Region Liqası turnirinin 2022/2023-cü illər mövsümündə iştirak edəcək komandaların geyim dəstləri ilə təmin olunması ilə əlaqədar AFFA tender elan edib.

YAZTV AFFA-nın saytına istinadən xəbər verir ki, tenderə əsasən şirkətlər 1540 sayda oyun forması, 1680 sayda getr, 910 sayda idman kostyumu, 140 sayda qapıçı forması və 910 sayda idman çantasını təmin etmək iqtidarında olmalıdır.

Tenderdə iştirak üçün son müraciət tarixi sentyabrın 2-si saat 17:00-dəkdir. Şirkətlərin göstərilən bütün ləvazimatlar üzrə nümunə təqdim etməyi vacibdir. Hər məhsul çeşidindən 1 ədəd nümunə təqdim edilməlidir. Bunun üçün son tarix oktyabrın 5-dəkdir. Qeyd olunan ləvazimatların nümunəsi qiymət təklifi ilə birlikdə təqdim edilməlidir.

Şərtlərə əsasən, ilkin olaraq 50%, məhsullar təhvil verildikdən sonra qalan 50% pul ödənilməlidir.

Fransanın PSJ klubunun və Argentina millisinin futbolçusu Mauro İkardi karyerasını Türkiyədə davam etdirə bilər.

YAZTV-nin məlumatına görə, bu barədə "Haber Global"ın jurnalisti Bərk Göl şəxsi tviter hesabından paylaşım edib.

29 yaşlı hücumçunun hazırda həyat yoldaşı və meneceri Vanda Nara ilə birlikdə "Qalatasaray"la danışıqlar üçün İstanbulda olduğu bildirilib.

Qeyd edək ki, Mauro İkardi 2019-cu ildən PSJ-də çıxış edir.

Azərbaycan Türkiyənin Konya şəhərində keçirilən V İslam Həmrəyliyi Oyunlarında daha bir medal qazanıb.

YAZTV  xəbər verir ki, karateçi Mədinə Sadıqova bürünc medala sahib çıxıb.

Sadıqova 55 kq çəki dərəcəsində fərqlənib.

Türkiyənin Konya şəhərində keçirilən V İslam Həmrəyliyi Oyunları başa çatıb.

YAZTV xəbər verir ki, Azərbaycan yarışı 99 medalla bitirib və 4-cü pillədəki mövqeyini qoruyub.

İlk 3 sırada medal əyarında müvafiq olaraq, Türkiyə, Özbəkistan və İran qərarlaşıb.

İndiyədək ümumilikdə 56 ölkədən 44-ü medal qazana bilib.

Qeyd edək ki, Azərbaycan yığması medallarını 19 növdə – güləş (8 qızıl, 8 gümüş, 7 bürünc), bədii gimnastika (5 qızıl, 2 gümüş, 1 bürünc), cüdo (2 qızıl, 3 gümüş, 2 bürünc), aerobika (2 qızıl, 3 gümüş), qılıncoynatma (2 qızıl, 2 gümüş, 2 bürünc), taekvondo (1 qızıl, 2 gümüş, 2 bürünc), idman gimnastikası (1 qızıl, 2 gümüş, 1 bürünc), atletika (1 qızıl, 2 gümüş), kikboksinq (3 qızıl, 5 gümüş, 7 bürünc), üzgüçülük (1 qızıl, 1 gümüş, 1 bürünc), 3X3 basketbol (1 qızıl, 1 gümüş), stend atıcılığı (1 qızıl, 1 gümüş), ağırlıqqaldırma (1 gümüş, 3 bürünc), həndbol (1 gümüş), karate (1 qızıl, 2 gümüş, 3 bürünc), para-oxatma (2 bürünc), para-stolüstü tennis (1 bürünc), voleybol (1 bürünc) və futbolda (1 bürünc) əldə edib.

"İslamiadada eyni rəqib üzərində ikinci dəfə qələbə qazandım. Rəqib iki dəfə xəbərdarlıq almışdı. Üçüncü xəbərdarlığı da ala bilərdi. Bəlkə də fərdi yarış olduğu üçün bir az zəif çıxış edirdim".

YAZTV-nin verdiyi xəbərə görə, bunu jurnalistlərə açıqlamasında V İslam Həmrəyliyi Oyunlarının ikiqat mükafatçısı Elmar Qasımov deyib.

Bakıda keçirilmiş IV İslam Həmrəyliyi Oyunlarında indi məşqçi işləyən Elxan Məmmədova uduzaraq gümüş medal qazanmış Qasımov bu dəfə də finalda uduzub. Bununla belə, 100 kq çəki dərəcəsində çıxış edən cüdoçu komanda yarışında qızıl medala sahib çıxıb. Olimpiya, dünya və üçqat Avropa mükafatçısı komanda yarışında daha çox güc ortaya qoyduğunu bildirib:

"Komanda yarışında çox həyəcanlı idim. Həm də meydan sahibi Türkiyəyə qarşı mübarizə aparırdıq. Onlara dəstəyin çox olması normaldır. Cüdoçularımız cırmaq-cırmaq finala gəldilər və mən də məsuliyyət hiss etdim. Sanki rəqibə xəbərdarlıq vermək istəmirdilər. Buna baxmayaraq, qələbə qazandım. Komanda yarışında özümü çox güclü hiss edirdim. Uşaqlara baxdım və motivasiya aldım, onlara görə belə güləşdim. Bu çıxışım fikirləşdiyimdən daha yaxşı oldu".

O bildirib ki, İslamiadaya ehtiyat heyətlə gəldiklərindən, komanda yarışında üçüncü olsalar belə, heç kim onları qınamayacaqdı: "Üçüncü yer də bizim üçün yaxşı nəticə olardı. Rəqib yığmalarda əsas heyət üzvləri çox idi. Amma bütün güclərini ortaya qoydular və bacardıqlarından artığını etdilər. Bu səbəbdən çempion olduq. Türkiyə də ən güclü heyətlə mübarizə aparırdı".

"Viktoriya"nın şanslarını nisbətən yüksək qiymətləndirirəm. "Şerif"də olduğu kimi, "Qarabağ"ın heyətində də 8-9 əcnəbi çıxış edir ki, onların bəziləri fərdi keyfiyyətləri yüksək olan futbolçulardır. Plzen təmsilçisi komanda işi ilə yenidən uğur qazana bilər. Hər şeyi oyun göstərəcək".

YAZTV-nin məlumatına görə, bunu "Neftçi"nin sabiq futbolçusu Zdenek Folprext Bakıda "Qarabağ" və Çexiyanın "Viktoriya" (Plzen) komandası arasında keçiriləcək UEFA Çempionlar Liqasının pley-off mərhələsinin ilk oyunu barədə danışarkən deyib.

Çexiyalı yarımmüdafiəçi bildirib ki, qonaqları Azərbaycan paytaxtında yalnız matçın keçiriləcəyi Tofiq Bəhramov adına Respublika stadionu təəccübləndirə bilər: "Bu, olduqca qədim arenadır. Stadionda qaçış cığırları və elə də yaxşı olmayan paltardəyişmə otaqları var. Azərbaycan millisi Almaniyaya qarşı ev oyununu da burada keçirib. Azarkeşlər orada yaxşı atmosfer yarada bilirlər. Fikrimcə, matçın Respublika stadionuna salınmasının əsas səbəblərindən biri budur".

"Qarabağ" – "Viktoriya" matçı saat 20:45-də başlayacaq. Cavab görüşü avqustun 23-də Plzendə olacaq.

Qeyd edək ki, Zdenek Folprext 2017-ci ildə icarə əsasında "Neftçi"də çıxış edib.

İspaniyanın "Real Madrid" klubu futbolçusu Antonio Blankonu icarəyə verib.

YAZTV Madrid təmsilçisinin rəsmi saytına istinadən xəbər verir ki, 22 yaşlı yarımmüdafiəçi cari mövsüm "Kadis"də çıxış edəcək.

İspaniyalı oyunçunun icarə müddəti 2023-cü ilin yayında başa çatacaq.

Qeyd edək ki, Antonio Blanko "Real Madrid"in yetirməsidir.

UEFA Avropa Liqasında bu gün pley-off mərhələsinə start veriləcək.

YAZTV xəbər verir ki, 10 oyunun hamısı eyni gündə olacaq.

Türkiyənin turnirdəki təmsilçilərindən "Sivasspor" İsveçrədə "Malmö"nün, "Fənərbağça" isə Avstriyada "Austriya" (Vyana) komandasının qonağı olacaq.

"Qarabağ"ın UEFA Çempionlar Liqasında mübarizədən kənarlaşdırdığı "Sürix" İsveçrədə "Harts"ı, "Ferentsvaroş" isə Macarıstanda İrlandiyanın "Şemrok Rovers" klubunu qəbul edəcək.

UEFA Avropa Liqası
pley-off mərhələsi, ilk oyunlar
18 avqust

20:00. HİK (Finlandiya) - "Silkeborq" (Danimarka)
20:30. "Ferentsvaroş" - "Şemrok Rovers" (İrlandiya)
21:00. "Sürix" (İsveçrə) - "Harts" (Şotlandiya)
21:00. "Malmö" (İsveç) - "Sivasspor" (Türkiyə)
21:00. "Apollon" (Kipr) - "Olimpiakos" (Yunanıstan)
21:00. "Pünik" (Ermənistan) - "Şerif" (Moldova)
21:45. "Lüdoqorets" (Bolqarıstan) - "Jalgiris" (Litva)
22:00. "Dnepr-1" (Ukrayna) - AEK (Larnaka, Kipr)
22:30. Gent (Belçika) - Omoniya (Kipr)
23:00. "Austriya" (Vyana, Avstriya) - "Fənərbağça" (Türkiyə)

Qeyd edək ki, cavab qarşılaşmaları avqustun 25-də olacaq.

Tokiodakı Olimpiada və Paralimpiadanın Təşkilat Komitəsinin keçmiş rəhbəri Haruyuki Takahaşi böyük məbləğdə rüşvət almaqda şübhəli bilinərək həbs edilib.

Bu barədə “YAZTV” NHK telekanalına istinadən xəbər verir.

İyulun sonunda prokurorluq nümayəndələri Takahaşinin evində axtarış aparıblar. Bundan əlavə, axtarış Tokio Olimpiadasının sponsorlarının seçilməsi prosesinə cəlb edilmiş və rəhbərlərdən birinin Takahaşinin olduğu “Dentsu” şirkətinin baş ofisində aparılıb.

Tokio Oyunlarının Təşkilat Komitəsinin keçmiş rəhbəri 45 milyon yen (ovaxtkı məzənnə ilə 400 min dollar, indiki ilə 330 min dollar) rüşvət almaqda şübhəli bilinir. İstintaq hesab edir ki, Takahaşinin rəhbərlik etdiyi şirkət bu məbləği Olimpiadanın sponsorlarından alıb.

Təşkilat Komitəsinin direktoru, dövlət qulluqçusu kimi, Cinayət Məcəlləsinə uyğun olaraq, işi ilə bağlı fəaliyyətinə görə mükafat ala bilməz. Bu, Beynəlxalq Olimpiya Komitəsi tərəfindən də qadağandır.

Takahaşi bütün bunları inkar edir. O israr edir ki, konsaltinq xidmətlərinin xarakteri Olimpiadaya deyil, bütövlükdə idmana aid idi.

İspaniyanın "Real Madrid" klubu futbolçusu Antonio Blankonu icarəyə verib.

YAZTV Madrid təmsilçisinin rəsmi saytına istinadən xəbər verir ki, 22 yaşlı yarımmüdafiəçi cari mövsüm "Kadis"də çıxış edəcək.

İspaniyalı oyunçunun icarə müddəti 2023-cü ilin yayında başa çatacaq.

Qeyd edək ki, Antonio Blanko "Real Madrid"in yetirməsidir.

Azərbaycanın sərbəst güləşçisi Cəbrayıl Qadjiyev Bolqarıstanın paytaxtı Sofiyada keçirilən U-20 dünya çempionatında final görüşünə çıxıb.

YAZTV-nin məlumatına görə, 74 kq-da yer alan idmançı qızıl medal uğrunda qarşılaşmada yaponiyalı Ryunosuke Kamiya ilə üz-üzə gəlib.

Rəqibini "tuşe" ilə məğlub edən Qadjıyev fəxri kürsünün ən yüksək pilləsinə qalxıb.

Qeyd edək ki, daha əvvəl sərbəst güləşçilərdən Kənan Heybətov (70 kq) qızıl, Zirəddin Bayramov (65 kq) isə gümüş medal əldə edib.

FIFA Braziliya və Argentina yığmaları arasında 2022-ci il dünya çempionatının seçmə oyunu ilə bağlı əvvəlki qərarını ləğv edib.

YAZTV Argentina Futbol Federasiyasının (AFF) rəsmi saytına istinadən məlumatına görə, yarımçıq dayandırılmış görüş yenidən keçirilməyəcək.

Həmçinin, AFF 150 min İsveçrə frankı məbləğində cərimələnib. Məbləğin bir hissəsi koronavirus pandemiyası ilə mübarizəyə dəstək məqsədilə Ümumdünya Səhiyyə Təşkilatına köçürüləcək.

Qeyd edək ki, Braziliya - Argentina oyunu start fitindən cəmi 4 dəqiqə sonra dayandırılıb və qonaqlar meydanı tərk ediblər. Bu, meydana yerli polis və miqrasiya xidməti əməkdaşlarının daxil olmasından sonra olub. Onlar Emiliano Martines, Emiliano Buendia, Lo Çelso və Kristian Romeronu deportasiya etmək istəyiblər. Həmin futbolçular 10 günlük karantinə əməl etmədən Braziliyaya daxil olublar.