Monday, 29 Noyabr 2021 04:10
Yeni Azərbaycan Televiziyası
Bakı
İstanbul
Moskva
DÇ-2022: İsveç və Rusiya final mərhələsinə vəsiqə qazana bilər

DÇ-2022: İsveç və Rusiya final mərhələsinə vəsiqə qazana bilər

Bu gün futbol üzrə 2022-ci il dünya çempionatının Avropa zonası üzrə seçmə mərhələsində IX tura start veriləcək.

YAZTV-nin məlumatına görə, ilk oyun günündə 4 qrupda 10 qarşılaşma keçiriləcək.

Azərbaycan yığması A qrupundakı sonuncu matçında Lüksemburqu qəbul edəcək. Qrupun digər görüşündə isə Portuqaliya İrlandiyanın qonağı olacaq. Priney təmsilçisi qələbə sayəsində qrup lideri olacaq və final mərhələsinə daha da yaxınlaşacaq. Bu qrupda yer alan Serbiya yığması isə Qətərlə yoldaşlıq görüşündə qarşılaşacaq.

B qrupunun lideri İsveç Gürcüstanla, İspaniya isə Yunanıstanla üz-üzə gələcək. Skandinaviyalılar qələbə sayəsində final mərhələsinə vəsiqəni vaxtından əvvəl təmin edə bilər. Bunun üçün 3 qat Avropa çempionları Yunanıstan səfərində xal itirməlidir.

H qrupundakı Rusiya da DÇ-2022-də iştirakı rəsmiləşdirə bilər. Valeri Karpinin baş məşqçi olduğu komanda bundan ötrü evdə Kipri məğlub etməli və Xorvatiyanın Malta səfərində büdrəməsini gözləməlidir.

Bu gün meydana çıxacaq komandalardan hələlik J qrupunda Almaniya millisi mundiala vəsiqə qazanıb.

DÇ-2022, seçmə mərhələ
IX tur
11 noyabr

A qrupu

21:00. Azərbaycan - Lüksemburq

23:45. İrlandiya - Portuqaliya

Xal durumu: Serbiya - 17 (7 oyuna), Portuqaliya - 16 (6), Lüksemburq - 6 (6), İrlandiya - 5 (6), Azərbaycan - 1 (7)

B qrupu

21:00. Gürcüstan - İsveç

23:45. Yunanıstan - İspaniya

Xal durumu: İsveç - 15 (6 oyuna), İspaniya - 13 (6), Yunanıstan - 9 (6), Gürcüstan - 4 (7), Kosovo - 4 (7)

H qrupu

21:00. Rusiya - Kipr

23:45. Malta - Xorvatiya

23:45. Slovakiya - Sloveniya

Xal durumu: Rusiya - 19, Xorvatiya - 17, Slovakiya - 10, Sloveniya - 10, Malta - 5, Kipr - 5.

J qrupu

21:00. Ermənistan - Şimali Makedoniya

23:45. Rumıniya - İslandiya

23:45. Almaniya - Lixtenşteyn

Xal durumu: Almaniya - 21, Rumıniya - 13, Şimali Makedoniya - 12, Ermənistan - 12, İslandiya - 8, Lixtenşteyn - 1.

Yoldaşlıq oyunu

21:00. Serbiya - Qətər.

“Başqa vaxt bizi biabır edirsiz ki, bölgədə futbol olsun” - Ramin Musayev

“Başqa vaxt bizi biabır edirsiz ki, bölgədə futbol olsun” - Ramin Musayev

Azərbaycan Kubokunun 2021/2022 mövsümünün püşkatması keçirilib.

YAZTV xəbər verir ki, püşkatmadan öncə Peşəkar Futbol Liqasının prezidenti Ramin Musayev açıqlama verib: 

“Fikrimcə, bu il daha maraqlı olacaq. Daha yaxşı oyunlar keçiriləcək. Çempionatın bugünkü gedişindən bu qənaətə gəlirəm ki, kubok da maraqlı olacaq. Çempionatda keçirilən matçların davamı kubokda gələcək. Heç kəsin ağlına gəlməzdi ki, ötən il “Keşlə” qalib olacaq. Kubokun finalının yeri hələ ki, məlum deyil. Bir qərara gəlib məlumat verəcəyik. Mətbuatda yazırlar ki, filan yerdə olacaq, amma doğru deyil. Əsas maraqlı oyunun keçirilməsidir”. 

- Ölkə kubokunu maraqlı etmək üçün Regional Liqasından komanda cəlb etmək olmaz?
- Onlar həvəskardırlar. Bir az qeyri-peşəkar olar. Bir hadisə baş versə, kim cavabdeh olacaq? Komandaların sayı çox olsa, daha yaxşı olar.

- Tək matçdan ibarət oyunlarda heç-heçə zamanı əlavə vaxt olmasın, birbaşa penalti olsun?
- Gələn mövsüm ola bilər.

- “Keşlə”nin “Şamaxı” adlandırılması ilə bağlı fikirləriniz necədir?
- Deyirlər ki, maraqlı yerdir, gəzməli yerdir. Başqa vaxt bizi biabır edirsiz ki, bölgə komandası olsun. Şamaxı bölgəmizdir. Bezmişik təkcə Qəbələyə getməkdən. Nə qədər Qəbələ - Bakı olar?! Gənclər üçün də bu, stimul olacaq.

- “Keşlə” 4-cü dəfə adını dəyişəcək. Olmazdı ki, başqa klub getsin?
- Şamaxı adı “Keşlə”yə düşərli olacaq.  (qafqazinfo az)

"Keşlə" komandasının adını dəyişdirildi

"Keşlə" komandasının adını dəyişdirildi

Şamaxı şəhər stadionunun istismarı ilə əlaqədar AFFA və "Keşlə" Futbol Klubu arasında müzakirə aparılıb.

YAZTV xəbər verir ki, bölgələrdə futbolun inkişafına dəstək, sadionun səmərəli və müntəzəm şəkildə istismarı, azarkeş marağının artırılması məqsədilə "Keşlə" Futbol Klubuna "Şamaxı" adı altında eyniadlı şəhəri təmsil etməsi təklif olunub. Bununla əlaqədar "Keşlə" Futbol Klubunun Müşahidə Şurasının iclası keçirilib və AFFA-nın təklifi müzakirə olunaraq müsbət dəyərləndirilib.

Məsələ ilə bağlı hüquqi prosedurlar başa çatdıqdan sonra 2022-ci ildə "Keşlə" FK-nın adının dəyişdirilərək "Şamaxı" Futbol Klubu adlandırılması və ev oyunlarını Şamaxı şəhər stadionunda keçirməsi qərara alınıb. "Şamaxı" FK-nın "Keşlə" Futbol Klubunun hüquqi varisi hesab olunması üçün AFFA və "Keşlə" FK tərəfindən müvafiq qaydada UEFA-ya müraciət olunacaq və yalnız bu məsələ müsbət həllini tapdıqdan sonra müvafiq dəyişikliklər həyata keçiriləcək.

"Keşlə" FK-nın aşağı yaş qruplarından ibarət komandaları və akademiyası 2022-ci ilin sonuna qədər Bakıda fəaliyyətini davam etdirəcək. Xatırladaq ki, 2200 nəfər azarkeş tutumu olan Şamaxı şəhər stadionu UEFA-nın və AFFA-nın maliyyə dəstəyi ilə inşa edilib və UEFA-nın ikinci kateqoriyalı sertifikatına malik olacaq. UEFA klub yarışlarının 1-ci, 2-ci və 3-cü təsnifat mərhələsinin, eyni zamanda, A milli komandadan başqa, bütün yaş qruplarına aid milli komandaların oyunları bu stadionda keçirilə bilər. Stadionun 2021-ci il noyabrın 1-də keçirilən açılışında Azərbaycan Respublikasının Prezidenti İlham Əliyev və birinci xanım Mehriban Əliyeva iştirak ediblər.

Millimiz Lüksemburqa qarşı

Millimiz Lüksemburqa qarşı

Bu gün futbol Azərbaycan millisi DÇ-2022-nin seçmə mərhələsində son matçına çıxacaq.

YAZTV  xəbər verir ki, A qrupunda yer alan Canni de Byazinin komandası son görüşünü Lüksemburq yığmasına qarşı keçirəcək.

Bakı Olimpiya Stadionunda keçiriləcək qarşılaşma millimiz üçün formal xarakter daşıyacaq. 

Belə ki, keçirdiyi 7 oyundan sonra cəmi bir xal qazanan yığmamızın qrup sonuncusu olacağı rəsmiləşib. Lüksemburq isə 6 oyundan sonra 6 xalla qrup üçüncüsüdür.

DÇ-2022-nin seçmə mərhələsi
A qrupu, IX tur

11 noyabr
21:00. Azərbaycan – Lüksemburq

Baş hakim: Manuel Şuttenqruber (Avstriya)
Bakı Olimpiya Stadionu

"Astana" klubundan pul oğurluğu ilə əlaqədar cinayət işi açılıb

"Astana" klubundan pul oğurluğu ilə əlaqədar cinayət işi açılıb

Qazaxıstanda "Astana" futbol klubundan pul oğurluğu faktı ilə əlaqədar cinayət işi qaldırılıb.

YAZTV "Mutko protiv" teleqram kanalına istinadən məlumatına görə, iş rusiyalı futbol funksioneri Dmitri Vasilyevin açıqlaması əsasında açılıb. Vasilyev hazırda "Astana"nın təsisçisi olan fondun ekspert şurasının üzvüdür.

İstintaq materiallarına əsasən, pullar 2018 - 2021-ci illərdə saxta agent müqavilələrinin tərtib olunması yolu ilə oğurlanıb. Söhbət 5 futbolçu - İslambek Kuat, Valeri Çuperka, Semir Smaylacik, Lopes Fernandes Enrike və Fatoş Beçiray, habelə, keçmiş baş məşqçi Andrey Tixonovla müqavilələrdən gedir.

Audit belə qənaətə gəlib ki, vasitəçilərlə sözləşmələr əmək müqavilələri imzalandıqdan sonra bağlanılıb. Şübhə altına "Astana"nın baş direktoru Mixail Qurban və sabiq baş direktor David Loriya düşüb.

Oktyabrın 30-da məhkəmə maliyyə və mühasibatlıq sənədlərinin klubdan çıxarılmasına dair qərar çıxarıb. (report az)

Azərbaycan kubokunun püşkü atılacaq

Azərbaycan kubokunun püşkü atılacaq

Bu gün futbol üzrə Azərbaycan kubokunda 2021/2022 mövsümünün püşkatma mərasimi keçiriləcək.

YAZTV xəbər verir ki, AFFA-nın inzibati binasındakı tədbir saat 15:00-da başlayacaq. 

Yarışda Premyer Liqanın 8 komandası ilə yanaşı, 1-ci divizion təmsilçiləri olan “Zaqatala”, “Kəpəz”, “Qaradağ Lökbatan” və MOİK mübarizə aparacaq. “Turan Tovuz” isə ölkə kubokuna qatılmaqdan imtina edib.

Azərbaycan kubokunda 1/8 final mərhələsinin oyunları 10-11 dekabrda olacaq. Final isə 2022-ci il mayın 27-də gerçəkləşəcək.

"Göstərmək istəyirik ki, bizi udmaq asan deyil" - De Byazi

"Göstərmək istəyirik ki, bizi udmaq asan deyil" - De Byazi

“Hamınızın bayramını təbrik edirəm. Zəfər Gününüz mübarək".

YAZTV xəbər verir ki, bu sözləri Azərbaycan millisinin baş məşqçisi Canni de Byazi DÇ-2022-nin seçmə mərhələsində sabah Bakı Olimpiya Stadionunda Lüksemburqla keçiriləcək son oyun öncəsi mətbuat konfransında deyib. 

- Millinin qrup sonuncusu olacağı dəqiqləşib. Bu mənada sabahkı oyuna futbolçuları motivasiya etmək çətin olmayacaq? 

- Uşaqlar çox istəklidir. Göstərmək istəyirik ki, bizi udmaq, bizə qarşı oynamaq asan deyil. Bunu Portuqaliya və Serbiya ilə oyunlarda da göstərdik. Amma bunu sabah öz meydanımızda da göstərməliyik. 

- AFFA-nın türkiyəli mütəxəssislərlə danışıq aparması sizin işinizə və futbolçularla münasibətinizə nə dərəcədə təsir edir?

- Bu baxımdan bəxtim gətirib ki, dili yaxşı bilmirəm, saytları, medianı izləmirəm. Öz işimi maksimum dərəcədə yerinə yetirməyə çalışıram. Heç kim bizim qrupda 1-ci, 2-ci və 3-cü yeri tutacağımızı gözləmirdi. İllüziyalarla yaşamırıq. Cavan oyunçulara səbir və inkişaf üçün vaxt lazımdır.

- Mert Çelik və Cəlal Hüseynov kimi gənc mərkəz müdafiəçilərini yığmaya çağırmısınız. Onlardan birini sabah start heyətində meydanda görə bilərik?

- Mertin bir az problemləri var. Çalışacağıq bunu bərpa edək ki, qaydasında olsun. Start heyətində yer almayacaq. Cəlal isə gəncdir, keyfiyyəti var. Çalışacağıq ki, iki oyundan birində ona şans verək.

- Mahir Emrelinin sabah qol həsrətinə son qoymasını gözləmək olar? 

- Mahir üçün sabah vacib odur ki, sakit oyun göstərsin. O, ayaqla da, başla da qol vura bilir. Qol özü gələcək, şanslar olacaq. Lüksemburqla ilk görüşdə də şanslar olmuşdu. Qol barədə düşünməməlidir. Qol özü gələcək.

- Rəqibinizin baş məşqçisi bildirdi ki, Millətlər Liqasını düşünürlər və sabah heyətdə dəyişikliklər edəcək. Siz heyətdə rotasiya etməyi düşünürsünüzmü?

- Sabah bir az fərqli heyət görəcəyik. Bu bəhanə deyil. Amma bəzi oyunçularımız zədə səbəbindən sabah bizimlə olmayacaq. Lüksemburq yaxşı komandadır, 12 ildir eyni baş məşqçinin rəhbərliyi altında çıxış edir. Onların heyətində "Borussiya"nın oyunçusu var. Bizim isə cəmi 8 komandamız var. Proqram şəklində layihə hazırlamaq lazımdır. Yavaş-yavaş inkişaf etmək olar.

- Hər açıqlamanızda deyirsiniz ki, bizə vaxt lazımdır. Növbəti dəfə vaxt verilməsi üçün hansı layihələri AFFA-ya təqdim edəcəksiniz? Bunların içində Premyer Liqada komanda sayının artırılması və limit məsələsi olacaq?

- AFFA mənim fikirlərimi təxminən bilir. Hansı oyunçularla oynadığımızı da bilir. Renat Dadaşov 12 ay yox idi, Bədavi Hüseynov uzun müddətdir zədəlidir. Cəmi 40 oyunçu var, onlar arasında seçim edirik. Gənc futbolçular çox olmalıdır. Gələcəkdə millimizdə daha keyfiyyətli oyunçular olması üçün gənclərə üstünlük vermək lazımdır. Həyatda heç nə bir günə həll olunmur. Bunun üçün vaxt lazımdır.(apasport.az)

Millimiz Belçikaya qarşı

Millimiz Belçikaya qarşı

Azərbaycan U-19 millisi Avropa çempionatının seçmə mərhələsi çərçivəsində bu gün ilk oyununu keçirəcək.

YAZTV xəbər verir ki, yığmamız Belçika ilə üz-üzə gələcək. Lüksemburqda keçiriləcək görüş Bakı vaxtı ilə saat 21:00-da başlayacaq.

21:00 Azərbaycan (U-19) - Belçika (U-19)

Baş hakim: Luka Bilbiya
Baş hakimin köməkçiləri: Aleksandar Smilyanic (Bosniya və Herseqovina), Dani Dias Balsa (Lüksemburq)
Dördüncü hakim: Sedrik Biever (Lüksemburq)

İnyetsa Xavinin təyinatı haqda

İnyetsa Xavinin təyinatı haqda

“Barselona”nın keçmiş futbolçusu Andres İnyesta sabiq komanda yoldaşı Xavi Ernandesin Kataloniya təmsilçisinə baş məşqçi təyin olunmasına münasibət bildirib.

YAZTV xəbər verir ki, İo, İnstaqram hesabında etdiyi paylaşımda Xaviyə uğurlar arzulayıb:

“Nə gözəl bir gün. Sənin adına çox sevindim, dostum Xavi. Sənə uğurlar arzu edirəm. Ümid edirəm ki, keçmiş günlərdəki “Barselona”nı yenidən görərik”.

Qeyd edək ki, həm İnyesta, həm də Xavi "Barselona"nın yetirməsidir. Onlar 13 il (2002-2015) birlikdə çıxış ediblər.(qol az)

Dünya çempionatında çıxış edəcək Azərbaycan karateçilərinin adları açıqlanıb

Dünya çempionatında çıxış edəcək Azərbaycan karateçilərinin adları açıqlanıb

Azərbaycanın karate üzrə milli komandasının noyabrın 12-də Birləşmiş Ərəb Əmirliklərinin Dubay şəhərində keçiriləcək dünya çempionatı üçün heyəti açıqlanıb.

Azərbaycan Milli Karate Federasiyasının mətbuat xidmətindən verilən məlumata görə, qurumun prezidenti Yaşar Bəşirovun rəhbərlik etdiyi heyətdə 22 idmançı yer alıb. Onlardan 5-i para-karateçilərin mübarizəsinə qatılacaq.

Kişilərdən ibarət kumite yığmasının baş məşqçisi Qurban Tağıyev, eləcə də böyük məşqçilər Şahin Xudaverdiyev və Rəşad Hüseynov Əminağa Quliyev (60 kq), Tural Ağalarzadə (67 kq), Rafael Ağayev (75 kq), Pənah Abdullayev (84 kq) və Asiman Qurbanlını (+84 kq), eləcə də komanda yarışlarında Turqut Həsənov, Rafiz Həsənov və Tural Ələkbərlini sınayacaq. Komanda çıxışlarında Ağalarzadə, Ağayev, Abdullayev və Qurbanlı da iştirak edəcək.

Qadınların baş məşqçisi Denis Morozov Nuranə Əiyeva (50 kq), İlahə Qasımova (55 kq), Ayla Rzazadə (61 kq), İrina Zaretska (68 kq) və Fəridə Əliyevanı (+68 kq) döyüşə atacaq. Onlardan Əliyeva, Qasımova, Zaretska və Əliyeva komanda yarışlarında da yer alacaq.

Kata üzrə baş məşqçi Vahid Ayvazovun rəhbərliyi ilə Roman Heydərov fərdi, İsmayıl Quliyev, Tural Balcanlı və Rövşən Əliyev komanda çıxışlarına, Eldar Əhmədov, Sahib Əhədov, Ülvi Zeynallı, Lazım Allahverdiyev və Emiliya Mitilinova isə para-karate çempionatına qatılacaq.

Dünya çempionatına yola düşən heyətdə Anar Allahverdiyev və Rənad Əliyev dərəcələrini artırmaq üçün Dünya Karate Federasiyasının (WKF) Hakimlər Komitəsinə imtahan verəcək.

WKF-in Texniki komissiyasının üzvü Yaşar Bəşirov 14 noyabrda qurumun iclasında, ertəsi gün isə təşkilatın Konqresində iştirak edəcək. Noyabrın 21-dək davam edəcək 25-ci Dünya çempionatına 117 ölkədən 1054 karateçi, 21 noyabrda keçiriləcək para-karate üzrə dünya çempionatında 21 dövlətdən 81 idmançı qatılacaq.

Futbolçular Sulşerin qovulmasını istəyirlər

Futbolçular Sulşerin qovulmasını istəyirlər

"Mançester Yunayted"in futbolçuları və işçi heyəti baş məşqçi Ole-Qunnar Sulşerin qovulmasını istəyir. 

YAZTV xəbər verir ki, bu barədə "The Sun" məlumat yayıb. Oyunçular və digər işçilər 48 yaşlı mütəxəssisin vəziyyəti düzəldəcəyinə və komandanı gücləndirəcəyinə inanmır. Buna görə də onlar baş məşqçi vəzifəsinə yeni mütəxəssisin gətirilməsinin tərəfdarıdırlar.  

Klub isə hələlik norveçli çalışdırıcı ilə yolları ayırmağı düşünmür. 

Qeyd edək ki, Sulşer 2018-ci ildən "qırmızı şeytanlar"a baş məşqçilik edir.

Messi, Müller, De Brüyne...

Messi, Müller, De Brüyne...

Beynəlxalq Futbol Tarixi və Statistikaları Federasiyası (İFFHS) 2021-ci ilin ən yaxşı oyun qurucusu adına namizədləri açıqlayıb.

YAZTV xəbər verir ki, siyahıda 15 futbolçu yer alıb: 

Pedri (“Barselona”)

Kevin De Bruyne (“Mançester Siti”)

Pyer-Emil Höybyerq (“Tottenhem”)

Luka Modriç (“Real” Madrid)

Meyson Maunt (“Çelsi”)

Serxio Oliveyra (“Portu”)

Lionel Messi (PSJ)

Bruno Fernandes (“Mançester Yunayted”)

Nikolo Barella (“İnter”)

Takefusa Kubo (“Malyorka”)

Tomas Müller (“Bavariya”)

Riyad Mahrez (“Mançester Siti”)

Covanni Reyna (“Borussiya” Dortmund)

Fil Foden (“Mançester Siti”)

Jorjinyo (“Çelsi”)

Qeyd edək ki, 2020-ci ilin ən yaxşı pleymeykeri adına “Mançester Siti”nin belçikalı yarımmüdafiəçisi Kevin de Bruyne layiq görülüb.