Monday, 01 Mart 2021 21:02
Yeni Azərbaycan Televiziyası
Bakı
İstanbul
Moskva
6.67°C

Bakı

Rütubətlilik: 85%
Külək: N19.88 KM/S
Bakıda 3 evdən 60 min manatlıq oğurluq edilib

Bakıda 3 evdən 60 min manatlıq oğurluq edilib

Bakıda evlərdən oğurluq edən şəxs tutulub.

Bu barədə YAZTV-yə Daxili İşlər Nazirliyinin (DİN) Mətbuat xidmətindən məlumat verilib.

Bildirilib ki, Xətai Rayon Polis İdarəsinin 35-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki 3 evdən ümumilikdə 30 000 ABŞ dolları pul və 9 000 manat dəyərində qızıl-zinət əşyaları oğurlamaqda şübhəli bilinən Ucar rayon sakini, əvvəllər məhkum olunmuş R.Məmmədov saxlanılıb.

Həftəsonu yol qəzalarında 3 nəfər ölüb

Həftəsonu yol qəzalarında 3 nəfər ölüb

Ötən gün daxili işlər orqanlarında qeydə alınan cinayət faktları və hadisələr haqqında statistik məlumatlar açıqlanıb.

Daxili İşlər Nazirliyinin (DİN) Mətbuat Xidmətindən YAZTV-yə verilən məlumata görə, fevral ayının 27-dən martın 1-də törədilən 64 cinayətin üstü “isti izlər”lə açılıb.

Əvvəlki dövrlərdən bağlı qalan 4 cinayətin açılması təmin olunub.

Axtarışda olduğuna görə ümumilikdə 41 nəfər, o cümlədən borclu şəxs qismində axtarışda olan 12 nəfər saxlanılaraq aidiyyəti üzrə təhvil verilib.

Avtomobil yollarında 2 yol-nəqliyyat hadisəsi baş verib, nəticədə 3 nəfər ölüb.

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 38, qanunsuz saxlanılan silah-sursatla bağlı 1 fakt müəyyən edilib.

Cinayət törətməkdə şübhəli bilinən 74 nəfər saxlanılıb.

Şəmkirdə 48 yaşlı kişi bıçaq xəsarəti alıb

Şəmkirdə 48 yaşlı kişi bıçaq xəsarəti alıb

Şəmkir rayonunda mübahisə zəminində bıçaqlanma hadisəsi olub.

 YAZTV-nin məlumatına görə, hadisə rayonun Kür qəsəbəsində qeydə alınlıb.

1973-cü il təvəllüdlü İlham İbrahim oğlu Hüseynov həmyerlisi, 1973-cü il təvəllüdlü Gündüz Fikrət oğlu Zeynalov tərəfindən bıçaqlanıb.

Yaralı xəstəxanaya çatdırılıb.

Faktla bağlı araşdırma aparılır.

YAZTV (report az)

İşğaldan azad olunmuş ərazilərə keçməyə cəhd göstərən daha 4 nəfər saxlanılıb

İşğaldan azad olunmuş ərazilərə keçməyə cəhd göstərən daha 4 nəfər saxlanılıb

Dəfələrlə xəbərdarlıq edilməsinə baxmayaraq, işğaldan azad olunmuş ərazilərə qanunsuz yollarla ayrı-ayrı şəxslərin keçməyə cəhd göstərmələri hallarına hələ də rast gəlinir.

DİN-in Mətbuat Xidmətinin Bərdə regional qrupundan YAZTV-yə verilən məlumata görə, Tərtər Rayon Polis Şöbəsinin əməkdaşları tərəfindən keçirilmiş tədbirlər nəticəsində rayonun işğaldan azad olunmuş Talış kəndinə nəzarət postlarından kənar yollarla daxil olmaq istəyən Tərtər rayon sakinləri Taleh Ağalarov və Əsəd Ağalarov saxlanılaraq Polis Şöbəsinə gətiriliblər.

Keçirilmiş digər tədbirlərlə isə rayonun Qapanlı kəndində qurulmuş nəzarət postunda polis əməkdaşlarına tabesizlik göstərərək işğaldan azad edilmiş Ağdam rayonuna keçməyə cəhd göstərən şəxslər də saxlanılıblar.

Araşdırmalarla onların Tərtər rayon sakinləri Amin Əlibəyli və Taleh İbrahimov olduğu müəyyən edilib.

Həmin şəxslər barəsində İnzibati Xətalar Məcəlləsinin müvafiq maddələri ilə protokollar tərtib olunaraq rayon məhkəməsinə göndərilib.

Neftçalada inzibati binada yanğın olub

Neftçalada inzibati binada yanğın olub

Neftçala rayonunda ümumi sahəsi 354 m² olan birmərtəbəli inzibati binanın giriş hissəsində quraşdırılan elektrik lövhəsi yanıb.

Fövqəladə Hallar Nazirliyindən YAZTV-yə verilən məlumata görə, qurumun Dövlət Yanğından Mühafizə Xidmətinin yanğından mühafizə bölmələri tərəfindən həyata keçirilən təcili və təxirəsalınmaz tədbirlər nəticəsində yanğının yayılmasının qarşısı alınıb.

Bina yanğından mühafizə olunub. Yanğın söndürülüb.
Ötən gün 23 cinayətin üstü “isti izlər”lə açılıb

Ötən gün 23 cinayətin üstü “isti izlər”lə açılıb

Daxili İşlər Nazirliyi (DİN) fevralın 26-da qeydə alınmış cinayət və hadisələr haqqında statistik məlumatları açıqlayıb.

DİN-in mətbuat xidmətindən YAZTV-ye bildiriblər ki, respublikanın daxili işlər orqanları ötən gün ərzində törədilmiş 23 cinayətin üstünü “isti izlər”lə açıblar.

Əvvəlki dövrlərdən bağlı qalmış dörd cinayətin açılması təmin olunub.

 Axtarışda olduğuna görə ümumilikdə 31 nəfər, o cümlədən borclu şəxs qismində axtarılan 18 nəfər saxlanılaraq aidiyyəti üzrə təhvil verilib.

Respublikanın avtomobil yollarında baş vermiş iki yol-nəqliyyat hadisəsi nəticəsində iki nəfər ölüb.

Daxili işlər orqanları əməkdaşlarının keçirdikləri əməliyyat-axtarış tədbirləri nəticəsində narkotiklərlə əlaqəli 12, qanunsuz saxlanılan silah-sursatla bağlı 1 fakt müəyyənləşdirilib.

Cinayət törətməkdə şübhəli bilinən 33 nəfər saxlanılıb.

Yanğında 400 min zərər dəysə də, cinayət işi açılmır

Yanğında 400 min zərər dəysə də, cinayət işi açılmır

Balakən rayonunda ötən il ticarət obyektinin yanaraq sıradan çıxması nəticəsində onun sahibinə 400 min manat ziyan dəyib. Ticarət mərkəzinin rəhbəri təhqiqatın gedişindən və 7 ay ərzində hələ də cinayət işinin başlanılmamasından narazıdır.

Sahibkar Həcər Dibirova müraciət edərək bildirib ki, ötən il iyulun 13-də, saat 12 radələrində Balakən rayonu, Meşəşambul kəndində yerləşən ticarət obyektində başlanan yanğın nəticəsində satış və xidmət sahələri içərisindəki əmlakla birlikdə tamamilə yanaraq məhv olub: “Ticarət obyekti 14 hissədən ibarət olmaqla avtoyuma məntəqəsi, avtotəmir sexi, ət satışı mağazası, tikinti materialları anbarı, taxıl məmulatları anbarı, bərbərxana, kafe, çörəkbişirmə sexi, məişət avadanlıqları satışı mağazası, qonaq otağı, ofis otağı, market, tennis və bilyard oyunu otağı və anbar sahəsindən ibarət idi. Fəaliyyətimlə bağlı daimi vergiləri ödəmişəm, vergi ödəyicisi olmuşam. Obyekt təbii qaz və elektriklə təmin olunmuşdu. Yanğın zamanı tikinti üzrə 106 380 manat, əmtəə üzrə isə 300 000 manat maddi ziyan dəyib. Hadisə zamanı xəsarət alan olmayıb”.

H.Dibirova əlavə edib ki, Fövqəladə Hallar Nazirliyinin iyulun 20-də tərtib etdiyi aktda yanğına elektrik xətlərində yaranmış qısaqapanmanın səbəb olduğu qeyd edilib. Ədliyyə Nazirliyi Məhkəmə Ekspertizası Mərkəzinin məhkəmə tikinti-texniki ekspertizasının 23 oktyabr 2020-ci il tarixli rəyinə əsasən, yanğın zamanı yaranmış qüsurların aradan qaldırılması üçün görülməli təmir-bərpa işlərinin dəyəri 106 380,50 manatdır.

FHN Əməliyyat-İstintaq İdarəsi əmtəə üzrə analoji malların qiymətlərinə əsasən təqdim edilmiş məlumatlardan istifadə etməklə dəymiş ziyanın ümumi məbləğinin nəzəri olaraq təxminən 225 137,59 manat olduğunu müəyyən edib.Yanğın zamanı marketə 72 982,99 manat, vitrinlərə 12 920 manat, ofisə 4 740 manat, inşaat malları mağazasına 115 197,80 manat, bərbərxanaya 1647,30 manat, ət satışı mağazasına 1098 manat və kafeyə 16551,50 manat maddi ziyan dəyib.

FHN müstəntiqləri istintaqın nəticəsində belə qərara gəlib ki, yanğına görə Cinayət Məcəlləsinin 314-cü maddəsi ilə nəzərdə tutulmuş səhlənkarlıq cinayətinin tərkib əlamətləri var. Lakin maddədə nəzərdə tutulmuş cinayətlərə dair işlər üzrə ibtidai istintaq prokurorluq orqanları tərəfindən aparılır. Buna görə də materiallar Balakən rayon Prokurorluğuna göndərilməsi üçün Baş Prokurorluğa təqdim edilib.

Sahibkar H.Dibirova qeyd edib ki, Balakən rayon prokuroru baş vermiş hadisə üzrə cinayət haqqında ərizəni qəbul etməyib və onu zərərçəkmiş şəxs qismində tanımayıb: “Prokuror bu günədək dəymiş zərərin ödənilməsi istiqamətində heç bir addım atmayıb”.

Həcər Dibirova Balakən rayon prokurorunun hərəkətlərinin qanunsuz sayılması üçün Balakən rayon məhkəməsinə müraciət də edib. Sahibkarın şikayətinə martın 1-də, yəni bu gün baxılacaq.

Balakən rayon Prokurorluğundan məsələ ilə bağlı “Qafqazinfo”nun sorğusuna cavab olaraq bildirilib ki, 13.07.2020-ci il tarixdə saat 12:30-radələrində Balakən rayonu Meşəşambul kəndində həmin kənd sakini Dibirova Həcər Əli qızına məxsus ticarət obyektində yanğın hadisəsi baş verib və müvafiq ekspert rəyi ilə müəyyən olunub ki, ticarət obyekti və içərisindəki mallar da nəzərə alınmaqla ümumilikdə sahibkarlara 406000 (dörd yüz altı min) manat məbləğində maddi ziyan vurulub:

“Baş vermiş yanğın hadisəsi ilə bağlı ilkin araşdırma FHN-in Əməliyyat İstintaq İdarəsi tərəfindən aparılıb və sonradan vəzifəli şəxslərin əməlində cinayət tərkibinin əlamətlərinin olduğu qənaətinə gəlindiyindən material araşdırmanın davam etdirilməsi üçün aidiyyəti üzrə Balakən rayon prokurorluğuna göndərilib.

Balakən rayon Prokurorluğunda aparılan araşdırma zamanı çoxsaylı vətəndaşların izahatlarının alınması, habelə müxtəlif aidiyyəti dövlət qurumlarına sorğular verilərək müvafiq cavabların əldə edilməsi təmin olunub.

Həmçinin, Balakən rayon Prokurorluğunda aparılan araşdırma zamanı toplanmış materiallar ilə əvvəllər verilmiş məhkəmə yanğın-texniki ekspertizasının rəyi arasında ziddiyət müəyyən edildiyindən, material üzrə təkrar məhkəmə yanğın-texniki ekspertizası təyin edilib.

Hazırda material üzrə tam, hərtərəfli və obyektiv araşdırma davam etdirilməklə qanuni və əsaslı qərarın qəbul edilməsi təmin olunacaq”.

Murad Əhməd

 

 
 
 
Qafqazinfo
Tovuzda ev yanıb, bir nəfər xəsarət alıb

Tovuzda ev yanıb, bir nəfər xəsarət alıb

Tovuz rayonunun Bozalqanlı kəndində ümumi sahəsi 80 m² olan birmərtəbəli evin yanar konstruksiyaları yanıb.

Bu barədə Fövqəladə Hallar Nazirliyi məlumat yayıb.

Bildirilib ki, yanğın zamanı 1 nəfər yanıq xəsarəti alıb. Yaxınlıqdakı tikililər yanğından mühafizə olunub. 

Yanğın yanğından mühafizə bölmələri tərəfindən söndürülüb.

YAZTV

FHN əməkdaşları 2 nəfəri xilas etdi

FHN əməkdaşları 2 nəfəri xilas etdi

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.

Belə ki, Fövqəladə Hallar Nazirliyinin “112” qaynar telefon xəttinə daxil olmuş zənglər əsasında Nazirliyin aidiyyəti qurumları tərəfindən ötən sutka ərzində 17 yanğına çıxış, 1 nəqliyyat qəzası və 1 halda köməksiz vəziyyətdə qalma faktları üzrə qəza-xilasetmə əməliyyatları həyata keçirilib. Görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib. Ümumilikdə, ötən sutka ərzində 2 nəfər xilas edilib.

YAZTV

Samux rayonunda bıçaqlanma hadisəsi baş verib

Samux rayonunda bıçaqlanma hadisəsi baş verib

Samux rayonunda əkin sahəsində iki nəfəri bıçaqlayıb qaçan şəxs saxlanılıb.

DİN Mətbuat xidmətinin Gəncə regional qrupunun baş inspektoru Eşqin Qasımov YAZTV-yə açıqlamasında bildirib ki, hadisə fevralın 28-də rayonun Lək kəndi ərazisində əkin sahəsində baş verib.

Rayonun Qarabağlar kənd sakini, 1969-cu il təvəllüdlü Asəf Muradovla Lək kənd sakini, 1975-ci il təvəllüdlü Eldəniz Həsənov arasında mübahisə yaranıb. A.Muradov bıçaqla E.Həsənovun qarnından bir zərbə vurub. A.Muradov, həmçinin, onları ayırmaq istəyən digər Lək kənd sakini, 1984-cü il təvəllüdlü Elçin Məmmədovu da bıçaqlayıb.

Daha sonra hadisə yerindən qaçan Asəf Muradov rayon polis əməkdaşlarının keçirdiyi əməliyyat-axtarış tədbirləri nəticəsində cinayət aləti olan bıçaqla birlikdə saxlanılıb.

Faktla bağlı araşdırma aparılır.

Tövlədə özünü asan tələbə ilə bağlı İdman Akademiyasından AÇIQLAMA

Tövlədə özünü asan tələbə ilə bağlı İdman Akademiyasından AÇIQLAMA

“İntihar edən Seymur Əsgərov nümunəvi tələbə idi Azərbaycan Dövlət Bədən Tərbiyəsi və İdman Akademiyasının birinci kurs tələbəsi Seymur Əsgərovun intihar xəbərini dərin kədər və təəssüf hissilə qarşıladıq“.

Bu sözləri Akademiyanın Mətbuat xidmətinin rəhbəri Qabil Mehdiyev deyib.

O bildirib ki, birinci kursda, məşqçilik ixtisası üzrə təhsil alan Seymur onlayn dərslərdə fəallığı ilə seçilən, nümunəvi və çalışqan tələbə olub: “Birinci semestrdə verdiyi bütün imtahanların hamısından müvəffəqiyyətlə keçib. Belə nümunəvi bir tələbəsini itirən akademiyamız Seymurun ölümündən kədərlənir və onun ailəsinə bir daha dərin hüznlə başsağılı verir.“

YAZTV (oxu az)

Bakıda silah satmaq istəyən şəxs saxlanılıb

Bakıda silah satmaq istəyən şəxs saxlanılıb

Binəqədi Rayon Polis İdarəsinin 6-cı Polis Bölməsinin əməkdaşları tərəfindən qanunsuz saxlanılan odlu silah-sursatın aşkar edilməsi istiqamətində əməliyyat tədbiri həyata keçirilib.

Daxili İşlər Nazirliyindən YAZTV-yə verilən xəbərə görə, Abşeron rayon sakini Xəyyam Əbdülhüseynovun üzərində qanunsuz olaraq odlu silah-sursat gəzdirməsi və satmaq istəməsi barədə polis əməkdaşlarına əməliyyat məlumatı daxil olub.  Bölmə əməkdaşları tərəfindən keçirilən təxirəsalınmaz tədbir nəticəsində həmin şəxs Binəqədi rayonu ərazisində saxlanılıb. Onun üzərinə baxış keçirilərkən 1 ədəd “Naqan” markalı tapança aşkar olunaraq götürülüb. X.Əbdülhüseynov silahın ona məxsus olduğunu və 1000 manata satmaq istəyən zaman saxlanıldığını bildirib.

Qeyd edək ki, X.Əbdülhüseynov odlu silahı satmağa gedərkən tanınmamaq üçün idarə etdiyi avtomobilin dövlət qeydiyyat nişanınında dəyişiklik edib.

Faktla bağlı 6-cı Polis Bölməsində saxlanılan şəxs barəsində toplanan materiallar Binəqədi RPİ-nin İstintaq Şöbəsinə göndərilib, araşdırmalar davam etdirilir.