Friday, 28 Yanvar 2022 19:53
Yeni Azərbaycan Televiziyası
Bakı
İstanbul
Moskva
Tokayev Qazaxıstanın hakim partiyasının yeni sədri seçilib

Tokayev Qazaxıstanın hakim partiyasının yeni sədri seçilib

Yanvarın 28-də Qazaxıstanın paytaxtı Nur-Sultan şəhərində hakim "Nur Otan" Partiyasının 21-ci (növbədənkənar) qurultayı keçirilib.

YAZTV "Zakon.kz"a istinadən xəbər verir ki, onlayın formada baş tutan tədbirə ölkənin bütün bölgələrindən 389 nümayəndə qatılıb.

Qurultayda təşkilati məsələlərə baxılıb. Ölkə Prezidenti Kasım-Jomart Tokayev hakim partiyanın yeni sədri seçilib.

Qırğızıstan-Tacikistan sərhədində vəziyyət sabitdir

Qırğızıstan-Tacikistan sərhədində vəziyyət sabitdir

28 yanvar yerli vaxtla saat 08:00-a olan məlumata görə, Qırğızıstan-Tacikistan dövlət sərhədinin Səmərqəndıq, Tort-Koço, Kok-Taş, Daxma, Koço-Boyu və Qolovnaya bölgələrində vəziyyət sabit qiymətləndirilir.

YAZTV-nin məlumatına görə, bu barədə Qırğızıstan Milli Təhlükəsizlik Dövlət Komitəsinin Sərhəd Xidmətinin mətbuat xidməti bildirib.

Sərhəd Xidmətindən qeyd olunub: "Gecə insidentsiz sakit keçib. Vəziyyətə nəzarət və monitorinqi Qırğızıstan Respublikasının Dövlət Milli Təhlükəsizlik Komitəsinin Sərhəd Xidməti həyata keçirir". (trend az)

Tacikistan hərbçiləri Qırğızıstanla sərhəddə gücləndirilmiş rejimə keçib

Tacikistan hərbçiləri Qırğızıstanla sərhəddə gücləndirilmiş rejimə keçib

Tacikistan Sərhəd Xidmətinin əməkdaşları Qırğızıstanla sərhəddə gücləndirilmiş rejimə keçib.

YAZTV bu barədə TASS-a istinadən xəbər verir.

Müvafiq qərar Tacikistan-Qırğızıstan sərhədində yaranmış gərginliklə əlaqədardır.

Hər iki tərəfdən yerli hakimiyyət nümayəndələri münaqişənin həlli üçün bütün tədbirləri görürlər.

Tacikistan və Qırğızıstanın sərhəd xidmətlərinin nümayəndələri sərhəddəki münaqişənin təfərrüatlarını dəqiqləşdirirlər.

Ukrayna Prezidenti Rusiyaya səfərə dəvət edilib

Ukrayna Prezidenti Rusiyaya səfərə dəvət edilib

“Ukrayna Prezidenti Volodimir Zelenski istəsə Moskvaya, Soçiyə və ya Sankt-Peterbuqa gələ bilər”.

YAZTV TASS-a istinadən xəbər verir ki, bunu Rusiyanın xarici işlər naziri Sergey Lavrov jurnalistlərə açıqlamasında deyib.

“Biz ikitərəfli münasibətlərin normallaşmasını müzakirə edə bilərik”, - o bildirib.

ÜST yeni koronavirusu ilə bağlı məlumatı şərh edib

ÜST yeni koronavirusu ilə bağlı məlumatı şərh edib

Ümumdünya Səhiyyə Təşkilatı (ÜST) Cənubi Afrika Respublikasında (CAR) aşkarlanan NeoCoV adlı yeni koronavirusla bağlı məlumat əldə edib. Bu virusun insanlar üçün təhlükəsi hələ öyrənilməyib.

YAZTV-nin məlumatına görə, bu barədə “RİA Novosti” xəbər verib.

Təşkilat çinli alimlərə tədqiqatlarının nəticələrini preprintdə paylaşdıqları üçün təşəkkür etdiklərini bildirib.

"Koronaviruslar tez-tez heyvanlarda, o cümlədən yarasalarda aşkarlanır, bu virusların çoxu üçün təbii anbar kimi müəyyən edilir", - ÜST-dən qeyd ediblər.

Təşkilat eyni zamanda aşkarlanan virusun insanlar üçün təhlükə yaradıb-yaratmaması ilə bağlı əlavə araşdırma tələb olunacağını bildirib.

Daha əvvəl Uhan Universitetinin çinli bioloqları Cənubi Afrika Respublikasında (CAR) yarasalarda NeoCoV koronavirusunun aşkar edildiyini bildiriblər. Çin mütəxəssislərinin fikrincə, virus insanlar arasında yayıla bilər. Əvvəlcə preprintdə olan məlumatlar ekspertlər tərəfindən yoxlanılmalıdır.

Oxşar patogenlər Rusiya, ABŞ, Kamboca, İsveçrə və digər ölkələrdə yarasaların və digər vəhşi heyvanların populyasiyalarında mövcuddur. İnsanlarla vəhşi heyvanlar arasında təmas daha tez-tez baş verərsə, koronaviruslarla əlaqəli yeni pandemiyalar başlaya bilər.

SARS-CoV-2 kimi, Yaxın Şərq qızdırmasının patogeni də insan ağciyərlərinə yoluxur. (report az)

Qırğızıstan Tacikistanla sərhəddə yaşayan 60 ailənin təxliyə edildiyini bildirib

Qırğızıstan Tacikistanla sərhəddə yaşayan 60 ailənin təxliyə edildiyini bildirib

Tacikistanla sərhəd zonasından 60 ailə təxliyə edilib.

YAZTV-nin məlumatına görə, bu barədə cümə axşamı Qırğızıstanın Batken vilayətinin vilayət administrasiyasının mətbuat xidmətindən “İnterfaks”a bildirilib.

"Ak-Say, Ak-Tatır və Səmərqəndək kimi təhlükəli sərhəd bölgələrində yaşayan insanlar təhlükəsiz zonaya köçürülür. Altmış ailə Batken şəhərindəki 3 saylı orta məktəbə yerləşdirilib", - mətbuat xidmətinin nümayəndəsi bildirib.

Onun sözlərinə görə, Qırğızıstanın Kulundu, Maksat, Sada kəndlərinin sakinləri təxliyə edilir.

“Batken şəhərinə təxliyə edilən vətəndaşlar ərzaqla təmin olunub”, - mənbə bildirib.

Ermənistan XİN başçısı: "Başımıza gələn faciə özümüzü aldatmağın nəticəsidir"

Ermənistan XİN başçısı: "Başımıza gələn faciə özümüzü aldatmağın nəticəsidir"

Ermənistanın xarici işlər naziri Ararat Mirzoyan 44 günlük İkinci Qarabağ müharibəsində üzləşdikləri faciəni özlərini aldatmağın nəticəsi hesab edir.

YAZTV “Sputnik Armeniya”ya istinadən xəbər verir ki, o, jurnalistlərə açıqlamasında yalanla yaşamağı dayandırmağı məsləhət görüb.

"Başımıza gələn faciə özümüzü aldatmağın nəticəsidir. Reallığın gözünün içinə baxmaq, bir-birimizlə birbaşa danışmaq, heç nəyi gizlətməmək lazımdır”, - o bildirib.

Nazir müxalifətin Türkiyə və Azərbaycanla münasibətlərin normallaşdırılması istiqamətində aparılan danışıqlarla bağlı tənqidinə cavab verməkdən də yayınıb. Ancaq bununla belə, 1990-cı illərdən Türkiyə ilə vaxtaşırı danışıqların və ya yazışmaların aparıldığını, lakin bu barədə cəmiyyətə məlumat verilmədiyinin necə ortaya çıxdığını izah etməyi xahiş edib.

“Biz uzunmüddətli və sabit sülhə sadiqik", - A.Mirzoyan qeyd edib.

Ərdoğan Ukraynaya səfərə gedir

Ərdoğan Ukraynaya səfərə gedir

Türkiyə Prezidenti Rəcəb Tayyib Ərdoğan fevralın 3-də Ukraynaya səfər edəcək.

YAZTV TASS-a istinadla xəbər verir ki, bu barədə Türkiyə liderinin ofisi məlumat yayıb.

 Ərdoğan Ukraynaya səfər etmək niyyətini yanvarın 21-də açıqlayıb.

Qeyd edək ki, fevralın 3-də Ankara ilə Kiyev arasında diplomatik münasibətlərin qurulmasının 30-cu ildönümü qeyd olunacaq.

Qırğızıstan-Tacikistan sərhədində atışma davam edir, ölən və yaralananlar var

Qırğızıstan-Tacikistan sərhədində atışma davam edir, ölən və yaralananlar var

Tacikistan-Qırğızıstan sərhədində baş verən atışma nəticəsində bir nəfər ölüb.

YAZTV xəbər verir ki, bu barədə "Sputnik Tacikistan" məlumat yayıb.

Həmçinin yaralananların sayı 6 nəfərə çatıb. Xəsarət alanların hamısı Tacikistan vətəndaşıdır.

Daha əvvəl üç tacik hərbçisinin yaralandığı bildirilirdi.

20:29

"Tacikistan tərəfi sərhəddə atəşkəs tələblərinə məhəl qoymur".

YAZTV TASS-a istinadən xəbər verir ki, bu barədə Qırğızıstanın Sərhəd Xidməti məlumat yayıb.

Qırğızıstan Sərhəd Xidməti bildirib ki, tacik hərbçiləri Qırğızıstanda elektrik xətləri və sərhəd postlarını atəşə tutur.

Qeyd edək ki, Tacikistanla sərhəddə vəziyyətin gərginləşməsindən sonra Qırğızıstanın Batken vilayətinin bir hissəsi işıqsız qalıb.

20:07

Qırğızıstanın Tacikistanla dövlət sərhədində vəziyyət gərgin olaraq səciyyələndirilir.

YAZTV xəbər verir ki, bu barədə Qırğızıstan Milli Təhlükəsizlik üzrə Dövlət Komitəsinin Sərhəd Xidməti məlumat yayıb.

İki ölkənin sərhəd xidmətlərinin nümayəndələri arasında aparılan danışıqların yekunlarına əsasən, Batken-İsfana yolunun həmin ərazidəki hissəsi yenidən açılıb.

Buna baxmayaraq, axşam saatlarında Tacikistan tərəfinin silahdan istifadə etməsi və Qırğızıstan Respublikası Milli Təhlükəsizlik üzrə Dövlət Komitəsinin sərhəd bölmələrini atəşə tutması səbəbindən vəziyyət daha da pisləşib.

Qırğızıstan və Tacikistan sərhəd qoşunlarının bölmələri arasında əsas atışmalar Tort-Koço və Çir-Dobo ərazilərində gedir. Tacikistan tərəfi minaatan və qumbaraatanlardan istifadə edir. Tacik mətbuatı 3 hərbçisinin yaralandığı barədə məlumat verib.

Tacikistanla sərhəddə yerləşən Qırğızıstan qəsəbələrinin sakinləri atışma səbəbindən evlərini tərk etməyə başlayıblar.

Atışma davam edir.

Yaranmış gərginliklə əlaqədar Qırğızıstan Operativ Qərargah yaradıb.

Xatırladaq ki, Qırğızıstan Milli Təhlükəsizlik Dövlət Komitəsinin (QKNB) Sərhəd Xidmətinin məlumatına görə, iki dövlət arasında insident Batken-İsfana avtomobil yolunun hissələrinin birində, Tort-Koço ərazisində başlayıb. Qırğızıstan tərəfinin əmin etdiyi kimi, vəziyyət Qırğızıstan sərhədçilərinə qarşı Tacikistan tərəfinin silahdan istifadə etməsi səbəbindən daha da pisləşib.

19:30

Qırğızıstan Milli Təhlükəsizlik Dövlət Komitəsinin Sərhəd Xidməti Tacikistanla sərhəddə gərgin vəziyyət barədə məlumat yayıb.

YAZTV TASS-a istinadən xəbər verir ki, Tacikistan Milli Təhlükəsizlik Dövlət Komitəsinin sərhəd qoşunlarının zabitləri birtərəfli qaydada Batkenin bölməsini bağlayıblar.

Milli Təhlükəsizlik Dövlət Komitəsinin Batken vilayəti üzrə idarəsinin rəisi Kyyalbek Tolonbayev və Batken sərhəd dəstəsinin rəisi Rüstəm Mirşakirov həmin əraziyə gediblər. Sərhəd bölmələri gücləndirilmiş xidmət rejiminə keçirilib.

Tacikistanla Qırğızıstan arasındakı sərhədin uzunluğu təxminən 950 km-dir, Sovet İttifaqının dağılmasından sonra sərhəddə onlarla mübahisəli hissələr qalıb. Demarkasiya və delimitasiya üzrə danışıqlar prosesi 2002-ci ildə intensivləşib və o vaxtdan indiyədək komissiyaların və işçi qrupların iki yüzə yaxın iclası keçirilib. Hazırda sərhədin delimitasiyası və demarkasiyası prosesində sərhəddən keçən xəttin 550 km-ə yaxını artıq təsvir edilib. Lakin indiyədək iki ölkənin sərhədində yerli sakinlər arasında bəzən münaqişələr yaranır ki, bu da tez-tez atışmalarla müşayiət olunur.

Türkiyə Rusiya ilə Ukraynaya çağırış etdi

Türkiyə Rusiya ilə Ukraynaya çağırış etdi

Türkiyə Rusiya ilə Ukrayna arasında gərginliyin artmasının heç kimin mənafeyinə yaxşı təsir etməyəcəyi qənaətindədir.

YAZTV "Sputnik"ə istinadla bildirir ki, bu barədə Türkiyə Milli Təhlükəsizlik Şurasının (MTŞ) Prezident Rəcəb Tayyib Ərdoğanın sədrliyi ilə bu gün keçirilən iclasından sonra yayılan bəyanatında deyilir.

İclasda 2021-ci ildə Türkiyənin milli təhlükəsizliyi üçün mühüm əhəmiyyət kəsb edən siyasi, hərbi, iqtisadi və sosial inkişafın bütün aspektləri, 2022-ci ildə ehtimal edlən çətinliklər və görüləcək fəaliyyətlər hərtərəfli qiymətləndirilib.

 Beynəlxalq əlaqələrə gəlincə, Rusiya ilə Ukrayna arasında gərginliyin son vaxtlar daha da artdığı önə çəkilərək tərəflər sağlam düşüncə ilə gərginliyi azaltmağa çağırılıb.
 Həmçinin Türkiyə və Ermənistanın konstruktiv və səmimi səyləri ilə Cənubi Qafqazda sülh və sabitliyin möhkəmləndirilməsi istiqamətində yaradılmış mexanizmlərin təkmilləşdirilməsinin əhəmiyyəti vurğulanıb.

Yunanıstanın beynəlxalq hüququ ehtiyatsızcasına pozub, təhrif etdiyi, müqavilələri pozaraq adaları silahlandırmaqda israrlı olduğu qeyd olunub və bu dövlət yenidən dialoqa dəvət edilib.

Türkiyədə koronavirusla bağlı son vəziyyət

Türkiyədə koronavirusla bağlı son vəziyyət

Türkiyədə son sutkada COVID-19-dan 174 nəfər ölüb.

YAZTV xəbər verir ki, son sutkada 424 164 nəfər test edilib, onların 82 180-nin nəticəsi pozitiv çıxıb.

Son 24 saatda COVID-19-dan 83 225 nəfər sağalıb. (unikal org)

Mövlud Çavuşoğlu: "Nikol Paşinyan Türkiyəyə səfər edəcəyinə söz verib"

Mövlud Çavuşoğlu: "Nikol Paşinyan Türkiyəyə səfər edəcəyinə söz verib"

Ermənistanın Baş naziri Nikol Paşinyanın Türkiyəyə səfər edəcəyi gözlənilir.

YAZTV xəbər verir ki, bu barədə Türkiyə xarici işlər naziri Mövlud Çavuşoğlu Mərkəzi Afrika Cümhuriyyətindən olan həmkarı Sylvie Baipo-Temonla birlikdə keçirdiyi mətbuat konfransında deyib.

O bildirib ki, Türkiyə-Ermənistan əlaqələrinin normallaşması davam edir. Xüsusi nümayəndələrin Moskvada ilk görüşünün olduğunu xatırladan XİN başçısı vurğulayıb ki, onlar mütəmadi olaraq telefonla əlaqə saxlayırlar:

"Fevral ayından etibarən qarşılıqlı uçuşlar başlayacaq. Antaliya Diplomatiya Forumunda 50 nazir, 30 beynəlxalq təşkilatın nümayəndəsi iştirak edəcək. Hər kəsin səsinin eşidilməsini istəyirik. Biz buraya Ermənistan nümayəndələrini də dəvət etmişik. Ermənistan xarici işlər naziri Ararat Mirzoyan və xüsusi nümayəndə Rubin Rubinyan Antalta diplomatiya forumunda iştirak edəcəklər. Ermənistanın Baş naziri Nikol Paşinyan da gələklərini deyib. Gəlsələr, məmnun olarıq”.