Türkiyə Silahlı Qüvvələrinin yeni pilotsuz uçuş aparatı ilk dəfə “Teknofest”də nümayiş etdirilib

Türkiyə Silahlı Qüvvələrinin yeni pilotsuz uçuş aparatı ilk dəfə “Teknofest”də nümayiş etdirilib

Türk Aviasiya və Kosmos Sənayesi (TUSAŞ) tərəfindən Türkiyə Silahlı Qüvvələri (TSK) üçün xüsusi hazırlanan “Aksungur” pilotsuz hava vasitəsi (İHA) ilk dəfə “Teknofest”də nümayiş etdirilib.

YAZTV xəbər verir ki, 18 ay ərzində hazırlanan “Aksungur”un bu ilin sonuna qədər TSK-ya təhvil verilməsi planlaşdırılır. Hərbi məqsədlə ilk dəfə Türkiyənin Hərbi Hava Qüvvələri tərəfindən sınaqdan keçiriləcək İHA-nın digər anoloji məhsullarına nisbətən daha çox havada qaldığı və bununla da vaxt itkisinin qarşısının alınacağı bildirilir. İstehsalçı tərəfindən keçirilən ilkin sınaqlardan sonra “Aksungur” Türkiyənin Adana vilayətində yerləşən Şakirpaşa hava limanından uçaraq “Teknofest”ə qatılıb. (AZƏRTAC)