Monday, 29 Noyabr 2021 03:40
Yeni Azərbaycan Televiziyası
Bakı
İstanbul
Moskva
Bitkoinin qiyməti 60 min dolları keçdi

Bitkoinin qiyməti 60 min dolları keçdi

Bitkoinin məzənnəsi bu ilin aprel ayından bəri ilk dəfə olaraq 60 min ABŞ dollarını keçib.

YAZTV xəbər verir ki, "CoinDesk"in məlumatlarına görə, kriptovalyutanın dəyəri 61 260 ABŞ dolları təşkil edir ki, bu da əvvəlki seansın sonundakı qiymətdən 6,5% çoxdur.

Kriptovalyuta şirkətləri 2013-cü ildən bəri bitkoinin qanuniliyini artırmaq və investorların sərmayə qoymasını asanlaşdıracaq qərarın qəbuluna çalışırlar.

Türkiyə Azərbaycandan əlavə 11 milyard kubmetr qaz alacaq - Nazir

Türkiyə Azərbaycandan əlavə 11 milyard kubmetr qaz alacaq - Nazir

Türkiyə 2024-cü ilin sonunadək Azərbaycandan əlavə təbii qaz həcmləri alacaq.

YAZTV-nin məlumatına görə, bunu Türkiyənin enerji və təbii ehtiyatlar naziri Fatih Dönməz deyib.

O bildirib ki, Türkiyə dünyada enerjiyə tələbatın artması fonunda bu müddətin öhdəsindən rahatlıqla gələcək:

"Azərbaycanla 2024-cü ilin sonuna qədər qüvvədə olan saziş imzalanıb. Sazişə əsasən Bakı-Tbilisi-Ərzurum qaz kəməri ilə 11 milyard kubmetr əlavə təbii qaz əldə olunacaq".

Türkiyəli nazir, həmçinin TPAO və BOTAŞ şirkətlərinin özəlləşdirilməsi məsələsinə də toxunaraq bu məsələnin gündəmdə olmadığını bildirib.

Azərbaycanda banklar dollar qəbulunu dayandırdı - SƏBƏB

Azərbaycanda banklar dollar qəbulunu dayandırdı - SƏBƏB

Hazırda ölkədə bir sıra banklar tərəfindən bankomatlar vasitəsilə dollar əsginasların qəbulu dayandırılıb.

YAZTV “oxu.az”a istinadən xəbər verir ki, buna səbəb dövriyyədə müəyyən miqdarda saxta 100 dollar əsginasların olmasıdır.

Saxta əsginasların təhlükəsizlik elementləri həqiqi valyuta vahidinə dəqiq olaraq bənzədilə bildiyindən bankomatlar tərəfindən saxta pullar müəyyən edə bilməyib.

Bu səbəbdən banklar saxta dollar əsginasların dövriyyəsinin qarşısını almaq üçün bankomatlar vasitəsilə onların qəbulunu dayandırıb. Prosesin iki həftə müddətinə dayandırıldığı məlumat verilib.

Məsələ ilə bağlı Azərbaycan Beynəlxalq Bankından bildirilib ki, müvafiq hüquq-mühafizə orqanlarından banka həqiqətən belə bir siqnalın daxil olduğu və müştərilərin maraqlarının qorunması üçün lazımi təhlükəsizlik tədbirlərinin görüldüyü bildirilib.

“Kapital Bank”ın İctimaiyyətlə əlaqələr şöbəsinin rəisi Pərviz Sədrəddinov isə hazırda Bankın bankomatlarında vendor tərəfindən proqram təminatının yenilənmələri həyata keçirilir. Onlar bu səbəbdən dolayı hazırda müvəqqəti olaraq dollar qəbulu dayandırdıqlarını təsdiqləyiblər:

“Qeyd edim ki, bu kimi yenilənmələr mütəmadi olaraq tətbiq olunur. Yaxın günlərdə dollar qəbulu yenidən aktiv olacaq”.

Məsələ ilə bağlı Mərkəzi Bankdan bildirilib ki, hazırda milli və xarici valyutada pul nişanlarının saxtalaşdırılmasına qarşı mübarizə çərçivəsində davamlı tədbirlər həyata keçirir və bu tədbirlər barədə mütəmadi olaraq kommersiya bankları, hüquq mühafizə orqanları və eləcə də ölkə ictimaiyyəti məlumatlandırılır:

“Hazırda dünyada sərbəst dönərli valyutaların, o cümlədən ABŞ dollarının geniş istifadəsi onların saxtalaşdırılması meyillərinin daha yüksək olmasını şərtləndirir və saxtakarlar üçün cəlbediciliyini artırır.

Müasir dövrdə rəqəmsal sistemlərin və yüksək texnologiyaların sürətli inkişafı isə pul nişanlarının saxtalaşdırılması imkanlarını, o cümlədən əhali üçün nəzərdə tutulmuş mühafizə elementlərinin, eləcə də nağd pul avadanlıqları, o cümlədən bankomatlar və terminallar tərəfindən müəyyən edilə bilən təhlükəsizlik sistemlərinin imitasiya imkanlarını genişləndirir.

Belə risklərdən sığortalanmaq üçün Mərkəzi Bank tərəfindən nağd pul avadanlıqlarının, emal sistemlərinin, nağd pul qəbul edən bankomat və terminalların xarici valyutada pul nişanlarının, o cümlədən ABŞ dollarının mühafizə elementlərinə uyğunlaşdırılmasının davamlı qiymətləndirilməsi və zəruri tədbirlərin görülməsi ilə bağlı kommersiya banklarına müvafiq tapşırıqlar verilir. (oxu az)

Eyni zamanda, Mərkəzi Bankda ekspertiza nəticəsində saxtalaşdırma əlamətləri müəyyən edilmiş ABŞ dollarları və onların ekspertiza rəyləri müvafiq istintaq tədbirlərinin aparılması, o cümlədən saxta pulların ölkəyə daxil olma mənbəyinin araşdırılması məqsədilə hüquq mühafizə orqanlarına təqdim edilir”.

Qeyd edilib ki, Mərkəzi Bank tərəfindən ilin doqquz ayı ərzində 271 ədəd milli və 125 ədəd xarici valyutada saxta pul nişanı aşkar olunaraq dövriyyədən çıxarılıb.

Mövcud qanunvericiliyə uyğun olaraq saxta pul nişanlarının tədavüldən çıxarılması, məhv edilməsi və bununla əlaqədar müvafiq tədbirlərin görülməsi qaydaları Mərkəzi Bankın İdarə Heyəti tərəfindən müəyyən edilir. Bununla əlaqədar olaraq, saxtalaşdırılmış pul nişanları müvafiq istintaq işlərinin aparılması məqsədilə hüquq mühafizə orqanlarına təqdim edilir və araşdırmalar yekunlaşdıqdan sonra qaytarılaraq Mərkəzi Bankda saxlanılır.

Hazırda bankomatlar vasitəsilə dollar qəbulunun dayandırılması saxta dollar əsginasların dövriyyəsinin artmasının qarşısını almağa yönəlib. Banklar tərəfindən bununla əlaqədar sistemdə yeniləmələr edilir.

Oktyabrın 18-nə USD/AZN rəsmi məzənnəsi

Oktyabrın 18-nə USD/AZN rəsmi məzənnəsi

Azərbaycan Mərkəzi Bankı (AMB) oktyabrın 18-nə olan USD/AZN rəsmi məzənnəsini açıqlayıb.

AMB-dən  bildirilib ki, bankın oktyabrın 18-dən etibarən USD/AZN rəsmi məzənnəsi 1,7000 manat səviyyəsində müəyyən olunub.

Azərbaycanda tullantıların təkrar emalından 82 milyon manat dəyərində məhsul istehsal edilib

Azərbaycanda tullantıların təkrar emalından 82 milyon manat dəyərində məhsul istehsal edilib

Azərbaycanda son 10 ildə tullantıların təkrar emalı çərçivəsində 81,9 milyon manat dəyərində məhsul istehsal edilib.

Bu barədə YAZTV-nin sorğusuna cavab olaraq Balaxanı Sənaye Parkından məlumat verilib.

Məlumata görə, Niderland, İsveçrə, ABŞ, Qazaxıstan, Gürcüstan, Rusiya və Belarus daxil olmaqla, 10,8 milyon manat dəyərində məhsul bir sıra xarici ölkələrə ixrac olunub: "Sənaye parkında 23 rezident rəsmi olaraq qeydiyyatdan keçib və buradakı müəssisələrdə tullantılar təkrar emala cəlb olunub, yaşıl məhsul istehsalının artırılması istiqamətində fəaliyyətlər genişləndirilib. Parkın fəaliyyəti dövründə rezidentlər tərəfindən bura 44,7 milyon manat investisiya qoyulub və 800-dən çox yeni iş yeri açılıb. Balaxanı Sənaye Parkında rezident kimi fəaliyyət göstərmək sahibkarlara bir sıra üstünlüklər qazandırır. Belə ki, müasir texnoloji yeniliklər tətbiq edilməklə dayanıqlı inkişaf prinsiplərinə və ətraf mühitin mühafizəsi standartlarına uyğun fəaliyyət göstərən rezidentlər 10 il müddətinə mənfəət, torpaq və əmlak vergisindən azad edilir. Eyni zamanda, istehsal məqsədi ilə idxal edilən texnoloji avadanlıqlar ƏDV-dən və idxal rüsumundan 7 il müddətinə azad olunur. Buranı fərqləndirən ən vacib xüsusiyyətlərdən biri bir istehsal sahəsinin tullantısının digər istehsal müəssisəsində xammal kimi istifadə olunmasıdır. Təkrar emal nəticəsində təbii resurslara və enerjiyə qənaət olunmasına ən yaxşı nümunə tullantıların zərərsizləşdirilməsi zamanı əldə edilən alternativ enerjinin sənaye parkında ehtiyacları ödəmə imkanıdır. Burada emal, istehsal və xidmət sahələrinin əlaqəli şəkildə vahid məkanda yerləşməsi iqtisadi səmərəlilik baxımından mühüm əhəmiyyət kəsb edir".

 

Qeyd edək ki, təkrar istehsal sahəsində sahibkarlar və potensial investorlar üçün əlverişli şərait yaratmaq məqsədi ilə Azərbaycan Respublikası Prezidentinin 28 dekabr 2011-ci il tarixli Sərəncamı ilə Balaxanı Sənaye Parkı yaradılıb. Sərəncamla İqtisadiyyat Nazirliyinin “Təmiz Şəhər” Açıq Səhmdar Cəmiyyəti Balaxanı Sənaye Parkının idarəedici təşkilatı təyin edilib. İlkin mərhələdə 7 hektar ərazini əhatə edən Sənaye Parkına marağın artması nəzərə alınaraq sahəsi 10,15 hektara çatdırılıb.

Pərviz Şahbazov: “Azərbaycan Türkiyə və Avropaya qaz tədarükünü artırmağı planlaşdırır”

Pərviz Şahbazov: “Azərbaycan Türkiyə və Avropaya qaz tədarükünü artırmağı planlaşdırır”

2022-ci ildə Azərbaycan Avropa və Türkiyəyə qaz ixracını 16 milyard kubmetrə qədər artırmağı planlaşdırır.

YAZTV xəbər verir ki, bunu Azərbaycanın energetika naziri Pərviz Şahbazov "Rusiya Enerji Həftəsi" çərçivəsində jurnalistlərə açıqlamasında deyib.

"Biz Türkiyəyə Avropa istiqamətində qaz tədarük edirik. Cənub Qaz Dəhlizi ilə 16 milyard kubmetr qaz tədarük etməyi planlaşdırılıb. Son nəticədə illik tədarükü 16 milyard kubmetr həcminə çatdıracağıq. Gələn il Türkiyə və Avropaya qaz ixracı tam həcmdə olacaq. Türkiyəyə 6 milyard kubmetr, Avropaya isə 10 milyard kubmetr qaz göndəriləcək”, - o bildirib.

Energetika naziri deyib ki, Azərbaycan 2023-cü ildən Türkiyəyə 3,5 milyard kubmetr həcmində əlavə qaz tədarükü barədə razılığa gəlib.

2021-ci ilin aprelində başa çatmış müqaviləyə əsasən, Türkiyə hər il Bakı-Tbilisi-Ərzurum boru xətti ilə Xəzərin Azərbaycan sektorundakı “Şahdəniz” qaz yatağından 6,6 milyard kubmetr qaz tədarük edirdi.

Azərbaycan qazı Türkiyəyə Cənubi Qafqaz Boru Kəməri və Trans-Anadolu Qaz Boru Kəməri (TANAP) vasitəsilə nəql edilir.

Bu çıxarışın verilməsi üçün rüsum tutulmayacaq

Bu çıxarışın verilməsi üçün rüsum tutulmayacaq

Milli Məclisin bu gün keçirilən plenar iclasında “Dövlət rüsumu haqqında” qanuna təklif edilən dəyişiklik birinci oxunuşda müzakirəyə çıxarılıb. 

YAZTV-nin məlumatına görə, layihəyə təklif olunur ki, "Torpaq islahatı haqqında” qanuna uyğun olaraq, ləğv edilmiş sovkoz və kolxozların özəlləşdirilən torpaqlarından pay almış, lakin bu torpaqlar üzərində mülkiyyət hüququ rəsmiləşdirilməmiş şəxslərin mülkiyyət hüquqlarının dövlət qeydiyyatına alınması barədə daşınmaz əmlakın dövlət reyesterindən çıxarışın verilməsi üçün dövlət rüsumu tutulmayacaq.

Qeyd edək ki, texniki sənədlər dedikdə pasport və plan ölçü nəzərdə tutulur. 

Layihə birinci oxunuşda səsə qoyularaq qəbul edilib.

SOCAR neft ve qaz hasilatını artırıb

SOCAR neft ve qaz hasilatını artırıb

Şirkətin istismar etdiyi yataqlarda 2 milyon tona yaxın neft, 2 milyard kubmetrə yaxın qaz çıxarılmış və beləliklə, SOCAR əvvəlki ilin müvafiq dövrü ilə müqayisədə neft hasilatını 10%, qaz hasilatını isə 9% artırmışdır.

YAZTV SOCAR-a istinadən xəbər verir ki, şirkətin istismar etdiyi neft və qaz yataqlarında hasilat səviyyəsinin sabit saxlanılması məqsədi ilə həyata keçirilən kompleks tədbirlər planı davamlı şəkildə icra olunmuşdur.

2021-ci ilin üçüncü rübündə ölkə üzrə 8,7 milyon tona yaxın4 neft, 11,3 milyard kubmetrdən artıq qaz hasil edilib. Bu isə ötən ilin müvafiq dövrü ilə müqayisədə neft hasilatında 6%, qaz hasilatında isə 38.6% artımın qeydə alınması deməkdir. Neft hasilatının artımı əsasən OPEC+ razılaşması çərçivəsində hasilata tətbiq olunan məhdudiyyətlərin nisbətən yumşaldılması ilə bağlı olub.

 

Şirkət üzrə 20 min metrdən artıq qazma işi həyata keçirilmişdir ki, bu da ötən ilin müvafiq dövrü ilə müqayisədə 82% çoxdur.

Oktyabrın 14-nə USD/AZN rəsmi məzənnəsi

Oktyabrın 14-nə USD/AZN rəsmi məzənnəsi

Azərbaycan Mərkəzi Bankı (AMB) oktyabrın 14-nə olan USD/AZN rəsmi məzənnəsini açıqlayıb.

AMB-dən  bildirilib ki, bankın oktyabrın 14-dən etibarən USD/AZN rəsmi məzənnəsi 1,7000 manat səviyyəsində müəyyən olunub.

Azərbaycan nefti cüzi ucuzlaşıb

Azərbaycan nefti cüzi ucuzlaşıb

Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 0,05 ABŞ dolları, yaxud 0,06 % azalıb.

YAZTV xəbər verir ki, “Azeri Light” markalı neftin bir barelinin qiyməti 84,90 ABŞ dolları təşkil edib.

Xatırladaq ki, "Azeri LT CIF" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.

Dolların məzənnəsi sabit qaldı

Dolların məzənnəsi sabit qaldı

Azərbaycan Mərkəzi Bankı (AMB) oktyabrın 15-nə olan USD/AZN rəsmi məzənnəsini açıqlayıb.

AMB-dən bildirilib ki, bankın oktyabrın 15-dən etibarən USD/AZN rəsmi məzənnəsi 1,7000 manat səviyyəsində müəyyən olunub.

İpoteka və Kredit Zəmanət Fondunun xətti ilə 35 min 849 ipoteka krediti verilib

İpoteka və Kredit Zəmanət Fondunun xətti ilə 35 min 849 ipoteka krediti verilib

İpoteka və Kredit Zəmanət Fondunun (İKZF) xətti ilə verilən ipoteka kreditlərinin sayı və məbləği açıqlanıb.

İKZF-dən YAZTV-yə bildirilib ki, İpoteka və Kredit Zəmanət Fondunun xətti ilə indiyədək 35 min 849 ipoteka krediti verilib. Fondun vəsaitləri hesabına verilmiş ipoteka kreditləri üzrə məbləğ 1 milyard 929 milyon 746 min 753 manatdır. (AZƏRTAC)