Monday, 29 Noyabr 2021 04:26
Yeni Azərbaycan Televiziyası
Bakı
İstanbul
Moskva
Şəmkirdə "Qələbəyə aparan yol - Polad Həşimov" adlı rəsm sərgisi keçirilib

Şəmkirdə "Qələbəyə aparan yol - Polad Həşimov" adlı rəsm sərgisi keçirilib

Şəmkir rayon Gənclər və İdman İdarəsinin və Gənclərin İnkişaf və Karyera Mərkəzinin Şəmkir nümayəndəliyinin birgə təşkilatçılığı ilə "Qələbəyə aparan yol -Polad Həşimov" başlığı altında gənclər arasında rəsm sərgisi keçirilib.
 
Açıq hava şəraitində keçirilən sərgidə rəsmi qonaq qismində Şəmkir Rayon İcra Hakimiyyətinin məsul əməkdaşı Miraqil Cavadov iştirak edib.
 
Sərgidə Şəmkir rayonunun bir qrup istedadlı gəncləri öz əsərlərini  nümayiş etdiriblər.
 
Sonda iştiraçılara sertifikatlar təqdim olunub.
 
Fəxrəddin Manafovun səhhəti qəfil PİSLƏŞDİ

Fəxrəddin Manafovun səhhəti qəfil PİSLƏŞDİ

Xalq artisti Fəxrəddin Manafovun qəfildən səhhəti pisləşib.

YAZTV xəbər verir ki, bu barədə “MTV Azərbaycan” kanalında məlumat verilib.

Bildirilib ki, onun bədənində ağır allergik səpkilər meydana gəlib. Bundan sonra Xalq artisti xəstəxanaya müraciət edib.

Hazırda klinikalardan birində onun müalicəsi davam etdirilir.(publika az)

Previous Next

Gəncədə "Dumanlar başımda dastana döndü" adlı sərginin açılışı olub

Gəncə şəhəri Məhsəti Gəncəvi Mərkəzində “Dumanlar başımda dastana döndü” adlı sərginin açılışı oldu

Azərbaycan Respublikasının Mədəniyyət Nazirliyinin və Gəncə Regional Mədəniyyət İdarəsinin təşkilatı dəstəyi ilə Gəncə şəhəri Məhsəti Gəncəvi Mərkəzində Yarat Müasir İncəsənət Məkanının yerli rəssamların və fotoqrafların əsərlərindən ibarət “Dumanlar başımda dastana döndü” adlı qrup sərgisinin açılışı oldu.

Tədbiri İctimai Əlaqələr Departamentinin rəhbəri Hökümə Kərimova açaraq iştirakçıları salamladı və sərginin nümayişindən əsas məqsədi diqqətə çatdırdı.

Yarat Müasir İncəsənət Məkanının kuratoru Zəhra Məmmədova sərgi barədə ətraflı məlumat verdi.

Gəncə Regional Mədəniyyət İdarəsinin rəisi Vasif Cənnətov öz növbəsində bütün iştirakçıları salamlayaraq qeyd etdi ki, belə tədbirlərin keçirilməsi günümüzün tələbidir. Çünki, Dağlıq Qarabağ münaqişəsi tarixə Cənubi Qafqazda cərəyan edən ən faciəli toqquşmalardan biri kimi daxil olmuşdur.

Bu müharibədə qədim Gəncə də bir çox çətinliklərlə üzləşmişdir. Çox şükürlər olsun ki, Ali Baş Komandanımızın rəhbərliyi ilə rəşadətli Ordumuz 44 günlük Vətən müharibəsində işğal altında olan ata-baba yurdlarımızı xilas etdi.

Açılış mərasimində, Gəncə şəhər İcra Hakimiyyətinin məsul işçisi Yadigar Bədəlov, Gənclər İdman Baş İdarəsinin rəisi Həmid Nəsirov, AMEA-nın Gəncə Bölməsinin əməkdaşı, gənc alim Elnur Həsənov və şəhər “Gənclər Evinin” direktoru Amil Qurbanov çıxış etdilər.

İkinci Qarabağ müharibəsi dövründə Gəncə şəhəri, dinc əhaliyə qarşı törədilmiş hərbi cinayətlərin episentrlərindən biri olmuşdur.

Dağlıq Qarabağ münaqişəsinə və Zəfər hadisələrinə həsr olunmuş bu sərgi, ilk dəfə olaraq Gəncə şəhərinə səyahət edir.

“Dumanlar başımda dastana döndü” adlı sərginin adı Vətən müharibəsində şəhid olmuş gizir Xudayar Yusifzadənin özünəməxsus ifasında Əliağa Vahidin sözlərinə yazılmış “Vətən yaxşıdır” mahnısından götürülüb. Bu mahnı, həmçinin sərgidə nümayış olunan Rəşad Ələkbərovun instalyasiyasının tərkib hissəsidir.

Sərgiyə Yarat Müasir İncəsənət Məkanı və Azərbaycan Fotoqraflar Birliyinin fondlarında saxlanılan əsərlər və fotomateriallar daxil edilib.

Sərgi iyul ayının 8-dən sentyabr ayının 25-dək davam edəcək.

 

Müslüm Maqomayev və Tofiq Quliyevin heykəlləri Bakının bu hissəsində qoyulacaq

Müslüm Maqomayev və Tofiq Quliyevin heykəlləri Bakının bu hissəsində qoyulacaq

Görkəmli Azərbaycan-sovet opera və estrada müğənnisi Müslüm Maqomayevin və bəstəkar Tofiq Quliyevin heykəllərinin qoyulacağı yer müəyyənləşib.

Bu barədə  Mədəniyyət Nazirliyindən məlumat verilib. Məlumata görə, “Müslüm Maqomayevin abidəsinin ucaldılması haqqında” Azərbaycan Respublikası Prezidentinin 12 mart 2020-ci il tarixli 1927 nömrəli Sərəncamının icrası məqsədilə Azərbaycan Respublikası Mədəniyyət Nazirliyinin sifarişi əsasında hazırlanan Xalq rəssamı, akademik Ömər Eldarovun müəllifi olduğu heykəlin son tamamlama işləri aparılır və yaxın zamanda Bakı şəhərində Dənizkənarı Milli Parkın ərazisində, dəniz tərəfdən Dövlət Kukla Teatrının yaxınlığında ayrılmış yerdə ucadılması nəzərdə tutulur.

“Tofiq Quliyevin abidəsinin ucaldılması haqqında” Azərbaycan Respublikası Prezidentinin 20 may 2021-ci il tarixli 2654 nömrəli Sərəncamının icrası məqsədilə Azərbaycan Respublikası Mədəniyyət Nazirliyinin sifarişi əsasında heykəltəraş Tural Rzaquliyev tərəfindən hazırlanması nəzərdə tutulan heykəlin isə paytaxtda, keçmiş “Bakı” mehmanxanasının yerində salınmış parkda ucadılması planlaşdırılır.

Previous Next

Şəhid mədəniyyət işçisi Hikmət Məmmədovun baralyefi yaşadığı evin divarına vurulub

Şəhid mədəniyyət işçisi Hikmət Məmmədovun baralyefi yaşadığı evin divarına vurulmuşdur

 

15 iyul 2021-ci il tarixində Gəncə Regional Mədəniyyət İdarəsinin rəisi Vasif Cənnətovun təşəbbüsü və təşkilatçılığı ilə II Qarabağ Vətən müharibəsində Murovdağ istiqamətində gedən döyüşlərdə şəhidlik zirvəsinə ucalmış mədəniyyət işçisi Nizami Gəncəvi Məqbərəsinin sabiq əməkdaşı Məmmədov Hikmət Lətif oğlunun əziz xatirəsinə ehtiram əlaməti olaraq onun vaxtilə yaşadığı evin divarına vurulmuş baralyefi onündə mərasim keçirilmişdir. 

Mərasimdə Gəncə Regional Mədəniyyət İdarəsinin rəisi Vasif Cənnətov, rəis müavini Asəf Məmmədov, məsləhətçilər, Gəncə Dövlət Tarix-Mədəniyyət Qoruğunun direktoru Cumalik Rəhimov, Gəncə Dövlət Filarmoniyasının direktor vəzifəsini müvəqqəti icra edən Elçin Elçiyev, Gəncə Dövlət Dram Teatrının direktoru Əli Qasımov, Gəncə Dövlət Kukla Teatrının direktoru Fərmail Paşayev, Gəncə şəhər Uşaq İncəsənət Məktəbinin direktoru Ramail Atayev və Uşaq Rəssamlıq Məktəbinin direktoru Habil Əzizov və şəhidin iş yoldaşları iştirak edirdilər.

Mərasimi Gəncə Regional Mədəniyyət İdarəsinin rəisi Vasif Cənnətov açaraq bütün iştirakçıları salamladı. 

Azərbaycanın ərazi bütövlüyü, suverenliyi uğrunda şəhid olanların xatirəsi 1 dəqiqəlik sükutla yad edildi.

Regional idarənin rəisi Vasif Cənnətov şəhid Hikmət Məmmədovun Vətən müharibəsinə könüllü olaraq getməsindən, göstərdiyi şücaətdən, şəhidlərimizə göstərilən dövlət qayğısından danışdı.

Şəhid atası Lətif Məmmədov baralyefin üzərində örtüyü götürdü. Baralyefin önünə təzə-tər qərənfillər düzüldü. O, baralyefin hazırlanmasına görə Regional idarənin rəisi Vasif Cənnətova, baralyefin müəllifi, heykəltəraş Qasım Qasımova və bütün iştirakçılara ailə üzvləri adından minnətdarlığını bildirdi.

Mərasimdə Gəncə Regional Mədəniyyət İdarəsinin məsləhətçisi Bəxtiyar Muradov, Gəncə Dövlət Dram Teatrının direktoru Əli Qasımov, şəhid iş yoldaşı, Nizami Gəncəvi Məqbərəsinin bələdçisi Hava Hüseynova və baralyefin müəllifi, Azərbaycan Rəssamlar İttifaqının üzvü, Gəncə şəhər Uşaq İncəsənət Məktəbinin müəllimi, heykəltəraş Qasım Qasımov çıxış etdilər.

Heykəltəraş Qasım Qasımov indiyədək təmannasız olaraq I və II Qarabağ müharibələrində 60 nəfərdən çox şəhidin büstünü və baralyefini hazırlamışdır.

Mərasim nümayiş üçün yerli və respublika TV vasitələri tərəfindən lentə alındı.

Allah bütün şəhidlərimizə rəhmət eləsin!

“Fəryad 2” filmi çəkilir

“Fəryad 2” filmi çəkilir

Vətən müharibəsinə həsr olunmuş, kinorejissor Vaqif Mustafayevin şərti adlandırılan “Fəryad 2” filminin çəkilişlərinə hazırlıq prosesi gedir.

YAZTV Kulis.az-a istinadən xəbər verir ki, bu barədə “Azərbaycanfilm” kinostudiyasının direktoru Fariz Əhmədov məlumat verib.

O bildirib ki, Hadrut və Bakıda dekorasiyaları hazırlanan filmin çəkilişlərinə iyulun 15-dən sonra başlanılacaq.

Çəkilişlərin noyabr ayında qələbənin ildönümünə qədər tamamlanması və tamaşaçılara təqdim olunması gözlənilir. (axşam az)

Bu gün Flora Kərimovanın ad günüdür

Bu gün Flora Kərimovanın ad günüdür

Bu gün Azərbaycanın məşhur estrada, muğam və opera müğənisi, aktrisa, Azərbaycan Respublikasının xalq artisti Flora Kərimovanın ad günüdür.Flora Kərimova 1941-ci il iyulun 23-də Bakıda anadan olub. Əslən anası Zümrüd xanım Şuşalı, atası Ələkbər bəy isə qəbələlidir.

Fəaliyyətini 13 yaşından bədii özfəaliyyət kollektivlərində başlayan Flora xanım həmin tarixdən Azərbaycan Dövlət Filarmoniyasında və digər mədəniyyət saraylarında, dövlət tədbirlərində çıxış etmişdir. 1950-ci illərdən Azərbaycan Dövlət Tibb İnstitutunun "Çinar" rəqs ansambllında, 1960-cı illərdə Azərbaycan Teleradio Verilişləri Şirkətinin və Azərbaycan Dövlət Filarmoniyasının solisti olmuşdur. 1964-ci ildə Asəf Zeynallı adına Azərbaycan Dövlət Musiqi Texnikumunu (indiki Azərbaycan Milli Konservatoriyası nəzdində Musiqi Kolleci) bitirmişdir. 1971-ci ildə Azərbaycan Dövlət Tibb İnstitutunu müalicə işi üztə tam kursu bitirmiş, həkim ixtisasına yiyələnmişdir. 1977-ci ildə Bakı Musiqi Akademiyası vokal sinfini bitirmişdir.

Yaradıcılığına nəzər saldıqda görürük ki, klassik opera, milli opera, xalq mahnıları, romanslar, bəstəkar mahnıları və estrada janrlarına yüzlərlə nümunələrin yer aldığı Sənətkar, Azərbaycan Estrada janrının üç banisindən biridir.

Azərbaycan Dövlət Opera və Balet Teatrında ("Leyli və Məcnun", Üzeyir Hacıbəyov) çıxış etmiş (1966), "Qanun naminə" (1968) bədii filmində çəkilmişdir.

Əsrarəngiz səs tembrinə sahibi olan Flora Kərimova bəşər tarixində dörd (4-cü) oktavanı aşan müğənnilərdəndir. Bu baxımdan Flora Kərimovanın digər belə fantastik səsə malik müğənnilərdən (məsələn İma Sumac ) fərqi ondadır ki, o nəinki 4-cü oktavada vokaliz etməklə yanaşı (Nümunə üçün Qız, oğlan və şir (film, 1974)-də vokaliz), hətta bu yüksək notlarda oxuya da bilir. Onun səsi 4 oktavanı bütövlükdə əhatə etməsi (Kontraalt, Mezzo-soprano, Soprano, Koloratur soprano) və bundan əlavə çox böyük səs çalarına malik olan sənətkarın muğam ifa etməsi onu ifacı kimi unikallığıdır.

Repertuarında Azərbaycan bəstəkarlarının əksəriyyətinin ( Tofiq Quliyev, Şəfiqə Axundova, Taleh Hacıyev, Fikrət Əmirov, Cahangir Cahangirov, Arif Məlikov, Tofiq Əhmədov (musiqiçi), Süleyman Ələsgərov (bəstəkar), Rauf Hacıyev, Oqtay Kazımov, Emin Sabitoğlu, Oqtay Rəcəbov, Elza İbrahimova, İbrahim Topçubaşov, Vasif Adıgözəlov, Mobil Babayev, Hacı Xanməmmədov, Ramiz Mirişli, Aydın Əzim Kərimoğlu, Xəyyam Mirzəzadə, Qəmbər Hüseynli, Tofiq Bakıxanov, Ramiz Mustafayev, Telman Hacıyev (bəstəkar), Ələkbər Tağıyev, İbrahim Mirzəzadə, Nəriman Əzimov, Nadir Əzimov, Nəriman Məmmədov (bəstəkar), Ağabacı Rzayeva, İsrail Kərimov, Eldar Mansurov, Elçin İmanov, Faiq Sücəddinov, Əli Səlimi, Siyavuş Kərimi, Tahir Əkbər, Ruhəngiz Qasımova, Cavanşir Quliyev, Sevda İbrahimova, Hökümə Nəcəfova, Sevda İbrahimova, Sevinc Qasımova, Ətiqə Ələkbərova, Adil Bəbirov, Nazim Qəmərlinski, Şəmsi Kərimov, Tamilla Məmmədzadə, Aygün Səmədzadə, Xanım İsmayılqızı, Göhər Həsəsnzadə və b.) mahnıları yer tutur

YAZTV saytının kollektivi adından böyük sənətkarı ürəkdən təbrik edib,uzun ömür can sağlığı arzu edirik.

Milli Kino Mükafatının qalibi məlum olub

Milli Kino Mükafatının qalibi məlum olub

Azərbaycan Respublikası Kinematoqrafçılar İttifaqının geniş iclasında Milli Kino Mükafatı ilə bağlı məsələyə baxılıb.

Azərbaycan Respublikası Kinematoqrafçılar İttifaqının mətbuat xidmətinin rəhbəri Əli Vəliyev  bildirib ki, İttifaqın İdarə heyətinin yekdil qərarına görə tanınmış kinooperator, Əməkdar incəsənət xadimi, SSRİ Dövlət Mükafatları Larueatı, Prezident təqaüdçüsü Rafael Əli oğlu Qənbərov Milli Kino Mükafatına (Mükafatı-2000 manat) layiq görülüb.

Mükafat 2 avqust Milli Kino Günündə təqdim ediləcək.

Qeyd edək ki, Milli Kino Mükafatı 2012-ci ildən Azərbaycan Respublikası Kinematoqrafçılar İttifaqının İdarə heyətinin qərarı ilə təsis edilib və Azərbaycanda ən yüksək kino mükafatıdır. (report az)

Firuzə İbadovanın qardaşı oğlu müharibədə itkin düşüb

Firuzə İbadovanın qardaşı oğlu müharibədə itkin düşüb

Əməkdar artist Firuzə İbadovanın qardaşı oğlu İkinci Vətən müharibəsində itkin düşüb.

YAZTV xəbər verir ki, müğənni bu haqda "Söhbət var" verilişində deyib.

 "Anam müharibə ərəfəsində çox üzüldü. Əmim nəvəsi Rauf şəhid oldu. Qardaşım oğlu itkin düşüb. Hələ də səs-soraq yoxdur" deyə, F.İbadova söyləyib.

Qeyd edək ki, F.İbadovanın anası Hökümə xanım martda vəfat edib.  (axşam az)

Flora Kərimova qızı haqda söz-söhbətə son qoydu

Flora Kərimova qızı haqda söz-söhbətə son qoydu

Xalq artisti Flora Kərimova qızının ikinci dəfə ailə qurması ilə bağlı söz-söhbətə son qoyub.

YAZTV xəbər verir ki, müğənni "Zaurla Günaydın" verilişində Zümrüdün əcnəbi ilə ailə qurması məlumatlarından danışıb. O, ünvanına yazılan tənqidlərə cavab verib:

 "Kürəkənim azərbaycanlıdır. Məni qınayırlar ki, qızı xariciyə ərə verib. Yox... 13 yaşımdan əl-ayağımı yeyirlər. Əl çəkin. Öz qismətimi yaşayıram. Allah mənə də bir qismət verib. Həyat payım budur. Bəlkə bir həftə sonra məni ağlayacaqsınız. Ayıb olsun. Necə diliniz gəlir danışır, yozursunuz". (axşam az)
Flora Kərimovadan müğənnilərə: "Utanmırsınız?"

Flora Kərimovadan müğənnilərə: "Utanmırsınız?"

Xalq artisti Flora Kərimova müğənniləri tənqid edib.

YAZTV xəbər verir ki, ifaçı bu haqda "Xəbər-ətər" verilişində danışıb. O bildirib ki, sənət adamları qazi, şəhid ailələrinin xoş gününə pulsuz gedib, sonra onu reklam edirlər:

 "İnstaqramda oxudum ki, müğənnilər gedirlər qazi, şəhid ailələrinin xoş gününə. Deyirlər pulsuz getdim. Utanmırsız? O, canından keçəndə soruşurdu nə qazanacam? Bunu dilə gətirmək olmaz. Bəs, onların ailəsi? Qazini ailə başçısı görür, əlsiz, ayaqsız. Kiməsə minnət qoyursuz. Yaxşılıq itirirlər. Allahdandır insansevərlik, düşüncə. Allah ya verir, ya vermir. Qurbanolduğum yaratdığını sevirsə, ona mükəmməllik, düşüncə verir. Birini gözdən salmaq istəyirsə, ağlını, düşüncəsini əlindən alacaq". (axşam az)
Məşhur arxeoloq Rauf Munçayev vəfat edib

Məşhur arxeoloq Rauf Munçayev vəfat edib

Moskvada yaşayan həmvətənimiz, dünya şöhrətli arxeoloq Rauf Maqomedoviç Munçayev iyulun 4-də 93 yaşında vəfat edib.

Bu barədə YAZTV-yə AMEA Arxeologiya və Etnoqrafiya İnstitutundan məlumat verilib.

Qeyd edək ki, Rauf Munçayev 1928-ci il sentyabrın 23-də Zaqatalada anadan olub.

 Ötən əsrin 60-cı illərində R.Munçayev ardıcıl olaraq Əfqanıstan, Bolqarıstan, Hindistan və Monqolustanda arxeoloji qazıntılarda iştirak edib. O, 1969-cu ildən 2010-cu ilədək qədim Mesopotamiya abidələrini tədqiq edən ilk Sovet-Rusiya arxeoloji ekspedisiyasının rəhbəri olub.

R.Munçayev son illər 5 dəfə (2011, 2012, 2013-cü illərdə və 2016-cı ildə iki dəfə) Azərbaycana gəlib, burada keçirilən beynəlxalq konfranslarda və digər elmi tədbirlərdə iştirak edib, arxeoloji abidələrdə aparılan qazıntılarla yaxından tanış olub.

O, elmi fəaliyyətinə görə Rusiyanın bir sıra mükafatlarına layiq görülüb. (qafqazinfo az)