Wednesday, 29 İyun 2022 22:53
Yeni Azərbaycan Televiziyası
Bakı
İstanbul
Moskva
Nazir müavini: "Uşaqlar arasında yayılan xəstəlik sırf soyuqdəymədir"

Nazir müavini: "Uşaqlar arasında yayılan xəstəlik sırf soyuqdəymədir"

"Azərbaycanda həm koronavirus, həm də digər xəstəliklərlə bağlı epidemioloji durum sabitdir".

Bunu  səhiyyə nazirinin müavini Nadir Zeynalov deyib.

O bildirib ki, ölkədə epidemioloji vəziyyət nəzarət altındadır.

N.Zeynalov qeyd edib ki, uşaqlar arasında yayılan xəstəlik sırf soyuqdəymədir: "Mövsümi olaraq həmişə respirator virus infeksiyaları yayılır. Hazırda həmin virusların mövsümi olmadığından xəstələnmə halları azalmaqdadır. İnfluenza virusu vaxtaşırı xəstələndiyimiz soyuqdəymə, yaxud qrip xəstəliyidir və bu da mövsümidir. Hazırda bu sahədə sabitlikdir".

Azərbaycan universal peyvəndlənmə üçün səylərini artırır

Azərbaycan universal peyvəndlənmə üçün səylərini artırır

COVID-19 ilə qlobal mübarizə, onun nəzarət altında saxlanılması və yayılmasının qarşısının alınması, habelə dövlətlərə dəstəyin verilməsi üzrə səylərin əlaqələndirilməsində BMT sisteminin fundamental rolu var. Ümumdünya Səhiyyə Təşkilatının səyləri əvəzolunmazdır.

Pandemiyanın başladığı dövrdən Qoşulmama Hərəkatı multilateralizm, əməkdaşlıq və həmrəylik ruhunda geniş beynəlxalq ictimaiyyətin səylərini fəal şəkildə səfərbər edərək, pandemiya ilə mübarizə və onun mənfi nəticələrinin aradan qaldırılması baxımından bir sıra uğurlu təşəbbüslər irəli sürmüşdür. 2020-ci ilin dekabrında BMT Baş Assambleyasının COVID-19 pandemiyası ilə mübarizəyə həsr edilmiş Xüsusi Sessiyasının keçirilməsi, habelə ötən ilin mart və dekabr aylarında İnsan Hüquqları Şurası və Baş Assambleya tərəfindən qəbul edilmiş “COVID-19 pandemiyası ilə mübarizədə bütün ölkələr üçün peyvəndlərə bərabər, məqbul qiymətə, vaxtında və universal əlçatanlığın təmin edilməsi”nə dair qətnamələr Qoşulmama Hərəkatına üzv dövlətlər adından irəli sürülmüşdür.

COVID-19 pandemiyası kimi qlobal fövqəladə vəziyyət qlobal yanaşma tələb edir. Lakin az və orta gəlirli ölkələrdə peyvəndlərin tədarükünün aşağı səviyyədə olması bu baxımdan hələ də çox işlərin görülməli olduğunu göstərir. COVID-19 peyvəndlərinin bölgüsü baxımından inkişaf etməkdə olan ölkələrlə inkişaf etmiş ölkələr arasında qeyri-bərabərlik beynəlxalq ictimaiyyətin qısa zamanda pandemiyanın tamamilə aradan qaldırılmasına nail olmasının qarşısını alır. Sözügedən amil Dayanıqlı İnkişaf üzrə 2030-cu il Gündəliyinin reallaşdırılmasına mane olur.

Səhiyyə sisteminin davamlı fəaliyyətinin təmin edilməsi və pandemiya ilə mübarizədə səmərəli addımların atılması üçün əsas səhiyyə xidmətlərinin bütün müvafiq aspektlərinin gücləndirilməsi vacibdir. Azərbaycan COVID-19 peyvəndlərini ianə edən ölkələrin səylərini alqışlayır və bütün dövlətlərə buna ehtiyacı olan az və orta gəlirli ölkələrlə peyvənd dozalarını bölüşməyi fəal şəkildə təşviq edir. Bu kontekstdə Azərbaycan bütün ölkələr üçün COVID-19 peyvəndlərinin məqbul qiymətə, bərabər, universal və vaxtında əlçatanlığın təmin olunmasına xidmət edən COVAX Mexanizmi, COVAX Öncədən Bazar Öhdəliyi, COVAX Öncədən Bazar Öhdəliyi Forumu və digər aidiyyəti konstruktiv təşəbbüsləri yüksək qiymətləndirir və dəstəkləyir. Bundan əlavə, Azərbaycan BMT sülhməramlılarının mürəkkəb vəziyyətlə üzləşdiyini nəzərə alaraq, BMT-nin sülhməramlı əməliyyatlarına COVID-19 əleyhinə peyvənd ianə edən ölkələrin səylərini alqışlayır.

Bütün ölkələrin, beynəlxalq təşkilatların və aidiyyəti tərəfdaşların milli və regional hüquqi çərçivəyə uyğun olaraq peyvənd istehsalı, paylanılması və ədalətli qiymət qoyulması məsələlərində şəffaflıqla bağlı öhdəlik götürmələri vacibdir. COVID-19 əleyhinə peyvəndlərin məqbul qiymətə, vaxtında, bərabər və universal əlçatanlığına mane ola biləcək möhtəkirliyin, lazımsız ixrac nəzarətinin və lüzumsuz artıq tədarükün qarşısının alınması ilə bağlı ölkələr tərəfindən təcili addımların atılması eyni dərəcədə əhəmiyyətlidir.

Qoşulmama Hərəkatı pandemiyanın tezliklə aradan qaldırılması və effektiv bərpa prosesinə imkan yaradacaq beynəlxalq həmrəyliyin gücləndirilməsi üçün fəal şəkildə səylərini davam etdirməyə hazırdır. Bu mənada Qoşulmama Hərəkatı post-COVID-19 dövrünün bərpa ehtiyacları ilə bağlı nəticəyönümlü təşəbbüslərlə çıxış edəcək.

Peyvəndlənmə kampaniyasına 2021-ci ilin yanvarında başlamışıq. Bu günədək ölkədə yetkin əhalinin 68 faizinə peyvəndin hər iki dozası vurulub. COVID-dən əziyyət çəkmiş əhali və sahibkarlıq subyektlərinin dəstəklənməsi üçün bu ilin dövlət büdcəsindən 1.6 milyard ABŞ dolları məbləğində maliyyə yardımı ayrılıb. Azərbaycan pandemiya, “peyvənd millətçiliyi” və peyvəndlərdən istifadə ilə bağlı inkişaf etmiş və inkişaf etməkdə olan ölkələr arasında qeyri-bərabərliyə qarşı beynəlxalq həmrəyliyin gücləndirilməsi istiqamətində vacib qlobal təşəbbüslərlə çıxış edib. BMT Baş Assambleyasının Xüsusi Sessiyası, peyvəndlərdən bərabər və universal istifadənin təmin edilməsinə dair qətnamələr bunun bariz nümunəsidir.

Həmrəylik əlaməti olaraq, koronavirusla mübarizəni dəstəkləmək məqsədilə Azərbaycan birbaşa və ya Ümumdünya Səhiyyə Təşkilatı vasitəsilə 80-ə qədər ölkəyə maliyyə və humanitar yardımı etmişdir. Bununla yanaşı, 5 ölkəyə peyvənd ianəsi edilib və bu iş davam etdiriləcək. Hazırda Qoşulmama Hərəkatına üzv olan 14 ölkəyə təqribən bir milyon doza peyvəndin ianə edilməsi prosesi davam edir.

Nazir: “Son günlər ölkədə koronavirusa yoluxma kəskin artır, əsas səbəb “Omikron” ştamıdır”

Nazir: “Son günlər ölkədə koronavirusa yoluxma kəskin artır, əsas səbəb “Omikron” ştamıdır”

“Son günlər ölkədə koronavirusa yoluxma kəskin artır. Bunun əsas səbəbi “Omikron” ştamıdır. Çünki yeni ştam daha yoluxdurucudur”.

YAZTV xəbər verir ki, bunu səhiyyə naziri Teymur Musayev keçirdiyi brifinqdə deyib.

Nazirin sözlərinə görə, hazırda ölkədə koronavirusla bağlı vəziyyət idarəolunan və nəzarət altındadır:

“Xəstəxanaya çatdırılma və müalicə ilə bağlı heç bir problem yoxdur. “Omikron”la bərabar hələ “Delta” variantı da gündəmdir. Reanimasiyaya düşən pasiyentlərin arasında bunu müşahidə edirik”.

ÜST: "Hazırda Azərbaycanda meymunçiçəyi virusu ilə bağlı təhlükə yoxdur"

ÜST: "Hazırda Azərbaycanda meymunçiçəyi virusu ilə bağlı təhlükə yoxdur"

"Hazırda Azərbaycanda meymunçiçəyi virusu ilə bağlı təhlükə yoxdur".

Bunu  ÜST-ün Azərbaycandakı nümayəndəsi Hande Harmancı deyib.

Onun sözlərinə görə, bundan əvvəl də dünyada meymunçiçəyi xəstəliyi olub: "Onsuz da Afrikada mövcud idi, Avropada isə yeni yayılmağa başlayıb. Düzdür, koronavirus qədər narahatedici səviyyədə deyil. Sadəcə, fərqli formada yoluxuculuq qabiliyyəti olduğundan insandan insana çətin keçir. Ona görə də çox narahat deyilik. Lakin yenə də izləmək lazımdır".

Azərbaycanda iki koronavirus vaksini ilə bağlı araşdırmaların nəticəsi açıqlanıb

Azərbaycanda iki koronavirus vaksini ilə bağlı araşdırmaların nəticəsi açıqlanıb

“Həm Azərbaycan, həm də Rusiyada 100 nəfərin iştirakı ilə aparılan araşdırmada preparatların kombinasiyası təhlükəsizliyin optimal profili və dözümlüyünü nümayiş etdirdi ki, bu da “AstraZeneca”, “Sputnik V” və “Sputnik Layt” vaksinlərinin təhlükəsizlik üzrə öncəki klinik araşdırmalarının nəticələri ilə üst-üstə düşür”.

YAZTV xəbər verir ki, bu barədə Rusiya Birbaşa İnvestisiya Fondundan bildirilib.

Qurumdan qeyd olunub ki, “AstraZeneca” və “Sputnik V” – “Sputnik Layt” peyvəndlərinin birinci komponentinin kombinasiyası təhlükəsizliyini qiymətləndirən klinik tədqiqatların ikinci mərhələsinin aralıq nəticələri ciddi mənfi hallar aşkarlamayıb.

“Könüllülərin monitorinqi ilk aşıdan sonra 57 gün davam edib və preparatların kombinasiyası üçün yüksək təhlükəsizlik göstəriciləri nümayiş etdirib. Tədqiqat zamanı peyvəndlə bağlı heç bir ciddi mənfi hal aşkar edilməyib”, - tədqiqatın müəllifləri vurğulayıblar.

Tədqiqat çərçivəsində könüllülərə 28 gün fasilələrlə müxtəlif ardıcıllıqla “AstraZeneca” və “Sputnik V” peyvəndlərinin “Ad26-S” komponenti əzələdaxili yeridilir.

Azad edilən ərazilərdə daha 15 mina aşkarlanıb

Azad edilən ərazilərdə daha 15 mina aşkarlanıb

Azərbaycan Minatəmizləmə Agentliyi (ANAMA) işğaldan azad edilmiş ərazilərdə icra olunan əməliyyatlar barədə həftəlik məlumatı təqdim edib.

ANAMA-dan  verilən məlumata görə, yanvarın 10-dan 15-dək Tərtər, Ağdam, Füzuli, Şuşa, Qubadlı, Cəbrayıl və Zəngilanda aparılan minatəmizləmə əməliyyatları zamanı piyada əleyhinə 14, tank əleyhinə 1 mina və 112 partlamamış hərbi sursat aşkarlanaraq zərərsizləşdirilib.

Nəticədə 51,8 hektar ərazi mina və partlamamış hərbi sursatlardan təmizlənib.

TƏBİB: "Hazırda 46 pandemiya tibb müəssisəsindən 7-si fəaliyyətini davam etdirir"

TƏBİB: "Hazırda 46 pandemiya tibb müəssisəsindən 7-si fəaliyyətini davam etdirir"

Hazırda 46 pandemiya tibb müəssisəsindən 7-si fəaliyyətini davam etdirir.

Bu barədə YAZTV-yə TƏBİB-dən məlumat verilib.

Qeyd olunub ki, bütün növ resursların optimallaşdırılması və səmərəli tətbiqi məqsədi ilə coğrafi yerləşmələri nəzərə alınmaqla növbəti təlimat verilənədək 7 saylı Uşaq Yoluxucu Xəstəxanası, FHN Modul, Quba Rayon Mərkəzi Xəstəxanası, Kiliniki Tibbi Mərkəzi, Gəncə Modul, Sabirabad Rayon Mərkəzi Xəstəxanasının Pandemiya tibb müəssisəsi kimi fəaliyyəti dayandırılıb.

Masallı Rayon Mərkəzi Xəstəxanasının fəaliyyəti isə qismən davam edir. Eyni zamanda, qəbulu planlaşdırılan COVİD xəstələrinin müvafiq ərazi üzrə digər müəssisələrə yönləndirilməsi təşkil edilir. Hazırda 46 pandemiya tibb müəssisəsindən 7- i fəaliyyətini davam etdirir.

Bakı-Abşeron bölgəsi üzrə 4 tibb müəssisəsi - Yeni Klinika, Mərkəzi Gömrük Xəstəxanası, Məhəmmədli modul, Elmi-Tədqiqat Ağciyər Xəstəlikləri İnstitutu (ETACXİ), qərb bölgəsi üzrə 2 tibb müəssisəsi - Ağdaş Rayon Mərkəzi Xəstəxanası, Şəmkir Rayon Kür Qəsəbə Xəstəxanası, cənub bölgəsi üzrə 1 tibb müəssisəsi - Masallı Rayon Mərkəzi Xəstəxanası fəaliyyətini qismən davam etdirir.

Səhiyyə naziri tibbi işçilərinin sertifikasiyasına münasibət bildirib

Səhiyyə naziri tibbi işçilərinin sertifikasiyasına münasibət bildirib

“Hazırda tibbi işçilərinin sertifikasiya imtahanının mükəməlləşdirilməsinə ehtiyac var və bununla bağlı işlər aparılır”.

YAZTV xəbər verir ki, bunu səhiyyə naziri Teymur Musayev bu gün keçirdiyi brifinqdə deyib.

Onun sözlərinə görə, sertifikasiya imtahanı ilə məşğul olan mərkəzin yeni formada fəaliyyəti üçün müvafiq addımlar atılacaq.

Nazir bildirib ki, tibb işçilərinin taktiki fəaliyyətində dəstək olacaq çoxlu mövzular var: “İxtisaslı işçi qüvvəsi səhiyyənin əsas resursudur. Bu sahədə yeni strategiyanın hazırlanması vacibdir. Yaxın zamanda bununla bağlı atılacaq addımlarla bağlı məlumat veriləcək”.

Azərbaycanda daha bir dərmanın istifadəsi qadağan edilib

Azərbaycanda daha bir dərmanın istifadəsi qadağan edilib

Azərbaycanda daha bir dərman vasitəsinin istifadəsi qadağan olunub.

YAZTV-nin xəbərinə görə, bu barədə Səhiyyə Nazirliyinin Analitik Ekspertiza Mərkəzi qərar qəbul edib.

Qərara əsasən, 028361 seriya ilə buraxılmış son istifadə tarixi 05.2023 olan “Fosfalyugel” ticarət adlı aluminium phosphate gel 20%, daxilə qəbul edilən gel 16 q №20 paketlərdə (saşe) dərman vasitəsi geri çağırılıb.

Qeyd edək ki, bundan əvvəl “5-NOK®” ticarət adlı nitroxoline - 50 mg tərkibli örtüklü tabletlər və “Hartil®-D” ticari adlı ramipril / hydrochlorothiazide - 2.5 mg/12.5 mg tərkibli tabletlər də geri çağırılmışdı.

Səhiyyə Nazirliyi vaksinasiya ilə bağlı vətəndaşlara müraciət edib

Səhiyyə Nazirliyi vaksinasiya ilə bağlı vətəndaşlara müraciət edib

Səhiyyə Nazirliyi vaksinasiya ilə bağlı vətəndaşlara müraciət edib.

YAZTV xəbər verir ki, müraciətdə deyilir:

"Nazirlər Kabinetinin qərarına əsasən, 2022-ci il mart ayının 20, 21, 22, 23, 24-ü Novruz bayramıdır. Əhalinin davamlı olaraq vaksinasiyasını təmin etmək üçün peyvənd məntəqələri fəaliyyət göstərəcək. Yalnız 20-21 mart tarixlərində peyvənd məntəqələrində qeyri-iş günü olacaq".

Səhiyyə naziri sərt karantin rejiminin tətbiqinə ehtiyac olub-olmaması barədə açıqlama verib

Səhiyyə naziri sərt karantin rejiminin tətbiqinə ehtiyac olub-olmaması barədə açıqlama verib

"Bu gün hər hansı məhdudlaşdırıcı addımların atılmasına zəruriyyət yoxdur. Lakin sərt karantin rejiminin olması xəstəliyin gedişatı, yoluxma sayı və xəstəxanaya yerləşdirmə ilə əlaqəli vəziyyətdən asılı ola bilər”.

YAZTV xəbər verir ki, bunu səhiyyə naziri Teymur Musayev keçirdiyi brifinqdə deyib.

O qeyd edib ki, hazırda pandemiya ilə əlaqəli istifadədə olan ümumi çarpayı fondunun 20 %-i, reanimasiya üzrə isə bu göstərici cəmi 10 % təşkil edir:

“Ümumilikdə isə vəziyyət qənaətbəxşdir. Nəzərə almaq lazımdır ki, “Omikron” ştamına yoluxan insanlar xəstəliyi daha yüngül keçirir. Bu məlumat iki doza alan vətəndaşlara aiddir. Peyvənd olunmayanlarda xəstəlik ciddi fəsadlar törədə bilir. Artıq bir neçə şəxs reanimasiyaya yerləşdirilib. İnsanlar reallığı olduğu kimi qəbul etməlidir".

Nazir xatırladıb ki, fevralın 15-dən sonra iki doza vaksin alan və vaksinlərin vurulmasından 6 ay keçən şəxslərin peyvənd sertifikatları etibarsız sayılacaq:

"Bunu əsas tutaraq hər bir az vətəndaşı buster dozanı qəbul etməyə səsləyirəm. Kim iki doza qəbul edibsə immun sistemlərini gücləndirmək üçün buster dozanı vurdurmalıdır”.

Tanınmış həkim vəfat etdi

Tanınmış həkim vəfat etdi

Uzun illər Salyan rayon Dəri-Zöhrəvi Dispanserinin baş həkimi işləmiş, tanınmış dəri həkimi Rasim Sahib oğlu Babayev vəfat edib.

YAZTV xəbər verir ki, Rasim Babayev xəstəlik səbəbindən 72 yaşında dünyasını dəyişib.

 Allah rəhmət eləsin! (publika az)