Tuesday, 28 İyun 2022 08:07
Yeni Azərbaycan Televiziyası
Bakı
İstanbul
Moskva
İstanbulda “Azərbaycanfilm” Kinostudiyasında istehsal olunan “Çölçü” filmi təhlil edilib

İstanbulda “Azərbaycanfilm” Kinostudiyasında istehsal olunan “Çölçü” filmi təhlil edilib

İstanbulda fəaliyyət göstərən “Qaradəniz Təhsil Mədəniyyət və Ətraf Mühiti Qoruma” vəqfinin gənclik məclisi film qrupu tərəfindən hər həftə dünyanın müxtəlif filmləri təhlil edilir. Gənclərin bu həftə təhlil etdikləri ekran əsəri isə azərbaycanlı rejissor Şamil Əliyevin “Çölçü” filmi olub.

YAZTV xəbər verir ki, film vəqfə məclisin baş məsləhətçisi, həmyerlimiz telejurnalist Səidə Ömərin təşəbbüsü ilə təqdim edilib.

Təhlil toplantısında vəqfin sədri Yusif Cəvahir, Azərbaycanın Əməkdar artisti Bəhruz Vaqifoğlu, filmin rejissoru və bəzi aktyorları da iştirak ediblər.

Toplantıda Azərbaycan kino tarixi və inkişafı haqqında məlumat verilib. Vəqfin rəhbəri Azərbaycanla Türkiyə arasında ortaq layihələrin həyata keçirilməsi istiqamətində atılan addımların hər iki qardaş ölkə üçün vacibliyini vurğulayıb.

Azərbaycan Mədəniyyət Nazirliyinin sifarişi ilə “Azərbaycanfilm” Kinostudiyasında lentə alınmış bu film “Gralha Internatıonal Monthy Fılm Awards 2020” beynəlxalq festivalında müxtəlif mükafatlara, Hindistanda keçirilən “7th Art Independent International Film Festivalı”nda da “Ən yaxşı rejissor işi” mükafatına, eləcə də Antonioni, Tarkovski, Qodar, Berqman kino mükafatlarının nominantı və qalibidir. 2012-ci ildə istehsal olunan film beş qitəni əhatə edən 73 beynəlxalq film festivalında iştirak edərək 40-dan artıq müxtəlif mükafatlara layiq görülüb.

Filmin ssenari müəllifi Vidadi Həsənov, operatoru Rafiq Quliyev, rəssamları Rafiq Nəsirov və İbrahim Aminovdur.

Rollarda Vidadi Həsənov, Bəhruz Vaqifoğlu, Cavidan Məmmədov və başqaları çəkilib. Filmin süjet xətti şəhərdən uzaqda yaşayan gənc çölçünün qəsəbədən gəlmiş qızla tanışlığından sonra həyatında baş verənlər üzərində qurulub. (AZƏRTAC)

Azər Abdulla koronavirusdan vəfat etdi

Azər Abdulla koronavirusdan vəfat etdi

Yazıçı Azər Abdulla (Əhmədbəyli) vəfat edib. 

YAZTV xəbər verir ki, bu barədə APA-ya onun oğlu, yazıçı Alpay Azər məlumat verib.

O, atasının martın 20-də səhər saatlarında vəfat etdiyini və Xırdalan qəbiristanlığında dəfn edildiyini bildirib. 

Qeyd edək ki, A. Abdulla bir müddət əvvəl koronavirusa (COVİD-19) yoluxmuşdu. (APA)

Xalq artistinin nəvəsi gənc yaşda vəfat etdi

Xalq artistinin nəvəsi gənc yaşda vəfat etdi

Xalq artisti Vaqif Əsədovun nəvəsi Emil dünyasını dəyişib.

YAZTV xəbər verir ki, mərhumun heç bir xəstəliyi olmayıb. Gənc Tamaşaçılar Teatrının mətbuat xidmətindən verilən məlumata görə, Emil qəfildən vəfat edib.

Mərhum Ukraynada təhsil alırmış.

Qeyd edək ki, ötən ilin oktyabrında Vaqif Əsədovun oğlu Oqtay dünyasını dəyişib. (axşam az)

81 yaşlı aktrisa həbs edildi

81 yaşlı aktrisa həbs edildi

Aktrisa Nilüfer Aydan həbs edilib.

YAZTV "Anadolu Agentliyi"nə istinadən bildirir ki, o, prezident Rəcəb Tayyip Ərdoğanı təhqir etməkdə ittiham edilib.

Ötən gün keçirilən məhkəmədə ölkə başçısının vəkili Gökhan Arslanoğlu aktrisanın həbsini tələb edib. Məhkəmənin qərarı ilə Nilüfer 11 ay 20 gün müddətinə azadlıqdan məhrum edilib.

Xatırladaq ki, Aydan “Facebook” sosial şəbəkəsindəki hesabından 16 iyul 2016, 4 aprel 2017 və 7 oktyabr 2018 tarixlərində prezidentin şərəf və ləyaqətini alçaldan paylaşımlar edib. (axşam az)

Xalq artisti dünyasını dəyişdi

Xalq artisti dünyasını dəyişdi

Xalq artisti Ramiz Məmmədov vəfat edib. 

YAZTV xəbər verir ki, bu barədə sosial şəbəkələrdə onun sənət dostları məlumat yayıb. Tanınmış aktyorun uzun müddətdir xərçəng xəstəliyindən əziyyət çəkdiyi bildirilib.

Qeyd edək ki, Azərbaycan Dövlət Akademik Musiqili Teatrının aktyoru olan R. Məmmədov 2013-cü ildə Azərbaycanın xalq artisti fəxri adına layiq görülmüşdü. 

Allah rəhmət eləsin!

30 kiloqram arıqlayan Zöhrə Abdullayeva - Fotolar

30 kiloqram arıqlayan Zöhrə Abdullayeva - Fotolar

Xalq artisti Brilliant Dadaşova və aparıcı Hacı Nuran Hüseynov səhhətində problem olan Əməkdar artist Zöhrə Abdullayevanı ziyarət ediblər.

YAZTV xəbər verir ki, onlar müğənni ilə çəkdirdikləri fotonu İnstaqramda paylaşıblar. 30 kiloqram arıqlayan Z.Abdullayevanın son halı görənləri təəccübləndirib.

Qeyd edək ki, revmatizmadan əziyyət çəkən ifaçının son günlər səhhəti daha da pisləşib. Müğənni yanlış müalicənin nəticəsində bu hala qaldığını deyib. O bildirib ki, qəbul etdiyi dərmanlardan sonra yemək yeməməyə başlayıb.

(axşam az)

Xalq artisti Bəsti Cəfərova koronavirusa yoluxub

Xalq artisti Bəsti Cəfərova koronavirusa yoluxub

Xalq artisti Bəsti Cəfərova xəstəxanaya yerləşdirilib.

YAZTV APA-ya istinadən bildirir ki, bu barədə qızı Fidan Cəfərova məlumat verib.

O, anasının COVID-19 testinin pozitiv çıxdığını və bu gün səhər “Yeni Klinika”ya yerləşdirildiyini deyib:

"Bir neçə gün idi ki, anamda hərarət, halsızlıq, ürəkbulanma var idi. İki gün əvvəl test verdi və cavab bu gün çıxdı. Hazırda xəstəxanadadır. Həkimlər səhhətinin stabil olduğunu deyirlər". (APA)

Məşhur opera müğənnisi koronavirusdan öldü

Məşhur opera müğənnisi koronavirusdan öldü

Məşhur opera müğənnisi, SSRİ-nin Xalq artisti Yevgeni Nesterenko vəfat edib.

Bununla bağlı Rusiya KİV məlumat yayıb.

Bildirilibki, mədəniyyət xadimi Vyanada koronavirusdan dünyasını dəyişib.

83 yaşlı müğənni bir müddət əvvəl ağır vəziyyətdə xəstəxanaya yerləşdirilmişdi.

Qeyd edək ki, 1938-ci ildə Moskvada anadan olmuş Nesterenko ömrünün son illərini Rusiya ilə yanaşı Vyanada yaşayıb.

O, Rusiyada dəfn olunacaq. (oxu az)

 

 

Azərbaycan mədəniyyətinə AĞIR İTKİ

Azərbaycan mədəniyyətinə AĞIR İTKİ

Bakı Dövlət Sirkinin keçmiş direktoru, Əməkdar mədəniyyət işçisi Vaqif Bağırzadə vəfat edib.

O, 67 yaşında dünyasını dəyişib.

Qeyd edək ki, Vaqif Mahmud oğlu Bağırzadə 1954-cü il iyunun 24-də Bakı şəhərində anadan olub. 1976-cı ildə M.Əliyev adına Azərbaycan Dövlət İncəsənət İnstitutunu (indiki Mədəniyyət və İncəsənət Universiteti) bitirib. Müxtəlif illərdə “Azərbaycanfilm” kinostudiyasında, A.Lunaçarski adına Moskva Dövlət Teatr Sənəti İnstitutunda, Moskva Dövlət Eksperimental Kinostudiyasında, Azərbaycan Respublikası Mədəniyyət Nazirliyinin Mədəniyyət üzrə Elmi-Metodiki Mərkəzində və nazirliyin İncəsənət şöbəsində çalışıb.

 

 O, 2003–2020-ci illərdə Bakı Dövlət Sirkinin direktoru vəzifəsində işləyib.

Mədəniyyət sahəsində uzunillik səmərəli fəaliyyətinə görə 2014-cü ildə “Əməkdar mədəniyyət işçisi” fəxri adına layiq görülüb.

Allah rəhmət eləsin! (report az)

27 mart - Beynəlxalq Teatr Günüdür

27 mart - Beynəlxalq Teatr Günüdür

Hər il martın 27-si Beynəlxalq Teatr Günü kimi qeyd olunur. Bu əlamətdar gün Beynəlxalq Teatr İnstitutunun 1961-ci ildə Vyanada keçirilmiş IX konqresində qəbul edilmiş qərara əsasən təsis olunub. Ənənəyə əsasən hər il Beynəlxalq Teatr Günü münasibətilə görkəmli teatr xadimləri ictimaiyyətə müraciət ünvanlayırlar.

YAZTV xəbər verir ki, yaranmasının 148-ci ildönümü qeyd edilən Azərbaycan teatrında da Beynəlxalq Teatr Günü münasibətilə silsilə tədbirlər keçirilir. Təəssüflər olsun ki, koronavirus epidemiyası səbəbindən artıq 2-ci ildir ki, bu günlə bağlı tədbirlər geniş şəkildə qeyd edilmir. Buna baxmayaraq Azərbaycan teatrı bu gün də mövcud qaydalar çərçivəsində işini davam etdirir.

Azərbaycan teatr sənəti çox qədim və zəngin bir tarixə malikdir. XIX əsrin ikinci yarısından başlayaraq ölkəmizdə cərəyan edən ictimai-siyasi hadisələr maarifçilik hərəkatının inkişafına güclü təkan vermişdi. Həmin dövr Azərbaycan teatrı üçün də əlamətdar olmuşdu. Belə ki, böyük mütəfəkkir Mirzə Fətəli Axundzadə tərəfindən ədəbiyyatımıza dram janrının gətirilməsi xalq teatrının peşəkar teatr sənətinə çevrilməsində həlledici rol oynamışdı. Görkəmli maarifçi Həsən bəy Zərdabi və yazıçı Nəcəf bəy Vəzirovun təşəbbüsü ilə 1873-cü ildə Bakıda M.F.Axundzadənin “Lənkəran xanının vəziri” və “Hacı Qara” komediyalarının tamaşaya qoyulması ilə Azərbaycanda, eləcə də bütün müsəlman Şərqində dünyəvi, peşəkar teatrın təməli qoyulmuşdur.

Uzun və şərəfli bir yol keçmiş Azərbaycan teatrı son illər ərzində daha da möhkəmlənərək yeni inkişaf mərhələsinə qədəm qoyub. Bu gün ölkəmizdə 27 dövlət teatrı fəaliyyət göstərir. Bu teatrlarda 1000-ə yaxın aktyor çalışır.

Ölkə rəhbərliyi bütün sahələrdə olduğu kimi, teatr sənətinin də inkişafına xüsusi diqqət yetirir. Teatr binalarının əsaslı təmiri, incəsənət ustalarının sosial-rifah halının yaxşılaşdırılması istiqamətində atılan addımlar bunun bariz nümunəsidir. Prezident İlham Əliyevin 2009-cu il 18 may tarixli Sərəncamı ilə təsdiq edilmiş “Azərbaycan teatrı 2009-2019-cu illərdə” Dövlət Proqramı uğurla həyata keçirilir. On illik bir dövrü əhatə edən proqram çərçivəsində Abdulla Şaiq adına Azərbaycan Dövlət Kukla, S.Vurğun adına Azərbaycan Dövlət Rus Dram, Azərbaycan Dövlət Gənc Tamaşaçılar, Azərbaycan Dövlət Akademik Milli Dram, Azərbaycan Dövlət Akademik Musiqili, Mingəçevir, Şuşa, İrəvan, Ağdam və Füzuli Dövlət Dram teatrlarının binalarında yüksək səviyyədə təmir-bərpa və yenidənqurma işləri aparılıb.

Ötən illər ərzində teatrlarımız dünyanın 20-dən artıq ölkəsində, o cümlədən ABŞ, Almaniya, Türkiyə, Rusiya, Belarus, Gürcüstan, Fransa, Mərakeş, Finlandiya, İran, Misir, Hollandiya, Estoniya, Bolqarıstan, Ukrayna, Türkmənistan, Tacikistan, Başqırdıstan, İsveçrə, Moldova və Serbiyada keçirilən beynəlxalq tədbirlərdə Azərbaycanı layiqincə təmsil ediblər. Eyni zamanda, xarici ölkələrdən 10-dan çox teatr kollektivi Azərbaycanda qastrol səfərində olub, 30-dək tanınmış rejissor, baletmeyster xoreoqraf, teatr rəssamı tamaşa hazırlamaq üçün ölkəmizə dəvət edilib.

Azərbaycan teatrını qarşıda yeni uğurlar gözləyir. Əminliklə demək olar ki, teatrlarımız biri-birindən maraqlı səhnə əsərləri ilə daha böyük tamaşaçı auditoriyası toplayacaq və milli mədəniyyətimizin inkişafına yeni töhfələr verəcəklər.

Hər zaman sənət adamlarına diqqət və qayğı ilə yanaşan Prezident İlham Əliyevin 2013-cü il 1 mart tarixli Sərəncamı ilə ölkəmizdə “Milli Teatr Günü” təsis edilib. Sərəncama əsasən milli mədəniyyətin inkişafında və ölkənin mədəni həyatında milli teatrın əhəmiyyəti və rolu nəzərə alınaraq hər il martın 10-u Azərbaycan Respublikasında “Milli Teatr Günü” kimi qeyd edilməsi qərara alınıb.

Rus Dram Teatrının əməkdaşları təltif edildi - SİYAHI

Rus Dram Teatrının əməkdaşları təltif edildi - SİYAHI

Prezident İlham Əliyev Səməd Vurğun adına Azərbaycan Dövlət Rus Dram Teatrı əməkdaşlarının təltif edilməsi haqqında sərəncam imzalayıb.

YAZTV xəbər verir ki, sərəncama əsasən Səməd Vurğun adına Azərbaycan Dövlət Rus Dram Teatrının 100 illiyi münasibətilə Azərbaycanda teatr sənətinin inkişafında xidmətlərinə görə Teatrın aşağıdakı əməkdaşları təltif ediliblər:

3-cü dərəcəli “Əmək” ordeni ilə

Baliyeva Natalya Gennadyevna

Əmirbəyova Rita Cəmil qızı

 

“Tərəqqi” medalı ilə

Lerman Viktoriya Anatolyevna

Rudıçev Nikolay Nikolayeviç

Saprıkina Lyudmila Qennadiyevna.

Rusiyanın Xalq artisti vəfat etdi

Rusiyanın Xalq artisti vəfat etdi

Rusiyanın Xalq artisti Staxan Rəhimov vəfat edib.

YAZTV xəbər verir ki, sənətçi ötən gün 83 yaşında dünyasını dəyişib.

Məlumata görə, ifaçının həyat yoldaşı Alla Yoşpe də 30 yanvar tarixində həyatını itirib. (qafqazinfo az)