Xərçəngdən əziyyət çəkən və uzun müddətdir Türkiyədə əməliyyat olunan Xalq artisti Ağadadaş Ağayev bu gün Bakıya qayıdır.

YAZTV xəbər verir ki, üç dəfə əməliyyat olunan müğənninin səhhəti yaxşıdır. Bu haqda aparıcı Hacı Nuran Hüseynov məlumat yayıb. O bildirib ki, Ağayev xərçəngə qalib gəlib:

Qeyd edək ki, A.Ağayev apreldə Türkiyəyə müalicəyə yollanıb. O, 3 dəfə əməliyyat olunub. (axşam az)

Bir müddət öncə xəstəxanada müalicə olunan Xalq artisti Canəli Əkbərovdan xəbər var.

YAZTV-nin məlumatına görə, Lent.az-a açıqlama verən xanəndənin qızı bildirib ki, atasının vəziyyəti stabildir:

“Atam ev şəraitində müalicəsini davam etdirir. Səhhətində yaşla əlaqədar bir neçə problem var. İllərdir şəkər xəstəliyindən əziyyət çəkir. Şükürlər olsun ki, vəziyyəti normaldır. Amma müalicəsi davam edəcək”.

Qeyd edək ki, C.Akbərov bir müddət əvvəl səhhətində problem yarandığı üçün əlil arabasında gəzirdi.(axşam az)

26 İyun Silahlı Qüvvələr günü münasibəti ilə Kəlbəcər rayon Uşaq İncəsənət Məktəbi “N” saylı hərbi hissədə konsert təqdim edib

Gəncə Regional Mədəniyyət İdarəsinin təşkilatçılığı ilə Azərbaycan Respublikasının Silahlı Qüvvələrinin yaradılmasının 103-cü ildönümü münasibətilə, regional idarənin tabeliyində fəaliyyət göstərən Kəlbəcər rayon Uşaq İncəsənət Məktəbinin “Dəlidağ” xalq çalğı alətləri ansamblı (bədii rəhbər Elçin Kərimov) “N” saylı hərbi hissədə vətənpərvərlik mahnılarından ibarət konsert təqdim edib.

Gəncə Regional Mədəniyyət İdarəsinin rəisi Vasif Cənnətovun, Kəlbəcər rayon İcra Hakimiyyətinin Başçısı Azər Qocayevin iştirak etdiyi tədbirin sonunda “N” saylı hərbi hissənin komandiri Azərbaycan Respublikasının Silahlı Qüvvələrinin 103-cü ildönümü münasibətilə “Ordu Xalq, Xalq Ordu” birliyi devizi altında hərbi hissənin ictimai və həyat fəaliyyətində, şəxsi heyətini mənəvi psixoloji vəziyyətinin yüksəldilməsində yaxından iştirak etdiklərinə görə Gəncə Regional Mədəniyyət İdarəsini, Kəlbəcər rayon Uşaq İncəsənət Məktəbini, Aşıq Şəmşir adına Mədəniyyət evini, “Dəlidağ” xalq çalğı alətləri ansamblını, “Maral oyunu” folklor kollektivini, “Zurnaçılar” ansamblını fəxri fərmanla təltif etmişdir.

Kəlbəcər rayon İcra Hakimiyyətinin Başçısı Azər Qocayev, Gəncə Regional Mədəniyyət İdarəsinin rəisi Vasif Cənnətov hərbi hissə komandanlığına öz səmimi təşəkkürlərini bildirmişlər və Azərbaycan Respublikasının Prezidenti, Ali Baş Komandan cənab İlham Əliyevin şəxsində Azərbaycan Silahlı Qüvvələrinin yaradılmasının 103-cü ildönümü münasibətilə, II Qarabağ Vətən müharibəsində qazanılmış tarixi Qələbə günü münasibətilə rəşadətli Ordumuzun əsgər, zabit və komandir heyyətinin təbrik etdilər. Onlar Azərbaycan Respublikasına sülh, əmin-amanlıq, davamlı inkişaf və tərəqqi arzuladılar.

Gəncə Regional Mədəniyyət İdarəsinin rəisi Vasif Cənnətov, rəis müavini Asəf Məmmədov və idarənin məsləhətçiləri Türkiyə Cümhuriyyətinin Gəncə şəhərindəki Baş Konsulu Zeki Öztürklə görüş keçiriblər. Bu barədə YAZTV-yə Mədəniyyət İdarəsindən məlumat verilib.

Görüşdə müasir Azərbaycanın memarı qurucusu Ümummilli Lider Heydər Əliyevin ölkəmizə siyasi rəhbərliyi dövründə “Bir millət iki dövlət” olan Türkiyə ilə Azərbaycanın qarşılıqlı əməkdaşlığından, ictimai-siyasi mədəni əlaqələrindən danışılmışdır.

Səmimilik şəraitində keçən görüşdə Gəncəli Cavad xandan, II Qarabağ Vətən müharibəsində Azərbaycan Respublikasının Prezidenti möhtərəm cənab İlham Əliyevin rəhbərliyi ilə Müzəffər Azərbaycan Ordusunun erməni əsirliyində olan torpaqlarımızın işğaldan azad olunmasından danışılıb. Görüşdə 44 gün çəkən Vətən müharibəsində qardaş Türkiyənin dəstəyi də xüsusi vurğulanıb.

Söhbət zamanı həmçinin 2021-ci ilin “Nizami Gəncəvi ili” elanı olunmasından, bununla bağlı Gənə Regional Mədəniyyət İdarəsinin keçirdiyi tədbirlərdən eləcə də görkəmli Azərbaycan şairi, gözəl rübailər ustası, şahmatçı qadın, qədim “Cəng” musiqi alətinin mahir ifaçısı Məhsəti Gəncəvidən də söhbət açılıb.

Gəncə Regional Mədəniyyət İdarəsinin rəisi Vasif Cənnətov, Gəncəli Cavad xanın kiçik ölçüdə heykəlini (müəllif gəncəli heykəltəraş Qasım Qasımov) Baş Konsul Zeki Öztürkə hədiyyə etmişdir.

Türkiyənin Gəncədəki Baş Konsulu Zeki Öztürk tarixi dostluğumuzu, qarşılıqlı səmimi münasibətlərimizi əks etdirən görüşdən razı qaldığını bildirmiş, regional idarənin rəisi Vasif Cənnətova minnətdarlıq etmişdir.

Azərbaycan Milli Konservatoriyasının Muğam kafedrasının müdiri, Xalq artisti Arif Babayev səhhətində yaranan problemlərlə əlaqədar olaraq təcili Türkiyəyə aparılıb.

YAZTV xəbər verir ki, həkimlər Arif Babayevin Türkiyədə müalicə olunmasını məsləhət görüblər.

Qeyd edək ki, Xalq artisti ötən ilin sentyabrında insult keçirib.

A.Babayev daha əvvəl də Türkiyənin İstanbul şəhərindəki xəstəxanalardan birində əməliyyat olunub.(publika az)

Gəncə Regional Mədəniyyət İdarəsinin məsləhətçisi, respublikanın Əməkdar Mədəniyyət İşçisi, şair-publisist Bəxtiyar Yunisoğlu (Muradov) “Sağ ol Baş Komandanım, var ol Milli ordumuz adlı şeiri ilə 26 iyun Azərbaycan Respublikası Silahlı Qüvvələrinin 103-cü ildönümü münasibətilə Azərbaycan Respublikasının Prezidenti, Ali baş Komandan cənab İlham Əliyev başda olmaqla Azərbaycan ordusunu təbrik edir, xalqımıza əbədi sülh, əmin-amanlıq, müstəqil respublikamıza davamlı inkişaf və tərəqqi arzu edir.

Sağ ol, Baş Komandanım, var ol, Milli Ordumuz!

Qarabağ bizim idi, bizim də olmalıydı,

Burda xain düşmənin beli qırılmalıydı,

Bizim türk əslimizi dünya tanımalıydı.

İşğaldan azad oldu “cənnətməkan” yurdumuz,

Sağ ol, Baş Komandanım, var ol, Milli Ordumuz!

Ana Vətənimizi qoruyan ər igidlər,

Müstəqil ölkəmizə hər an sipər igidlər,

Şəhidlik zirvəsinə ucalan nər igidlər.

Səcdəgahdır, əzizdir o müqəddəs ruhunuz,

İşğaldan azad oldu “cənnətməkan” yurdumuz!

Gücümüz, qüdrətimiz yer üzünə səs saldı,

 Üçrəngli bayrağımız Qarabağda ucaldı,

 “Qarabağ Azərbaycandır!”-bu söz əbədi qaldı

İşğaldan azad oldu “cənnətməkan” yurdumuz,

Sağ ol, Baş Komandanım, var ol, Milli Ordumuz!

 “Bir millət, iki dövlət”- Türkiyə, Azərbaycan,

 Sarsılmaz birliyimiz, olub dillərdə dastan

 Tarixi Qələbəmiz söylənəcək, hər zaman.

 Azad oldu Qarabağ-“cənnətməkan” yurdumuz!

 Sağ ol, Baş Komandanım, var ol, Milli Ordumuz!

Bəxtiyar Yunisoğlu (Muradov)

Xalq artisti Mələkxanım Əyyubovanın rəssam qızı Nəzrin nişanını qaytarıb.

YAZTV  xəbər verir ki, bu haqda Nəzrin Nəcəfova sosial şəbəkədə yazıb. O, izləyicilərinin ona ünvanlandığı "Nişanlısınız" sualına belə reaksiya verib:

"Bu sual çox gəlib və hər dəfə də cavablamaq istəmirəm. Bu son cavabım olacaq. Nişanlı deyiləm, xahiş edirəm bundan sonra şəxsi həyatla bağlı suallar verməyin".

Qeyd edək ki, Nəzrinin toyu pandemiyaya görə iki dəfə təxirə düşüb. Nəzrin 2019-cu ildə nişanlanmışdı. O, qardaşının dostu ilə ailə qurmağa hazırlaşırdı. (unikal org)

Mədəniyyət Nazirliyi Xalq artisti Ramiz Əzizbəylinin vəfatı ilə əlaqədar nekroloq yayıb.

YAZTV-nin məlumatına görə, nekroloqda deyilir:

"Azərbaycan Respublikasının Xalq artisti Ramiz Hacı Ağa oğlu Əzizbəyli 2021-ci ilin 9 iyun tarixində, 73 yaşında vəfat edib.

Azərbaycan Respublikası Mədəniyyət Nazirliyinin rəhbərliyi və kollektivi Xalq artistinin vəfatından kədərləndiklərini bildirir və mərhumun ailəsinə dərin hüznlə başsağlığı verirlər.

Allah rəhmət eləsin".

Gəncə Regional Mədəniyyət İdarəsinin rəisi Vasif Cənnətovun təşəbbüsü, Regional idarənin təşkilatçılığı ilə Məhsəti Gəncəvi Mərkəzində Azərbaycan aşıq ədəbiyyatının görkəmli nümayəndəsi Aşıq Ələsgərin 200 illiyinə həsr olunmuş dastan axşamı keçirilmişdir.

Tədbirin aparıcısı Aşıq Şəmşir adına Kəlbəcər rayon Mədəniyyət Evinin direktoru Akif Bayramov tədbir iştirakçılarını salamladı. O, Azərbaycan Respublikasının Prezidenti cənab İlham Əliyevin “Aşıq Ələsgərin 200 illik yubileyinin qeyd edilməsi haqqında” 18 Fevral 2021-ci il tarixli məlum sərəncamı barədə məlumat verdi. Sonra o, bütün kəlbəcərlilər adından Kəlbəcər rayonunun işğaldan azad olunması münasibəti ilə Azərbaycan Respublikasının Prezidenti, Ali Baş Komandan cənab İlham Əliyevə öz minnətdarlığını bildirdi.

Tədbir iştirakçıları II Qarabağ Vətən müharibəsində şəhidlik zirvəsinə yüksələn Vətən övladlarının əziz xatirəsini 1 dəqiqəlik sükutla yad etdilər, qazilərə Allahdan şəfa arzuladılar. Aşıq Şəmşir adına Kəlbəcər rayon Mədəniyyət Evinin “Xalq Aşıqlar” ansamblının üzvləri, Respublikanın Əməkdar Mədəniyyət işçisi, aşıq Əhliman Allahverdiyev, aşıq Əfqan Məmmədov, aşıq Elbrus Hüseynov, balabancı İbad Allahverdiyev, “Aşıq Ələsgər və Anaxanım” dastanını, “Aşıq Ələsgərin Söyüdlü Səfəri” dastanını yığcam şəkildə təqdim etdilər.

Tədbirdə Gəncə şəhər Gənclər və İdman Baş İdarəsinin rəisi Həmid Nəsirov, Azərbaycan Yazıçılar Birliyinin Gəncə Bölməsinin sədri, Əməkdar Mədəniyyət işçisi Xəzəngül Hüseynova, mədəniyyət müəssisələrinin rəhbərləri iştirak etmişdir.

Gəncə Regional Mədəniyyət İdarəsinin rəisi Vasif Cənnətov tədbirin sonunda dastan axşamını təqdim edənlərə öz səmimi minnətdarlığını bildirmişdir.

Dastan axşamı mövcud karantin rejimi qaydalarına uyğun şəkildə təşkil olunmuşdur.

"Teatrların açılmasını səbrsizliklə gözləyirik. Bununla bağlı müsbət xəbərlər var".

YAZTV xəbər verir ki, bu fikirləri mədəniyyət naziri Anar Kərimov deyib.

Onun sözlərinə görə, yaxın zamanlarda teatrların açılması ilə bağlı yaxşı xəbərlər ola bilər: "Bu, islahatımızın tərkib hissəsidir. Səbrsizliklə gözləyirik ki, nəhayət məhdudiyyətlər aradan qalxsın". (report az)

Ramiz Əzizbəyli vəfat etdi

Xalq artisti, rejissor Ramiz Əzizbəyli uzun sürən ağır xəstəlikdən sonra vəfat edib.

YAZTV bildirir ki, bu barədə onun yaxınları məlumat verib.

Qeyd edək ki, koronavirusa yoluxan R.Əzizbəyli bir müddət əvvəl Zığ qəsəbəsində yerləşən koronavirus xəstələrinin müalicə aldığı modul tipli hospitala yerləşdirilmişdi. Onun infarkt keçirdiyi açıqlanmışdı.

Bundan əvvəl isə Xalq artisti üç dəfə insult keçirmişdi. O, uzun müddətdir ki, yüksək qan təzyiqi və şəkərdən əziyyət çəkirdi. Onun bir ayağındakı barmaqları amputasiya edilmişdi.

Allah rəhmət eləsin!