Thursday, 24 İyun 2021 13:15
Yeni Azərbaycan Televiziyası
Bakı
İstanbul
Moskva
Ronaldu Buffonun rekordunu qırdı

Ronaldu Buffonun rekordunu qırdı

Portuqaliya millisinin futbolçusu Kriştianu Ronaldu Avropa çempionatlarında daha bir rekord vurub.

YAZTV xəbər verir ki, ulduz hücumçu yarışın seçmə və final mərhələlərində ümumilikdə ən çox oyun keçirən futbolçu olub.

 

Ronaldo qrup mərhələsinin III turunun Fransa ilə görüşündə 59-cu qitə çempionatı matçına çıxıb. O, bu göstəricidə italiyalı qapıçı Canluici Buffonu arxada qoyub.

Qeyd edək ki, Ronaldu Avropa çempionatlarının həm final mərhələlərində, həm də ümumilikdə ən çox qol vuran (publika az)

Rahidlə bağlı qərar verildi - Rəsmi

Rahidlə bağlı qərar verildi - Rəsmi

“Səbail” yarımmüdafiəçisi Rahid Əmirquliyev ilə müqavilənin müddətini artırıb.

YAZTV klubun rəsmi saytına istinadən xəbər verir ki, kapitanla imzalanmış anlaşmaya əsasən, 32 yaşlı futbolçu daha 1 il “dənizçilər”in formasını geyinəcək.

Qeyd edək ki, millimizin sabiq üzvü 2018-ci ildən "Səbail"də çıxış edir. (qol az)

De Byazi millimizdən gedirmi? - Özü danışdı

De Byazi millimizdən gedirmi? - Özü danışdı

Milli komandamızın baş məşqçisi Canni de Byazi Azərbaycandan ayrılaraq İtaliya klublarından birini çalışdıracağı haqda yayılan xəbərlərə aydınlıq gətirib.

İtaliyalı mütəxəssis YAZTV saytına verdiyi açıqlamada bildirib ki, bu məlumatlar həqiqəti əks etdirmir və tamamilə yalandır: “Mənim Azərbaycan millisi ilə davam edən müqaviləm var və buna hörmətlə yanaşıram. Burda hər şey mənim üçün yaxşıdır”.

 AFFA-nın mətbuat xidmətinin rəhbəri Firuz Abdulla isə Qol.az-a açıqlamasında deyib ki, Canni de Byazi peşəkar məşqçidir, müqaviləsinə hörmətlə yanaşır: “İtaliya mətbuatında yazılarla bağlı bizdə heç bir rəsmi məlumat yoxdur”.

Qeyd edək ki, İtaliyanın bəzi saytlarında bu gün yayılan xəbərlərdə iddia olunub ki, Canni de Byazi “Sampdoriya” klubunu çalışdıracaq. (qol az)

Ronaldudan unikal göstərici: Rekordu təkrarlamağa 1 qol qaldı

Ronaldudan unikal göstərici: Rekordu təkrarlamağa 1 qol qaldı

Portuqaliya millisinin futbolçusu Kriştianu Ronaldu yığmada 108-ci qolunu vurub.

YAZTV-nin məlumatına görə, 36 yaşlı hücumçu Fransa ilə Avropa çempionatının F qrupunun III tur matçında penaltidən fərqlənib.

O, rəqib qapılarına daha bir dəfə yol tapsa, İran millisinin Azərbaycan əsilli keçmiş forvardı Əli Daeinin rekordunu təkrarlayacaq. Növbəti qol isə Ronaldunu mütləq rekordçu edəcək.

Bundan başqa, təcrübəli futbolçu dünya və Avropa çempionatlarında vurulmuş qolların sayına görə ilk pilləyə yüksəlib. Hazırda onun aktivində ümumilikdə 20 qol var. O, bu qolların 13-nü qitə çempionatında, 7-ni isə mundialda vurub.

Qeyd edək ki, Portuqaliya - Fransa matçında ilk hissədən sonra hesab bərabərdir - 1:1.

Pərviz Abdullayev İstanbulda döyüşəcək

Pərviz Abdullayev İstanbulda döyüşəcək

Azərbaycanın və “Qəbələ” İdman Klubunun kikboksçusu Pərviz Abdullayev növbəti döyüşünü keçirəcək.

""YAZTV xəbər verir ki, 77 kq çəki dərəcəsində çıxış edən 35 yaşlı idmançı iyunun 26-da Türkiyənin İstanbul şəhərində təşkil olunacaq “Akın döyüş arenası” turnirində qüvvəsini sınayacaq.

Abdullayev Braziliya idmançısı Gilyerme Rodriqo Ferreyra ilə üz-üzə gələcək. Qarşılaşma “Yahya Kemal Beyatlı Göstəri Mərkəzi”ndə baş tutacaq.

Qeyd edək ki, bu, Abdullayevin peşəkarlar arasında 56-cı döyüşü olacaq. O, bunadək keçirdiyi 55 qarşılaşmada 49 qələbə qazanıb. Pərviz 26 dəfə rəqiblərini nokautla məğlub edib. (report az)

Avro-2020-də 12-ci gün

Avro-2020-də 12-ci gün

Avro-2020-nin qrup mərhələsi davam edir.

YAZTV xəbər verir ki, 12-ci oyun günündə 3-cü turun 2 matçı keçiriləcək.

D qrupunda Çexiya İngiltərə ilə, Xorvatiya isə Şotlandiya ilə qarşılaşacaq. Hər iki matç 23:00-da start götürəcək.

Avro-2020, 3-cü tur

D qrupu

23:00. Çexiya - İngiltərə
Baş hakim:
 Artur Diaş (Portuqaliya)
London. "Uembli" stadionu

 

23:00. Xorvatiya - Şotlandiya
Baş hakim:
 Fernando Rapallini
Qlazqo. "Hempden Park" stadionu (qol az)

UEFA Forsberqi seçdi

UEFA Forsberqi seçdi

UEFA Avro-2020-nin qrup mərhələsinin sonuncu turunda keçirilən İsveç - Polşa matçının (3:2) ən yaxşı oyunçusunu açıqlayıb.

YAZTV qurumun saytına istinadən saytına istinadən xəbər verir ki, İsveç millisinin üzvü Emil Forsberq görüşün ən yaxşısı seçilib.

 Qeyd edək ki, 29 yaşlı hücumameyilli yarımmüdafiəçi sözügedən matçda dubla imza atıb. (qol az)
“Barselona”nın sabiq futbolçusu “Şaxtyor”da

“Barselona”nın sabiq futbolçusu “Şaxtyor”da

Ukraynanın “Şaxtyor” klubu heyətini yeni futbolçu ilə gücləndirib.

YAZTV xəbər verir ki, Donetsk təmsilçisi İtaliyanın “Sassuolo” klubundan Marlonu transfer edib. Bu barədə klubun mətbuat xidməti məlumat yayıb. 25 yaşlı braziliyalı müdafiəçi ilə beş illik müqavilə imzalanıb.

 Qeyd edək ki, 2016-cı ildə Braziliyanın “Fluminense” klubundan beş milyon avroya “Barselona”ya keçən Marlon 2018-ci ildə "Sassuolo”ya transfer olunub. (qol az)
Millimiz Fransaya qalib gəldi

Millimiz Fransaya qalib gəldi

Çimərlik futbolu üzrə Azərbaycan millisi dünya çempionatının seçmə mərhələsində ilk oyununa çıxıb.

YAZTV” xəbər verir ki, yığma Portuqaliyanın Nazare şəhərində Fransa seçməsi ilə üz-üzə gəlib.

 Qarşılaşma Azərbaycan yığmasının 2:0 hesablı qələbəsi ilə bitib. Komandanın qollarını 9 və 26-cı dəqiqədə Sabir Allahquliyev vurub.

Qrupun digər oyununda Estoniya və İsveçrə yığmaları üz-üzə gələcək. (qafqazinfo az)

Azərbaycan Tokio Yay Paralimpiya Oyunlarına 20-ci lisenziyanı qazanıb

Azərbaycan Tokio Yay Paralimpiya Oyunlarına 20-ci lisenziyanı qazanıb

Birləşmiş Ərəb Əmirliklərinin (BƏƏ) Dubay şəhərində keçirilən Dünya kubokunda Azərbaycan pauerliftinqçisi Şamo Aslanov gümüş medal qazanıb.

Milli Paralimpiya Komitəsindən  verilən məlumata görə, 107 kq çəki dərəcəsindəki idmançı 223 kq nəticə göstərib.

Reytinq xalları qazandıran əvvəlki yarışlarda da yüksək nəticə əldə etmiş Aslanov Tokio-2020 Yay Paralimpiya Oyunlarında Azərbaycanı təmsil edəcək.

Qeyd edək ki, indiyədək Azərbaycan paralimpiyaçıları Tokio-2020-yə 20 lisenziya qazanıb. Onlardan 8-i atletika, 4-ü para-taekvando, 3-ü üzgüçülük, 3-ü pauerliftinq və 2-si güllə atıcılığı növündədir. (report az)

Həyatında ilk dəfə zinət əşyası taxdığını etiraf etdi

Həyatında ilk dəfə zinət əşyası taxdığını etiraf etdi

Danimarka millisinin baş məşqşisi Kasper Yulmann həyatında ilk dəfə Avro-2020-nin qrup mərhələsinin 3-cü turunda Rusiya ilə matçda (4:1) zinət əşyaları taxıb.

YAZTV xəbər verir ki, bu barədə o,  "BT"yə açıqlamasında deyib:

 “Futbolçularla fəxr edirəm. Bu Avropa çempionatında heç bir şey göstərməsəydik, haqsızlıq olardı. Əvvəllər heç vaxt zinət əşyası taxmamışdım. Bu matç üçün həyatımda ilk dəfə bunu etdim. Taxdığım qolbağın üzərində kiçik bir futbol topu var". (qol az)
AVRO-2020: Fransalı hücumçu digər oyunlarda iştirak etməyəcək

AVRO-2020: Fransalı hücumçu digər oyunlarda iştirak etməyəcək

Fransa millisinin futbolçusu Usman Dembele Avropa çempionatının qalan hissəsini buraxacaq.

""YAZTV AFP-yə istinadən xəbər verir ki, buna 24 yaşlı hücumçunun zədələnməsi səbəb olub.

Forvard F qrupunun ikinci turunda Macarıstanla 1:1 hesablı heç-heçə etdikləri oyunun 87-ci dəqiqəsində sıradan çıxıb. 57-ci dəqiqədə meydana girən oyunçu dizindəki problemə görə əvəzlənməli olub.

İspaniya "Barselona"sından yığmaya çağırılan hücumçunun mərpa müddətinin uzun çəkəcəyi müəyyənləşib.

Qeyd edək ki, AVRO-2020 iyulun 11-də başa çatacaq. (report az)