Sunday, 29 Yanvar 2023 16:34
Yeni Azərbaycan Televiziyası
Bakı
İstanbul
Moskva
FHN: Gəncədə zəlzələ olması ilə bağlı bəzi KİV-də yayılmış xəbərlər həqiqətə uyğun deyil

FHN: Gəncədə zəlzələ olması ilə bağlı bəzi KİV-də yayılmış xəbərlər həqiqətə uyğun deyil

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Fövqəladə Hallar Nazirliyi (FHN) Böhran Vəziyyətlərində İdarəetmə Mərkəzinə daxil olan məlumata əsasən, yanvarın 28-də saat 22:14-də Naxçıvan seysmik stansiyasından 108 km cənub-qərbdə, İran İslam Respublikasının Xoy şəhərində 10 km dərinlikdə 6,2 maqnituda zəlzələ qeydə alınıb.

FHN-dən YAZTV-ə bildirilib ki, Zəlzələ Naxçıvan Muxtar Respublikası ərazisində 5-3 bala qədər hiss olunub.

“İlkin məlumata əsasən, zəlzələ nəticəsində Naxçıvan Muxtar Respublikası ərazisində hər hansı dağıntı və ya tələfat qeydə alınmayıb.

Həmçinin bəzi kütləvi informasiya vasitələrində bu gün axşam saat 22:15 radələrində Gəncə şəhəri istiqamətində 3 bala yaxın zəlzələnin qeydə alınması barədə yayılmış məlumat həqiqətə uyğun deyil”, - deyə FHN-nin məlumatda qeyd olunur.

Göygöldə inşa edilmiş növbəti kəhriz sakinlərin istifadəsinə verilib 

Göygöldə inşa edilmiş növbəti kəhriz sakinlərin istifadəsinə verilib 

Göygöl rayonu Mollacəlilli kəndində Koreya Beynəlxalq Əməkdaşlıq Agentliyi (KOICA) və Birləşmiş Millətlər Təşkilatının Miqrasiya Agentliyi olan Beynəlxalq Miqrasiya Təşkilatının (BMqT) birgə inşa edilmiş kəhrizin və qurulmuş su təchizatı sisteminin açılış mərasimi keçirilib.

Açılışda Göygöl Rayon İcra Hakimiyyətinin başçısı Elvin Paşayev, Beynəlxalq Miqrasiya Təşkilatının Azərbaycan nümayəndəliyinin Resursların idarəedilməsi şöbəsinin müdiri Gülnarə Hümbətova, baş mühəndisi Arzu Musayev, xarici əlaqələri üzrə məsul şəxs Elnarə Qafarova və Mollacəlilli kənd sakinləri iştirak ediblər.

Çıxış edən Elvin Paşayev kəhrizin tikintisində əməyi olan hər kəsə minnətdarlığını bildirib və istifadəyə verilən kəhrizin Mollacəlilli kənd sakinlərinin suya olan tələbatına dəstək olacağını xüsusi vurğulayıb. Diqqətə çatdırılıb ki, yeraltı suları yer səthinə çıxarmaq üçün istifadə olunan qurğulardan – kəhrizlərdən istifadə iqtisadi baxımdan daha səmərəlidir. Ona görə ki, heç bir elektrik enerjisi sərf edilmədən əhali öz axarı ilə fasiləsiz olaraq içməli və suvarma suyu ilə təmin olunur.

Kənd sakinləri kəhrizin çəkilişində əməyi olan hər kəsə təşəkkür ediblər.

 

Bakıda qar yağacaq

Bakıda qar yağacaq

Havanın temperaturu 10-12° aşağı enərək gecə 1-3° şaxta, gündüz 0 dərəcəyə yaxın olacaq

Bakıda qar, sulu qar yağacaq.

YAZTV xəbər verir ki, bu barədə Milli Hidrometeorologiya Xidmətinin ölkə ərazisində hava şəraitinin dəyişəcəyi haqqında etdiyi xəbərdarlıqda bildirilir.

Bakıda və Abşeron yarımadasında bir neçə gün davam edən nisbətən mülayim hava şəraitindən sonra yanvarın 8-dən başlayaraq hava şəraitinin dəyişəcəyi, yağıntılı olacağı, sulu qar, qar yağacağı gözlənilir. Şimal-şərq küləyi yanvarın 7-si axşamdan 9-u gündüzədək yarımadanın bəzi yerlərində arabir güclənəcək.

Havanın temperaturu ötən günlərlə müqayisədə 10-12° aşağı enərək, gecə 1-3° şaxta, gündüz 0 dərəcəyə yaxın olacaq. Yanvarın 8-i axşamdan 12-dək yolların buz bağlaması ehtimalı var.

Azərbaycanın rayonlarında bir neçə gün davam edən nisbətən mülayim hava şəraitindən sonra yanvarın 7-si axşam şimal və qərb rayonlarından başlayaraq 12-dək ölkə ərazisində hava şəraitinin dəyişəcəyi, yağıntılı olacağı, sulu qar, qar yağacağı gözlənilir. Ayrı-ayrı yerlərdə intensivləşəcəyi ehtimalı var.

Şimal-şərq küləyi 7-si axşamdan 9-u gündüzədək bəzi yerlərdə arabir güclənəcək.

Havanın temperaturu ötən günlərlə müqayisədə 10-12° aşağı enərək gecə 2-6° şaxta, gündüz isə 2° şaxtadan 3°-dək isti, dağlıq rayonlarda isə gecə 10-15° şaxta, gündüz 5-8° şaxta olacaq.

Gözlənilən yağıntılı və şaxtalı hava şəraiti ilə əlaqədar yolların buz bağlama ehtimalı var.

Prezidentin Mətbuat Xidmətinin məlumatı

Prezidentin Mətbuat Xidmətinin məlumatı

Yanvarın 28-də İran İslam Respublikasının Prezidenti Seyid İbrahim Rəisi Azərbaycan Respublikasının Prezidenti İlham Əliyevə zəng edib.

Telefon danışığı əsnasında Prezident Seyid İbrahim Rəisi Azərbaycan Respublikasının Tehrandakı səfirliyinin mühafizə xidmətinin rəhbəri Orxan Əsgərovun həlak olması ilə bağlı Prezident İlham Əliyevə və mərhumun ailəsinə başsağlığını ifadə edib və yaralananların tezliklə şəfa tapmasını arzulayıb.

Prezident İlham Əliyev Azərbaycan Respublikasının Tehrandakı səfirliyinə qarşı törədilmiş terror aktını şiddətlə qınadığını bildirib, bu qanlı terror aktının hərtərəfli araşdırılacağına və cinayətkarların layiqli cəzalarını alacaqlarına ümidvar olduğunu qeyd edib. Həmçinin Prezident İlham Əliyev istintaqın şəffaf şəkildə aparılmasının vacibliyini vurğulayıb.

Dövlətimizin başçısı səfirliyin digər mühafizə əməkdaşının əliyalın şəkildə terrorçunun üzərinə atıldığını, qorxmaz və çevik hərəkətləri ilə onu tərk-silah etdiyini bildirib.

Prezident İlham Əliyev terrorçu tərk-silah olunmasaydı, səfirliyin digər əməkdaşlarını və onların səfirlik binasının mənzillər bölməsində yaşayan ailə üzvlərini də hədəfə alacağının istisna edilmədiyini deyib.

Dövlətimizin başçısı diplomatik nümayəndəliklərin təhlükəsizliyinin təmin olunmasının vacibliyini vurğulayıb.

DYP hava şəraitinin kəskin dəyişməsi ilə bağlı hərəkət iştirakçılarına bir daha müraciət edib

DYP hava şəraitinin kəskin dəyişməsi ilə bağlı hərəkət iştirakçılarına bir daha müraciət edib

Bakı Şəhər Dövlət Yol Polisi İdarəsi hava şəraitinin kəskin dəyişməsi ilə bağlı sürücülərə və hərəkət iştirakçılarına müraciət edib.

İdarənin baş inspektoru polis mayoru Araz Əsgərli YAZTV-ə açıqlamasında deyib ki, yanvarın 8-dən Bakıda və Abşeron yarımadasında hava şəraitinin kəskin dəyişəcəyini nəzərə alaraq sürücülər nəqliyyat vasitələrinin texniki sazlığına diqqət yetirməlidirlər.

“Təkərlərin qış mövsümünə uyğunluğu, şüşə silkəclərinin, xüsusilə əyləc sistemlərinin sazlığına diqqət yetirməklə avtomobillərin idarə edilməsini tam təhlükəsiz şəraitdə, ara məsafəsini gözləməklə, sürət həddinə ciddi nəzarət etməklə idarə etsinlər. Bir daha sürücülərimizdən hava şəraitinə uyğun olaraq nəqliyyat vasitəsinin tam sazlığını diqqətdə saxlamağı xahiş edirik. Digər hərəkət iştirakçıları, əsasən də piyadalar əlverişsiz hava durumuna görə təhlükəsizlik qaydalarına daha ciddi əməl etməli, özlərinin və başqalarının həyatını təhlükəyə atmamalıdırlar”, - deyə baş inspektor əlavə edib.

Baş Dövlət Yol Polisi İdarəsindən bildirilib ki, Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, yanvarın 8-dən başlayaraq 12-dək Bakıda və Abşeron yarımadasında, eləcə də respublikanın dağlıq və dağətəyi rayonlarında sulu qar, qar yağacağı və bəzi yolların buz bağlayacağı gözlənilir.

İdarə verilən proqnozla əlaqədar sürücülərə müraciət edərək ehtiyatlı olmağı, dağlıq və dağətəyi ərazilərdə sulu qar və qar yağma nəticəsində nəqliyyat vasitələrinin sürüşmə ehtimalının daha çox olmasını nəzərə alaraq şinləri qış mövsümünə uyğun olmayan avtomobillərdən mümkün qədər həmin ərazilərdə istifadə etməməyi, küləkli havaya görə avtomobillərini ağacların, iri reklam lövhələrinin, aşma yaxud qopma ehtimalı olan digər əşyaların yaxınlığında və ya altında saxlamamağı, meteoroloji şəraitə uyğun sürət həddi seçməyi, nəqliyyat vasitələrinin şüşəyuyanları və şüşə silgəclərinin müəyyən edilmiş rejimdə işləməsini yoxlamağı, həmçinin zərurət olmadan yollarda qəfil manevrlər və kəskin tormozlama hərəkətləri etməməyi xahiş edib.

Qeyd edək ki, yanvarın 8-dən başlayaraq ölkədə hava şəraitinin kəskin dəyişəcəyi gözlənilir

Nazir Rəşad Nəbiyev Tovuzda vətəndaşlarla görüşəcək

Nazir Rəşad Nəbiyev Tovuzda vətəndaşlarla görüşəcək

Rəqəmsal inkişaf və nəqliyyat naziri Rəşad Nəbiyev 12 yanvar 2023-cü il tarixində saat 10:00-da Tovuz şəhərində yerləşən Heydər Əliyev Mərkəzi (ünvan: Tovuz şəhəri, M.Əzizbəyov küçəsi 1) Qazax, Ağstafa, Tovuz, Şəmkir, Gədəbəy və Daşkəsən rayonlarının sakinlərini qəbul edəcək.

Nazirlikdən YAZTV-a bildirilib ki, qəbul mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda yanvar ayı üzrə vətəndaşları qəbulu cədvəlinə əsasən həyata keçiriləcək.

Nazir bu bölgələrdə göstərilən nəqliyyat, telekommunikasiya, o cümlədən internet, teleradio yayımı və poçt xidmətləri sahəsində əhalini maraqlandıran məsələlərlə bağlı vətəndaşları dinləyəcək.

Qəbula yazılmaq üçün 11 yanvar 2023-cü il tarixinə qədər Rəqəmsal İnkişaf və Nəqliyyat Nazirliyinin Çağrı mərkəzi (1655) və elektron poçtu (This email address is being protected from spambots. You need JavaScript enabled to view it.), 010 2504848 və 012 598 58 58 (daxili 222 və 290) nömrəli telefonlar vasitəsilə müraciət etmək mümkündür.

Daşkəsənin icra başçısı Əhəd Abıyev Quşçu kəndində vətəndaş qəbulu keçirib

Daşkəsənin icra başçısı Əhəd Abıyev Quşçu kəndində vətəndaş qəbulu keçirib

Yanvarın 11-də Azərbaycan Respublikasının Prezidenti cənab İlham Əliyevin tapşırığına əsasən təsdiq olunmuş qrafikə uyğun Daşkəsən Rayon İcra Hakimiyyətinin başçısı Əhəd Abıyevin Quşçu kəndində keçirdiyi vətəndaşların səyyar qəbulunda rayonun hüquq-mühafizə orqanlarının, idarə, müəssisə, xidmət sahələrinin rəhbərləri, ərazi icra nümayəndəsi, bələdiyyə sədri və kənd sakinləri havanın güclü qarlı və yüksək şaxtalı olmasına baxmayaraq, mütəşəkkil formada iştirak ediblər.
İcra başçısı Əhəd Abıyev sakinləri salamladıqdan sonra giriş nitqi ilə çıxış edərək bildirib:


- Azərbaycan Respublikasında 2023-cü ilin “Heydər Əliyev İli” elan edilməsi ilə bağlı Daşkəsən Rayon İcra Hakimiyyəti tərəfindən də Tədbirlər Planı təsdiq edilərək rayon ərazisində icrasına başlamışıq. Ümummilli Lider Heydər Əliyevin siyasi kursunun ən layiqli davamçısı Prezident cənab İlham Əliyevin adı ölkəmizin ərazi bütövlüyünü bərpa edən sərkərdə, Azərbaycanın Vətən müharibəsində qazandığı möhtəşəm zəfərin müəllifi, qalib lider kimi tariximizə qızıl hərflərlə yazıldı. Bundan sonra da möhtərəm Prezidentimiz cənab İlham Əliyev müdrik rəhbərliyi ilə ölkəmizi daha böyük uğurlu qələbələrə aparacaq və respublikamızın gələcək inkişafına öz layiqli töhfələrini verəcəkdir.


Çıxışında Əhəd Abıyev 2022-ci ildə Respublika üzrə Daşkəsən rayonunun əldə etdiyi mühüm uğurlu nəticəsini də diqqətə çatdırıb: “Daşkəsən rayonunda 2022-ci ildə möhtərəm Prezident cənab İlham Əliyevin Fərman və Sərəncamlarından, Dövlət Proqramlarından irəli gələn tələb və tapşırıqlar 98 faiz icra olunaraq Daşkəsən rayonu Respublikada ilin qalibi kimi birinci yerə yüksəlmişdir. Möhtərəm Prezidentimiz cənab İlham Əliyevi bir daha əmin edirik ki, 2023-cü ildə də məsuliyyətlə və yüksək keyfiyyətlə Dövlət Proqramlarında qarşıya qoyulan tapşırıq və tövsiyələri vaxtında icra edəcəyik”.


İcra başçısı həmçinin Quşçu kənd sakinləri ilə əvvəlki illərdə dəfələrlə görüşdüyünü və həmin görüşlərdə qaldırılan məsələlərin həlli istiqamətində müvafiq işlərin görüldüyünü qeyd edib. Vurğulayıb ki, ötən dövrlərdə Quşçu kəndində tam müasir tələblərə cavab verən 360 şagird yerlik yeni məktəb binası tikilmiş, uşaq bağçası əsaslı təmir edilmiş, kəndə gələn mərkəzi yol asfaltlanmış, əhalinin içməli su və elektrik enerjisi ilə fasiləsiz təminatı sahəsində problemlər aradan qaldırılmış, ərazi qazlaşdırılmış, sosialyönümlü, xüsusilə turizmlə bağlı layihələr icra olunmuş və kənd sakinlərin böyük əksəriyyəti “AzerGold” QSC-nin Çovdar filiz emalı sahəsində daimi işlə təmin edilmişlər.


Sonra Əhəd Abıyev kənd sakinləri və şəhid ailələri ilə söhbət edərək onların gündəlik qayğıları və problemləri ilə maraqlanıb. Bildirib ki, şəhid ailələrinə və qazilərə ərzaq sovqatlarının verilməsi, göstərilən hər cür maddi və mənəvi köməkliklər mütəmadi olaraq davam etdiriləcəkdir. Şəhid ailələrinin üzvləri və qazilər dövlət tərəfindən onlara verilən yüksək dəyəri qeyd ediblər.


Qəbulda iştirak edən kənd sakinləri Daşkəsən rayonunda görülən abadlıq, quruculuq işlərini, vətəndaşlara olan həssas səmimi münasibəti razılıq hissi ilə söyləyərək onlara göstərilən diqqət və qayğıya görə Prezident cənab İlham Əliyevə və Birinci vitse-prezident hörmətli Mehriban xanım Əliyevaya minnətdarlıqlarını bildiriblər.

 

Bakıda və Abşeron yarımadasında çovğun olacağı ehtimalı var

Bakıda və Abşeron yarımadasında çovğun olacağı ehtimalı var

Yanvarın 8-dən başlayaraq 12-dək Bakıda və Abşeron yarımadasında hava şəraitinin dəyişəcəyi, yağıntılı olacağı, sulu qar, qar yağacağı gözlənilir. Şimal-şərq küləyi əsəcək, yanvarın 7-si axşamdan 10-u gündüzədək arabir güclənəcək. Yanvarın 8-i gündüzdən 10-u gündüzədək arabir çovğun olacağı ehtimalı var.

Ekologiya və Təbii Sərvətlər Nazirliyinin Milli Hidrometeorologiya Xidmətindən YAZTV-ə verilən məlumata görə, havanın temperaturu ötən günlərlə müqayisədə 10-12° enərək gecə 1-3° şaxta, gündüz 0 dərəcəyə yaxın olacaq. Yanvarın 8-i axşamdan 12-dək yolların buz bağlayacağı ehtimalı var.

Yanvarın 8-dən başlayaraq 12-si səhərədək ölkə ərazisində hava şəraitinin dəyişəcəyi, yağıntılı olacağı, sulu qar, qar yağacağı, ayrı-ayrı yerlərdə intensivləşəcəyi ehtimalı var. Şimal-şərq küləyi əsəcək, yanvarın 7-si axşamdan 10-u gündüzədək arabir güclənəcək. Çovğun olacağı ehtimalı var. Havanın temperaturu ötən günlərlə müqayisədə 10-12° enərək gecə 2-6° şaxta, gündüz 2° şaxtadan 2°-dək isti, dağlıq rayonlarda isə gecə 10-15°, gündüz 5-8° şaxta olacaq. Yollar buz bağlayacaq.

Bakıda beşmərtəbəli binada yanğın olub

Bakıda beşmərtəbəli binada yanğın olub

Bakıda beşmərtəbəli binada yanğın olub.

YAZTV Fövqəladə Hallar Nazirliyinə istinadla xəbər verir ki, Nəsimi rayonunda beşmərtəbəli yaşayış binasının üçüncü mərtəbəsində ümumi sahəsi 63 kvadratmetr olan mənzilin 1 otağında qapı və qismən ev əşyaları yanıb.

Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

Azərbaycan Texnologiya Universitetində “Açıq qapı” günü keçirilib

Azərbaycan Texnologiya Universitetində “Açıq qapı” günü keçirilib

 “Açıq qapı” günündə universitetdə təhsil alan tələbələrin valideynləri payız semestrinin qış imtahan sessiyası ilə yaxından tanış olublar.

Əvvəlcə Azərbaycan Texnologiya Universitetin rektor əvəzi dos. Yaşar Ömərov valideynləri qəbul edərək onları imtahanların təşkili barədə məlumatlandırıb. Bildirib ki, Elm və Təhsil Nazirliyinin müvafiq əmrinə əsasən universitetdə İmtahan Qərargahı və Appelyasiya Komissiyası yaradılıb. İmtahanların şəffaf və obyektiv keçirilməsi üçün zəruri tədbirlər görülüb. Bütün korpuslarda təklif və müraciətlər qutusu yerləşdirilib. Y.Ömərov imtahan prosesinin uğurla davam etdiyini bildirib. Məlumat verib ki, 3300 dən çox tələbənin təhsil aldığı Azərbaycan Texnologiya Universitetində qış imtahanlarına 30 dekabrdan start verilib. 1 fevral tarixinədək davam edəcək imtahanlar test və yazılı qaydada keçirilir. Gün ərzində 700 tələbə imtahanlarda iştirak edir. Nəticələr elə həmin gün elan olunur.

Qəbul zamanı valideynlərin fikir və təklifləri də dinlənilib.

Daha sonra valideynlər imtahan zallarını və auditoriyalarını gəzərək imtahanların gedişatını izləyiblər. Kodlaşdırma otağında olaraq yoxlama prosesinin necə şəffaf, obyektiv və sürətli həyata keçirildiyini müşahidə ediblər.

FHN qızıl emalı zavodundakı yanğınla bağlı məlumat yayıb

FHN qızıl emalı zavodundakı yanğınla bağlı məlumat yayıb

Fövqəladə Hallar Nazirliyinin (FHN) “112” qaynar telefon xəttinə Gədəbəy rayonunun Arıqdam kəndində qızıl emalı zavodunda yanğın baş verməsi barədə məlumat daxil olub. Məlumatla əlaqədar dərhal FHN-in Dövlət Yanğından Mühafizə Xidməti Gədəbəy Rayon Yanğından Mühafizə Hissəsinin qüvvələri hadisə yerinə cəlb edilib.

FHN-dən YAZTV-ə bildiriblər ki, hadisə yerində əməliyyat şəraiti qiymətləndirilərkən yanğının mis-qızıl zavodunun platasiya sexində baş verdiyi məlum olub.

Əməliyyat şəraitinə uyğun olaraq yanğınsöndürənlər tərəfindən həyata keçirilmiş operativ tədbirlər sayəsində yanğın genişlənməsinə imkan verilmədən qısa müddətdə söndürülüb.

Yanğın nəticəsində ümumi sahəsi 2100 kvadratmetr olan platasiya sexinin yüngül metal konstruksiyalardan ibarət üzlük hissəsi 180 kvadratmetr sahədə, pres filter avadanlığının yanar hissələri, mühərriklər, nasos avadanlıqları, elektrik kabelləri və elektrik panelləri yanıb.

Sexin qalan hissəsi yanğından mühafizə olunub.

"Müharibə veteranı" adı və vəsiqəsinin verilməsi prosesi mərhələli şəkildə icra olunur

"Müharibə veteranı" adı və vəsiqəsinin verilməsi prosesi mərhələli şəkildə icra olunur

Müdafiə Nazirliyinin Aparatı nəzdində fəaliyyət göstərən "Veteran adlarının və müvafiq vəsiqələrinin verilməsi üzrə komissiya" tərəfindən Vətən müharibəsi iştirakçılarından təqdim olunan 84423 nəfərin adı Əmək və Əhalinin Sosial Müdafiəsi Nazirliyinin "Zəfər" altsisteminə daxil edilib.


YAZTV xəbər verir ki, Hazırda qeyd olunan komissiyanın üzvlərinin müvafiq qurumlarla birgə sistemə adları daxil edilən vətəndaşlara "Müharibə veteranı" vəsiqələrinin verilməsi prosesi Bakı şəhəri və respublikamızın digər bölgələrində mərhələli şəkildə həyata keçirilir.


Bildiririk ki, Müdafiə Nazirliyinin Aparatı nəzdində fəaliyyət göstərən komissiya tərəfindən bu günədək "Müharibə veteranı" adı və vəsiqəsinin verilməsi üçün təqdim olunan 4300 nəfərin məlumatlarının dəqiqləşdirilməsi məqsədilə əlavə zəruri sənədlər tələb olunduğuna görə yenidən baxılması üçün geri qaytarılıb, 1042 nəfərə isə Azərbaycan Respublikası Nazirlər Kabinetinin 216-cı nömrəli qərarının tələblərinə zidd olduğuna görə imtina verilib.
Bundan başqa 1188 nəfər vətəndaşın sənədləri Əmək və Əhalinin Sosial Müdafiəsi Nazirliyinin "Zəfər" altsisteminə daxil edilməsi üçün aidiyyəti komissiyaya yeni təqdim olunub.
Qeyd edək ki, "Müharibə veteranı" adının verilməsi təsdiq olunan və adları “Zəfər” altsisteminə daxil edilən vətəndaşlara Azərbaycan Respublikası Prezidentinin aylıq təqaüdünün (80 AZN) təyin edilməsi və 2022-ci ilin yanvar ayının 1-dən hesablanaraq ödənilməsi təmin olunacaq.