Wednesday, 25 May 2022 17:59
Yeni Azərbaycan Televiziyası
Bakı
İstanbul
Moskva
Azərbaycan neftinin qiyməti 123 dollara yaxınlaşır

Azərbaycan neftinin qiyməti 123 dollara yaxınlaşır

Dünya bazarında "Azeri Light" markalı Azərbaycan neftinin 1 barelinin qiyməti 1,08 ABŞ dolları, yaxud 0,89 % artaraq 122,70 ABŞ dolları təşkil edib.

Bu barədə YAZTV neft bazarındakı mənbə məlumat verib.

Ötən həftənin şənbə günü “Brent” markalı neftin bir bareli 112,55 ABŞ dolları olub.

Azərbaycanın builki dövlət büdcəsində bir barel neftin orta qiyməti 50 ABŞ dolları götürülüb.

Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Dövlət Neft Şirkətinin (SOCAR) payı 25 %-dir.

Qızılın qiyməti cüzi artıb

Qızılın qiyməti cüzi artıb

Müxtəlif amillərin təsiri altında qızılın qiyməti cüzi artıb.

YAZTV birjalara istinadən xəbər verir ki, Nyu-Yorkun “Comex” birjasında qızılın iyun fyuçersləri 0,05%, yaxud 1,01 ABŞ dolları bahalaşaraq, 1 unsiyası 1 842,95 ABŞ dollarına satılıb. Gümüşün iyul fyuçerslərinin qiyməti isə 0,23% artaraq, 1 unsiyası 21,985 ABŞ dolları təşkil edib.

İnvestorların bir sıra xarici amilləri qiymətləndirdiyi bir zamanda qızılın qiyməti sabit qalmaqdadır. Bir tərəfdən, Rusiyaya qarşı sanksiyalar, Çində koronavirusun yayılması və bir sıra ölkələrdə inflyasiyanın artması qızıla olan marağı dəstəkləyir.

Digər tərəfdən, möhkəmlənməkdə olan ABŞ dolları qızılın qiyməti üzərində təzyiq yaradır.

Dolların sabaha olan məzənnəsi

Dolların sabaha olan məzənnəsi

Azərbaycan Mərkəzi Bankı sabaha olan USD/AZN rəsmi məzənnəsini açıqlayıb.

AMB-dən mayın 19-dan etibarən USD/AZN rəsmi məzənnəsi 1,7000 manat səviyyəsində müəyyən olunub.

Azərbaycanın ixracında təbii qazın payı artıb

Azərbaycanın ixracında təbii qazın payı artıb

2022-ci ilin yanvar-aprel aylarında Azərbaycan 7,233 milyard kubmetrdən çox təbii qaz ixrac edib ki, bu da ötən ilin eyni dövrü ilə müqayisədə 7,7 faiz azdır.

YAZTV bu barədə Dövlət Gömrük Komitəsinin hesabatına istinadən məlumat verir.

Hesabata əsasən, yanvar-aprel aylarında ixrac olunan təbii qazın ümumi məbləği 3,7 dəfə artaraq 4,178 milyard dollara çatıb.

 

Hesabat dövründə Azərbaycanın ümumi ixracında qazın payı 35,34 faiz təşkil edib.
Neft ucuzlaşıb

Neft ucuzlaşıb

İnvestorların Rusiyadan Çinə “qara qızıl” tədarükünün artması ehtimalını müzakirə etdiyi bir zamanda dünya bazarında neftin qiyməti düşüb.

YAZTV birjalara istinadən xəbər verir ki, Şimal dənizində hasil olunan “Brent” neftinin iyul fyuçersləri 0,62% ucuzlaşaraq, 1 bareli 111,34 ABŞ dollarına satılıb. WTI neftinin iyul fyuçerslərinin qiyməti isə 0,88% düşərək, 1 bareli 108,92 ABŞ dolları təşkil edib.

Mətbuatın məlumatına görə, Çin Rusiya ilə özünün strateji ehtiyatları üçün neft alışını müzakirə edir. Danışıqların hökumət səviyyəsində aparıldığı bildirilir.

Qızıl ucuzlaşır

Qızıl ucuzlaşır

Qızıl möhkəmlənən ABŞ dollarının təzyiqi altında ucuzlaşır.

YAZTV birjalara istinadən xəbər verir ki, Nyu-Yorkun “Comex” birjasında qızılın iyun fyuçersləri 0,55 ucuzlaşaraq, 1 unsiyası 1808,85 ABŞ dollarına satılıb. Gümüşün iyul fyuçerslərinin qiyməti isə 0,99% düşərək, 1 unsiyası 21,535 ABŞ dolları təşkil edib.

ABŞ-ın Federal Ehtiyatlar Sisteminin (FES) rəhbəri Cerom Pauelin inflyasiyanı aşağı salmaq üçün daha aqressiv addımlara, o cümlədən, faiz dərəcəsinin daha da artırılmasına hazır olmaları haqqında bəyanatından sonra ABŞ dollarının indeksi 0,07 bənd artıb.

Ötən il dövlət büdcəsinin kəsiri proqnozdan 67 % az olub

Ötən il dövlət büdcəsinin kəsiri proqnozdan 67 % az olub

Ötən il dövlət büdcəsinin gəlirləri 26 milyard 396,3 milyon manat, təsdiq olunmuş proqnoza qarşı 3,8 % çox, xərcləri 27 milyard 422,4 milyon manat, təsdiq olunmuş proqnoza qarşı 3,9 % az olub. Dövlət büdcəsinin kəsiri 1 milyard 026,1 milyon manat və ya təsdiq olunmuş proqnozla müqayisədə 67,1 % az olub.

YAZTV xəbər verir ki, bu barədə “Azərbaycan Respublikasının 2021-ci il dövlət büdcəsinin icrası" haqqında hesabatda bildiirlib.

Sənədə əsasən, dövlət büdcəsinin gəlirləri 2020-ci ilin dövlət büdcəsinin faktiki gəlirləri ilə müqayisədə 1 milyard 714,5 milyon manat və ya 6,9 % çox icra olunub. Büdcə gəlirlərinin ÜDM-də xüsusi çəkisi 28,4 % təşkil edib.

Büdcə gəlirlərinin 8 milyard 529,2 milyon manatı və ya 32,3 %-i İqtisadiyyat Nazirliyi yanında Dövlət Vergi Xidmətinin xətti ilə, 4 milyard 343 milyon manatı və ya 16,5 %-i Dövlət Gömrük Komitəsinin xətti ilə daxilolmaların, 11 milyard 350 milyon manatı və ya 43 %-i Dövlət Neft Fondundan dövlət büdcəsinə transfertin, 2 milyard 174,1 milyon manatı və ya 8,2 %-i digər gəlirlər üzrə daxilolmaların (880 milyon manatı Dövlət borcu və zəmanəti üzrə öhdəliklərin Təminat Fondundan transfertin, 250 milyon manatı Mərkəzi Bankının mənfəətindən ayırmaların, 612,9 milyon manatı büdcə təşkilatlarının ödənişli xidmətlərindən daxilolmaların, 16,2 milyon manatı dövlət əmlakının, özəlləşdirilən dövlət müəssisə və obyektlərinin altındakı torpaqların icarəyə verilməsindən daxilolmaların və 414,9 milyon manatı sair daxilolmaların) payına düşür.

Ötən il dövlət büdcəsi ilə 28 milyard 543 milyon manat məbləğində təsdiq olunmuş xərclər 96,1 % və ya 27 milyard 422,4 milyon manat məbləğində icra olunub (2020-ci illə müqayisədə 1 milyard 006,1 milyon manat və ya 3,8 % çox). 2021-ci il dövlət büdcəsi xərclərinin ÜDM-də xüsusi çəkisi 29,5 % təşkil edib (2020-ci illə müqayisədə 6,9 faiz bəndi azdır).

Strukturuna görə 2021-ci il dövlət büdcəsi xərclərinin 16 milyard 588,4 milyon manatı və ya 60,5 %-i cari xərclərə (2020-ci illə müqayisədə 68,5 milyon manat və ya 0,4 % az), 8 milyard 635,2 milyon manatı və ya 31,5 %-i əsaslı xərclərə (2020-ci illə müqayisədə 602 milyon manat və ya 7,5 % çox), 2 milyard 198,8 milyon manatı və ya 8 %-i dövlət borcuna və öhdəliklərinə xidmətlə bağlı xərclərə (2020-ci illə müqayisədə 472,6 milyon manat və ya 27,4 % çox) yönəldilib.

2020-ci illə müqayisədə dövlət büdcəsinin xərclərinin tərkibində əsaslı xərclərin xüsusi çəkisi 1,1 faiz bəndi, dövlət borcuna xidmətlə bağlı xərclərin xüsusi çəkisi 1,5 faiz bəndi artıb, cari xərclərin xüsusi çəkisi isə 2,6 faiz-bənd azalıb.

Dövlət büdcəsinin vəsaiti hesabına əsas dövlət vəzifələrinin yerinə yetirilməsinə, əməkhaqları, müavinətlər, pensiyalar, dövlət borcu üzrə öhdəliklərin və digər zəruri xərclərin büdcə təşkilatları, büdcədən maliyyə yardımı və ya digər qaydada vəsait alan təşkilatların dövlət xəzinədarlıq orqanlarına təqdim edilmiş xərc sifarişləri əsasında mövcud qanunvericiliyin tələblərinə uyğun olaraq tam və vaxtında maliyyələşdirilməsinə nail olunub.

Azərbaycan Mərkəzi Bankının valyuta məzənnələri (20.05.2022)

Azərbaycan Mərkəzi Bankının valyuta məzənnələri (20.05.2022)

Azərbaycan Mərkəzi Bankının bu günə olan rəsmi valyuta məzənnələrinə əsasən, ABŞ dollarının məzənnəsi dəyişməyərək 1,7000 manat olub.

YAZTV xəbər verir ki, avronun məzənnəsi 0,69 % artaraq 1,7975 manat, Rusiya rublunun məzənnəsi isə 1,87 % artaraq 0,0273 manat təşkil edib.

 

Dünya bazarında neft bahalaşıb

Dünya bazarında neft bahalaşıb

Amerika Neft İnstitutu (API) ABŞ-da neft ehtiyatlarının azalması haqqında məlumatları dərc etdikdən sonra dünya bazarlarında neftin qiyməti artıb.

YAZTV birjalara istinadən xəbər verir ki, Şimal dənizində hasil olunan “Brent” neftinin iyul fyuçersləri 0,18% bahalaşaraq, 1 bareli 112,13 ABŞ dollarına satılıb. WTI neftinin iyul fyuçerslərinin qiyməti 0,62% artıb və 1 bareli 110,33 ABŞ dolları təşkil edib.

API-nin məlumatına əsasən, mayın 13-dək olan həftə ərzində ABŞ-da “qara qızıl” ehtiyatı 2,445 milyon barel azalıb. Analitiklər ehtiyatların 1,533 milyon barel artacağını güman edirdilər.

ABŞ-ın Energetika Nazirliyi ölkədə neftin kommersiya ehtiyatları ilə bağlı rəsmi statistikanı bu gün açıqlayacaq.

Qiymət artımına səbəb kimi Çinin iyun ayının 1-dən etibarən koronavirus məhdudiyyətlərini aradan qaldırmaq niyyətini açıqlaması ilə tələbin artma ehtimalı göstərilir.

Lotereya təşkilatçıları və idman mərc oyunlarının operatorlarına İqtisadiyyat Nazirliyi nəzarət edəcək

Lotereya təşkilatçıları və idman mərc oyunlarının operatorlarına İqtisadiyyat Nazirliyi nəzarət edəcək

Nazirlər Kabineti kommersiya hüquqi şəxslərin təsisçiləri, nizamnamə kapitalındakı payları və qiymətli kağızların mülkiyyətçiləri barədə məlumatların monitorinq iştirakçılarına verilməsi qaydasında dəyişiklik edib.

YAZTV xəbər verir ki, bununla bağlı Baş nazir Əli Əsədov qərar imzalayıb.

Nazirlər Kabinetinin 201 №-li Qərarı “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanunda və “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin fərmanında edilən dəyişiklik əsasında qəbul edilib.

“Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Qanuna edilmiş dəyişikliyə görə “lotereya və idman mərc oyunları təşkilatçıları” sözləri “lotereya təşkilatçıları və idman mərc oyunlarının operatorları” sözləri ilə əvəz edilib

Eyni zamanda, həmin Qanuna əsasən kredit təşkilatlarına, lizinq xidmətləri göstərən hüquqi şəxslərə, investisiya şirkətlərinə, investisiya fondları və bu fondların idarəçilərinə, sığortaçı, təkrarsığortaçı və sığorta vasitəçilərinə, pul vəsaitlərinin köçürülməsi ilə məşğul olan poçt xidməti göstərən müəssisələrə, valyuta mübadiləsi fəaliyyətinə lisenziya almış şəxslərə münasibətdə Mərkəzi Bank, lotereya təşkilatçıları və idman mərc oyunlarının operatorlarına münasibətdə isə İqtisadiyyat Nazirliyi nəzarət orqanı qismində müəyyən olunub.

Qeyd edilənləri nəzərə alaraq Nazirlər Kabinetinin 2018-ci il 433 nömrəli Qərarı ilə təsdiq edilmiş “Kommersiya hüquqi şəxslərin təsisçiləri (iştirakçıları), nizamnamə kapitalındakı payları və qiymətli kağızların mülkiyyətçiləri barədə məlumatların monitorinq iştirakçılarına və monitorinqdə iştirak edən digər şəxslərə verilməsi Qaydası”nın 4.1.1-ci yarımbəndində “lotereya və idman mərc oyunları təşkilatçıları” sözləri “lotereya təşkilatçıları və idman mərc oyunlarının operatorları” sözləri ilə əvəz edilib.

Azərbaycan nefti cüzi bahalaşıb

Azərbaycan nefti cüzi bahalaşıb

Dünya bazarında "Azeri Light" markalı Azərbaycan neftinin 1 barelinin qiyməti 0,57 ABŞ dolları, yaxud 0,48 % artaraq 118,99 ABŞ dolları təşkil edib.

Bu barədə YAZTV-yə neft bazarındakı mənbə məlumat verib.

Dünən “Brent” markalı neftin bir bareli 110,86 ABŞ dolları olub.

Azərbaycanın builki dövlət büdcəsində bir barel neftin orta qiyməti 50 ABŞ dolları götürülüb.

Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Dövlət Neft Şirkətinin (SOCAR) payı 25 %-dir.

Azərbaycan neftinin qiyməti 123 dolları keçib

Azərbaycan neftinin qiyməti 123 dolları keçib

Dünya bazarında "Azeri Light" markalı Azərbaycan neftinin 1 barelinin qiyməti 3,79 ABŞ dolları, yaxud 3,17 % artaraq 123,18 ABŞ dolları təşkil edib.

Bu barədə YAZTV neft bazarındakı mənbə məlumat verib.

Dünən “Brent” markalı neftin bir bareli 114,24 ABŞ dolları olub.

Azərbaycanın builki dövlət büdcəsində bir barel neftin orta qiyməti 50 ABŞ dolları götürülüb.

Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Dövlət Neft Şirkətinin (SOCAR) payı 25 %-dir.