Monday, 29 Noyabr 2021 04:19
Yeni Azərbaycan Televiziyası
Bakı
İstanbul
Moskva
Xarici valyutaların manata qarşı məzənnələri

Xarici valyutaların manata qarşı məzənnələri

Azərbaycan Mərkəzi Bankı 12 noyabr tarixindən etibarən valyuta məzənnələrini açıqlayıb.

Mərkəzi Bankdan   verilən məlumata görə, bu günə olan rəsmi məzənnələr bülleteninə əsasən, ABŞ dollarının rəsmi məzənnəsi 1.7000 manat təşkil edir.

Manata nəzərən avronun məzənnəsi 1.9447 manat təşkil edir. 1 Türkiyə lirəsi 0.1705 manat, 1 Rusiya rublu 0.0237, 100 İran rialı 0.0040 manat, 1 Gürcüstan larisi 0.5405 manatdır.

Azərbaycanın qeyri-neft ixracı 42 faiz artıb

Azərbaycanın qeyri-neft ixracı 42 faiz artıb

Cari ilin yanvar-oktyabr aylarının ilkin nəticələrinə əsasən, Azərbaycanın qeyri-neft ixracı 42 faiz artıb.

YAZTV "Azərtac"a istinadən xəbər verir ki, bu fikirləri iqtisadiyyat naziri Mikayıl Cabbarov İstanbulda keçirilən “Türkiyə-Türk Dövlətləri: İqtisadiyyat və Ticarət Konfransı”nın açılış mərasimində ifadə edib.

İqtisadi əlaqələrimizin möhkəmləndirilməsi və genişləndirilməsinin pandemiya dövründə xüsusi önəmə sahib olduğunu vurğulayan nazir deyib: “Şübhəsiz ki, heç bir ölkə təkbaşına, beynəlxalq əməkdaşlıq, investisiyalar, bilik və texnologiya mübadiləsi, ticarət olmadan inkişaf edə bilməz. Beynəlxalq ticarət əlaqələrinin inkişafı isə mütləq dayanıqlılıq, inklüzivlik və ətraf mühitin mühafizəsi prinsiplərinə söykənməlidir. Yalnız sıx əməkdaşlıq vasitəsilə dayanıqlı iqtisadi inkişafı təmin edə bilərik. Sevindirici haldır ki, pandemiya məhdudiyyətlərinin yumşalması Azərbaycanda iqtisadi artımın bərpa olunmasına və sürətlənməsinə əlverişli zəmin yaradıb. Cari ilin 9 ayında ÜDM-in real artımı 4,8 faiz olub, qeyri-neft sektorunda isə ÜDM-in real artım tempi 6,2 faizə çatıb. Ticarət dövriyyəmiz də artır. Belə ki, 10 ayın ilkin nəticələrinə əsasən, xarici ticarət dövriyyəmiz 24,7 faiz, ixracımız 37,7 faiz, o cümlədən qeyri-neft ixracımız 42 faiz artıb”.
Bitkoin tarixində ən baha qiymətə satılır

Bitkoin tarixində ən baha qiymətə satılır

Bitkoinin qiyməti tarixində ən yüksək göstəricisinə çatıb.

YAZTV Coindesk platformasına istinadən verdiyi son məlumata görə, kriptovalyutanən dəyəri 4,97 % artaraq 68 519,95 dollar səviyyəsində qərarlaşıb.

Bu göstərici kriptovalyuta tarixində ən yüksək qiymətdi.

Hesablama Palatasından YENİ TƏKLİF

Hesablama Palatasından YENİ TƏKLİF

Hesablama Palatası dövlət proqramlarının vahid yanaşma əsasında tərtib edilməsini və proqramlılıq ilə bağlı məlumatların artırılmasını təklif edir.

Palatadan YAZTV-yə bildirilib ki, 2022-ci ilin dövlət büdcəsinin layihəsinə Hesablama Palatasının Rəyində məqsədli proqramlar üzrə nəzərdə tutulmuş maliyyələşmə barədə məlumatın “Büdcə zərfi”nə ayrıca daxil edilməsi, burada gözlənilən nəticələrin əks etdirilməsi üçün qanunvericilikdə dəyişikliklərin edilməsi, icra müddəti başa çatmış proqramlara dövlət büdcəsindən vəsaitlərin ayrılmamasının məqsədəmüvafiq olduğu qeyd edilib. Eyni zamanda, bildirilib ki, dövlət proqramları ilə bağlı məlumatların təhlili proqramların vahid yanaşma əsasında tərtib olunması və nəticəliliyin ölçülməsi məqsədilə hazırda qüvvədə olan əksər dövlət proqramlarının Azərbaycan Respublikası Prezidentinin 2021-ci il 6 mart tarixli Fərmanı ilə təsdiq edilmiş “Dövlət proqramlarının tərtibi, icrası, monitorinqi və qiymətləndirilməsi Qaydası”na uyğunlaşdırılmasının vacibliyini göstərir.

Xarici valyutaların manata qarşı məzənnələri

Xarici valyutaların manata qarşı məzənnələri

Azərbaycan Mərkəzi Bankı 11 noyabr tarixindən etibarən valyuta məzənnələrini açıqlayıb.

Mərkəzi Bankdan  verilən məlumata görə, bu günə olan rəsmi məzənnələr bülleteninə əsasən, ABŞ dollarının rəsmi məzənnəsi 1.7000 manat təşkil edir.

Manata nəzərən avronun məzənnəsi 1.9505 manat təşkil edir. 1 Türkiyə lirəsi 0.1722 manat, 1 Rusiya rublu 0.0239, 100 İran rialı 0.0040 manat, 1 Gürcüstan larisi 0.5409 manatdır.

Gələn il Azərbaycanda real ÜDM-nin artım proqnozu açıqlanıb

Gələn il Azərbaycanda real ÜDM-nin artım proqnozu açıqlanıb

İqtisadiyyat Nazirliyinin proqnozlarına əsasən, 2022-ci ildə Azərbaycanın real ümumi daxili məhsulu (ÜDM) 3,9 faiz artaraq 86,6 milyard manata çatacaq.

YAZTV-nin məlumatına görə, bu barədə 2022-ci il üçün dövlət büdcəsi layihəsində deyilir.

Eyni zamanda gələn il qeyri-neft ÜDM-in 4,9 faiz, neft ÜDM-in 1,8 faiz artması gözlənilir.

Qeyd edək ki, neft qiymətlərinin 50 dollar/barel səviyyəsi nəzərdə tutularaq hazırlanmış makroiqtisadi proqnozlara əsasən, bu ilin sonunda Azərbaycanın ÜDM-si 5,1 faiz, qeyri-neft ÜDM-si 6 faiz, neft ÜDM-si 3,2 faiz artacaq.

Növbəti illərdə iqtisadiyyatın şaxələndirilməsi Azərbaycanın əsas strateji prioritetlərindən olacaq. 2022-ci ildə ÜDM-də qeyri-neft sektorunun payı 69,7 faiz, neft sektorunun payı 30,3 faiz səviyyəsində proqnozlaşdırılır.

Mikayıl Cabbarov Türkiyənin ticarət naziri ilə görüşüb

Mikayıl Cabbarov Türkiyənin ticarət naziri ilə görüşüb

Azərbaycanın iqtisadiyyat naziri Mikayıl Cabbarovla Türkiyənin ticarət naziri Mehmet Muş arasında görüş olub.

YAZTV xəbər verir ki, bu barədə Mikayıl Cabbarov rəsmi "Twitter" hesabında paylaşım edib.

"Türkiyənin ticarət naziri Mehmet Muşla görüşümüzdə qardaş ölkələrimiz arasında iqtisadi tərəfdaşlığın gücləndirilməsi, birgə layihələrimiz və biznesin qlobal çağırışlara uyğunlaşması məsələləri barədə fikir mübadiləsi apardıq", - deyə nazir yazıb.

Azad edilmiş ərazilərin bərpası üçün gələn ilin dövlət büdcəsindən 2.2 milyard manat vəsait ayrılacaq - Nazir

Azad edilmiş ərazilərin bərpası üçün gələn ilin dövlət büdcəsindən 2.2 milyard manat vəsait ayrılacaq - Nazir

İşğaldan azad edilmiş ərazilərin bərpası üçün gələn ilin dövlət büdcəsindən 2.2 milyard manat vəsait ayrılacaq.

YAZTV-nin məlumatına görə, bunu Milli Məclisin İqtisadi siyasət, sənaye və sahibkarlıq komitəsinin iclasında “Azərbaycan Respublikasının 2022-ci il dövlət büdcəsi haqqında” qanun layihəsinin müzakirəsi zamanı maliyyə naziri Samir Şərifov deyib.

Nazir bildirib ki, cari ildə olduğu kimi 2022-ci ildə işğaldan azad olunmuş ərazilərin bərpası əsas prioritet olaraq qalmaqdadır.

 

“İşğaldan azad olunmuş ərazilərin tarixi simalarının qaytarılması, mədəni tarixi abidələrin bərpası, elektrik, su yol xətlərinin çəkilməsi ilə bağlı başlanılan işlər böyük sürətlə davam etməkdədir” - deyə nazir əlavə edib.

İşğaldan azad olunan ərazilərin minadan təmizlənməsi üçün idxal edilən malların siyahısı təsdiqlənib (SİYAHI)

İşğaldan azad olunan ərazilərin minadan təmizlənməsi üçün idxal edilən malların siyahısı təsdiqlənib (SİYAHI)

Azərbaycanın işğaldan azad edilmiş ərazilərinin, habelə müharibə və hərbi əməliyyatların təsirinə məruz qalmış digər ərazilərin minalar və müharibənin partlayıcı qalıqlarından təmizlənməsi üçün idxal edilən malların xarici iqtisadi fəaliyyətin mal nomenklaturası (XİFMN) üzrə Siyahısı təsdiqlənib.

YAZTV-nin məlumatına görə, bununla bağlı Baş nazir Əli Əsədov qərar imzalayıb.

Qərara əsasən, bu istiqamət üçün müəyyən edilən mal nomenklaturasına müvafiq idxal olunan malların Azərbaycanın işğaldan azad edilmiş ərazilərinin, habelə müharibə və hərbi əməliyyatların təsirinə məruz qalmış digər ərazilərin minalar və müharibənin partlayıcı qalıqlarından təmizlənməsi üçün istifadəsinin təsdiq edilməsi Azərbaycan Respublikası Nazirlər Kabinetinin Aparatı tərəfindən həyata keçiriləcək.

Azərbaycan Respublikasının işğaldan azad edilmiş ərazilərinin, habelə müharibə və hərbi əməliyyatların təsirinə məruz qalmış digər ərazilərin minalar və müharibənin partlayıcı qalıqlarından təmizlənməsi üçün idxal edilən malların xarici iqtisadi fəaliyyətin mal nomenklaturası (XİFMN) üzrə siyahısı aşağıdakı kimidir:

Noyabrın 12-nə USD/AZN rəsmi məzənnəsi

Noyabrın 12-nə USD/AZN rəsmi məzənnəsi

Azərbaycan Mərkəzi Bankı (AMB) noyabrın 12-nə olan USD/AZN rəsmi məzənnəsini açıqlayıb.

AMB-dən  bildirilib ki, bankın noyabrın 12-dən etibarən USD/AZN rəsmi məzənnəsi 1,7000 manat səviyyəsində müəyyən olunub.

“Bitcoin”dən tarixi rekord

“Bitcoin”dən tarixi rekord

“Bitcoin”in qiyməti 68 min dolları ötüb.

YAZTV xəbər verir ki, bununla kriptovalyuta tarixi rekord qırıb.

Analitiklər dünyanın ən çox tanınan kriptovalyutasının qiymıtinin daha da yüksələcəyini proqnozlaşdırırlar.

Hazırda “Bitcoin”in bazar dəyəri 1,1 trilyon dollardır. Lider kriptovalyuta beş il əvvəl 700 dollar dəyərində idi.

Naxçıvanın büdcəsi 13% artırılır

Naxçıvanın büdcəsi 13% artırılır

Gələn il Azərbaycanda icmal büdcənin tərkib hissəsi olan Naxçıvan MR-nın büdcəsi 569,8 milyon manat məbləğində nəzərdə tutulub.

YAZTV-nin xəbərinə görə, bu məsələ "2022-ci il icmal büdcə zərfi haqqında” qanun layihəsində əksini tapıb.

Sənədə əsasən, bu, bu ilin təsdiq olunmuş proqnozu ilə müqayisədə 12,5% çoxdur.