Sunday, 29 Yanvar 2023 17:15
Yeni Azərbaycan Televiziyası
Bakı
İstanbul
Moskva
Azərbaycan Qran-prisinin yeni tarixi açıqlandı

Azərbaycan Qran-prisinin yeni tarixi açıqlandı

“Formula-1” üzrə dünya çempionatının ilkin təqvimi açıqlanıb.

“Autosport” koronavirus pandemiyası üzündən hələ də başlamayan 2020-ci il mövsümünün təqvimini dərc edib.

İlkin təqvim “Formula-1”, “Formula-2” və “Formula-3” yarışlarını əhatə edir. 12 mərhələdən ibarət çempionatın Azərbaycan Qran-Prisinin vaxtı da açıqlanıb.

Bakıdakı mərhələ sentyabrın 19-20-nə planlaşdırılıb. “Autosport”un təqviminə əsasən hələlik yalnız “Formula-2”nin ölkəmizdə keçirilməsi dəqiqdir.

Qeyd edək ki, bir müddət əvvəl Almaniyanın “Bild” nəşri də öz mənbələrinə əsasən təqvim dərc etmişdi. Azərbaycan Qran-Prisi həmin təqvimdə daha tez – sentyabrın 5-6-da təşkil olunacağı bildirilirdi.

4-5 iyul – Avstriya
11-12 iyul – Avstriya
25-26 iyul – Böyük Britaniya
1-2 avqust – Böyük Britaniya
8-9 avqust – Almaniya və ya İspaniya
22-23 avqust - Macarıstan
29-30 avqust – Belçika
5-6 sentyabr – İtaliya
19-20 sentyabr – Azərbaycan (hələlik yalnız “Formula-2”)
26-27 sentyabr – Rusiya (hələlik yalnız “Formula-2”)
5-6 dekabr – Bəhreyn
12-13 dekabr – BƏƏ. (APA)

"Portu" dağılmaq təhlükəsi ilə üzləşib

"Portu" dağılmaq təhlükəsi ilə üzləşib

Koronavirus pandemiyası səbəbindən ciddi maliyyə problemi yaşayan "Portu" klubu iflas olmaq üzrədir.

YAZTV-nin məlumatına görə, Portuqaliya təmsilçisi tarixinin ən ağır günlərini keçirir.

Avropa futboluna qazandırdığı futbolçularla böyük gəlirlər əldə edən "Portu"nun indi özünə təcili pul lazımdır. 250 milyon avro borcu olan klub iyunun 30-na qədər 100 milyon avroluq ödəmə etmək məcburiyyətindədir. Əks təqdirdə, klub dağılmaq təhlükəsi ilə üzləşə bilər.

Rəhbərlik bunun qarşısını almaq üçün təcili bir neçə futbolçunu satmağı planlaşdırır. Baş məşqçi Mendeş hətta bütün oyunçuların satılmasına razılıq verib. Əsas hədəf böyük klubların maraq dairəsində olan cinah müdafiəçisi Aleks Telleşi baha qiymətə satmaqdır.

Almaniya çempionatı bu tarixdə bərpa olunacaq

Almaniya çempionatı bu tarixdə bərpa olunacaq

Almaniyada koronavirusa görə tətbiq edilən karantin qaydaları tədricən yumşalmağa doğru gedir.

“Reuters” məlumat verir ki, Almaniya futbol çempionatı da bərpa ola bilər.

Bundesliqanın mayın 15-də bəpa olunacağı gözlənilir. Lakin burada bəzi məhdudiyyətlər olacaq. Belə ki, tribunalara azarkeşlər buraxılmayacaq.

Bundan başqa, hökumət uşaqlara və həvəskar idmançılara açıq havada idmanla məşğul olmaq icazəsi verəcək.

Mariya Stadnik olimpiada tarixinə düşə bilər

Mariya Stadnik olimpiada tarixinə düşə bilər

Azərbaycanın qadın güləşçisi Mariya Stadnik Yaponiyanın paytaxtı Tokioda keçiriləcək Yay Olimpiya Oyunlarında rekorda imza ata bilər.

YAZTV  Dünya Güləş Birliyinin rəsmi saytına istinadən xəbər verir ki, 32 yaşlı idmançı buna olimpiya çempionluğu qazanacağı təqdirdə sahib çıxacaq. O, qızıl medal qazansa, olimpiya çempionluğuna nail olan ən yaşlı qadın güləşçi ünvanını ələ keçirəcək.

Stadnikdən əlavə bu rekordu hazırda 33 yaşında olan Yaponiya təmsilçisi Hiroe Minaqavanın da yeniləmək imkanı olacaq. Minaqava 2017 və 2018-ci il dünya çempionatlarında bürünc, ötən il isə gümüş medal qazanıb.

Qeyd edək ki, hazırkı rekord yaponiyalı 4 qat olimpiya və 10 qat dünya çempionu Kaori İtyoya məxsusdur. O, Rio-2016 Yay Olimpiya Oyunlarında 32 yaş 4 ay, 3 günündə ikən 58 kq çəki dərəcəsində qızıl medal qazanıb. Hazırda 36 yaşında olan İtyonun Tokio olimpiadasında iştirak ehtimalı çox aşağıdır.

Mariya Stadnik isə 48 kq çəki dərəcəsində Pekin-2008-də bürünc, London və Rio-de-Janeyro olimpiadalarında isə gümüş medal qazanıb.

Tokio-2020 koronavirus pandemiyası ilə əlaqədar gələn il 23 iyul - 8 avqusta təxirə salınıb.

“Yaşayan tarix” adlı layihə həyata keçirilir

“Yaşayan tarix” adlı layihə həyata keçirilir

“Yaşayan tarix” adlı layihə 2011-ci ildən etibarən Gənclər və İdman Nazirliyi və Azərbaycan Tələbə Gənclər Təşkilatları İttifaqı tərəfindən birgə həyata keçirilir.

YAZTV xəbər verir ki, bu müddət ərzundə Respublika üzrə Böyük Vətən Müharibəsinin 435 nəfər veteranından müsahibə alınaraq, onlar haqqında qısametrajlı videoçarxlar çəkilib. 2012-ci ildən başlayaraq Gənclər və İdman Nazirliyinin dəstəyi ilə “Yaşayan Tarix” layihəsi çərçivəsində veteranların müsahibələrindən ibarət DVD disklərin I, II, III, IV, V və VI hissələri buraxılmış və onların iştirakı ilə geniş təqdimat mərasimləri keçirilmişdir. Müsahibələr tələbələr tərəfindən alınmış, çəkiliş isə peşəkar yaradıcı heyət tərəfindən həyata keçirilmişdir.

Layihənin əsas məqsədi gənclərimizi Böyük Vətən Müharibəsinin canlı şahidi olan veteranların taleyi ilə yaxından tanış etmək, gənclərdə vətənpərvərlik ruhunu artırmaq, Azərbaycan xalqının bu müharibədə qələbənin əldə edilməsində göstərdiyi əvəzsiz xidmətləri, xüsusi ilə, Bakı neftinin mühüm rolunu bir daha gündəmə gətirməkdir.

9 may 2020-ci il tarixdə sosial şəbəkələr üzərindən “Yaşayan tarix” adlı layihəyə start verilərək veteranlarımızın müsahibələri təqdim edilir.

YouTube (İzləmə linki) : https://www.youtube.com/watch…

Google Drive ( yükləmə linki) : https://drive.google.com/open…

FIFA AFFA-nın müraciətini müsbət cavablandıracaq

FIFA AFFA-nın müraciətini müsbət cavablandıracaq

FIFA matçlarda əvəzetmələrin sayının müvəqqəti artırılmasına razı olub.

Müvafiq sənəd artıq hazırlanıb və gələn həftə ictimaiyyətə açıqlanacaq. Təklifin məsləhət xarakteri daşıyacağı bildirilir. FIFA-dan sonra bu qayda Beynəlxalq Futbol Assosiasiyaları Şurası (İFAB) tərəfindən təsdiqlənməlidir.

Qeyd edək ki, FIFA aprelin sonunda oyunçuları zədələrdən qorumaq üçün qarşılaşmalardakı əvəzetmə sayının üçdən beşə artırılmasını təklif edib.

Daha öncə AFFA Azərbaycan Premyer Liqasının oyunlarında 4-cü əvəzetmənin aparılmasına razılıq almaq üçün FIFA-ya müraciət edib. Dünyanın əksər ölkələrindəki çempionatlar koronavirus pandemiyasına görə dayandırılıb. (Report)

Millimizin sabiq baş məşqçisi koronavirusdan vəfat etdi

Millimizin sabiq baş məşqçisi koronavirusdan vəfat etdi

.Azərbaycan Güləş Federasiyasının sabiq vitse-prezidenti Maqomed Aliomarov vəfat edib.

YAZTV-nin məlumatına görə, bunu Rusiya Güləş Federasiyasının prezidenti Mixail Mamiaşvili açıqlayıb.

O bildirib ki, qadınlardan ibarət Rusiya millisinin çalışdırıcısı koronavirusun səbəb olduğu xəstəlikdən ölüb: “Bəli, koronavirus. İnanmaq istəmirəm. O qədər planlar, o qədər vəzifələr, o qədər enerji var idi. O, ətrafında bütün qızları toplamışdı”.

Aliomarov mayın 13-də 67 yaşında vəfat edib. Azərbaycandan ayrıldıqdan sonra 2019-cu ildən Rusiya yığmasını çalışdırırdı.

Qeyd edək ki, mütəxəssis ölkəmizdə çalışdığı vaxt qadınlardan ibarət Azərbaycan millisinə də rəhbərlik edib və yığmanı London-2012 Yay Olimpiya Oyunlarına aparıb.

FİFA VAR-dan imtinaya icazə verib

FİFA VAR-dan imtinaya icazə verib

FİFA milli çempionatlarda mövsümün davam edəcəyi təqdirdə videotəkrar sistemindən (VAR) yararlanmamağa icazə verib.

YAZTV-nin məlumatına görə, ali futbol qurumu bununla bağlı liqaların rəhbərlərini məlumatlandırıb.

VAR-ın tətbiq olunduğu ölkələrdə çempionatlar bərpa olunarsa, yerli federasiyalar bunun istifadəsinə ehtiyac duymaya bilər. Bundan yararlanmaq istəyən liqalarda VAR protokolu qüvvədə qalacaq.

 

Qeyd edək ki, bu gün daxili birinciliklərdə ilin sonuna qədər 5 əvəzetmədən istifadə ilə bağlı rəsmən icazə verilib.

V İslam Həmrəyliyi Oyunları təxirə salınıb

V İslam Həmrəyliyi Oyunları təxirə salınıb

V İslam Həmrəyliyi Oyunları koronavirus pandemiyası ilə əlaqədar təxirə salınıb.

Bu barədə İslam Həmrəyliyi İdman Federasiyasının Direktorlar Şurası bildirib.

2021-ci ilin avqust ayında Türkiyənin Konya şəhərində baş tutmalı olan yarış bir il sonraya keçirilib. Qurum beynəlxalq öhdəlikləri nəzərə alaraq bu qərara gəlib. Buna Tokio 2020 Yay Olimpiya Oyunlarının bir il sonraya təxirə salınması da səbəb olub.

İslam Həmrəyliyi İdman Federasiyasının rəhbəri şahzadə Əbdüləziz bin Turki əl-Faysalın İdarə Heyətinin üzvləri ilə keçirdiyi videogörüş zamanı turnirin 2022-ci ildə keçirilməsi qərara alınıb. Yarışın dəqiq tarixi isə gələn ilin idman təqviminə əsasən müəyyənləşəcək.

Qeyd edək ki, IV İslam Həmrəyliyi Oyunları ölkəmizdə keçirilib. (APA)

Türkiyə liqası ləğv olundu - RƏSMİ

Türkiyə liqası ləğv olundu - RƏSMİ

Türkiyə Basketbol Federasiyası (TBF) koronavirus səbəbindən bütün liqaları ləğv edib.

YAZTV  yerli mətbuata istinadən xəbər verir ki, bu barədə TBF prezidenti Hidayət Türkoğlu məlumat verib.

O, heç bir komandanı çempion elan etməyəcəklərini açılayıb. Türkoğlu komandaların aşağı dəstəyə düşməyəcəyini və yıxarı liqaya çıxmayacaqlarını da vurğulayıb.

Qeyd edək ki, Türkiyədə daha öncə voleybol liqaları da ləğv edilib.

“Real”ın sabiq vitse-prezidenti koronovirusdan öldü

“Real”ın sabiq vitse-prezidenti koronovirusdan öldü

Madridin "Real" klubunun keçmiş vitse-prezidenti Amador Suares koronavirusdan ölüb.

Bu barədə futbol klubunun rəsmi saytı məlumat yayıb.

Məlumata görə, 76 yaşlı sabiq vitse-prezident 40 gün koronavirusla mübarizə apara bilib.

Suares 2007-2009-cu illərdə "Real"da vitse-prezident kimi çalışıb.

UEFA prezidenti: "Futbol dəyişəcək"

UEFA prezidenti: "Futbol dəyişəcək"

"Koronavirusu məğlub edəcəyik, amma hələlik futbol müsbət enerji verə bilər".

YAZTV-nin məlumatına görə, bunu UEFA-nın prezidenti Aleksander Çeferin "Nova.rs" nəşrinə açıqlamasında deyib.

Sloveniyalı funksioner bildirib ki, virus dünyanın zəifliyini anlamağa məcbur edib. Onun sözlərinə görə, futbol qayıtmasa, insanların normal həyata dönüş hissləri olmayacaq: "Futbol dəyişəcəkmi? Bəli, amma bu, müvəqqəti dəyişiklik olacaq. Futbol epidemiya və müharibələrdən sağ qurtulub. Bizim bildiyimiz idman növünə qayıdacağını da görəcəksiniz. Ölkə rəhbərləri addımlar atmağa başlayanda futbolçular bütün testləri keçərək, azarkeşlərsiz meydana geri dönəcəklər".