Qardaşı arvadını və övladlarını ölümlə hədələyən şəxs saxlanıldı

Sabirabadda qardaşının arvadını və övladlarını ölümlə hədələyən şəxs saxlanılıb.

Bu barədə  Daxili İşlər Nazirliyindən məlumat verilib.

Sabirabad Rayon Polis Şöbəsinə Qarağac kənd sakini olan bir qadının və övladlarının öldürüləcəyi ilə hədələnmələri barədə müraciət daxil olub.

Polis əməkdaşlarının keçirdiyi əməliyyat tədbiri nəticəsində bu əməli törətməkdə şübhəli bilinən həmin qadının qaynı R.Süleymanov müəyyən edilərək saxlanılıb.

Ondan qanunsuz saxladığı “İJ” markalı ov tüfəngi götürülüb.

Faktla bağlı araşdırma aparılır.