rusiyada qismən səfərbərlik elan olunandan sonra ölkəni 261 min kişi vətəndaş tərk edib. 

YAZTV xəbər verir ki, bu barədə məlumatı “Novaya Qazeta. Evropa” nəşri yayıb. 

Bildirilir ki, Rusiyanı tərk edən kişilərin sayı açıqlandıqca Kreml daxilində çağırış yaşına uyğun gələn şəxslər üçün sərhədlərin bağlanması müzakirə olunur. 

Xatırladaq ki, Rusiyada sentyabrın 21-i elan olunan qismən səfərbərlikdən sonra ölkədən çıxmağa çalışanların sayı artıb. Ölkənin hava limanlarında son günlər üçün biletlər başa çatıb və Rusiyanın qonşu ölkələrlə quru sərhədlərində tıxaclar yaranıb.

Ərdoğan II Elizabetin vəfatı ilə əlaqədar başsağlığı verdi

Ərdoğan II Elizabetin vəfatı ilə əlaqədar başsağlığı verdi

Türkiyə Prezidenti Rəcəb Tayyib Ərdoğan Böyük Britaniya kraliçası II Elizabetin vəfatı ilə əlaqədar başsağlığı verib.

YAZTV” xəbər verir ki, Prezident Ərdoğan bu haqda sosial media hesabında yazıb.

“Kraliça II Elizabetin vəfatını bu gün kədərlə öyrəndim. Kral ailəsinə dost və müttəfiq Birləşmiş Krallıq xalqına və hökumətinə dərin hüznlə başsağlığı verirəm”, - paylaşımda qeyd olunub.

İmran Xana qarşı daha bir ittiham irəli sürüldü

İmran Xana qarşı daha bir ittiham irəli sürüldü

İslamabadın Ali Məhkəməsi keçmiş baş nazir İmran Xanın məhkəməyə hörmətsizlikdə ittiham edilməsinə qərar verib.

YAZTV” xəbər verir ki, bu barədə “The Express Tribune” yazır.

“Bir gün əvvəl Xan hakim haqqında kobud şərhlərə yol verdiyi üçün peşman olduğunu bildirib. Ancaq bununla belə, siyasətçi rəsmi üzr istəməkdən imtina edib”, - deyə məlumatda qeyd olunur. 

Əvvəllər Pakistan polisi Xana qarşı terrorla mübarizə qanununu pozduğuna görə ittiham irəli sürüb. İttihamlar Xanın İslamabadda yüzlərlə tərəfdarının qarşısında çıxışından sonra irəli sürülüb. Siyasətçi görüş zamanı əsas köməkçilərindən biri olan Şahbaz Gillin həbsinə görə polis əməkdaşları və qadın hakimi məhkəməyə verməklə hədələyib.

Rusiyada qismən səfərbərlik elan olunub

Rusiyada qismən səfərbərlik elan olunub

Rusiya Prezidenti Vladimir Putin ölkədə qismən səfərbərlik elan edib.

YAXTV xəbər verir ki, bu barədə “Mash” teleqram kanalı məlumat yayıb. 

Britaniyada matəm elan olundu

Britaniyada matəm elan olundu

Böyük Britaniyada Kraliça II Elizabetin vəfatı ilə əlaqədar milli matəm elan edilib.

YAZTV xəbər verir ki, bu barədə "Sky News" məlumat yayıb.

Matəm 10 gün davam edəcək.

Qeyd edək ki, II Elizabet bu gün 96 yaşında dünyasını dəyişib.

Putin İrana yeni səfir təyin etdi

Putin İrana yeni səfir təyin etdi

Rusiya Prezidenti Vladimir Putin ölkənin İrandakı səfiri Levan Caqaryanı geri çağırıb.

YAZTV Rusiya mediasına istinadən xəbər verir ki, Putin bununla bağlı sərəncam imzalayıb.

Rusiya liderinin digər sərəncamları ilə Aleksey Dedov ölkənin İrandakı, L.Caqaryan isə Rusiyanın Şri-Lankadakı yeni səfiri təyin edilib.