Saturday, 24 İyul 2021 17:34
Yeni Azərbaycan Televiziyası
Bakı
İstanbul
Moskva
Rusiyada koronavirusdan gündəlik ölüm sayı ən yüksək həddə çatıb

Rusiyada koronavirusdan gündəlik ölüm sayı ən yüksək həddə çatıb

Rusiyada koronavirusdan ölənlərin sayı artmaqda davam edir. Ötən gün ölkə ərazisində pandemiyanın əvvəlindən ən yüksək göstərici qeydə alınıb.

YAZTV-nin məlumatına görə, ölkədə son sutka ərzində 23 947 nəfər koronavirusa yoluxub.

Bu günədək koronavirusa yoluxanların sayı 6,1 milyon nəfəri ötüb.

Eyni zamanda, ötən gün Rusiyada 799 nəfər koronavirusdan ölüb. Ölkədə koronavirusdan ölənlərin sayı 153 095 nəfərə çatıb. (trend az)

“Taliban” atəşkəs üçün bunu tələb edir

“Taliban” atəşkəs üçün bunu tələb edir

“Kabildə razılaşdırılmış yeni hökumət olmayana və hazırkı Prezident Əşrəf Qani getməyənə qədər Əfqanıstanda sülh olmayacaq”.

YAZTV-nin xəbərinə görə, bu barədə “Taliban”ın sözçüsü və Əfqanıstan hökuməti ilə dialoqda iştirak edən nümayəndə heyətinin üzvü Suhail Şahin “Associated Press”ə müsahibəsində deyib.
O bildirib ki, Kabildə qarşıdurma tərəfləri üçün qəbul edilə bilən razılaşdırılmış hökumət qurulduqda və Ə. Qani hökuməti getdikdə “Taliban” silahı yerə qoyacaq: “Mən aydın şəkildə demək istəyirəm ki, biz hakimiyyətin inhisara alınmasına inanmırıq, çünki Əfqanıstanda keçmişdə hakimiyyəti inhisara almağa çalışan heç bir hökumət uğurlu ola bilmədi. Buna görə də eyni formulu təkrarlamaq istəmirik”.

Danışıqları yaxşı başlanğıc adlandıran “Taliban” sözçüsü qeyd edib ki, hökumət barışıq istəmir: “Onlar bizim təslim olmağımızı istəyirlər. Hər hansı atəşkəsdən əvvəl bizim üçün və digər əfqanlar üçün məqbul olan yeni bir hökumət barədə razılaşma olmalıdır. Sonra müharibə olmayacaq”.

ABŞ-da yanğın 600 min hektara yaxın əraziyə yayılıb

ABŞ-da yanğın 600 min hektara yaxın əraziyə yayılıb

ABŞ-da yanğınsöndürənlər təxminən 600 min hektar əraziyə yayılan təbii yanğınlarla mübarizəni davam etdirirlər.

YAZTV TASS-a istinadən verdiyi məlumata görə, hazırda ölkədə ən böyük yanğın Oreqon ştatında baş verir. Burada indiyədək 70-dən çox yaşayış binası və 100-dən çox digər tikililər məhv olub. 2 mindən çox sakin təxliyyə edilib, digər 5 mini bu barədə barədə xəbərdarlıq alıb.

Milli qurumlararası yanğın mərkəzinin məlumatına əsasən, ümumilikdə ABŞ-IN qərb ştatlarında 79 böyük yanğın ocağı qeydə alınıb. Yanğın 586 min hektar əraziyə yayılıb. (trend az)

Putinlə Mirziyoyev Əfqanıstandakı vəziyyəti müzakirə etdi

Putinlə Mirziyoyev Əfqanıstandakı vəziyyəti müzakirə etdi

Rusiya və Özbəkistan Prezidentləri Vladimir Putinlə Şavkat Mirziyoyev arasında telefon danışığı olub.

YAZTV” Kremlin Mətbuat Xidmətinə istinadən xəbər verir ki, tərəflər söhbət zamanı Əfqanıstandakı hazırkı vəziyyəti müzakirə ediblər.

 Bununla yanaşı, tərəflər iki ölkə arasındakı münasibətlər, strateji tərəfdaşlıq və s. mövzular ətrafında da fikir mübadiləsi aparıblar. Həmçinin, V. Putin özbək həmkarını ad günü münasibətilə təbrik edib. (qafqazinfo az)
Əfqanıstanda öldürülən 100-dən çox sakinlə bağlı müəmma

Əfqanıstanda öldürülən 100-dən çox sakinlə bağlı müəmma

Naməlum şəxslər Əfqanıstanda 100-dən çox dinc sakini qətlə yetirib.

YAZTV” xəbər verir ki, bu məlumatı ölkənin Daxili İşlər Nazirliyinin nümayəndəsi Mirvais Stanekzay açıqlayıb.

Onun sözlərinə görə, insident Qəndahar əyalətinin “Taliban” hərəkatı döyüşçüləri tərəfindən ələ keçirilməsindən sonra Spin-Boldak adlı bölgədə baş verib.

 Məlumata əsasən, Əfqanıstan hökuməti dinc sakinlərin ölümündə məhz bölgəyə nəzarəti ələ keçirən “Taliban”ı günahlandırır.

“Qəddar terrorçular Pəncabdan olan rəhbərlərinin əmri ilə Spin-Boldakın bir neçə ərazisində günahsız əfqanların evlərinə basqın təşkil edib, evləri talan edib və yüzdən çox günahsız insanı qətlə yetiriblər”,- deyə M. Stanekzay əlavə edib.

“Taliban” isə öz növbəsində dinc əhalinin qətlində iştirak etdiyini təkzib edir. 

Qeyd edək ki, Pakistanla sərhəddə yerləşən Spin-Boldak bölgəsi bir müddət əvvəl “Taliban” döyüşçülərinin nəzarəti altına keçsə də, Əfqanıstanın hökumət qüvvələri bölgəyə nəzarəti geri qaytara bilmişdi.

Əfqanıstanla Pakistan arasında sərhəddəki Spin-Boldak bölgəsində yerləşən keçid məntəqəsi ticarət baxımından strateji mövqeyə malikdir. (qafqazinfo az)

Putin və Paşinyan arasında telefon danışığı olub

Putin və Paşinyan arasında telefon danışığı olub

Rusiya Prezidenti Vladimir Putin və Ermənistan Baş naziri vəzifəsini icra edən Nikol Paşinyan arasında telefon danışığı olub.

YAZTV TASS-a istinadən verdiyi xəbərə görə, bu barədə Ermənistan Nazirlər Kabinetinin mətbuat xidməti məlumat yayıb.

 

 Bildirilib ki, tərəflər regiondakı vəziyyəti, 2020-ci il noyabrın 9-da və 2021-ci il yanvarın 11-də imzalanmış üçtərəfli razılaşmaların icrasını, o cümlədən regionda kommunikasiyaların açılmasını və digər məsələləri müzakirə ediblər. (unikal org)
Bayden Kennedinin qızını səfir təyin etməyi planlaşdırır

Bayden Kennedinin qızını səfir təyin etməyi planlaşdırır

ABŞ prezidenti Cozef Bayden ölkənin 35-ci rəhbəri olmuş (1961-1963-cü illər) Con Kennedinin (1917-1963) qızı Kerolin Kennedini Birləşmiş Ştatların Avstraliyadakı səfiri təyin etmək niyyətindədir.

YAZTV xəbər verir ki, bu barədə “CNN” mənbələrinə istinadən məlumat verib.

Bildirilib ki, 63 yaşlı Kerolin Kennedi sabiq prezident Barak Obamanın ikinci administrasiyası dövründə Tokioda səfir işləyib.

Hal-hazırda ABŞ-ın Avstraliyadakı diplomatik nümayəndəliyinə müvəqqəti işlər vəkili Maykl Qoldman rəhbərlik edir.

Hindistanda bina uçub, ölənlər var

Hindistanda bina uçub, ölənlər var

Hindistanın Maharaştra ştatının paytaxtı olan Mumbay şəhərində binanın uçması nəticəsində azı 7 nəfər ölüb, daha 3 nəfər xəsarət alıb.

YAZTV” “RİA Novosti”yə istinadən xəbər verir ki, bu barədə ANI agentliyi məlumat yayıb.

Daha əvvəl Hindistanın meteorologiya bürosu Mumbayda yağan güclü yağışlar səbəbindən qırmızı həyəcan səviyyəsi elan edib. Leysan səbəbindən şəhər əhalisinə elektrik enerjisi və su fasilələrlə verilir. Pis hava şəraiti həmçinin şəhərin Çembur rayonunda gecəqonduların divarlarını aşmasına səbəb olub. Nəticədə 17 nəfər ölüb, daha 2 nəfər xəsarət alıb. (report az)

İranda 226 nəfər koronavirusdan ölüb

İranda 226 nəfər koronavirusdan ölüb

İranda ötən sutka ərzində 226 nəfər koronavirusdan (COVID-19) ölüb.

YAZTV məlumatına görə, bunu İranın Səhiyyə, Müalicə və Tibbi Təhsil Nazirliyi elan edib.

Bununla da İranda bu virusdan ölənlərin sayı 88 013 nəfərə yüksəlib.

İranda ötən 24 saat ərzində 20 313 nəfər koronavirusa yoluxub. Beləliklə ölkədə bu virusa yoluxanların sayı 3 623 840 nəfərə çatıb. Virus daşıyıcılarından 4 628 nəfərin vəziyyəti ağır qiymətləndirilir.

İranda indiyədək 3 204 136 nəfər koronavirusdan sağalıb, 25,3 milyondan çox diaqnoz testi həyata keçirilib.

Ümumilikdə, İranda təxminən 9,67 milyon vaksin vurulub. Birinci mərhələ üzrə vaksinasiya olunanların ümumi sayı 7,34 milyon, ikinci mərhələ üzrə vaksinasiya olunanların sayı isə 2,33 min təşkil edir.

İsraildə aktiv koronavirus xəstələrinin sayı 10 mini ötüb

İsraildə aktiv koronavirus xəstələrinin sayı 10 mini ötüb

İsraildə ötən sutka ərzində yeni növ koronavirusa (COVİD-19) 1 150 nəfər yoluxub.

YAZTV-nin məlumatına görə, bu barədə ölkənin Səhiyyə Nazirliyindən bildiriblər.

Məlumata əsasən, ölkədə koronavirusa yoluxanların sayı 857 977 nəfərə çatıb. Son sutka ərzində koronavirusdan ölən olmayıb və ölənlərin ümumi sayı 6 457 nəfər təşkil edir.

Bildirilir ki, hazırkı dövrədək koronavirusa yoluxanlardan 841 354 nəfəri sağalıb, aktiv xəstələrin sayı 10 166 nəfərə qədər artıb.(trend az)

Koronavirusla bağlı SON STATİSTİKA

Koronavirusla bağlı SON STATİSTİKA

Dünyada 193 420 310 nəfərdə koronavirus aşkarlanıb.

Bu barədə YAZTV onlayn statistikasında qeyd olunur.

Virusdan 4 151 537 xəstə ölüb, 175 737 680 nəfər sağalıb.

 Virusa yoluxma sayına görə, ilk beşlikdə olan dövlətlər ABŞ (35 213 594 nəfər), Hindistan (31 293 062 nəfər), Braziliya (19 524 092 nəfər), Rusiya (6 054 711 nəfər) və Fransadır (5 933 510 nəfər).

Türkiyədə 5 563 903, İranda 3 623 840, Gürcüstanda 395 621, Ermənistanda isə 228 161 nəfərdə koronavirus aşkar edilib.

Sərhəd qonşularımız arasında koronavirusdan ən çox ölüm ardıcıl olaraq Rusiya (151 501 nəfər), İran (88 063 nəfər) və Türkiyədə (50 761 nəfər) qeydə alınıb.

Azərbaycanda koronavirusa yoluxan 339 274 nəfərin 4 999-u ölüb, 331 629 xəstə sağalıb.

Madaqaskar Prezidentinə qarşı sui-qəsdin qarşısı alındı

Madaqaskar Prezidentinə qarşı sui-qəsdin qarşısı alındı

Madaqaskarda ölkə Prezidenti Andri Rajoelinaya qarşı sui-qəsdin qarşısı alınıb.

YAZTV xəbər verir ki, bu haqda məlumatı ölkənin Prokurorluğu yayıb.

Məlumata əsasən, insidentlə bağlı bir neçə nəfər həbs olunub. Onlardan bəziləri madaqaskarlı, digərləri isə xarici vətəndaşlardır. Bildirilir ki, onların ikisi fransızdır.(qafqazinfo az)