Saturday, 23 Oktyabr 2021 08:57
Yeni Azərbaycan Televiziyası
Bakı
İstanbul
Moskva
İlham Əliyev Macarıstan Prezidentini təbrik etdi

İlham Əliyev Macarıstan Prezidentini təbrik etdi

Azərbaycan Prezidenti İlham Əliyev Macarıstanın Prezidenti Yanoş Aderə təbrik məktubu ünvanlayıb.

YAZTV xəbər verir ki, təbrik mətnində deyilir:

“Hörmətli cənab Prezident,

 

Macarıstanın milli bayramı münasibətilə Sizə və xalqınıza öz adımdan və Azərbaycan xalqı adından səmimi təbriklərimi və xoş arzularımı yetirirəm.

Biz Azərbaycan-Macarıstan münasibətlərinin hərtərəfli inkişafına mühüm əhəmiyyət veririk. Strateji tərəfdaş olan ölkələrimizi birləşdirən sıx dostluq və əməkdaşlıq münasibətləri bu gün yüksək səviyyəli siyasi dialoq, iqtisadi-ticari, humanitar və digər sahələrdə yeni məzmunla zənginləşir.

Əminəm ki, ölkələrimiz arasında qarşılıqlı etimad və dəstəyə əsaslanan əlaqələr, səmərəli əməkdaşlığımız bundan sonra da xalqlarımızın rifahı naminə uğurla inkişaf edəcək və genişlənəcəkdir.

Bu bayram günündə Sizə möhkəm cansağlığı, xoşbəxtlik, dost Macarıstan xalqına daim əmin-amanlıq və firavanlıq diləyirəm” .

Prezident ailəsi ilə açılışlara qatıldı

Prezident ailəsi ilə açılışlara qatıldı

Oktyabrın 22-də Azərbaycan Prezidenti İlham Əliyev, birinci xanım Mehriban Əliyeva və qızları Leyla Əliyeva Milli Gimnastika Arenasının yeni məşq binasında yaradılan şəraitlə tanış olublar.

YAZTV” xəbər verir ki, bu barədə Prezidentin Mətbuat xidməti məlumat yayıb.

 ***

Prezident İlham Əliyev, birinci xanım Mehriban Əliyeva və qızları Leyla Əliyeva Bakıda DOST İnklüziv İnkişaf və Yaradıcılıq Mərkəzinin açılışında iştirak ediblər.

  


Azərbaycanla BMT arasında bağlanmış sazişin müddəti uzadılır

Azərbaycanla BMT arasında bağlanmış sazişin müddəti uzadılır

“Azərbaycan Respublikası Hökuməti ilə Birləşmiş Millətlər Təşkilatının Ərzaq və Kənd Təsərrüfatı Təşkilatı arasında FAO-Azərbaycan Tərəfdaşlıq Proqramı haqqında" sazişin qüvvədəolma müddəti uzadılır.

YAZTV-nin xəbərinə görə, 2015-ci il mayın 25-də imzalanmış sazişin qüvvədəolma müddəti tərəflərin saziş üzrə öhdəliklərinin yerinə yetirilməsinin davam etdirilməsi və başa çatdırılması məqsədilə 2021-ci il dekabrın 31-dək uzadılır.

Sazişin qüvvədəolma müddətinin uzadılmasına dair protokol Milli Məclisdə müzakirəyə çıxarılacaq.

Previous Next

Bakı sakinləri eyvanlarından Prezident İlham Əliyev və birinci xanımı salamlayıblar

Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva oktyabrın 22-də Bakıda DOST İnklüziv İnkişaf və Yaradıcılıq Mərkəzinin açılışında iştirak ediblər.

YAZTV xəbər verir ki, mərkəzin yaxınlığındakı çoxmərtəbəli binanın sakinləri mənzillərinin eyvanlarından Prezident İlham Əliyevi, birinci xanım Mehriban Əliyevanı və qızları Leyla Əliyevanı salamlayıblar.

Prezidentin köməkçisi: “Türk dövlətləri bütün beynəlxalq arenalarda bir-birini qəti şəkildə dəstəkləyir”

Prezidentin köməkçisi: “Türk dövlətləri bütün beynəlxalq arenalarda bir-birini qəti şəkildə dəstəkləyir”

“Bu gün biz Türk Şurası dedikdə qardaş ölkələrimiz arasında bütün sahələri əhatə edən hərtərfli əməkdaşlığı görürük. Bu, ilk növbədə siyasi əməkdaşlığımızdır. Dövlətlərimiz bütün beynəlxalq arenalarda bir-birini qəti şəkildə dəstəkləyir”.

YAZTV xəbər verir ki, bunu Azərbaycan Respublikası Prezidentinin köməkçisi - Prezident Administrasiyasının (PA) Xarici siyasət məsələləri şöbəsinin müdiri Hikmət Hacıyev İstanbulda keçirilən Türk Şurası Mediaforumunda çıxışı zamanı deyib.

“2019-cu ildə Bakıda keçirilmiş Zirvə toplantısında cənab Prezident İlham Əliyev tərəfindən qeyd edildiyi kimi, Azərbaycan öz sədrliyi dövründə əməkdaşlığımızın hərtərəfli inkişafına hər bir vəsilə ilə töhfə verməyə davam edəcək və bu əzmini ortaya qoyub. Məmnunluqda deyirəm ki, biz Azərbaycanın sədrliyi dövründə əməkdaşlığımızı daha da genişləndirdik”, - Prezidentin köməkçisi vurğulayıb.

Rusiya şirkətləri Azərbaycan ərazilərinin bərpasında iştirak etməyə hazırdır - Mariya Zaxarova

Rusiya şirkətləri Azərbaycan ərazilərinin bərpasında iştirak etməyə hazırdır - Mariya Zaxarova

Rusiyanın iqtisadi operatorları postkonflifkt ərazilərin bərpasında iştirak etməyə hazırdırlar.

YAZTV xəbər verir ki, bu barədə Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bu gün keçirdiyi ənənəvi brifinqdə bildirib.

Onun sözlərinə görə, Rusiyanın biznes missiyası bu il iyulun 23-də Bakıda səfərdə olub.

“Rusiyanın yerli şirkətlər qrupu 17-18 noyabr tarixlərində yenidən Azərbaycana səfər etməyi planlaşdırır. Praktiki planda həyata keçirilən əməkdaşlığa nümunə olaraq oktyabrın 4-də Cəbrayıl rayonunda “KamAZ” və “Gəncə Avtomobil Zavodu”nun birgə servis mərkəzinin təməlinin qoyulmasını göstərə bilərik. Biz əlbəttə ki, Rusiya biznesinin Azərbaycanda genişlənməsində maraqlıyıq. Bu cür birgə işə Moskva və Bakının münasibətlərinin vacib tərkib hissəsi kimi baxırıq”, - Rusiya XİN rəsmisi vurğulayıb. (unikal org)

Hikmət Hacıyev: “İşğal dövründə Qarabağda bütün müsəlmanlar təhqir olunub”

Hikmət Hacıyev: “İşğal dövründə Qarabağda bütün müsəlmanlar təhqir olunub”

“Qarabağda Azərbaycan və digər türk xalqlarına məxsus olan böyük mədəni irs var. İşğal dövründə Azərbaycan xalqına məxsus olan 67 məscid nəinki məhv edilib, Azərbayacan xalqına, bütün müsəlmanlara təhqir olaraq bu məsidlərdə donuz saxlanılıb”.

YAZTV xəbər verir ki, bunu Azərbaycan Respublikası Prezidentinin köməkçisi - Prezident Administrasiyası Xarici siyasət məsələləri şöbəsinin müdiri Hikmət Hacıyev İstanbulda keçirilən Türk Şurası mediaforumunda çıxışı zamanı deyib.

“Azərbaycan xalqının əzmi odur ki, Qarabağı yenidən qursun, türk, İslam sivilizasiyasının mərkəzi məntəqələrindən biri kimi Qarabağın tarixi nüfuzunu özünə qaytarsın. Biz əminik ki, qardaş türk ölkələri də bu prosesdə Azərbaycanın yanında olacaqlar. Bu məsələdə də biz birlikdə fəaliyyət göstərəcəyik”, - o vurğulayıb.

Milli Məclisdə Qarabağ zəfərinin ildönümünə həsr olunan konfrans keçirilir

Milli Məclisdə Qarabağ zəfərinin ildönümünə həsr olunan konfrans keçirilir

Milli Məclisdə Azərbaycanın Vətən müharibəsində möhtəşəm qələbəsinin 1-ci ildönümünə həsr olunan "Zəfər bayramı" adlı konfrans keçirilir.

YAZTV-nin xəbərinə görə, toplantını parlamentin Müdafiə, təhlükəsizlik və korrupsiya ilə mübarizə komitəsi təşkil edib.

Tədbirdə Azərbaycanın Vətən müharibəsində əldə etdiyi qələbə, işğaldan azad olunan ərazilərdə həyata keçirilən bərpa-quruculuq işləri barədə müzakirələr aparılır.

Mehriban Əliyeva Zəngilan səfərindən görüntü paylaşdı - VİDEO

Mehriban Əliyeva Zəngilan səfərindən görüntü paylaşdı - VİDEO

Azərbaycan Respublikasının Birinci vitse-prezidenti Mehriban Əliyeva rəsmi instaqram səhifəsində Zəngilan səfərindən görüntü paylaşıb.

YAZTV xəbər verir ki, paylaşımda deyilir: “Doğma Vətən”.

https://www.instagram.com/firstvicepresidentazerbaijan/?utm_source=ig_embed&ig_rid=0f75220b-b07e-4f70-be46-eaf869ffd71a

Keçmiş icra başçısına hökm oxundu

Keçmiş icra başçısına hökm oxundu

Kürdəmir Rayon İcra Hakimiyyətinin sabiq başçısı Ceyhun Cəfərovun cinayət işi üzrə məhkəmə prosesi başa çatıb.

"YAZTV" xəbər verir ki, Lənkəran Ağır Cinayətlər Məhkəməsinin hökmü ilə C.Cəfərov 8 il 6 ay müddətə azadlıqdan məhrum edilib.

 Onunla birgə həbs edilən Tacəddin Novruzov və Natiq Kərimova 8 il 6 ay, Eynulla Novruzov, Məhəmməd Musayev, Mətləb Allahverdiyev və Rəcəb Hüseynova 8 il 3 ay, Sərvər Məmmədova 2 il 6 ay həbs cəzası, Məhəmmədəli Surxayevə 3 il müddətə azadlığın məhdudlaşdırılması cəzası təyin edilib.

Xatırladaq ki, təqsirləndirilən şəxslər vəzifə səlahiyyətlərindən sui-istifadə etməkdə, rüşvət almaqda ittiham edilib. (qafqazinfo az)

Ərdoğan: "Beynəlxalq media orqanları Ermənistanın rəsmi xəbər agentliyi kimi davrandılar"

Ərdoğan: "Beynəlxalq media orqanları Ermənistanın rəsmi xəbər agentliyi kimi davrandılar"

“Ermənistan ordusunun mülki insanları hədəf alan qətliam və raket hücumları heç gündəmə gəlmədi. Beynəlxalq media orqanları Ermənistanın rəsmi xəbər agentliyi kimi davrandılar”.

YAZTV xəbər verir ki, bu fikirləri Türkiyə Prezidenti Rəcəb Tayyib Ərdoğan Türk Şurası mediaforumunda videoformatda çıxışı zamanı deyib.

O, beynəlxalq ictimaiyyətin İkinci Qarabağ müharibəsindəki mövqeyinə də diqqət çəkib: “Tariximizin, millətimizin dəyərlərini hədəf alan bir çox mövzuda eyni mövqelərlə qarşı-qarşıyayıq. Müdafiə və hərbi məsələlərdə xarici qüvvələrə bel bağlamadığımız kimi, informasiya məsələsini də başqalarına həvalə edə bilmərik Türk dünyası olaraq bu məsələdə gücümüzü bir yerə qoymalı və əlimizədəki imkanların ən təsirli formasını axtarmalıyıq”.

Üç rayona yeni prokurorlar təyin edildi

Üç rayona yeni prokurorlar təyin edildi

Baş prokuror Kamran Əliyev yeni təyinatlarla bağlı müvafiq əmrlər imzalayıb. 

Baş Prokurorluqdan YAZTV-yə bildirilib ki, əmrlərlə Rahim Səfəralıyev Xızı rayon prokuroru, Kamal Talıbov Şirvan şəhər prokuroru, Fuad Məmmədov isə Binəqədi rayon prokuroru təyin edilib.