Sunday, 29 Yanvar 2023 17:31
Yeni Azərbaycan Televiziyası
Bakı
İstanbul
Moskva
Azərbaycan və Misir beynəlxalq terrorçuluğa qarşı birgə mübarizəni gücləndirir

Azərbaycan və Misir beynəlxalq terrorçuluğa qarşı birgə mübarizəni gücləndirir

Biz bu gün regional təhlükəsizlik məsələlərini müzakirə etdik, eyni zamanda, gələcəkdə təhlükəsizlik sahəsində əməkdaşlığı dərinləşdirmək üçün fikir mübadiləsi apardıq. Beynəlxalq terrorçuluğa qarşı birgə mübarizəmizi gücləndirmək qərarına gəldik, buna böyük ehtiyac var.

YAZTV xəbər verir ki, bu fikirləri Azərbaycan Respublikasının Prezidenti İlham Əliyev Misir Ərəb Respublikasının Prezidenti Əbdülfəttah Əs-Sisi ilə mətbuata bəyanatında söyləyib.

Dövlətimizin başçısı deyib ki, çünki beynəlxalq terrorçuluq bütün dünya üçün böyük təhdiddir və bu təhlükəyə qarşı ancaq səylərin birləşdirilməsi nəticəsində uğurla mübarizə aparmaq mümkün olacaq.

Ramil Orucov: Azərbaycanın geoiqtisadi strategiyası regiona yalnız sülh və inkişaf gətirəcək

Ramil Orucov: Azərbaycanın geoiqtisadi strategiyası regiona yalnız sülh və inkişaf gətirəcək

Yanvarın 16-20-də İsveçrənin Davos şəhərində 53-cü Dünya İqtisadi Forumunda qlobal məsələlər – iqlim dəyişiklikləri, iqtisadi çağırışlar, ərzaq qıtlığı probleminə qarşı mübarizə kimi mövzular müzakirə olundu. Rəsmi beynəlxalq təşkilat statusunda və beyin mərkəzi formatında həyata keçirilən mötəbər forum çərçivəsində ölkə Prezidentimiz cənab İlham Əliyevin görüşləri, eyni zamanda “Avrasiya Orta dəhlizi: Yoldan magistrala” mövzusunda panel iclasında qlobal çağırışlara əsaslanan çıxışı dünya ictimaiyyəti tərəfindən maraqla qarşılandı.

Bu fikirləri açıqlamasında YAP Gəncə şəhər təşkilatının sədri Ramil Orucov bildirib. O, qeyd edib ki, Prezident cənab İlham Əliyevin rəhbərliyi ilə Azərbaycanın uğurları, qlobal təşəbbüsləri, dünya dövlətləri arasında tutduğu layiqli mövqe, malik olduğu yüksək status beynəlxalq aləmdə söz sahibi olması dünya dövlətlərinin diqqət mərkəzindədir. Bu gün ölkəmizin region və dünya ölkələrinin ortaq əməkdaşlıq və fayda mərkəzinə çevirilməsi də məhz dövlət başçımızın apardığı siyasətin nəticəsidir. Ölkənin əvəzsiz əhəmiyyətə malik dəniz limanlarının və yollarının yaradılması, dəhlizlər diplomatiyası, dəmir yollarının, inkişaf etmiş milli hava limanı şəbəkəsinin yaradılması Azərbaycanın qısa müddət ərzində keçdiyi böyük inkişaf yolundan, əldə etdiyi çoxsaylı və irimiqyaslı uğurlarından xəbər verir.

Dövlət başçımız Forum çərçivəsində “Avrasiya Orta Dəhlizi: Yoldan magistrala” mövzusunda panel iclasında Azərbaycanın enerji və resurslar nəql edən, bütün iştirakçı ölkələrə ortaq fayda gətirə bilən yeni regional konfiqurasiyanı yaratmaq təşəbbüsünə qlobal dəstək verilməsinə diqqət çəkib. Bir daha Azərbaycanın milli maraqlarına, dünya iqtisadi sistemində ölkənin layiqli yerini təmin edilməsinə xidmət edən enerji-nəqliyyat dəhlizlərinin əhəmiyyəti rolunun günü-gündən artması vurğulanıb.

Panel iclasda Azərbaycan özünün Qərbində olan qonşuları Gürcüstan və Türkiyə, Şərqində isə Mərkəzi Asiya ilə gözəl münasibətlərə malik olduğunu söyləyən Azərbaycan Respublikasının Prezidenti cənab İlham Əliyev bildirib ki, Qərblə Şərq arasında təbii coğrafi bağlantıya malik olduğumuz üçün biz ötən illər ərzində nəqliyyat infrastrukturuna böyük sərmayə yatırmışıq. Əslində, Azərbaycanda bütün zəruri infrastruktur obyektləri daha çox yük qəbul etməyə hazırdır.

Ramil Orucov vurğulayıb ki, “Trans-Xəzər Beynəlxalq Nəqliyyat Dəhlizi” adı ilə də tanınan Orta dəhliz Çin-Qazaxıstan sərhədindən başlayır, Mərkəzi Asiya ölkələri və Xəzər dənizi üzərindən, daha sonra isə Azərbaycan, Gürcüstan, Türkiyə ərazisindən keçərək Avropaya qədər uzanır. Prezident cənab İlham Əliyev yüklərin Çindən Avropaya və Yaxın Şərqə daşınması üçün ən təhlükəsiz marşrut olan Orta Nəqliyyat Dəhlizi layihəsinin təşviqi və yük daşımalarının artırılması üçün “Dəhlizin rəhbər komitəsinin” təsis olunmasını təklif edib: “Bütün iştirakçı ölkələrin – Mərkəzi Asiya, Azərbaycan, Gürcüstan, Türkiyə, avropalı tərəfdaşların daxil olduğu rəhbər komitə, bir növ idarə heyəti, o cümlədən bütün nəqliyyat infrastrukturu yaradılmalıdır”.

Yeni dünya düzənində strateji geosiyasi qütbə çevrilən Azərbaycanın bütün zəruri infrastruktur obyektləri daha çox yük qəbul etməyə hazırdır. “Yükaşırma qabiliyyəti 15 milyon ton olan dəniz limanımız 25 milyon tona qədər genişlənəcək və artıq bunun üçün vəsait ayrılıb. Biz artıq Mərkəzi Asiyadan böyük həcmdə yükün istiqamətinin dəyişilməsini müşahidə edirik və bu, sadəcə, başlanğıcdır”,- deyə ölkə Prezidentimiz cənab İlham Əliyev qeyd edib.

Azərbaycanın yerləşdiyi region, Asiya və Avropa ölkələrini Xəzər və Qafqaz vasitəsilə birləşdirməsi beynəlxalq yükdaşımalar baxımından böyük əhəmiyyətə malikdir. Bu da Azərbaycanın yükdaşımalarda regional gücünün artmasına müsbət təsir göstərir. Bu gün Azərbaycanın onillər əvvəl uzaqgörənliklə yaratdığı logistik-kommunikasiya sistemi Avropa və Asiya qitələrini birləşdirməsi ölkəmizə böyük iqtisadi və siyasi uğurlar gətirməkdədir.

Ayrı-ayrı qitələri, parçalanmış dünyanı birləşdirməyə həyati ehtiyac duyan qlobal Davos Forumunun gündəmində nəzərlərin Orta dəhlizə – Azərbaycana yönəlməsi bir daha təsdiq etdi ki, müstəqil ölkəmizin strateji hədəfləri, geoiqtisadi strategiyası regiona yalnız sülh və inkişaf gətirəcək – deyə YAP Gəncə şəhər təşkilatının sədri Ramil Orucov qeyd edib.

Yeni reallıqlar, müasir çağırışlar yeni Qanunun hazırlanmasını zəruri etdi

Yeni reallıqlar, müasir çağırışlar yeni Qanunun hazırlanmasını zəruri etdi

Pərvin Kərimzadə,

Yeni Azərbaycan Partiyasının İdarə Heyətinin üzvü, Milli Məclisi deputatı

Artıq qüvvədən düşmüş “Siyasi partiyalar haqqında” Azərbaycan Respublikasının Qanunu 30 il bundan əvvəl – 1992-ci il 3 iyun tarixində qəbul edilmişdir. Ötən 30 il ərzində ölkəmizin ictimai-siyasi həyatında, siyasi münasibətlərdə köklü dəyişikliklər baş verib.  Bu günədək əvvəlki Qanuna 27 dəfə əlavə və dəyişiklik edilib. Sözsüz ki, Qanun qəbul olunduğu dövrün reallığını əks etdirirdi. Azərbaycan dövlət müstəqilliyini yenicə bərpa etmişdi, o zamanın hədəfləri tamamilə fərqli idi. Təbii ki, dünyada cərəyan edən proseslər, yeni reallıqlar, müasir çağırışlar “Siyasi partiyalar haqqında” yeni qanunun hazırlanmasını zəruri edirdi. Çoxpartiyalı sistemin daha möhkəm əsaslar üzərində qurulması, demokratik ənənələrin təminatçısı olan siyasi dialoqun inkişaf etdirilməsi yeni qanunun hazırlanmasına təkan verdi.

Qeyd edək ki, “Siyasi partiyalar haqqında” yeni qanun layihəsinin hazırlanması, müzakirəyə çıxarılması və təsdiqlənməsi ölkəmizdə aparılan siyasi islahatların davamı və zamanın tələbi idi. Hazırlanan yeni qanun layihəsinin dövrün tələblərinə cavab verməsi üçün Milli Məclis tərəfindən ölkədə fəaliyyət göstərən siyasi partiyalara öz təkliflərini bildirmələri üçün müraciət edildi. Beləliklə, 47 siyasi partiyanın 250-dən çox təklifi əsasında hazırlanan yeni qanun layihəsi Azərbaycanda həyata keçirilən islahatlar fonunda formalaşan yeni siyasi sistemin tələblərinə cavab verəcək mütərəqqi bir sənəd oldu. Sənədin ictimai əhəmiyyəti nəzərə alınaraq Qanun layihəsi ilə bağlı siyasi partiyaların, qeyri-hökumət təşkilatlarının, politoloqların və media nümayəndələrinin iştirakı ilə Milli Məclisdə 2 ictimai dinləmə keçirilmişdir.

“Siyasi partiyalar haqqında” yeni qanun layihəsinin hazırlanması zamanı ictimai rəyin öyrənilməsi xüsusi ilə diqqət mərkəzində saxlanılıb. “Siyasi partiyalar haqqında” qanun layihəsində ictimai müzakirələrində həm parlamentdə təmsil olunan, həm təmsil olunmayan partiyaların iştirak etməsi, ictimai müzakirələr zamanı səsləndirdikləri fikirlərin, təkliflərin sənəddə öz əksini tapması siyasi partiyaların daha səmərəli fəaliyyət göstərməsinə zəmin yaradır. Yeni Qanunda siyasi partiyanın anlayışı, partiyaların təsis edilməsi və ləğvinin əsasları, qeydiyyata dair tələblər, partiyanın maliyyələşməsi, dövlət tərəfindən maliyyə yardımı, ianələrlə bağlı məsələlər və digər məqamlar əksini tapır. Eyni zamanda, siyasi partiyalara sənədlərin toplanması ilə bağlı verilən müddət artırılıb, partiyanın təsis edilməsi, qeydiyyatı, sənədlərin yoxlanılması ilə bağlı rəqəmlər azaldılıb.

Yeni Qanun “Normativ hüquqi aktlar haqqında” Azərbaycan Respublikasının Konstitusiya Qanunun tələblərinə tam cavab verir. “Siyasi Partiyalar haqqında” yeni qanun  Azərbaycanda mövcud siyasi sistemin daha da təkmilləşməsinə xidmət göstərəcək. Bu qanun  Azərbaycanda həyata keçirilən islahatlar fonunda formalaşan yeni siyasi sistemin tələblərinə cavab verəcək mütərəqqi bir sənəd olacaq

Hacı Tahir Abbasovun Azərbaycanın Qərb bölgəsindəki dindarları adından bəyanatı

Hacı Tahir Abbasovun Azərbaycanın Qərb bölgəsindəki dindarları adından bəyanatı

Qafqaz Müsəlmanları İdarəsinin Qazılar Şurasının üzvü, Qərb bölgəsi üzrə Qazi, İmamzadə ziyarətgahının imamı Hacı Tahir Abbasovun Azərbaycanın Qərb bölgəsindəki dindarları adından

Bəyanatı

2023-cü il yanvarın 27-də Azərbaycan Respublikasının İran İslam Respublikasındakı səfirliyinə silahlı hücum ölkəmizin Qərb bölgəsindəki dindarların narahatlığına və böyük hiddətinə səbəb olub. Dindarlar Azərbaycanın Tehrandakı səfirliyinə terror hücumu zamanı şəhid olmuş mühafizə xidmətinin rəisi Orxan Əsgərovun ailəsinə, yaxınlarına və xalqımıza dərin hüznlə başsağlığı verir, onun şəhid olması ilə qəhrəman Gəncənin daha bir övladının şəhadətə yetişdiyini bildiririk. Eyni zamanda hücum zamanı xəsarət almış şəxslərə Allahdan şəfa diləyirik.

Biz, Azərbaycan dövlətinə qarşı törədilmiş terroru qətiyyətlə pisləyir və İran tərəfindən tələb edirik ki, baş vermiş cinayətin ədalətli araşdırılmasını təmin etsin.

Azərbaycan Respublikasının Səfirliyinə qarşı törədilmiş bu qanlı hadisə Vyana Konvensiyasının kobud şəkildə pozulması ilə yanaşı Azərbaycana növbəti təzyiq kampaniyasının tərkib hissəsidir. Çünki İrandakı mövcud rejim Azərbaycanın 44 günlük Vətən müharibəsindəki ədalətli qələbəsi ilə hələ də barışmaq, bölgədəki yeni reallıqları qəbul etmək istəmir və terrora, erməni terrorçularına dəstəyini davam etdirir. 

Adının qarşısında “İslam” sözü yazılmış İran, İslamın müqəddəs prinsiplərinə zidd olaraq, 30 ilə yaxın bir müddətdə işğalçı Ermənistanı dəstəkləyib, müsəlmanlara qarşı soyqırımı törətmiş, İslam dininə aid müqəddəs məkanlarda vandalizm aktı həyata keçirmiş cinayətkar ermənilərə lazımi köməkliklər göstərmiş, bu köməyini davam etdirməkdədir və cinayətkarla qardaşlaşdığını bəyan edir. Bu isə istər İslamın prinsiplərinə, istərsə də beynəlxalq qanunlara ziddir və haqlı olaraq müsəlmanların kəskin etirazlarına səbəb olur.

İranın fars-şovinist rejimi isə erməni cinayətkarları dəstəkləməklə yanaşı

bəşəri dəyərlərə, sivil münasibətlərə və beynəlxalq hüquq normalarına zidd olan çirkin metodlarla Azərbaycana yenidən təzyiq göstərmək, onu güzəştə məcbur etmək və müstəqil siyasətindən döndərməyə çalışır. Amma İranın bu çirkin məqsədlərinin reallaşması mümkünsüzdür.

Bəyan edirik ki, İranın Azərbaycana qarşı çirkin kampaniyası, hətta rəsmi səviyyədə hədə-qorxuları və terror aksiyalarına əl atması Azərbaycanı, onun qalib xalqını, Müzəffər Ali Baş Komandanını haqq yolundan döndərə bilməyəcəkdir!

Biz dindarlar İranın rəhbər şəxslərindən bir daha tələb edirik ki, Azərbaycana qarşı çirkin kampaniyaya, terror aktlarına, terrorçulara dəstəyinə, ölkəmizin daxili işlərinə müdaxiləsinə son qoysun və Tehrandakı səfirliyimizdə törədilmiş terror aktını planlaşdıranların və icraçılarının məsuliyyətə cəlbini və layiqli cəza almalarını təmin etsin!

Uca Allahın adı ilə, Gəncə dindaları adından Hacı Tahir Abbasov

 

28 Yanvar 2023.

Ramil Orucov: Dünya İqtisadi Forumu ölkəmizin dünya siyasi arenasında layiqli yer tutmasının nümayişi oldu

Ramil Orucov: Dünya İqtisadi Forumu ölkəmizin dünya siyasi arenasında layiqli yer tutmasının nümayişi oldu

Yola saldığımız həftənin ən önəmli hadisəsi Azərbaycan Respublikasının Prezidenti cənab İlham Əliyevin İsveçrənin Davos şəhərində keçirilən Dünya İqtisadi Forumunun illik toplantısında iştirakı və İsveçrəyə səfəri çərçivəsində keçirdiyi çoxsaylı görüşlər, Çinin CGTN (China Global Television Network) televiziya kanalına müsahibəsi olub.

Bu fikirləri YAP Gəncə şəhər təşkilatının sədri Ramil Orucov bildirib. O, qeyd edib ki, ölkə başçımızın forumda növbəti dəfə fəal iştirakı, orada səsləndirdiyi fikirlər və çoxsaylı görüşləri geniş maraq doğurmaqla yanaşı, Azərbaycanın sosial-iqtisadi inkişafının, həyata keçirilən siyasi və iqtisadi islahatların beynəlxalq ictimaiyyətə təqdimatı baxımından çox faydalı oldu.

Hər il Davos Dünya İqtisadi Forumunda təmsil olunan Azərbaycan artıq bu forumun nüfuzlu üzvlərindən birinə çevrilib. Azərbaycan üçün uğurlu olan son Davos Forumunda Cənubi Qafqaz regionunda reallaşdırılan strateji layihələrin əsas təşəbbüskarı və mərkəzi aktoru kimi fərqlənən ölkəmizdə görülən genişmiqyaslı, çoxşaxəli işlər, qlobal layihələr, əməkdaşlıq əlaqələrinin genişləndirilməsi dünya ictimaiyyətinin diqqət mərkəzində oldu. Beynəlxalq ictimaiyyət Azərbaycanın dünyanın və Avropanın enerji təhlükəsizliyinin təminatında mühüm rol oynadığına, bu ölkədə investisiya mühitinin çox müsbət olduğuna, xarici və yerli sərmayələrin lazımınca qorunduğuna bir daha əmin oldu.

Azərbaycan Prezidenti cənab İlham Əliyev Çinin CGTN televiziya kanalına müsahibəsində Dünya İqtisadi Forumunda müzakirə olunan ən mühüm mövzulardan biri olan enerji böhranı və təhlükəsizliyi, eləcə də bərpaolunan enerji məsələlərinə diqqət çəkib. Dövlətimizin başçısı qeyd edib ki, biz enerji təhlükəsizliyinə gedən yolun başlanğıcında yaxşı sərmayə mühiti yaratmışıq və hətta ixrac marşrutlarına malik olmadan neft-qaz sahəsinə çoxmilyardlı investisiyalar cəlb etməyə nail olmuşuq: “Biz ilkin sərmayələri cəlb edərkən kəmərlərimiz yox idi. Kəmərlər sonra inşa olundu. Bu kəmərləri inşa etmək üçün biz tranzitorlarla, qonşularımızla razılaşmalı idik. Biz hər kəs üçün uduşlu bir vəziyyət yaratmalı idik, ədalətli olmalı idik, əməkdaşlığa və dəstəyə hazır olmalı idik. Mən enerji siyasətimizdə hər zaman demişəm ki, Azərbaycan istehsalçı olaraq tranzit dövlətlər və istehlakçılar arasında balansı qoruyacaq. Balans olmasa, bu iş uğursuz olacaq. Enerji prosesinin hər bir hissəsinin sözsüz ki, töhfədən asılı olaraq öz mənfəət payı olmalıdır, bu, ədalətli olmalıdır. Biz hər zaman ədalətli olmuşuq. Ona görə də, biz 2 il bundan əvvəl Bakıdan Cənubi Avropaya gedən 3500 kilometr uzunluğunda Cənub Qaz Dəhlizinin tikintisini tamamladıq. Onun bir hissəsi dənizin altından, bir hissəsi yüksək dağlıq ərazidən keçir, bu, 7 ölkəni, 10-dan çox şirkəti, aparıcı maliyyə institutlarını – Dünya Bankını, Avropa Yenidənqurma və İnkişaf Bankını, Asiya İnfrastruktur və İnvestisiya Bankını, Avropa İnvestisiya Bankını və Asiya İnkişaf Bankını əhatə edən texniki cəhətdən çox mürəkkəb və çox bahalı layihədir. Beş aparıcı maliyyə institutunun hamısı buna öz töhfəsini verib.”

Sözsüz ki, Azərbaycanın əlverişli coğrafi vəziyyəti, iqtisadi potensialı və digər amillər ölkəmizin geosiyasi çəkisini daha da artırıb. Azərbaycanın artan nüfuzu, regionda söz sahibi olması və qüdrətlənməsi dünyanın aparıcı siyasi və iqtisadi dairələri tərəfindən birmənalı təsdiq edilib.

Ramil Orucov onu da qeyd edib ki, qlobal problemlərin işıqlandırılması və çağırışların edilməsi baxımından ən uğurlu platforma – Davos forumu zamanı Çinin CGTN televiziya kanalına müsahibəsi zamanı ölkə başçımızın sözü imzası qədər qüvvətli və dəyərli olduğunu da bir daha vurğulandı. Prezident cənab İlham Əliyevin rəhbərliyi ilə həyata keçirilən uğurlu, səmərəli daxili və xarici siyasət həm Azərbaycanın yüksəlişi və inkişafında, milli maraqların qorunmasında, həm də ölkəmizin dünya siyasi arenasında layiqli yer tutmasında öz ifadəsini tapıb. Dövlət başçımızın həyata keçirdiyi siyasət Azərbaycanın güclü, bütün məsələlərlə bağlı öz prinsipial mövqeyi olan, müstəqil siyasi iradə nümayiş etdirən ölkə kimi tanınmasını şərtləndirib.

“Siyasi həyatımda heç vaxt olmayıb ki, mən söz verim və arxasında dayanmayım. Verdiyim bütün sözlər yerinə yetirilib. Digər tərəfdən, mən çox söz vermirəm, çünki nəticəni nümayiş etdirməyi üstün tuturam”. Bu sözləri söyləyən cənab İlham Əliyev dünya iqtisadiyyatında geriləmə, tənəzzül və böhran müşahidə edildiyi bir vaxtda Azərbaycanda dayanıqlı iqtisadi, sosial sistem, inkişafın milli modelini yaradıb. 44 günlük Vətən müharibəsində Azərbaycan xalqının Ali Baş Komandanın ətrafında sıx birləşərək milli birlik nümayiş etdirməsi bunun ən bariz nümunəsidir. Məhz, Azərbaycan xalqının Lideri – dövlət başçısi cənab İlham Əliyevin rəhbərliyi ilə ölkəmiz Avropanın enerji xəritəsini əhəmiyyətli dərəcədə dəyişdirməyi bacarmış bir dövlətə çevrilib.

Dünyanın böyük dövlətlərinin liderlərinin də mütəmadi olaraq iştirak etdikləri, geosiyasi və geoiqtisadi çəkisi ilə seçilən Dünya İqtisadi Forumunda Azərbaycan Lideri cənab İlham Əliyevin fəal iştirakı, maraqlı və strateji əhəmiyyət kəsb edən mülahizələrlə zəngin çıxışları, keçirdiyi çoxsaylı və yüksək səviyyəli işgüzar görüşləri ölkəmizin daha parlaq inkişafına töhfə oldu – deyə YAP Gəncə şəhər təşkilatının sədri Ramil Orucov vurğulayıb.

Bu qanun siyasi mühitdə müsbət dönüş yaradacaq

Bu qanun siyasi mühitdə müsbət dönüş yaradacaq

Ramil Orucov,

YAP Gəncə şəhər təşkilatının sədri

Azərbaycan Respublikasının Prezidenti cənab İlham Əliyevin 11 yanvar 2023-cü il tarixində imzaladığı müvafiq Fərmanla “Siyasi partiyalar haqqında” yeni Qanunun qəbul edilməsi Azərbaycanda həyata keçirilən islahatların növbəti təzahürüdür.

Yeni inkişaf mərhələsinə qədəm qoyan ölkəmizdə 30 il bundan əvvəl – 1992-ci il iyunun 3-də qəbul edilmiş Qanunun təkmilləşdirilməsi zərurəti yaranıb. “Siyasi partiyalar haqqında” yeni Qanun layihəsinin hazırlanması zamanı Milli Məclisin tarixində ilk dəfə olaraq komitə iclasına çıxarılmazdan əvvəl sənəd parlamentin saytında rəy və təkliflərin bildirilməsi üçün yerləşdirilib, ictimai rəy sorğusu keçirilib, siyasi partiyaların, qeyri-hökumət təşkilatlarının, politoloqların və media nümayəndələrinin iştirakı ilə ictimai dinləmələr təşkil olunub.

Demokratiyanın başlıca göstəricisi olan çoxpartiyalılıq institutunu təkmilləşdirməyə, milli birliyi möhkəmləndirməyə, partiyalararası dialoqun inkişafına xidmət edən yeni qanunda diqqət çəkən məqamlar siyasi mədəniyyətin keyfiyyətcə yeni mərhələyə keçdiyindən xəbər verir.

6 fəsil, 30 maddədən ibarət yeni qanunun qəbulundan sonra hər kəs bərabər şəkildə siyasi partiya yaratmaq və ya mövcud siyasi partiyaya daxil olmaq hüququna malikdir. Dövlət qeydiyyatdan keçmiş bütün siyasi partiyaların sərbəst fəaliyyətinə təminat verilir. Əsas məqamlardan biri dövlət büdcəsinin vəsaiti hesabına siyasi partiyalara maliyyə yardımı göstərilməsidir. Həmçinin, qanunla nəzərdə tutulmuş hallar istisna olmaqla, dövlət və yerli özünüidarəetmə orqanlarının, vəzifəli şəxslərin siyasi partiyaların fəaliyyətinə müdaxiləsinə yol verilmir. Azərbaycan Respublikasının Konstitusiyasını və Azərbaycan Respublikasının qanunlarını pozan siyasi partiyaların fəaliyyətinə yalnız məhkəmə qaydasında xitam verilə bilər. Siyasi partiyanın dövlət qeydiyyatı, fəaliyyətinin dayandırılması və ləğvi ilə bağlı mübahisələrə apellyasiya məhkəməsi tərəfindən baxılır. Eyni zamanda, siyasi partiyaların müxtəlif məqsədlərlə təsis edilməsi və fəaliyyəti də qanunda öz əksini tapıb. Yeni qanun siyasi partiyaya ictimai-siyasi nəşrlərin, digər təbliğat və təşviqat materialların hazırlanması, satışı ilə bağlı sahibkarlıq fəaliyyəti ilə məşğul olmağa icazə verir. İcazə verilmiş sahibkarlıq fəaliyyətinin növləri ilə məşğul olmaq, həmçinin “Media haqqında” Azərbaycan Respublikasının Qanununa uyğun olaraq çap mediasını təsis etmək (çap mediasının iştirakçısı olmaq) üçün siyasi partiya təsərrüfat cəmiyyətləri yarada bilər və ya onlarda iştirak edə bilər.

Ölkəmizin siyasi sisteminin dayanıqlı və hərtərəfli inkişafı üçün yeni Qanun layihəsində Avropanın qabaqcıl ölkələrinin təcrübəsi, milli-mənəvi dəyərlərin qorunub saxlanması, ölkədə mövcud olan siyasi sistemin, Avropa Şurasının Venesiya Komissiyasının siyasi partiyaların fəaliyyətinin tənzimlənməsi ilə bağlı tövsiyələr nəzərə alınıb. Beləliklə, beynəlxalq standartlara cavab verən, siyasi partiyaların şəffaf və təkmilləşdirilmiş formada həyata keçirməsinə əlverişli şərait yaradan “Siyasi partiyalar haqqında” yeni Qanun ölkəmizin siyasi sistemin inkişafına və siyasi partiyaların fəaliyyətinə müsbət təsir göstərəcək.

İran səfiri Azərbaycan Xarici İşlər Nazirliyinə çağırılıb

İran səfiri Azərbaycan Xarici İşlər Nazirliyinə çağırılıb

Yanvarın 27-də İran İslam Respublikasının Azərbaycan Respublikasındakı səfiri Seyid Abbas Musəvi Azərbaycan Respublikasının İran İslam Respublikasındakı Səfirliyinə qarşı terror hücumu ilə əlaqədar olaraq Azərbaycan Respublikası Xarici İşlər Nazirliyinə (XİN) çağırılıb.

XİN-in mətbuat xidməti idarəsindən YAZTV-ə bildiriblər ki, görüşdə Azərbaycanın Tehrandakı Səfirliyinə qarşı törədilmiş silahlı basqının, terror aktının şiddətlə qınanıldığı, diplomatik nümayəndəliklərə qarşı bu kimi hücumların qəbuledilməz olduğu və “Diplomatik Münasibətlər haqqında Vyana Konvensiyası”ndan irəli gələrək nümayəndəliyin binasını hər cür hücumlardan qorumaq və onun əməkdaşlarının təhlükəsizliyinin təmin edilməsinin qəbul edən tərəfin vəzifəsi olduğu qarşı tərəfin diqqətinə çatdırılıb.

Bu xüsusda, İranın səlahiyyətli qurumları tərəfindən terror aktını törədən şəxsin tezliklə məsuliyyətə cəlb olunması, terror aktının hərtərəfli araşdırılması, cinayətin təşkili və törədilməsində əli olan digər iştirakçıların müəyyənləşdirilməsi və cəzalandırılması qətiyyətlə tələb olunub.

Görüşdə habelə, son zamanlar İranda ölkəmiz əleyhinə planlı şəkildə anti-Azərbaycan kampaniyasının aparılmasından təəssüf hissi keçirildiyi, baş verənlərin onsuz da mürəkkəb olan münasibətləri daha da gərginləşdirdiyi diqqətə çatdırılıb.

İran səfiri Seyid Abbas Musəvi Azərbaycan səfirliyinə qarşı baş verən silahlı hadisəni kəskin şəkildə pisləyərək baş verənlərdən dərin kədər hissi keçirdiyini, səfirlik əməkdaşının ailəsinə, eləcə də Azərbaycan hökumətinə və xalqına dərin hüznlə başsağlığı verdiyini bildirib.

Səfir görüşdə habelə İranın aidiyyəti səlahiyyətli qurumları tərəfindən dərhal hadisəyə reaksiya verildiyini, hazırda isə aidiyyəti hüquq-mühafizə orqanları tərəfindən məsələnin araşdırıldığı, ətraflı məlumatın istintaq prosesi başa çatdıqdan sonra ictimaiyyətə açıqlanacağını vurğulayıb.

Ramil Orucov: Azərbaycan bərpaolunan enerji sahəsində zəngin potensiala sahibdir

Ramil Orucov: Azərbaycan bərpaolunan enerji sahəsində zəngin potensiala sahibdir

Prezident cənab İlham Əliyevin yürütdüyü uğurlu xarici siyasət nəticəsində Azərbaycanın beynəlxalq aləmdə nüfuzu durmadan artır, ölkəmiz etibarlı tərəfdaşa çevrilir. Azərbaycanın Avropa ölkələri, Türk dünyası ilə olduğu kimi, müsəlman dünyası, o cümlədən ölkəmizin inkişafına, tərəqqisinə, beynəlxalq münasibətlər sistemindəki roluna, nüfuzuna yüksək qiymət verən ərəb dünyası ilə əlaqələri yeni inkişaf mərhələsinə qədəm qoyur.

Bu fikirləri açıqlamasında YAP Gəncə şəhər təşkilatının sədri Ramil Orucov bildirib. O, qeyd edib ki, Birləşmiş Ərəb Əmirlikləri Azərbaycanın dövlət müstəqilliyini tanıyan ilk dövlətlərdən biridir. Ərəb Dövlətləri Liqasının bütün üzv dövlətləri Azərbaycanın hazırda sədrlik etdiyi Qoşulmama Hərəkatının (QH) da üzvləridir. Azərbaycan bu təşkilat çərçivəsində də ərəb dövlətləri ilə geniş əməkdaşlıq imkanlarına malikdir. Ərəb ölkələri daim Azərbaycanın ərazi bütövlüyü və suverenliyinə öz dəstəyini ifadə ediblər. Yanvarın 16-da Prezident cənab İlham Əliyevin Birləşmiş Ərəb Əmirliklərinin Prezidentinin dəvəti ilə Əbu-Dabi Dayanıqlılıq Həftəsinin rəsmi açılış mərasimində iştirakı da ərəb dünyasının Azərbaycana, onun rəhbərinə olan yüksək ehtiramının göstəricisi idi. Dünyanın 150 ölkəsindən 30 minədək nümayəndənin iştirak etdiyi bu mötəbər beynəlxalq tədbirdə ölkəmizin təmsil olunması onun artan nüfuzunu bir daha təsdiq etdi.

Bu gün dünyada etibarlı tərəfdaşa çevrilən Azərbaycan zəngin neft-qaz potensialı ilə Avropanın enerji təhlükəsizliyində mühüm rol oynayır. Mühüm beynəlxalq layihələrin təşəbbüskarına çevrilən Prezident cənab İlham Əliyevin uğurlu enerji siyasəti nəticəsində ölkəmizin prioritetlərindən biri bərpaolunan enerji ilə bağlı yeni layihələrin həyata keçirilməsidir. Artıq bu sahədə Azərbaycanla BƏƏ arasında real əməkdaşlıq mövcuddur. Belə ki, ötən il təməli qoyulmuş “Qaradağ” Günəş-Elektrik Stansiyasını bu ölkənin “yaşıl enerji” sahəsində böyük təcrübəsi olan “Masdar” şirkəti inşa edir. Dünyanın nüfuzlu şirkətləri Azərbaycanın təşəbbüskar olduğu bu layihələrə sərmayə yatırırlar. Prezident cənab İlham Əliyevin Birləşmiş Ərəb Əmirliklərinə səfəri çərçivəsində bu istiqamətdə daha bir razılaşmanın şahidi olduq. “Masdar” və Azərbaycan Dövlət Neft Şirkəti 4 qiqavat gücündə külək və günəş enerjisi stansiyalarının yaradılmasına dair müqavilə imzaladılar. “Masdar” şirkəti ilə bağlanmış müqaviləyə əsasən, 4 min meqavat enerjinin istehsalı mümkün olacaq. Bu, Azərbaycan üçün geniş imkanlar deməkdir, çünki ölkəmiz hazırda 4 ölkəyə elektrik enerjisi ixrac edir. Eyni zamanda, “Masdar” ilə əməkdaşlıq Azərbaycanı yaşıl enerjinin çox mühüm ixrac mənbəyinə çevirəcəkdir. Bərpaolunan enerji ixracatını artırmasını nəzərdə tutan Azərbaycanda 2030-cu ilə qədər daxili istehlakın 30 faizi alternativ mənbələrdən əldə edilən enerji hesabına ödəniləcək. Azərbaycanda təbii qaz ixracı 2021-ci ildə bu 19 milyard kubmetr idisə, bu il 24 milyard kubmetrə çatdırılması nəzərdə tutulub.

Ramil Orucov vurğulayıb ki, Prezident cənab İlham Əliyevin həyata keçirdiyi uğurlu siyasət nəticəsində regionda sülhün, sabitliyin və təhlükəsizliyin təmin edilməsinə böyük töhfəsini verən Azərbaycanın hədəfi bərpaolunan enerjidir. Əbu-Dabi Dayanıqlılıq Həftəsinin açılış mərasimindəki çıxışında Prezident cənab İlham Əliyev, bildirib ki, biz bərpaolunan enerji mənbələrini öz enerji təhlükəsizliyimizin təmin olunması üçün inkişaf etdirmirik. Enerji təhlükəsizliyimizi hələ bir neçə il əvvəl təmin etmişik: “Bu gün Azərbaycan nəinki öz enerji tələbatlarını təmin edir, o cümlədən xam nefti, neft məhsullarını, təbii qazı, neft-kimya məhsullarını və elektrik enerjisini ixrac edir. Bərpaolunan enerji ilə bağlı proqramımız tamamilə fərqli gündəliyə malikdir. Birincisi, bu onunla bağlıdır ki, nəhəng potensial var. İkincisi, biz onun sayəsində ixracımızı şaxələndirəcəyik. Əlbəttə ki, nəticədə iqtisadiyyatımızın yeni ekoloji təmiz sektoru yaranacaq”.

44 günlük Vətən müharibəsində işğaldan azad olunmuş ərazilərimiz “yaşıl enerji” zonası elan edilib. Artıq Cəbrayıl rayonunda bp şirkəti ilə 240 MVt gücündə “Şəfəq” Günəş-Elektrik Stansiyasının istifadəyə verilməsi planlaşdırılır. Bütövlükdə, ölkəmizin beynəlxalq enerji şirkətləri ilə imzaladığı anlaşma memorandumları və sazişlər nəticəsində 22 qiqavata qədər külək və günəş enerjisini istehsal etmək mümkün olacaq.

“Bərpaolunan enerji sahəsində zəngin potensiala sahib olan Azərbaycanın “yaşıl enerji”nin mühüm ixrac mənbələrindən birinə çevrilməsində Əbu-Dabidə “Masdar” şirkəti ilə imzalanan sənədlər mühüm rol oynayacaq. Təbii ki, bərpaolunan enerji layihələr Azərbaycanın etibarlı tərəfdaş kimi böyük nüfuzundan xəbər verir”- deyə YAP Gəncə şəhər təşkilatının sədri Ramil Orucov qeyd edib.

“Siyasi partiyalar haqqında” yeni Qanun layihəsi Azərbaycanda siyasi münasibətlər sisteminə əvəzsiz töhfə verəcək

“Siyasi partiyalar haqqında” yeni Qanun layihəsi Azərbaycanda siyasi münasibətlər sisteminə əvəzsiz töhfə verəcək

“Siyasi partiyalar haqqında” qanun 1992-ci ildə qəbul olunub və bunun üzərindən 30 il keçib. Hazırda Azərbaycanın siyasi sistemində və bu sistemdə partiyaların fəaliyyətində ciddi yeniliklərin, irəliləyişlərin olduğunu nəzərə alaraq, qüvvədə olan qanun müasir dövlətimizin, cəmiyyətimizin inkişafına adekvat deyildi. Bu mənada, siyasi partiyaların fəaliyyətinin daha yüksək səviyyədə qurulmasında, genişlənməsində həmin qanun ciddi maneələr yaradırdı. Ona görə də, müasir inkişafın spesifikası və səviyyəsi nəzərə alınaraq, bu sahədə yeni qanunun hazırlanması zəruri idi. Doğrudur, indiyə qədər mövcud qanuna bir neçə dəfə dəyişikliklər edilib. Amma bu dəyişikliklər kifayət deyildi.

“Siyasi partiyalar haqqında” yeni Qanunun qəbul edilməsi ölkədə həyata keçirilən islahatların növbəti təzahürüdür. İslahatlar ölkəmizi yeni inkişaf mərhələsinə çıxarıb, Azərbaycanın dünya birliyindəki mövqeyini daha da möhkəmləndirib. İndiyədək həyata keçirilən islahatlar nəticəsində bütün sahələrdə qazanılan uğurlar özünü açıq şəkildə büruzə verir. Hazırda Azərbaycan yeni inkişaf mərhələsinə qədəm qoyub. Onu da qeyd etmək yerinə düşər ki, yeni qanun layihəsinin hazırlanması zamanı Venesiya Komissiyasının 2010-cu ildə qəbul etdiyi “Siyasi partiyaların fəaliyyətinin hüquqi tənzimlənməsi barədə vəziyyət”, Venesiya Komissiyasının və ATƏT-in Demokratik Təsisatlar və İnsan Hüquqları üzrə Bürosunun 2021-ci ildə qəbul etdiyi “Ukraynanın Siyasi partiyalar haqqında Qanununun layihəsinə dair birgə rəy”, inkişaf etmiş 24 ölkənin təcrübəsi, ölkədə fəaliyyət göstərən siyasi partiyalardan 47-sinin Milli Məclisə yazılı formada təqdim edilmiş 250-dən çox təklif, o cümlədən parlamentdə komitə və plenar iclaslarda deputatlar tərəfindən irəli sürülmüş 100-dən çox təklif nəzərə alınıb.

Yeni qanunun qəbulundan sonra hər kəs bərabər şəkildə siyasi partiya yaratmaq və ya mövcud siyasi partiyaya daxil olmaq hüququna malikdir. Dövlət qeydiyyatdan keçmiş bütün siyasi partiyaların sərbəst fəaliyyətinə təminat verilir. Həmçinin dövlət siyasi partiyaların təsis edilməsi və fəaliyyətlərinin həyata keçirilməsi üçün, hüquqlarına və qanuni mənafelərinə əməl olunmasına bərabər hüquqi şərait yaradılmasına təminat verir. Əsas məqamlardan biri dövlət büdcəsinin vəsaiti hesabına siyasi partiyalara maliyyə yardımı göstərilir. Qanunla nəzərdə tutulmuş hallar istisna olmaqla, dövlət və yerli özünüidarəetmə orqanlarının, vəzifəli şəxslərin siyasi partiyaların fəaliyyətinə müdaxiləsinə yol verilmir. Azərbaycan Respublikasının Konstitusiyasını və Azərbaycan Respublikasının qanunlarını pozan siyasi partiyaların fəaliyyətinə yalnız məhkəmə qaydasında xitam verilə bilər.

Daha bir demokratik xüsusiyyəti də qeyd etmək istərdim ki, siyasi partiyanın dövlət qeydiyyatı, fəaliyyətinin dayandırılması və ləğvi ilə bağlı mübahisələrə apellyasiya məhkəməsi tərəfindən baxılır. Eyni zamanda, siyasi partiyaların müxtəlif məqsədlərlə təsis edilməsi və fəaliyyəti də qanunda öz əksini tapıb əvvəlki qanundan fərqli olaraq, yeni qanun siyasi partiyaya ictimai-siyasi nəşrlərin, digər təbliğat və təşviqat materialların hazırlanması və satışı ilə bağlı sahibkarlıq fəaliyyəti ilə məşğul olmağa icazə verir. İcazə verilmiş sahibkarlıq fəaliyyətinin növləri ilə məşğul olmaq, həmçinin “Media haqqında” Azərbaycan Respublikasının Qanununa uyğun olaraq çap mediasını təsis etmək üçün siyasi partiya təsərrüfat cəmiyyətləri yarada bilər və ya onlarda iştirak edə bilər.

Ümumən qeyd etmək yerinə düşər ki, yeni qanun qanunvericilik sisteminə, siyasi təsisatlara yeni baxış və adekvat mənzərədir. Bütün sahələrdə olduğu kimi bu sahədə də görülən işlər tezliklə öz bəhrəsini verəcəkdir. Yeni qanun layihəsi Azərbaycanda siyasi münasibətlər sisteminə əvəzsiz tövfə verəcək, yeni qanun dövlətin siyasi partiyaların inkişafına olan yanaşmasını da, özündə əks etdirdiyi üçün eyni zamanda siyasi mədəniyyətin inkişafını daha da stimullaşdıracaqdır.


Prof. Azad Mustafa oğlu Bayramov
ADAU-nun İctimai Fənlər kafedrasının müdiri

Birinci vitse-prezident Mehriban Əliyeva ölkəmizin İrandakı səfirliyinə hücumla bağlı paylaşım edib

Birinci vitse-prezident Mehriban Əliyeva ölkəmizin İrandakı səfirliyinə hücumla bağlı paylaşım edib

Azərbaycan Respublikasının Birinci vitse-prezidenti Mehriban Əliyeva rəsmi instaqram səhifəsində ölkəmizin İrandakı səfirliyinə silahlı hücumla bağlı paylaşım edib.

YAZTV paylaşımı təqdim edir: “Bu gün Tehrandakı səfirliyimizə qarşı törədilmiş terror aktı zamanı həlak olmuş həmvətənimiz, baş leytenant Əsgərov Orxan Rizvan oğlunun doğmalarına və yaxınlarına dərin hüznlə başsağlığı verirəm. Allah rəhmət eləsin! Yaralıların tezliklə sağalması üçün dua edirəm. Uca Tanrı Azərbaycan xalqına yar olsun!”.

Azərbaycan və Birləşmiş Ərəb Əmirlikləri arasında münasibətlər mühüm siyasi, iqtisadi və strateji əhəmiyyətə malikdir

Azərbaycan və Birləşmiş Ərəb Əmirlikləri arasında münasibətlər mühüm siyasi, iqtisadi və strateji əhəmiyyətə malikdir

 

“Azərbaycan Prezidenti İlham Əliyevin  uğurlu xarici siyasəti nəticəsində ölkəmiz dünyada etibarlı tərəfdaş kimi qəbul olunur. Eyni zamanda, Azərbaycan dünya ölkələri ilə bərabərhüquqlu əsaslarla ikitərəfli münasibətlər qurmaqla dünyada dost və tərəfdaşlarının sayını əhəmiyyətli dərəcədə artırıb. Bu baxımdan, ərəb ölkələri ilə münasibətlərin inkişafı da xarici siyasətimizin prioritetləri sırasındadır. Prezident İlham Əliyevin Birləşmiş Ərəb Əmirliklərinə səfəri bu kontekstdə böyük əhəmiyyət kəsb edir”.

Bu fikirləri Milli Məclisin deputatı, YAP İdarə Heyətinin üzvü Pərvin Kərimzadə deyib. Deputatın sözlərinə görə,  Azərbaycanın ərəb dünyası ilə sıx münasibətləri mövcuddur. Ərəb ölkələri hər zaman  Azərbaycanın ərazi bütövlüyü və suverenliyinə öz dəstəyini də ifadə edib. Eyni zamanda, Ərəb Dövlətləri Liqasının üzv dövlətləri Azərbaycanın hazırda sədrlik etdiyi Qoşulmama Hərəkatının  da üzvləridir. 2020-ci ildə 44 günlük Vətən müharibəsi zamanı Ermənistanın havadarlarının təşəbbüsü ilə BMT Təhlükəsizlik Şurasında Azərbaycanın maraqlarına zidd sənəd hazırlansa da, məhz TŞ-ya üzv olan Qoşulmama Hərəkatının üzv dövlətlərinin prinsipiallığı nəticəsində həmin sənəd qəbul olunmadı. Ötən ay isə Ermənistanın havadarı olan Fransa Laçın yolu ilə bağlı BMT TŞ-da sənəd qəbuluna çalışdı. Amma həmin sənədin qəbulunun qarşısını alan ölkələrdən biri də Birləşmiş Ərəb Əmirlikləri oldu.   Prezident İlham Əliyev Əbu-Dabiyə səfəri çərçivəsində Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan ilə görüşündə bu məsələyə toxunub. Dövlətimizin başçısı Birləşmiş Ərəb Əmirliklərinin Azərbaycana göstərdiyi bu dəstəyin yüksək qiymətləndirildiyini, bunun dostluğun və qardaşlığın nümunəsi olduğunu vurğulayıb. Həmçinin, Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan Azərbaycana səfərə dəvət olunub. Ümumiyyətlə, görüşdə  iki dövlətin siyasi, iqtisadi, təhlükəsizlik və digər sahələrdə sıx əməkdaşlıq həyata keçirildiyi vurğulanıb.

P.Kərimzadə Prezident İlham Əliyevin Əbu-Dabi Dayanıqlılıq Həftəsinin açılış mərasiminə dəvət olunmasını dövlətimizin başçısının dünyada yüksək nüfuza sahib olmasının göstəricisi kimi dəyərləndirib: “Ümumiyyətlə, Əbu-Dabi Dayanıqlılıq Həftəsi dünyanın dayanıqlı inkişafının sürətləndirilməsini hədəfləyən beynəlxalq platformadır. Dayanıqlılıq Həftəsi bu məqsədə çatmaq üçün öz proqramını qlobal əməkdaşlıq və liderlik, iqtisadi inkişaf və texnologiya, eləcə də innovasiya üzrə həyata keçirir. Bu mötəbər beynəlxalq tədbirdə enerji məsələləri müzakirə olunur. Azərbaycan da platforma çərçivəsində öz imkanlarını dünyaya təqdim edir. 2008-ci ildə təsis olunan Əbu-Dabi Dayanıqlılıq Həftəsi planetimizin gələcəyində payı olan dövlət və hökumət başçılarını, siyasətçiləri, sənaye liderlərini, sərmayəçiləri, iş adamlarını və gəncləri aktual məsələlərin müzakirəsi üçün bir araya gətirir. Bu dəfəki Dayanıqlılıq Həftəsində dünyanın 150 ölkəsindən 30 minədək nümayəndə iştirak edir. Zəngin neft-qaz potensialı ilə Avropanın enerji təhlükəsizliyində mühüm rol oynayan Azərbaycan Prezident İlham Əliyevin uzaqgörən siyasəti nəticəsində bu sahədə imkanlarını daha da şaxələndirir və elektrik enerjisi, əsasən, yaşıl enerjinin önəmli təchizatçısına çevrilməyi planlaşdırır. Prezident İlham Əliyev Əbu-Dabi Dayanıqlılıq Həftəsinin rəsmi açılışında çıxışı zamanı ölkəmizin enerji siyasəti haqqında ətraflı məlumat verdi, eləcə də bu sahədə ölkəmizin imkanlarını təqdim etdi. Eləcə də, bu istiqamətdə ərəb şirkətləri əməkdaşlıq məsələləri vurğulanıb. Bütövlükdə, cənab Prezidentin Birləşmiş Ərəb Əmirliklərinə səfəri, eləcə də, Əbu-Dabi Dayanıqlılıq Həftəsinin rəsmi açılış mərasimində iştirakı Azərbaycanın dünya miqyasında nüfuzunun davamlı olaraq artmasının göstəricisidir”.

Azərbaycanın Abu-Dabi Dayanalıqlı Həftəsində iştirakı ikitərəfli əlaqələrin inkişafına təkan verir

Azərbaycanın Abu-Dabi Dayanalıqlı Həftəsində iştirakı ikitərəfli əlaqələrin inkişafına təkan verir

İslam dünyasının ayrılmaz tərkib hissəsi olan Azərbaycan Respublikasını Birləşmiş Ərəb Əmirliyi ilə bir sıra amillər bağlayır. Ortaq tarix, mədəniyyət və ənənələr xalqlarımız arasında mənəvi körpü rolunu oynayır. Səudiyyə Ərəbistanı ilə əməkdaşlığımız məhz Ulu Öndərin uzaqgörən xarici siyasəti nəticəsində bu gün ən yüksək səviyyəsinə çatıb. Ulu Öndər siyasətinin layiqli davamçısı olan Prezident İlham Əliyevin uğurlu diplomatik addımları nəticəsində bu əlaqələr yüksələn sürətlə inkişaf etməkdədir. Bu günədək, Azərbaycan Respublikası ilə Birləşmiş Ərəb Əmirliyi arasında əməkdaşlığa dair bir çox sənədlər imzalanıb.

Birləşmiş Ərəb Əmirliyi həmişə Ermənistanın təcavüzünə məruz qalan ölkəmizin ərazi bütövlüyünü dəstəkləmiş və bütün beynəlxalq tribunalarda problemin beynəlxalq hüquq normalarına uyğun olaraq həllini müdafiə etmişdir. 44 günlük müharibə zamanı rəsmi Ər-Riyad Azərbaycanın qanuni hüquqlarına dəstək mövqeyini bəyan edərək, münaqişənin BMT və İslam Əməkdaşlıq Təşkilatının müvafiq qətnamələrinə uyğun həllinə tərəfdar olduğunu bütün dünyaya çatdırmışdır.
Məlum olduğu kimi 2023-cü il yanvarın 16-da Birləşmiş Ərəb Əmirliklərinin paytaxtında Əbu-Dabi Dayanıqlılıq Həftəsinin rəsmi açılış mərasimi keçirilib. Dayanıqlılıq Həftəsi dünyanın dayanıqlı inkişafının sürətləndirilməsini hədəf alaraq, bu məqsədə çatmaq üçün öz proqramını üç prinsip - qlobal əməkdaşlıq və liderlik, iqtisadi inkişaf və texnologiya, eləcə də innovasiya üzrə həyata keçirir. Azərbaycan Respublikasının dövlət başçısı cənab İlham Əliyev tədbirdə iştirak edərək ikitərəfli əlaqələrə verdiyi önəmi ifadə etmişdir.

Sözsüz ki, Azərbaycanın bu mötəbər beynəlxalq tədbirə dəvət olunması Prezident İlham Əliyevin rəhbərliyi ilə sürətlə inkişaf edərək mühüm beynəlxalq layihələrin müəllifinə və təşəbbüskarına çevrilən ölkəmizin dünya miqyasında artan nüfuzunun göstəricisidir.

Neft-qaz yataqları ilə zəngin olan dövlətimiz Prezident İlham Əliyevin uzaqgörən siyasəti nəticəsində bu sahədə imkanlarını daha da şaxələndirir və elektrik enerjisi, əsasən, yaşıl enerjinin önəmli təchizatçısına çevrilməyə istiqamətlənir. Avropanın enerji təhlükəsizliyində mühüm rol oynayan Azərbaycanın 200 qiqavata yaxın bərpaolunan enerji potensialı ölkəni dünyanın diqqət mərkəzinə çevirmişdir. Bir il öncə, 2020-ci ilin yanvarında 240 MVt gücündə "Xızı-Abşeron" Külək Elektrik Stansiyasının, martda isə 230 MVt gücündə “Qaradağ” Günəş Elektrik Stansiyasının təməlinin qoyulması dövlətimizin zəngin potensialı nəticəsində əldə edilən uğurlara nümunədir. Onu da qeyd etsək yerinə düşər ki, “Qaradağ” Günəş Elektrik Stansiyası Birləşmiş Ərəb Əmirliklərinin bu sahədə tanınmış “Masdar” şirkəti tərəfindən inşa edilir. Bu hadisə bütövlükdə Azərbaycan – Birləşmiş Ərəb Əmirliyi münasibətlərinin yüksək səviyyədə olmasının göstəricisidir.

Bərpaolunan enerji sahəsində zəngin potensiala sahib olan ölkəmiz Prezident İlham Əliyevin uzaqgörən siyasəti nəticəsində bu istiqamətdə reallaşdırdığı layihələrlə enerji təhlükəsizliyinin təmin olunmasında mühüm aktor kimi öz fəaliyyətini durmadan genişləndirir.

Son zamanlar Azərbaycan və Birləşmiş Ərəb Əmirlikləri münasibətləri həyatın bütün sahələrində müsbət, normal axar ilə inkişaf edir. Şübhə yox ki, hər il dost, qardaş Səudiyyə xalqı özünün dövlət bayramını yeni uğurlarla qeyd edəcək. Qarşılıqlı münasibətlərin daha da güclənməsi Cənubi Qafqazda, Yaxın və Orta Şərqdə sülh və təhlükəsizlik işinə xidmət edəcəkdir.


Prof.A.M.Bayramov
ADAU-nun İctimai fənlər kafedrasının müdiri