Wednesday, 25 May 2022 17:05
Yeni Azərbaycan Televiziyası
Bakı
İstanbul
Moskva
Azərbaycanda zob xəstəliyinin daha çox qeydə alındığı bölgələr açıqlanıb

Azərbaycanda zob xəstəliyinin daha çox qeydə alındığı bölgələr açıqlanıb

Azərbaycanda zob xəstəliyinin ən çox hansı bölgələrdə qeydə alındığı açıqlanıb.

YAZTV xəbər verir ki, bu barədə Səhiyyə Nazirliyinin mütəxəssis-eksperti, cərrah-endokrinoloq Azər Hümmətov məlumat verib.

Onun sözlərinə görə, bu xəstəliklə bağlı ən çox Qəbələ, Şəki, Qax, Zaqatala, Baləkən, Lənkəran, Quba və Qusardan olan vətəndaşlar müraciət edir.

Həkim qeyd olunan xəstəliklə bağlı daha çox əməliyyat göstərişi verildiyini və zəhərli zob diaqnozu qoyulduğunu bildirib.

Mütəxəssis qeyd edib ki, müraciət edənlər arasında Naxçıvandan gələn pasiyentlərin də sayı üstünlük təşkil edir. O, şimal zonasından gələn pasiyentlərdə düyünə və zəhərli zoba, Naxçıvandan gələn pasiyentlərdə isə böyük ölçülü düyünlərə rast gəlindiyini vurğulayıb.

Nazirlik rəsmisi əlavə edib ki, qalxanabənzər vəzi xəstəliklərinə daha çox qadınlar arasında rast gəlinir: “Çünki hamiləlik zamanı orqanizmə ən çox yük düşən hissə məhz qalxanabənzər vəzi olur. Azərbaycanda hər 11 zob xəstəsindən 10-u qadındır”.

Azərbaycanda televiziya və radio yayımçılarının xərcləri açıqlanıb

Azərbaycanda televiziya və radio yayımçılarının xərcləri açıqlanıb

Azərbaycanda televiziya və radio yayımçılarının xərcləri haqqında məlumat açıqlanıb.

YAZTV xəbər verir ki, bu barədə Azərbaycanda audiovizual industriya bazarının 2021-ci il üzrə göstəricilərində qeyd olunub.

2021-ci il ərzində yayımçıların xərclərinin ən iri istiqamətləri aşağıdakılar olub:

  • Əməkhaqqı fondu - 49.500.000 manat
  • Yayım xərcləri - 13.300.000 manat
  • Yerli kontent xərcləri - 6.700.000 manat
  • Xarici lisenziyalı kontent xərcləri - 4.200.000 manat
DTX işçilərinin aylıq vəzifə maaşlarının məbləğlərində dəyişiklik təsdiqlənib

DTX işçilərinin aylıq vəzifə maaşlarının məbləğlərində dəyişiklik təsdiqlənib

Dövlət Təhlükəsizliyi Xidmətinin (DTX) hərbi qulluqçularının aylıq vəzifə (tarif) maaşlarının məbləğləri”ndə və Dövlət Təhlükəsizliyi Xidmətinin dövlət qulluqçusu olmayan mülki işçilərinin aylıq vəzifə (tarif) maaşlarının məbləğləri”ndə dəyişiklik təsdiq edilib.

YAZTV-nin xəbərinə görə, bununla bağlı Baş nazir Əli Əsədov qərar imzalayıb.

Maliyyə Nazirliyinə bu Qərarın icrası ilə əlaqədar tələb olunan vəsaitin ödənilməsi məqsədilə müvafiq tədbirlərin həyata keçirilməsini təmin etmək tapşırılıb.

Qərar 2022-ci il martın 17-dən tətbiq edilir.

Ekspert: “TEKNOFEST Azərbaycan” intellektual sərmayə üçün böyük addımdır”

Ekspert: “TEKNOFEST Azərbaycan” intellektual sərmayə üçün böyük addımdır”

"Mayın 26-29-da Bakıda keçiriləcək "TEKNOFEST-Azərbaycan" Aerokosmik və Texnologiya Festivalı intellektual sərmayə üçün böyük addımdır”.

Bunu YAZTV-yə açıqlamasında tədbirin əhəmiyyətini şərh edən İKT üzrə ekspert Elvin Abbasov deyib.

“Sevindirici haldır ki, “TEKNOFESFT” Türkiyə hüdudlarından kənarda ilk dəfə Azərbaycanda baş tutacaq. Məlumdur ki, informasiya texnologiyaları (İT) hesabına əldə olunan gəlirlər dünyada ən böyük gəlirlərdir. Ölkəmizdə də bir neçə ildir ki, İT sahəsinə böyük önəm verilir, innovasiya ekosisteminin yaranmasına çalışılır.

Bu inkişaf tempindən həm vətəndaşlar, həm sahibkarlar, həm də dövlətimiz qazanclı çıxacaq. Məlumdur ki, sərmayənin milliləşməsi üçün milli resurslar yaratmaq çox önəmlidir. Bu səbəbdən “TEKNOFEST” kimi tədbirlərin ölkəmizdə silsilə halında olması mühümdür. Burada müasir texnologiyaların nümayiş etdirilməsi, yerli startapların və mütəxəssislərin tədbirdə yaxından iştirakı çox sevindirici haldır.

Əlbəttə ki, hər bir ölkənin ən böyük aktivi insandır. Təkmilləşmənin ən fundamental amili intellektual sərmayənin güclənməsidir, yəni insan kapitalı nə qədər kvalivikasiyalı olarsa, o qədər dəyər yaradar. “TEKNOFEST”in ölkəmizdə keçirilməsi uzunmüddətli perspektivdə ölkəmizə yəni milli resurslar qazandıracaq, milli brendlər yaranacaq, mütəxəssislərimizin inkişafına böyük töhfə olacaq. Yerli mütəxəssislərin yaradacağı texnoloji məhsulların milli brendə çevrilməsi, onların qlobal müstəvidə istifadə olunmasını ölkəmiz adına prestijidir", - deyə o qeyd edib.

“TEKNOFEST Azərbaycan” kimi tədbirlərin sayəsində gələcəyin ixtiraçıları kəşf edilə bilər. Bu festivalın mühüm üstünlüklərindən biri də iştirakçılar arasında orta məktəb şagirdlərinin, tələbələrin, məzunların və startapların yer almasıdır. Ümumilikdə 1 000 komanda və 5 000 nəfər festivalda iştirak üçün müraciət edib. Bu tip tədbirin ölkəmizdə gənc smart nəslin formalaşmasında xüsusi önəmi olacaq.

“TEKNOFEST Azərbaycan”ın əhəmiyyətli tərəflərindən biri də odur ki, innovativ ideyalarla çıxış edən gənclərin yerli və xarici investorlara yol tapmasına şərait yaranacaq. “SMART Qarabağ” Hakatonu kimi müsabiqələr yerli və xarici mütəxəssislərin işğaldan azad edilmiş ərazilərdə qurulacaqları “Ağıllı şəhər və kənd” konsepsiyalarına öz töhfələrini vermək üçün unikal şərait yaradacaq. Bu müsabiqələrdə insanlar təhsil, nəqliyyat, kənd və ev təsərrüfatı, enerji və su kəşfiyyatı, ətraf mühit və təhlükəsizlik sahələrinə töhfə vermək üçün yarışacaq. Ümumilikdə isə gündəlik 50 min ziyarətçinin iştirakı gözlənilir. “TEKNOFEST Azərbaycan”ın digər əhəmiyyəti isə müxtəlif peşələrə tələbatın müəyyən edilməsidir. Valideynlər övladlarını informasiya texnologiyaları peşələrinə yönəltməklə rəqəmsal peşə seçimlərinə yardımçı ola biləcəklər. Bu isə insan kapitalının güclənməsi deməkdir”, - deyə E.Abbasov fikrini tamamlayıb.

Azərbaycandan Həcc ziyarəti üçün qiymət 9 106 manatdır, sabahdan sənəd qəbulu başlayır

Azərbaycandan Həcc ziyarəti üçün qiymət 9 106 manatdır, sabahdan sənəd qəbulu başlayır

Bu il Azərbaycana Həcc ziyarəti üçün 680 nəfərlik kvota ayrılıb.

Bu barədə YAZTV-yə Qafqaz Müsəlmanları İdarəsinin (QMİ) Xarici Əlaqələr şöbəsinin müdiri Vüsal Cahangiri məlumat verib.

O qeyd edib ki, Həcc ziyarətinin qiyməti 9 106 manat müəyyən olunub:

"Ziyarət səfərinin iyunun 24-dən iyulun 20-nə qədər həyata keçirilməsi planlaşdırılır. Həcc ziyarətinə gedənlər Səudiyyə Ərəbistanı Krallığına daxil olmazdan 72 saat əvvəl PCR test verilməlidir. Bundan başqa, iki doza vaksin tələb olunur. 30.06.1957 təvəllüddən aşağı olan şəxslərin Həcc ziyarətinə icazə verilmir”.

QMİ nümayəndəsi bildirib ki, sabahdan, mayın 25-dən Həcc ziyarətinə gedən şəxslər üçün sənəd qəbuluna başlanılır:

“Prosesin iki həftə ərzində yekunlaşması planlaşdırılır”.

Xatırladaq ki, Həcc ziyarətini Azərbaycanda Qafqaz Müsəlmanları İdarəsi təşkil edir.

Son iki ildə koronavirus pandemiyası səbəbindən Azərbaycandan Həcc ziyarətinə gedən olmayıb.

Builki qiymət 2020-ci ilki müvafiq rəqəmdən 860 dollar çoxdur. Həmin vaxt Həcc ziyarətinin qiyməti 4 490 dollar müəyyən edilmiş, lakin pandemiya səbəbindən ziyarət ləğv edilmişdi.

Azərbaycanda bəzi dövlət rüsumları ləğv edilib

Azərbaycanda bəzi dövlət rüsumları ləğv edilib

Nazirlər Kabineti “Fiziki şəxslər tərəfindən minik avtomobillərinin özgəninkiləşdirilməsi haqqında müqavilələrin dövlət qeydiyyatına alınmasına görə 2018-ci il üçün dövlət rüsumunun məbləğləri”nin və “Mobil cihazların qeydiyyata alınmasına görə 2018-ci il üçün dövlət rüsumunun məbləğləri”nin təsdiq edilməsi barədə” 31 iyul 2018-ci il qərarını ləğv edib.

YAZTV xəbər verir ki, bununla bağlı Baş Nazir Əli Əsədov yeni qərar imzalayıb.

Hökumət başçısının digər qərarına əsasən isə, Nazirlər Kabinetinin “Avtomobil yolları” Məqsədli Büdcə Fondunun vəsaitinin ölkə ərazisində ümumi istifadədə olan respublika və yerli əhəmiyyətli avtomobil yollarının saxlanması və təmiri üçün xərclənməsi Qaydaları”nın təsdiq edilməsi haqqında” 25 yanvar 2007-ci il tarixli qərarından dövlət rüsumu ilə bağlı müddəa çıxarılıb.

Azərbaycanda bəzi səhiyyə xərcləri artırılacaq

Azərbaycanda bəzi səhiyyə xərcləri artırılacaq

“Azərbaycanda orqan transplantasiyası, uşaqlarda ürək qüsurunun aradan qaldırılması üçün dövlət büdcəsindən ayrılan vəsaitlərin artırılmasına baxacağıq”.

YAZTV-nin xəbərinə görə, bunu maliyyə naziri Samir Şərifov bildirib.

O, bu barədə Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “2021-ci ilin dövlət büdcəsinin icrası haqqında” qanun layihəsinin müzakirəsində danışıb. Bununla belə, nazir artımın nə qədər olacağını açıqlamayıb.

Azərbaycanda daha 9 nəfər COVID-19-a YOLUXDU

Azərbaycanda daha 9 nəfər COVID-19-a YOLUXDU

Azərbaycan Respublikasında koronavirus (COVID-19) infeksiyasına 9 yeni yoluxma faktı qeydə alınıb, 7 nəfər müalicə olunaraq sağalıb.

 

Nazirlər Kabineti yanında Operativ Qərargahdan  verilən məlumata görə, COVID-19 üçün götürülən analiz nümunələri müsbət çıxmış şəxslər arasında ölən olmayıb.

Rəqabət Məcəlləsinin layihəsi Nazirlər Kabinetinə təqdim edilib

Rəqabət Məcəlləsinin layihəsi Nazirlər Kabinetinə təqdim edilib

İqtisadiyyat Nazirliyi, Antiinhisar və İstehlak Bazarına Nəzarət Dövlət Xidmətinin beynəlxalq təcrübə əsasında hazırladığı Rəqabət Məcəlləsinin yeni layihəsini dövlət qurumlarının müsbət rəyini alaraq Nazirlər Kabinetinə təqdim edib.

YAZTV bu barədə Dövlət Xidmətinə istinadən xəbər verir.

Məlumata görə, rəqabət qanunvericiliyinin təkmilləşdirilməsi, bazar subyektlərinin səmərəli və maneəsiz fəaliyyəti məqsədilə hazırlanan layihə rəqabət orqanı və onun statusunu, rəqabət sahəsində bazar subyektlərinin hüquq və vəzifələrini, rəqabəti məhdudlaşdıran saziş və hərəkətləri, həmçinin bazar paylarının coğrafi bölgüsü üçün meyarları müəyyən edir. Layihədə həmçinin, bazarda hökmran mövqe və hökmran mövqedən sui-istifadə hallarının təfərrüatlı izahı, haqsız rəqabət və onun formaları da əksini tapıb.

Azərbaycanda televiziya və radiolarda çalışanların sayı açıqlanıb

Azərbaycanda televiziya və radiolarda çalışanların sayı açıqlanıb

Ümumölkə televiziya və radio yayımçılarında 4374 nəfər fəaliyyət göstərir.

YAZTV xəbər verir ki, bu barədə Azərbaycanda audiovizual industriya bazarının 2021-ci il üzrə göstəricilərində qeyd olunub.

Qeyd olunub ki, onlardan 4011 nəfər televiziya, 363 nəfər isə radio sahəsində məşğuldur.

Dövlət büdcəsindən maliyyələşən yayımçılarda (AZTV, Mədəniyyət TV, İdman TV, İTV, İctimai Radio, Azərbaycan Radiosu) 1920 nəfər, dövlət büdcəsindən maliyyələşməyən yayımçılarda (Space TV, ATV, Xəzər TV, ARB, ARB 24, CBC Sport TV, Real TV, Space Radio, Azad Azərbaycan Radio, 106FM, Xəzər FM, Araz Radio, Media FM, Radio Enerji, Radio TMB, ASAN Radio, Avto FM) isə 2454 nəfər işləyir.

Peyvənd olunanların sayı AÇIQLANDI

Peyvənd olunanların sayı AÇIQLANDI

Azərbaycanda son sutkada 2 999 nəfər vaksinasiya olunub.

Bu barədə  Nazirlər Kabineti yanında Operativ Qərargah məlumat verilib.

Gün ərzində birinci doza vaksinlərin sayı 349, ikinci doza vaksinlərin sayı 271 təşkil edib.

Ölkədə üç və daha çox doza vaksinlərin sayına gəlincə, bu göstərici 2 148-dir. Pozitiv nəticədən sonra “buster” doza vaksinlərin sayı 231 olub.

Azərbaycanda bu günə qədər vurulan vaksinlərin ümumi sayı 13 710 006, birinci doza peyvəndlərin ümumi sayı 5 346 173, ikinci doza vaksinlərin sayı 4 847 713 təşkil edib. Üç və daha çox doza vaksinlərin sayı 3 271 363, pozitiv nəticədən sonra “buster” doza vaksinlərin sayı isə 244 757 olub.

Rəqabət Məcəlləsinin layihəsi Nazirlər Kabinetinə təqdim edilib

Rəqabət Məcəlləsinin layihəsi Nazirlər Kabinetinə təqdim edilib

İqtisadiyyat Nazirliyi, Antiinhisar və İstehlak Bazarına Nəzarət Dövlət Xidmətinin beynəlxalq təcrübə əsasında hazırladığı Rəqabət Məcəlləsinin yeni layihəsini dövlət qurumlarının müsbət rəyini alaraq Nazirlər Kabinetinə təqdim edib.

YAZTV bu barədə Dövlət Xidmətinə istinadən xəbər verir.

Məlumata görə, rəqabət qanunvericiliyinin təkmilləşdirilməsi, bazar subyektlərinin səmərəli və maneəsiz fəaliyyəti məqsədilə hazırlanan layihə rəqabət orqanı və onun statusunu, rəqabət sahəsində bazar subyektlərinin hüquq və vəzifələrini, rəqabəti məhdudlaşdıran saziş və hərəkətləri, həmçinin bazar paylarının coğrafi bölgüsü üçün meyarları müəyyən edir. Layihədə həmçinin, bazarda hökmran mövqe və hökmran mövqedən sui-istifadə hallarının təfərrüatlı izahı, haqsız rəqabət və onun formaları da əksini tapıb.