Saturday, 03 Dekabr 2022 19:33
Yeni Azərbaycan Televiziyası
Bakı
İstanbul
Moskva
Azərbaycan komandası Çempionlar Liqasında qələbə qazanaraq qrup liderinə çevrilib

Azərbaycan komandası Çempionlar Liqasında qələbə qazanaraq qrup liderinə çevrilib

Minifutbol üzrə Azərbaycan çempionu "Beerbaşa" komandası EMF Çempionlar Liqasının qrup mərhələsində növbəti qələbəsini qazanıb.

YAZTV xəbər verir ki, "Beerbaşa" Rumıniyanın AEK (Oradya) komandasını 4:0 hesabı ilə məğlub edib. Qolları Elvin Əlizadə, Əyyub Əfəndiyev, Cəfər Cəfərov və Namiq Səmədov vurub.

Bununla da komanda 6 xalla B qrupunun lideri olub.

Qeyd edək ki, "Beerbaşa" ilk turda Çexiyanın "La Plate de Kunde" komandasına 1:2 uduzub. Azərbaycan çempionu daha sonra Bolqarıstanın "DXC Texnoloci" komandasını 5:1 hesabı ilə məğlub edib.

Silahlı şəxslər "Real Madrid"in futbolçusunun evinə girib

Silahlı şəxslər "Real Madrid"in futbolçusunun evinə girib

Silahlı şəxslər İspaniyanın "Real Madrid" klubunun futbolçusu Dani Karvahalın evini qarət etmək istəyib.

YAZTV "Marca" nəşrinə istinadən xəbər verir ki, 3 soyğunçu 30 yaşlı müdafiəçinin Boadilya del Monte şəhərindəki mənzilinə soxulub.

Qarətçilər həyəcan siqnalı işə düşdükdən sonra qaçıblar. İspaniyalı oyunçu həmin vaxt evdə olmayıb. Yerli polis məsələni araşdırmağa başlayıb.

Qeyd edək ki, daha əvvəl "Barselona"dan İngiltərənin "Çelsi" klubuna keçən Pyer-Emerik Obameyanq İspaniyadakı evində silahlı hücuma məruz qalıb.

"Sevilya" iki transferi açıqlayıb

"Sevilya" iki transferi açıqlayıb

İspaniyanın "Sevilya" klubu iki futbolçu transferini gerçəkləşdirib.

YAZTV  İspaniya klubunun rəsmi saytına istinadən xəbər verir ki, danimarkalı hücumçu Kasper Dolberq və Kosovo-alban-türk əsilli belçikalı yarımmüdafiəçi Adnan Yanuzayla müqavilə bağlanılıb.

Yanuzayın müqaviləsinin müddəti 2026-cı ilin yayınadək nəzərdə tutulub. Ötən mövsümü "Real Sosyedad"da oynamış 27 yaşlı cinah futbolçusu olan Yanuzay sərbəst futbolçu kimi "Sevilya"ya keçib.

24 yaşlı Dolberq isə Fransanın "Nitsa" klubundan icarəyə götürülüb.

Azərbaycanlı hakim Superfinala təyinat alıb

Azərbaycanlı hakim Superfinala təyinat alıb

Azərbaycanın FIFA referisi İnqilab Məmmədov təyinat alıb.

YAZTV AFFA-nın saytına istinadən xəbər verir ki, o, Avro Çimərlik Futbolu Liqasının (EBSL) Superfinal mərhələsinə təyinat alıb.

Qeyd edək ki, bu mərhələnin oyunları 8 - 11 sentyabrda İtaliyanın Kalyari şəhərində keçiriləcək.

Qvardiol “RB Leypsiq”lə müqaviləni uzadıb

Qvardiol “RB Leypsiq”lə müqaviləni uzadıb

“RB Leypsiq” futbol komandasının müdafiəçisi Yoşko Qvardiol klubla müqaviləsini 2027-ci ilin yayına qədər uzadıb.

YAZTV xəbər verir ki, bu barədə Almaniya komandasının mətbuat xidməti məlumat yayıb.

Daha əvvəl "Çelsi"nin Qvardiol üçün 90 milyon avro təklif etdiyi bildirilib.

Xatırladaq ki, Qvardiol 2021-ci ilin yayından “Leypsiq”də çıxış edir. O, komandanın heyətində 50 oyuna çıxıb, iki qol vurub və dörd məhsuldar ötürmə edib.

Fernando Alonso Hemiltonu axmaq adlandırdığı üçün üzr istəyib

Fernando Alonso Hemiltonu axmaq adlandırdığı üçün üzr istəyib

"Formula 1" üzrə dünya çempionatında çıxış edən "Alpin" komandasının pilotu Fernando Alonso Belçika Qran Prisində "Mercedes"in sürücüsü Lüis Hemiltonə qarşı səsləndirdiyi ifadələrə görə üzr istəyib.

YAZTV "GPFans"a istinadən xəbər verir ki, 41 yaşlı pilot Alonso həmin ifadəni düşünmədən işlətdiyini söyləyib.

O, üzr istəməklə bərabər, britaniyalı 7 qat dünya çempionunu zəmanənin əfsanəsi adlandırıb.

Qeyd edək ki, ispaniyalı sürücü Belçika Qran Prisində Lüis Hemiltonu axmaq adlandırmışdı.

 
Azərbaycanın 8 karateçisi Premyer Liqada mübarizəyə başlayır

Azərbaycanın 8 karateçisi Premyer Liqada mübarizəyə başlayır

Bu gün Bakıda Karate1 Premyer Liqa turniri start götürüb.

YAZTV-nin məlumatına görə, yarışın ilk günündə Azərbaycanın 8 təmsilçisi mübarizəyə qoşulacaq.

Kişilərin kumite yarışında 60 kq çəki dərəcəsində Sultan Hüseynovla Əminağa Quliyev, 67 kq-da Tural Ağalarzadə, Firdovsi Fərzəliyev və Rafiz Həsənov, 75 kq-da Fərid Ağayev tatamiyə çıxacaq.

Qadınlardan isə İnci Əzizova (50 kq) və Mədinə Sadiqova (55 kq) qüvvəsini sınayacaq.

Bu gün həmçinin, qadınlar fərdi kata mübarizəsi də başlayıb. Azərbaycan həmin növdə təmsil olunmur.

Qeyd edək ki, Premyer Liqanın Bakı mərhələsinə 58 ölkədən 347 tannmış karateçi qatılıb.

Türkiyə Futbol Federasiyasının binasına silahlı hücum olub

Türkiyə Futbol Federasiyasının binasına silahlı hücum olub

Türkiyə Futbol Federasiyasının inzibati binasına silahlı hücum olub.

YAZT  xəbər verir ki, qurumun İdarə Heyətinin iclas keçirdiyi vaxt ora silahdan 5 güllə atılıb.

Bu güllələrdən birinin Türkiyə millisinin sabiq futbolçusu Hamit Altıntopun başının üzərindən keçdiyi bildirilib. Silahlı hücumda yaralanan və ya ölən olmayıb.

İqtidarda olan AK Partiya sözçüsü Ömər Çelik məsələnin bütün tərəflərinin araşdırıldığını bildirib.

Azərbaycan Premyer Liqasının dəyəri qalxıb, "Qarabağ"da azalıb

Azərbaycan Premyer Liqasının dəyəri qalxıb, "Qarabağ"da azalıb

Azərbaycan Premyer Liqasının dəyəri ötən ayla müqayisədə qalxıb.

YAZTV-nin məlumatına görə, bu "Transfermarkt" portalında öz əksini tapıb.

Avqustun 15-də çempionatın dəyəri 60,10 milyon avro təşkil edibsə, hazırda bu rəqəm 61,50 milyon avroya bərabərdir. Bu isə təxminən 2,3 faiz artım deməkdir.

Premyer Liqadakı 10 komandadan yalnız "Qarabağ"la "Zirə" dəyər itirib. İbrahima Vadjini Fransa "Sent-Etyen"inə satan "köhlən atlar"ın futbolçularının ümumi qiyməti 14,08 milyon avrodan 13,43 milyon avroyadək düşüb. Bu, 4,6 faizlik azalmadır. "Qartallar"ın dəyəri bir faiz enərək, 7,33 milyon avrodan 7,25 milyon avroya azalıb.

"Neftçi" (10,20 milyon avro), "Sabah" (8 milyon avro) və "Qəbələ"də (5,78 milyon avro) hər hansı dəyişiklik baş verməyib.

Əvəzində "Səbail" (4,83 - 5,33 milyon avro, 10,4 faiz), "Sumqayıt" (3,90 milyon avro - 4,3 milyon avro, 10,3 faiz), "Turan Tovuz" (2,88 milyon - 3,35 milyon avro, 16,5 faiz), "Şamaxı" (1,55 - 2,05 milyon avro 32,4 faiz) və "Kəpəz"də (1,58 - 1,83 milyon avro, 15,9 faiz) artım qeydə alınıb.

İngiltərə Premyer Liqasında transfer rekordları qeydə alınıb

İngiltərə Premyer Liqasında transfer rekordları qeydə alınıb

Yay dönəmində İngiltərə Premyer Liqasında bir neçə transfer rekordu qeydə alınıb.

YAZTV yerli mətbuata istinadən xəbər verir ki, Premyer Liqa klubları futbolçu keçidləri üçün 2,2 milyard avro xərcləyiblər.

2017-ci ildə bu rəqəm 1,6 milyard avro olub.

Transferlərə 322 milyon avro sərf edən "Çelsi" siyahıya başçılıq edir. "Zadəganlar" tarixində ilk dəfə bu məbləğə çataraq yeni rekord müəyyənləşdirib.

Bundan əlavə, "Nottingem Forest" klubu heyətinə 21 yeni oyunçu cəlb edib. Bu isə 2000-ci ildə 19 futbolçu ilə müqavilə imzalayan "Dandi Yunayted"in rekordunun qırılmasına səbəb olub.

“Neftçi” hücumçusu ilə yollarını ayırıb

“Neftçi” hücumçusu ilə yollarını ayırıb

“Neftçi” klubu futbolçusu Mirabdulla Abbasovla yollarını ayırıb.

Bu barədə klubun mətbuat xidməti məlumat yayıb.

Bildirilib ki, 27 yaşlı hücumçu ilə müqaviləyə qarşılıqlı razılaşma əsasında xitam verilib.

Təcrübəli forvarda xidmətləri qarşılığında təşəkkür edilib və gələcək karyerasında uğurlar arzulanıb.

Qeyd edək ki, “Neftçi”nin yetirməsi olan Mirabdulla Abbasov 2015-2016 və 2017-2022-ci illərdə ağ-qara formada 111 oyun keçirib, 21 qola imza atıb.

Azərbaycan Premyer Liqasının V turuna təyinatlar açıqlanıb

Azərbaycan Premyer Liqasının V turuna təyinatlar açıqlanıb

Futbol üzrə Azərbaycan Premyer Liqasında V turun təyinatları açıqlanıb.

YAZTV Peşəkar Futbol Liqasının saytına istinadən xəbər verir ki, “Kəpəz” – “Qarabağ” matçına Əliyar Ağayev, “Neftçi” – “Sumqayıt” oyununa Kamal Umudlu baş hakim təyin olunub.

1 sentyabr

19:00 “Kəpəz” – “Qarabağ”
Hakimlər: Əliyar Ağayev, Zeynal Zeynalov, Elşad Abdullayev, Fərid Hacıyev
VAR: Rəvan Həmzəzadə
AVAR: Eyyub İbrahimov
Hakim-inspektor: Ömər Paşayev
Qəbələ şəhər stadionu

3 sentyabr

16:00 “Şamaxı” – “Turan Tovuz”
Hakimlər: Rauf Allahverdiyev, Namiq Hüseynov, Cəmil Quliyev, Elvin Bayramov
Hakim-inspektor: Ramil Diniyev
Şamaxı şəhər stadionu

20:30 “Neftçi” – “Sumqayıt”
Hakimlər: Kamal Umudlu, Rəhman İmami, Vüsal Məmmədov, Tural Qurbanov
Hakim-inspektor: Babək Quliyev
“Bakcell Arena”

4 sentyabr

18:00 “Sabah” – “Səbail”
Hakimlər: Nicat İsmayıllı, Pərvin Talıbov, Kamran Bayramov, Cavid Cəlilov
Hakim-inspektor: Orxan Məmmədov
“Bank Respublika Arena”

20:30 “Zirə” – “Qəbələ”
Hakimlər: Rauf Cabarov, Cavanşir Yusifov, Müslüm Əliyev, Kamranbəy Rəhimov
Hakim-inspektor: Anar Salmanov
Zirə İdman Kompleksinin stadionu