FIFA 2023-cü ildə keçiriləcək qadınlar arasındakı dünya çempionatına ev sahibliyi üçün namizədləri açıqlayıb.

YAZTV qurumun rəsmi saytına istinadən xəbər verir ki, mundiala Avstraliya və Yeni Zelandiya birlikdə təşkilatçılıq etmək niyyətindədir.

Bunlardan əlavə, Kolumbiya və Yaponiya da yarışı keçirməyə iddialıdır. Ali futbol qurumu Braziliya Futbol Konfederasiyasının dünya çempionatına ev sahibliyi üçün müraciətini geri götürdüyünü təsdiqləyib.

Qeyd edək ki, DÇ-2023-ün ev sahibi iyunun 25-də səsvermə yolu ilə bəlli olacaq.

Azərbaycan Futzal Federasiyasının iclası keçirilib.

Federasiyadan YAZTV-ə verilən məlumata görə, koronavirus (COVID-19) pandemiyası ilə əlaqədar mart ayında yarımçıq dayandırılan Yüksək, Birinci və İkinci liqalar, eləcə də Azərbaycan kuboku ilə bağlı müzakirələr aparılıb və qərarlar qəbul olunub.

Birinci və İkinci liqalarda, həmçinin Azərbaycan kuboku yarışında 2019/2020 mövsümü başa çatdırılsın.

Liqalarda hazırda turnir cədvəlində birinci pillədə yer alan komandalar – müvafiq olaraq “AjaxBaku” (Birinci Liqa) və NTD (İkinci Liqa) - qalib elan olunsun.

Yüksək Liqa ilə bağlı məsələyə koronavirus (COVID-19) pandemiyası ilə əlaqədar vəziyyət və Nazirlər Kabineti yanında Operativ Qərargahın qəbul etdiyi qərarlar nəzərə alınmaqla növbəti həftələrdə baxılsın.

Biz, gənclər olaraq hər zaman möhtərəm cənab Prezidentin siyasətinin ətrafında birləşmişik və inanırıq ki, tarix boyu başı bəlalar görmüş ölkəmiz bu çətin günlərdən də keçəcək. Çünki qarşıda ölkəmizi daha gözəl günlər gözləyir!

Bildiyimiz kimi, dünyanı öz cənginə almış və böyük problemə çevrilmiş koronavirus pandemiyası bizim ölkədən də yan keçmədi. Virusun daha da təhlükəli hala çevrilməməsi üçün ölkə başçısı tərəfindən bir sıra sərəncamlar imzalandı.

Pandemiyanın törədə biləyəci fəsadların qarşısının tez bir zamanda alınması, müəyyən profilaktik, təxirəsalınmaz tədbirlərin görülməsi və ölkə üçün vacib olan qərarların qəbul edilməsi üçün Prezident İlham Əliyevin sərəncamına əsasən Nazirlər Kabinəti Yanında Operativ Qərargah yaradıldı. Operativ Qərargahın vaxtında elan etdiyi karantin rejimi nəticəsində pandemiyanın daha da çox yayılmasının qarşısını almaq mümkün oldu. Ölkəyə giriş-çıxış qadağası qoyuldu, daxili və xarici yükdaşımaları dayandırıldı. Karantin rejimi müddətində yoluxma və ölüm sayı digər ölkələrlə müqayisədə yetəri qədər aşağı idi.

Ölkədə koronavirus pandemiyasına qarşı mübarizənin daha da gücləndirilməsi məqsədilə Prezident İlham Əliyevin sərəncamına uyğun olaraq modul tipli xəstəxanaların tikintisinə başlanıldə. Yoluxanların qısa müddət ərzində sağaldılması üçün bütün həkimlər gücləndirilmiş iş rejiminə cəlb olundu.

Prezident İlham Əliyev modul tipli xəstəxana kompleksinin açılışında iştirak edərkən qeyd etdi ki, koronavirusa qarşı mübarizədə bu xəstəxana və bundan sonra tikiləcək xəstəxanalar böyük rol oynayacaq: “Ölkəmizin müxtəlif bölgələrində 10 belə xəstəxananın tikintisi nəzərdə tutulur. Əlbəttə ki, çarpayı sayının artırılması hər bir ölkə üçün koronavirusa qarşı mübarizədə xüsusi rol oynayır. Azərbaycanda koronavirusa qarşı mübarizədə bizim təcrübəmiz hesab edirəm ki, ən mütərəqqi və ən insansevər təcrübədir. Çünki bizim bütün xəstələrimiz xəstəxanalarda yerləşdirilib və həkimlər onlara gecə-gündüz xidmət edirlər. Yeni xəstəxanaların tikintisi, əlbəttə, gələcəyə hesablanıb. Hazırda mövcud xəstəxana fondu bizim tələbatımızı ödəyir və 20-dən çox dövlət xəstəxanası koronavirus xəstələrinin sərəncamına verilibdir, o cümlədən ən yeni və ən müasir 575 çarpayılıq “Yeni klinika”. Orada hazırda xəstələr müalicə olunurlar. Bu, gələcəyə hesablanmış düzgün addımdır, çünki heç kim bilmir pandemiya nə qədər davam edəcək, heç kim bilmir bunun gələcək mərhələləri nədən ibarət olacaq. Ona görə biz tam hazır olmalıyıq”.

Koronavirus pandemiyası ilə əlaqədar tibbi, xüsusilə də qoruyucu ləvazimatlara tələbatın kəskin artması səbəbindən bir sıra ölkələrdə bu sarıdan qıtlıq yaşanır. İstehsalçı ölkələr tibbi maska ilə yanaşı, istehsal avadanlığı və xammalın ixracını da saxlayıblar. İlk başlarda Azərbaycanda da bu sahədə müəyyən problemlər meydana çıxsa da qısa vaxt ərzində öz həllini tapdı.

Koronavirus pandemiyasının qarşısının alınması ilə bağlı Azərbaycanda həyata keçirilən bütün işlər Prezident İlham Əliyevin daim diqqət mərkəzindədir. Dövlətimizin başçısı əhalinin sağlamlığının təmin olunması məsələsinə xüsusi diqqətlə yanaşır. Prezident İlham Əliyevin tapşırığına əsasən, aidiyyəti dövlət qurumları qısa müddətdə tibbi maska istehsalı avadanlığının və xammalın Azərbaycana gətirilməsinə nail oldular.

Prezident İlham Əliyev: “Bildiyiniz kimi, koronavirusla mübarizədə maskalardan istifadə xüsusi əhəmiyyət daşıyır. Qeyd etdiyim kimi, indi dünyanın bir çox ölkələrində bu sahədə problemlər yaşanır. Azərbaycanda da qıtlıq yaranmışdır və bəzi hallarda apteklərdə tibbi maskalar yoxdur. Ona görə bu istehsal bizə imkan verəcək ki, özümüzü təmin edək və koronavirusla mübarizə başa çatandan sonra da Azərbaycan artıq idxaldan asılı olmayacaq. Mən son illər ərzində yüzlərlə, bəlkə də mindən çox sənaye müəssisəsinin açılışında iştirak etmişəm, ancaq bu istehsalat sahəsi xüsusi əhəmiyyət daşıyır. Çünki bu gün Azərbaycanda istehsal olunan tibbi maskalar və dezinfeksiya vasitələri insanlarımızı qoruyacaq. Bizim də əsas məqsədimiz ondan ibarətdir ki, insanlar bu xəstəliyə yoluxmasın, insanların sağlamlığı təmin edilsin və buna nail olmaq üçün bütün tədbirlər görülür”.

Cənab Prezident İlham Əliyevin 03.06.2020-ci il tarixində Tərtərdə Dövlət Rəmzləri Muzeyinin açılışında iştirak edərkən maskadan istifadə etməsi hər bir Azərbaycan vətəndaşı üçün nümunə olmalıdır. Hər bir vətəndaş öz şəxsi məsuliyyətini hiss etməli, Operativ Qərargahın tələb və tövsiyələrinə riayət etməlidir. Əgər hər bir kəs öz məsuliyyətini dərk edərsə və qaydalara ciddi əməl edərsə, pandemiyanın qarşısını almaq mümkün olacaq.

Prezident İlham Əliyevin ölkə daxilində pandemiyanın yayılmasının qarşısını almaq məqsədiylə apardığı qabaqlayıcı tədbirlər, pandemiyanın təsirinin azaldılmasına görə atılan addımlar və yuxarıda sadalananlar alqışalayiqdir. Biz, gənclər olaraq hər zaman möhtərəm cənab Prezidentin siyasətinin ətrafında birləşmişik və inanırıq ki, tarix boyu başı bəlalar görmüş ölkəmiz bu çətin günlərdən də keçəcək. Çünki qarşıda ölkəmizi daha gözəl günlər gözləyir!

“Fənərbaxça”nın yeni baş məşqçisinin adı müəyyənləşib.

YAZTV-nin məlumatına görə, İstanbul klubunu mövsümün qalan matçlarında Tahir Karapınar çalışdıracaq.

İyunun 12-də bərpa olunacaq Super Liqanın son 8 turunda komandaya rəhbərlik edəcək məşqçi axtarışında olan “sarı-lacivərdlilər” gözlənilmədən 53 yaşlı Karapınarla anlaşıb. Rəhbərliyin onu seçməsinin əsas səbəbi mütəxəssisin “Pro” kateqoriyasının olmasıdır. Eyni zamanda, gələn mövsüm komandaya rəhbərlik edəcək məşqçi axtarışları da davam edir.

Qeyd edək ki, Tahir Karapınar son olaraq 2014-cü ildə “Manisaspor”u çalışdırıb. Həmin vaxta qədər isə yalnız köməkçi-məşqçi kimi fəaliyyət göstərib.

Türkiyənin "Beşiktaş" klubu "Sabah" komandasının futbolçusu Ozan Can Kökçü ilə maraqlanır.

YAZTV "Akşam"a istinadən xəbər verir ki, 22 yaşlı yarımmüdafiəçi ölkənin "Kasımpaşa" komandasının da gündəmindədir.

"Qara qartallar" "Sabah"la razılaşsa, transfer həll olunacaq. Bunadək "Beşiktaş"ın Niderlandın "Feyenoord" klubunda çıxış edən Kökçünün qardaşı Orkun Kökçünü də istədiyi, lakin artıq bu transferdən imtina etdiyi deyilir.

Qeyd edək ki, Ozan Can Kökçü 21 yaşadək futbolçulardan ibarət Azərbaycan millisinin üzvüdür. Onun "Sabah"la müqaviləsi 2021-ci ilin yayında başa çatır.

Azərbaycan Premyer Liqasının oyunlarında bəzi qadağalar tətbiq olunacaq.

YAZTV-nin məlumatına görə, bu barədə PFL-in çempionat və kubok oyunları ilə bağlı təlimatında bildirilib.

Belə ki, oyunun startından əvvəl salamlaşmaq, vımpel dəyişmək, kollektiv şəkil çəkdirmək, hakimlərin oyundan əvvəl bir-birinə dəstək salamlaşması ləğv olunub.

Həmçinin texniki zonada qol sevincinin kollektiv şəkildə qeyd olunmasına, kubok oyunlarında penaltilər seriyası zamanı birlik düzülüşünə icazə verilməyəcək.

Bundan başqa, fasilə zamanı oyunçulara soyunub-geyinmə otağına getməmələri və stadionda dincəlmələri tövsiyə olunub (ciddi zərurət olmadığı təqdirdə). Komandalar soyunub-geyinmə otağına gedəcəklərsə, bu, növbəli şəkildə və sosial məsafə qorunmaqla edilməlidir. 1-ci meydan sahibi, sonra qonaq komanda stadionu tərk etməlidir.

Oyunçulara qol sevincini fərdi qeyd etmək tövsiyə olunub. Oyundan sonra sağollaşmalar təmassız edilməlidir.

Matçdan sonra soyunub-geyinmə və duş otaqlarında sosial məsafənin qorunması, eləcə də meydan sahibi komandanın oyunçularına klubun bazasındakı otaqlarda duş qəbul etmələri tövsiyə olunub.

İyunun 9-da Bakıda Dünya Velosiped Günü münasibətilə trek üzrə Federasiya Kuboku yarışına start verilib.

YAZTV xəbər verir ki, Respublika Velotrekində təşkil edilən turnirdə iştirakçılar U-15, U-17 və gənclər kateqoriyaları üzrə yarışırlar. Günün birinci yarışında 15 yaşadək idmançılar birincilik uğrunda mübarizə aparacaqlar.

Qeyd edək ki, Nazirlər Kabineti yanında Operativ Qərargah mayın 31-də saat 00:00-dan etibarən açıq məkanlarda idman yarışlarının keçirilməsinə icazə verib. Bu turnir həmin icazənin verilməsindən sonra təşkil edilən birinci yarışdır.

"Barselona" futbol klubu koronavirus pandemiyasının səbəb olduğu ağır maliyyə vəziyyəti ilə əlaqədar yenidən oyunçulara maaşların ixtisarı ilə razılaşmağı təklif edib.

YAZTV xəbər verir ki, bu barədə “Marca” bildirib.

İspaniya nəşrinin məlumatına görə, Katalon klubunun rəhbərliyi oyunçulara mayın son həftəsi üçün maaşlarının 70%-ini, iyunun iki həftəsinin maaşlarını isə 50% azaltmaq təklifini irəli sürüb. Lakin oyunçular klubun təkliflərindən imtina edirlər.

Daha əvvəl "Barselona" prezidenti Xosep Mariya Bartomeu klubun bir neçə ay əvvəl təsdiqlənmiş büdcəsinin 1,047 milyard avroya çata bilməməsi ilə əlaqədar oyunçulara maaşların azaldılması ilə razılaşmağı təklif edib.

Katalon klubunun futbolçularının maaşlarının 61%-i ümumi büdcədən təşkil edilir.

"Barselona" 27 turda 58 xal yığaraq, Madrid "Real"ını 2 xal qabaqlamaqla İspaniya çempionatının lideridir.

Azərbaycan Premyer Liqasında çıxış edən komandaların məşqlər zamanı riayət etməli olduqları ümumi müddəalar açıqlanıb. 

YAZTV-nin məlumatına görə, klublar AFFA tərəfindən göndərilmiş sanitar-gigiyena təlimatına riayət etməlidirlər. 

Komanda üzvləri məşqə qədər olan prosesdə tibbi maskalardan istifadə etməlidirlər. Məşq zamanı yalnız fiziki hərəkətdə olan şəxslər üçün tibbi maska taxmaq məcburiyyəti yoxdur. Digər inzibati heyət tibbi maskada olmalıdır.

Futbolçuların, bazaya, stadiona gələn bütün şəxslərin hərarətləri mütəmadi olaraq nəzarətdə saxlanılmalı və onlarla həkim tərəfindən fərdi söhbət aparılmalıdır. Futbolçuların bazada iki nəfərlik otaqlardan, eləcə də sosial məsafə qorunması mümkün olan otaqlardan istifadə etmək imkanı yoxdursa, oyunçular məşqə hazır formada gəlməli və oyundan sonra tələblərə uyğun olmayan otaqlarda duş qəbul etməməlidirlər.

Qapalı zalların istifadəsinə icazə verilmir. Fiziki hazırlığın yüksəldilməsinə yardımçı olan alətlər qazona və ya onun ətrafına istifadə üçün daşına bilər. Alətlərin dezinfeksiyası hə

Azərbaycan Premyer Liqası karantinə görə dayandırılandan sonra ilk futbol matçı keçiriləcək.

YAZTV xəbər verir ki, bu, “Sabah”la “Qarabağ” arasında hazırlıq oyunu olacaq.

Masazırdakı yoxlama matçı saat 19:30-da başlayacaq və “CBC Sport”la canlı yayımlanacaq. Sabah isə 3 sınaq qarşılaşması birdən keçiriləcək.

Bunlar “Neftçi” – “Keşlə”, “Zirə” – “Səbail” və “Sumqayıt” – “Qəbələ” görüşləridi.

Xatırladaq ki, martın 8-dən məcburi fasiləyə yollanan Premyer Liqamızın iyunun 21-də XXI turla davam etməsi nəzərdə tutulub.

Yoxlama matçı
9 iyun
19:30. “Sabah” – “Qarabağ”
Bakı. “Bank Respublika Arena” stadionu

Azərbaycan idmanına ağır itki üz verib.

Azərbaycanda müxtəlif paralimpiya idman sahələrində çalışmış Şaiq Həmidov bu gün vəfat edib.

Qeyd edək ki, Şaiq Həmidov 2013-cü ildə Milli Paralimpiya Komitəsinin IV hesabat Seçki Konqresində Milli Paralimpiya Komitəsinin Vitse prezidenti vəzifəsinə seçilib. 2008-ci ildə Pekin, 2012-ci ildə London Yay Paralimpiya Oyunlarında iştirak edən Azərbaycan nümayəndə heyəti rəhbərinin müavini olub. AFFA-da hakim inspektor vəzifəsində çalışıb.

Allah rəhmət eləsin! (Trend)

Aşqabadda Ümumdünya Velosiped Gününə həsr olunmuş kütləvi tədbirlər keçirilir. İyunun 3-də Türkmənistan Prezidentı Qurbanqulu Berdiməhəmmədov “Velosiped” adlı monumentinin açılışını edib.

YAZTV xəbər verir ki, paytaxtın cənub hissəsində ucaldılan abidə 2018-ci ildə BMT Baş Assambleyasının qətnaməsi ilə Türkmənistanın təklifini dəstəklədiyini və Ümumdünya Velosiped Gününün təsis edildiyini əbədiləşdirib.

Abidənin açılış mərasimində çıxış edən ölkə başçısı bədən tərbiyəsi və idmanın cəmiyyətin həyatındakı xüsusi rolunu qeyd edib.

Qeyd edək ki, ölkə başçısı 2021-ci ildə Aşqabadın Olimpiya şəhərciyində velosiped üzrə dünya çempionatının keçiriləcəyini açıqlayib.