Friday, 22 Yanvar 2021 06:39
Yeni Azərbaycan Televiziyası
Bakı
İstanbul
Moskva
1.67°C

Bakı

Rütubətlilik: 80%
Külək: 7.46 KM/S
“Samsung” yeni smartfonlarda yaddaş kartlarından imtina edib

“Samsung” yeni smartfonlarda yaddaş kartlarından imtina edib

“Samsung” şirkəti yeni qabaqcıl smartfonlarda yaddaş kartı üçün çıxışı ləğv edib.

YAZTV “Android Police” nəşrinə istinadla xəbər verir ki, jurnalistlər “Galaxy S21”, “S21 ” və “S21 Ultra” smartfonlarında yaddaş kartı üçün çıxışın olmamasına diqqət yetiriblər. Əvvəllər şirkətin qurğularında “microSD” formatlı xarici toplayıcı ilə birlikdə istifadə üçün nəzərdə tutulan oxşar çıxış mövcud olub. Müəlliflərin sözlərinə görə, bundan əvvəl “Samsung Galaxy Z Fold2” və “Z Flip” bükülən smartfonlarında yaddaş kartı üçün çıxışdan imtina olunub.

Məlumata görə, indi smartfon yaddaşında daha çox məlumat saxlamaq üçün istifadəçilər daha böyük tutuma (maksimum 512 giqabayt) malik bahalı qurğu almalı olacaqlar. Alternativ variant kimi istifadəçilər bir sıra sənədləri “bulud” saxlancında saxlaya bilərlər.

Həmçinin jurnalistlər qeyd ediblər ki, “Samsung” smartfonlarında yaddaş kartlarının funksionallığı qurğular tərəfindən “Adoptable storage” funksiyası dəstəklənmədikdən həmişə məhdud olub. Bu texnologiya qurğunun quraşdırılmış yaddaşı və yaddaş kartından vahid massiv yaratmağa imkan verir. Məsələn, bu, proqramları və onların məlumatını xarici daşıyıcıda saxlamağa şərait yaradır.

Müəlliflərin fikrincə, ucuz “Samsung” smartfonlarında yaddaş kartı üçün slot saxlanılacaq. Mütəxəssislər vurğulayıb ki, xarici toplayıcıdan müəyyən məhdudiyyətlər şərti ilə musiqi, video, foto və digər kontentin saxlanılması üçün istifadə etmək olar.(AZƏRTAC)

Postpandemiya dövründə bütün bəşəriyyətdə bərabər və davamlı yeni ortaq dəyərlərə daha çox ehtiyac olacaq

Postpandemiya dövründə bütün bəşəriyyətdə bərabər və davamlı yeni ortaq dəyərlərə daha çox ehtiyac olacaq

Son vaxtlar Avropa və Amerikadakı bir çox hadisələr ölkəmizə qarşı nümayiş etdirilən ikili standartı yenidən gündəmə gətirdi. Türkiyəni demokratiya və hüquq azadlıqlarını məhdudlaşdırmaqda günahlandıranların üzləşdikləri ilk təhdidlərdə nə qədər sərt tədbirlər tətbiq etdiyini görürük.

YAZTV xəbər verir ki, bu fikirləri Türkiyə Prezidenti Rəcəb Tayyib Ərdoğan Diyarbəkir-Ərgani-Elazığ Yolu Dəvəkeçidi körpüsü və kommunikasiya yollarının açılış mərasimində bildirib.

Postpandemiya dövründə bütün bəşəriyyəti əhatə edəcək mənşə, rəng, inanc, mədəniyyət kimi ayrı-seçkiliklərə üstün gələcək ədalətli, bərabər və davamlı yeni ortaq dəyərlərə daha çox ehtiyac olacağını vurğulayan Türkiyə Prezidenti koronavirus nəticəsində yenidən qurulması qaçılmaz olan qlobal siyasi və iqtisadi nizamın bu çərçivədə formalaşacağına ümid etdiklərini bildirib.

Türkiyənin uzun illər terrorla mübarizə aparan ölkə olduğunu xatırladan və son olaraq ölkənin Boğaziçi Universitetində baş verən hadisəyə toxunan Rəcəb Tayyib Ərdoğan deyib : “Terror təşkilatları ilə əlaqəli şəxslərin törətdikləri bu cür hərəkətlərin demokratiya və hüquq axtarışı, fikir və ifadə azadlığı ilə heç bir əlaqəsi yoxdur. Millətimiz arasında nifaq salmağa çalışan, birliyimizə və qardaşlığımıza çirkin siyasi oyunlarla hücum edənləri həmişə məyus etmişik”. (AZƏRTAC)

 

Koronavirusun yeni ştammına Avstriyada da rast gəlinib

Koronavirusun yeni ştammına Avstriyada da rast gəlinib

Ötən il Milad bayramından bir neçə gün öncə barəsində ilk dəfə xəbərlərin yayıldığı koronavirusun mutasiyaya uğramış ştammına Avstriyada da rast gəlinib.

YAZTV xəbər verir ki, Avstriyanın Federal Səhiyyə naziri Rudolf Anşober və Avstriya Qida Təhlükəsizliyi Agentliyinin rəhbəri Frants Allerberqer birgə mətbuat konfransında bu xəbəri təsdiqləyiblər. Qeyd edilib ki, Avstriyada artıq dörd pasiyentdə koronavirusun Böyük Britaniyada aşkarlanan yeni forması müəyyən edilib. Nazirin sözlərinə görə, indiyədək 32 ölkədə təsdiqlənən yeni ştammı müəyyən etmək üçün Avstriyada 1800-dən artıq test nümunələrinin təkrar yoxlanışı həyata keçirilib və yeni ştamm Vyana beynəlxalq hava limanındakı tibbi mərkəzdə götürülmüş testlər arasında aşkarlanıb. Test nümunələrinin təkrar yoxlanışı zamanı isə digər bir pasiyentdə koronavirusun Cənubi Afrika Respublikasında yayılan formasına da rast gəlinib.

Mətbuat konfransında bildirilib ki, mütəxəssislər hazırda təqdim olunan peyvənd maddələrinin virusun hər iki formasına qarşı təsirli olması qənaətindədirlər. Eyni zamanda Böyük Britaniyada aşkar edilən varianta (B.1.1.7) yoluxanlarda xəstəliyin daha ağır formada keçməsi də təsdiqlənməyib. Lakin bununla belə gələcəkdə peyvəndlərin təsir göstərə bilməyəcəyi yeni formaların da meydana gələ biləcəyi istisna deyil. Həmçinin yeni mutasiya ştammının ilkin variantla müqayisədə daha sürətlə yayılması faktı da müəyyən edilib.(Azərtac)

Qara dənizdə batan yük gəmisinin operatoru Ukrayna şirkətidir

Qara dənizdə batan yük gəmisinin operatoru Ukrayna şirkətidir

Qara dənizin Türkiyə sahillərində batan “Arvin” yük gəmisinin operatoru Ukraynanın “Tesero Marine” şirkətidir.

YAZTV xəbər verir ki, bu barədə jurnalistlərə Rusiya Dənizçilərinin Həmkarlar İttifaqından məlumat verilib.

Son məlumata görə, batan gəminin xilas edilmiş beş ekipaj üzvü rusiyalıdır. Daha iki Rusiya dənizçisinin isə meyiti tapılıb. (AZƏRTAC)

Düşənbə 2021-ci ildə MDB-nin mədəniyyət paytaxtı elan olunub

Düşənbə 2021-ci ildə MDB-nin mədəniyyət paytaxtı elan olunub

Tacikistanın paytaxtı Düşənbə 2021-ci ildə MDB-nin mədəniyyət paytaxtı, İqtisadi Əməkdaşlıq Təşkilatı tərəfindən isə turizm şəhəri elan olunub.

YAZTV xəbər verir ki, bu barədə Müstəqil Dövlətlər Birliyinin İcraiyyə Komitəsi məlumat yayıb. Qeyd edilir ki, 2021-ci il ərzində bununla bağlı Düşənbədə bir sıra tədbirlərin keçirilməsi nəzərdə tutulur.

Statistik məlumata görə, hazırda Düşənbədə 37 mehmanxana, 42 əyləncə mərkəzi, 25 bazar, 91 ticarət mərkəzi, 17 mədəniyyət və istirahət parkı, 7 professional teatr, 306 müalicə-profilaktika müəssisəsi və digər xidmət sahələri fəaliyyət göstərir.

Xatırladırıq ki, 2020-ci ildə Qazaxıstanın Çimkənd şəhəri MDB-nin mədəniyyət paytaxtı olub. (AZƏRTAC)

Son sutka ərzində İranda koronavirusa 6 mindən çox yoluxma, 110 ölüm halı qeydə alınıb

Son sutka ərzində İranda koronavirusa 6 mindən çox yoluxma, 110 ölüm halı qeydə alınıb

Son sutka ərzində İranda 6 min 73 nəfər koronavirusa yoluxub, 110 nəfər isə həyatını itirib.

YAZTV xəbər verir ki, bu barədə məlumatı İranın Səhiyyə Nazirliyini mətbuat katibi Sima Səadət Lari verib. O bildirib ki, bununla da İranda koronavirusa yoluxanların ümumi sayı 1 milyon 249 min 507-yə, ölənlərin sayı isə 55 min 650-yə çatıb.

Xüsusi xəstəxanalarda müalicə alan 4 min 901 xəstənin vəziyyəti ağır olaraq qalır. Eyni zamanda, 1 milyon 20 min 737 xəstə isə sağalaraq evə buraxılıb.(AZƏRTAC)

Rəcəb Tayyib Ərdoğan: Ötən 18 il Türkiyə tarixinin ən uğurlu dövrüdür

Rəcəb Tayyib Ərdoğan: Ötən 18 il Türkiyə tarixinin ən uğurlu dövrüdür

Bu gün Türkiyədə 54,5 milyon vətəndaş təbii qazdan faydalanır. Cəmi 29,5 milyon türk lirəsi sərmayə ilə 45,2 kilometr uzunluğunda təbii qaz xətti çəkdik. 2020-ci ildə də təbii qaz investisiyalarımızı dayandırmadıq. Pandemiya dövrü olmasına baxmayaraq, ölkənin 39 rayon və qəsəbəsinə təbii qaz verildi. 2021-ci ildə də investisiyalarımızı artırmağa davam edəcəyik.

YAZTV AZƏRTACA istinadən xəbər verir ki, bu fikirləri Türkiyə Prezidenti Rəcəb Tayyib Ərdoğan Manisa vilayətində enerji və təbii resurslarla bağlı layihələrin açılış mərasimində çıxışı zamanı səsləndirib.

Qara dənizdəki təbii qaz kəşfindən sonra ölkədə enerji investisiyalarına daha çox diqqətin cəlb edildiyini bildirən Türkiyə Prezidenti bundan sonra mümkün qədər yerli mənbələrə əsaslanan enerji sektoru qurmağı hədəflədiklərini deyib. Bildirilib ki, açılış mərasimi çərçivəsində istifadəyə verilən Soma Kolin istilik elektrik stansiyası da yerli kömürün yüksək texnologiyalarla birləşməsinin ən yaxşı nümunədir. Bu layihə sayəsində ildə təxminən 150 milyon dollarlıq qaz idxalının qarşısı alınacaq.

Ötən 18 ili Türkiyə Respublikası tarixində ən uğurlu dövrü kimi qiymətləndirən Rəcəb Tayyib Ərdoğan bu müddət ərzində ölkədə təbii qazın paylanmasına qoyulan investisiyanın ümumilikdə 27 milyard türk lirəsinə çatdığını bildirib: “Türkiyənin inkişafı üçün ən vacib məqamlardan hesab etdiyimiz elektrik enerjisindəki gücümüzü son 18 il ərzində ildə 3 dəfə artıraraq 96 min meqavata çatdırdıq. 2002-ci ildə cəmi 18 meqavat olan geotermal enerji gücümüz bu gün 1613 meqavata çatıb. Bu rəqəmlərlə Türkiyə geotermal enerji sahəsində Avropada ilk, dünyada isə 4-cü pilləyə yüksəlib. Bugünkü enerji gücümüzün 63,5 faizi yerli mənbələrə əsaslanır. Bu nisbətin 51,7 faizi bərpaolunan enerji mənbələrinə, yəni, təmiz enerjiyə aiddir. Hədəfimiz Türkiyəni yalnız istehsalda deyil, eyni zamanda, bərpaolunan enerji texnologiyaları sahəsində də mərkəzi ölkə halına gətirməkdir”.

İrana qarşı yeni sanksiyalar tətbiq edilib

İrana qarşı yeni sanksiyalar tətbiq edilib

ABŞ İrana qarşı tətbiq etdiyi iqtisadi sanksiyalar siyahısını daha da genişləndirərək ona məxsus 16 şirkətin adını sanksiyalar siyahısına əlavə edib.

YAZTV ABŞ Maliyyə Nazirliyinin yaydığı məlumata əsasən xəbər verir ki, sanksiyalar əsasən metallurgiya sahəsində fəaliyyət göstərən şirkətlərə tətbiq edilib. Bununla yanaşı, Çin, Almaniya və Böyük Britaniyada fəaliyyət göstərən bəzi şirkətlər də sanksiya rejimini pozmaqda ittiham edilərək adları siyahıya salınıb.

ABŞ-ın tətbiq etdiyi sanksiyalar qanununa əsasən bu şirkətlərin ABŞ-da olan aktivləri dondurulur və onlarla hər hansı əlaqə qurmaq qadağan edilir.(AZƏRTAC)

Son sutka ərzində İranda 5 min 760 yoluxma və 134 ölüm halı qeydə alınıb

Son sutka ərzində İranda 5 min 760 yoluxma və 134 ölüm halı qeydə alınıb

İranda COVID-19 infeksiyasının yayılmasında azalma davam edir. Son sutka ərzində ölkə ərazisində 5 min 760 nəfər virusa yoluxub, 134 nəfər isə ölüb.

YAZTV xəbər verir ki, bu barədə məlumatı İranın Səhiyyə Nazirliyini mətbuat katibi Sima Səadət Lari verib. O bildirib ki, bununla da İranda virusa yoluxanların ümumi sayı 1 milyon 194 min 963-ə, ölənlərin sayı isə 54 min 574-ə çatıb.

Xüsusi xəstəxanalarda müalicə alan 5 min 273 xəstənin vəziyyəti ağır olaraq qalır. Eyni zamanda 942 min 548 xəstə isə sağalaraq evə buraxılıb.

Nəzərə çatdırılıb ki, İranda əhali milli istehsalı olan vaksindən istifadə edilərək peyvənd olunacaq. Artıq 27 min nəfər könüllü olaraq peyvənd vurulmasında iştirak edəcəyini bildirib. Yaxın günlərdə peyvənd vurulmasına başlanılacaq.(AZƏRTAC)

Türkiyə və Rusiya prezidentləri arasında telefon danışığı olub

Türkiyə və Rusiya prezidentləri arasında telefon danışığı olub

Türkiyə Prezidenti Rəcəb Tayyib Ərdoğan ilə Rusiya Prezidenti Vladimir Putin arasında telefon danışığı olub.

YAZTV AZƏRTACA istinadla xəbər verir ki, telefon söhbəti zamanı Rusiya Prezidenti Vladimir Putin türkiyəli həmkarını Moskvada keçirilmiş üçtərəfli görüş barədə məlumatlandırıb.

Türkiyədə son sutkada koronavirusdan 194 nəfər ölüb

Türkiyədə son sutkada koronavirusdan 194 nəfər ölüb

Yeni növ koronavirus (COVID-19) infeksiyası səbəbindən son sutka ərzində Türkiyədə 194 nəfər ölüb, 1477 nəfər xəstəxanaya yerləşdirilib.

YAZTV xəbər verir ki, yanvarın 5-də Türkiyə üzrə 183 min 413 nəfər testdən keçirilib. Onlardan 14 min 494 nəfərində virus əlaməti aşkarlanıb.

İndiyədək ümumilikdə 25 milyon 315 min 565 nəfər testdən keçirilib. Onlardan 2 milyon 270 min 101 nəfərində infeksiya aşkarlanıb. Koronavirusdan ölənlərin sayı 21 min 879 nəfərə çatıb, 2 milyon 155 min 338 nəfər xəstəlikdən sağalıb. Hazırda 3410 şəxs reanimasiyadadır.(AZƏRTAC)

Türkiyədə 4.1 bal gücündə zəlzələ olub

Türkiyədə 4.1 bal gücündə zəlzələ olub

Türkiyənin Elazığ vilayətinin Sivrice rayonunda yerli vaxtla saat 11.57-də Rixter cədvəli üzrə 4.1 bal gücündə zəlzələ baş verib.

YAZTV xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

Hələlik yeraltı təkanın təsiri barədə məlumat yoxdur.(AZƏRTAC)